Waveform view

T30

Recording date	2008
Speaker age	71
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

juiti unaekchowyorepo to vyeʔe gravasión juiti pjuena tyotko jueve veintisey de junio en to año dos mil ocho se psuka Panchita tyutekworepo nuti nkíjare Leonardo ene eto vechjisʔoyre juiti eno no kopeni tyuchkoniji eno no no chiñonono eno chiñonono tsaeikono ene kopeni te to na naeraʔiko no nachichanove ʔchiʔchoʔono en nawooʔiji nómecha noma chu eno titjiikowono timiktichwono eno no ma taeya to ʔmóperu naejchopo to emariʔi to emagienerijcha ma naeya takoʔe mamo mamuiji te to oypuka smeno mamechowkopo no ʔmoperono takeeʔi eto eto nechopiko naechjisʔo eno viochkonini juititsero woʔipo tyuchkano wo vimʔa wo vimʔa nsamtsero nuti kopeni te to m te to nowrikrichʔo te to kampo tsaeikono eno chiñonono tsaeikono ene eno chiñonono en tájina wo vjikpa viti enjooʔiji najikpo to n napuiirisrano ts nasaeíkopo ene majichpo ema ma ʔchane ~~makejwopsi~~ makejworichpuka tpuikopooʔi te to ʔchene ene akompañachanchujcha akchánenu majichchujcha ema chu manjeʔe nemnaksare majichchujcheji ene tyono ema ma ʔchane titekpo te to mapeno ene tajna majíchapo wo maato to giore chu wipo muemʔa te ʔto ʔchene mayonʔopriʔi chu etjo to mueperajono tiñemʔono kuñarogiono to manjeʔe to giore tpikkore jichu wo vimʔognena tanistuka ma ʔchane ene takjorapo eto takeeʔi eto eto nechopiko eto to naechjisʔo eno chiñonono to ene enjooʔi nokñojooʔi tkowsano te to enopookochu tkowsano te to ymómoji te kogiure tamutchujcha nowʔopriʔi piʔa to tajpuka to vjíchapo wakepaarajpooʔi te to wkootoka su ʔseno vianjigia eto to ymómoji ene seguro eto to viammoʔoyore te to vcháragi oypuka te ypuegie viammoʔoyore chu naepru eto to to manjeʔe to m taepʔa taepʔa eto to to ywooʔognena viti ene wakjuma takija tkitkowokovi ene wayereʔipo te ʔto ʔpogʔe te to cháku wakʔejreʔupo wkúpuiko enotsero no ~~tit~~ titkono timotyono to ʔpuuji joka epchoka taveʔa pjokro ʔtureyore nakepo ene naepchokpo ene toriiʔo jmani jmañono tyowʔono te kochno jmani naejarecho tachicharagra o etopuka jma kuti taejgi to kjiure Ene eto naepchoko manjeʔe nayuwajiko naveʔo no timottikono to ʔpuuji chuu siempre eno no como kuti naturista eno no ʔchañono makaripo viya Juan Noco te pjoka ema naturista jmaka tkopeno te tachokio pjo kavildo indigenal muemoti to ꞌpuujono ene muepchoka to tajpuka to ʔpuuji ~~makoj~~ makojmagne ma ʔchane su ʔseno ene takonarakyore takonarako chu tamichruko to ʔpuuji tomuire to ʔpuuji tkogienuuʔi chu eto eto manjeʔe naejarecho no kroyonono es vegetal silvestre nakoʔe eto hoja o manjeʔe to arból silvestre ene viti e ene vjicho to vimotgiene takoʔeyriʔi eto mani ʔpuujono tamutu tkogienuwko to vechjigia vechjigia nwooʔo nkiprujviyre vjichapo ene ene tkonarakavi ene muchas veces to kopeni yveʔpo to tapókogi tajpuka tapore vkiprujyore ene wo ymétaka yvirarichu vyuwajikpo vepchokpo ene ~~etjoowi~~ wo titkavi jichu wo wo ymetakaaʔi jichu tamutu tkogienono to s manjeʔe smenogirano tapókoji ene to ymétaka titkóraʔi wnáraka to vijumariʔi takeeʔi juiti eto swooʔooʔi psuka Panchita manjeʔe techokoriono te pjoka viowsa te pjoka Trinra tamutu piʔa kopeni te to ~~nowrik~~ nowrikrichʔo te to kampo ene mpuiiriko nñono nanjiko to ymomojono smeno ʔo etjooʔi etjo tkochrioknu to tiempo yotpoposinu yotpoposinu etjooʔ mpuiko to yoti ene mpiko tyujchókanu to tajpuka tkove nakpa o kchiru etoripo to giore noktáyaka tnígianu ene woʔrichpukatsero te to tajnapka to njichapooʔi te to te to nsamre takoʔe tajna wo nokpojgia to giore wi nokpojko to sachepuka pero tyjúnopo wi wipka nñeʔena nuremraʔrichpuka nae ʔno ʔchañono takoʔe ema ma wo toremraʔi mamuire takuchoko eto to kuñarogi ~~tanis~~ to tanistuka to tajpuka tajóracha tamutchujcha to etoripo pjoka tyore tyore tpuiiriko tpuiiriko to yoti m ene ~~tkuchoko~~ tkuchokuʔavi ene tetereʔuchavi tnigiavi takuti to ʔchini juiti tajnapo to ʔchinina ~~timi~~ timeririjigiapojcha ene ʔeto jmani tyore eto etjo movera te jmani wo vimʔa viti etjo to tayumrujsiʔwo eto te to tyuupuʔono ʔjiorejono takeeʔi eto juiti eto no eno ʔchañono ʔpowsajekono najicho no viochkonini eno ʔchañono ʔpowsajekono chu ʔponarichu to nakowsáraʔi tkowsano te to ʔchope smeno ymomojono kogiurekono ene nakowsa eno no ʔchañono pero viti wo vimʔa nokñojooʔi ʔchañono eneripo te pjokni te towʔo to mari to mari te pjokro serranía nomuire nokñojooꞌi marikunano eno eno tkowsano tayeʔe te to marikunano te to tyanano no najpuka oypuka takjumarajono ene naeʔaeji eno no no ma kristianu en takjuma tépena tépena tajina manjeʔe wi tajina wi takitko to tajpuka no ~~ʔmuu~~ ʔpuujono ene tepena ema ꞌchane namutu winarajono eno no ʔchañono pnokni te pjoka te pjoka ʔpogʔe pero ~~nkee~~ wi wi wo vimʔa pero tsaeikono kopeni eno chiñonono naroto eno no ʔpomriono piʔa to muechjisʔo ema ma viya nñeʔeni nemnaksareni viya Facundo Semo techjirikwo ema nñeʔe marotopuiji eno chiñonono yotyoopo yotyoopo ooyo pkíjʔeyre majichpo te mpeno majich psena pyeno muenjaaʔi muena muena ʔpona ʔchane timokongierekooʔi ~~tkokomjem~~ tkokomjiwko majichpo najichpuiji ene majich ene piʔajcharo juiti pimʔoyre viti wo vaepiaʔraʔi majichpuiji ene wkompañachowyore vyonyo vkochanevyore tájina paggiowyore tajina o tajna amina juiti tmopkuripo pjuena yoti pero viti vkochanevyore ene pkoyʔe to awariente majichpuiji najichpuiji eno apinano jokjaaʔi awooʔo era majichpuiji ywooʔo najichpuiji ~~mavej~~ mavejtapachopuiji te to manjeʔe karamañola te to karamañola eto to awariente naeriji eto to awariente puro tyuri rusrupaya najich awooʔo asapgia majichpuiji eno nwooʔo naemsapiikopuiji to nasapru ene eto to nasapriyʔe eno kutchujcheji wakaechkopa to taepʔa masapkopiji masapkopuiji ene to majwopuiji em awooʔo asapgia pjo nsapru na majichpuiji ema viya Fakundini Semuini ywooʔo najichpuiji muetsakpuiji to eto tkayu tayro ʔeto to mayeʔe paperiño eto to ʔmuʔji eto eto takayroʔmuʔriʔi wipo nitka nechjigia to tayroʔmuʔi ~~tay~~ manjeʔe to manjeʔe to tayeʔeriʔi papeliño ene muetsakpuiji to mayeʔe fútrika mayustakpuiji eto mamichrukpuiji enerich tyuchkopo to tyjore tyjunopookompuiji eno no ~~chiñoñon~~ chiñonono woʔiji najikpuigia eto to manjeʔe taepʔa to sapriyʔe viti te pjoka to saware wo najikpuigia tyjunopopuikompuiji ma ʔpona tsaeikopuiji te ʔpochkoyo ma ʔpona tsaeikopuiji pero wo etochujcha to wo najikpuigiariʔi eto to manjeʔe saware vyeʔeyʔe viti to wsapru piʔa nuti nsapko nomuire nñono nwachriko mue jma selada ene tyuuna to saware ene tyuusapi tijye to vyeʔeyʔe viomuire asike tomuire ʔpuuji tajpuka vepchoka to vjora ene ene tkonarakovi takuti pjoka alcol tajpuka arrewatina ma ʔchane ene nanokapo to ponchi to tijre ene mueroyore ma ʔchane ene taroto takopajukyore to chu eto ttúmmako makoyʔe ma ʔchane takeeʔi juiti eto nechjiriikowriʔi to to tayeʔono pnokni ʔchañono te pjoka ʔpogʔe wkompañerono wkompañerono nomuire pero eno tkowsano te to smenjeku te to smenjeku enjo nomuire eno ʔchanekunano vjicho viti viti trinranono ʔchanekunano piꞌa to ꞌmoyo te to tvenopopka te to tachiirira ene tkovekuna wkoꞌe ene wo timka to ʔmoyo tyooʔokpo tiyoʔopo ene eno no ꞌchanekunano naveꞌriꞌi to naveꞌo to nagiekrupe piʔa piʔa te to etjopka to mecha o kojepuka etjo to vkunaraʔi ene mopona to vkunaraʔono to vgiekrupe takepka to vgiekrupe mopona takoʔe to naveʔpo to towgiene nakootokpo to magiekrupe ma ʔmoyo ʔsenopuka ene manjeʔe wipo timka te ~~nakoropo~~ naaveʔpo nakootokon to ʔpona magiekrupe ene te tamutpo ene nompo nakopakopo tepenopo ma ʔmoyo su ʔsenogirapuka tepenopo tajnapo manjeʔe n pero etjo n naemoti pnoni viyanoviono vennoviono to s n sekreto to tanarasiʔa to ʔmoyo naechʔopo ema ma naturista o esupuka su ʔchosi ʔchosi ʔseno ene timottiko to ʔpuuji ssapriʔokpo sepchokpo to manjeʔe sapruʔokpo to ájosi to ʔájosi tjeche ene s to alcol tomuire o naejvevepekpo te to to nagieku to ʔmoyo to to yuku te to tapugi to yuku ~~tay~~ merio tayustatagiekcho ene tyooʔokpo to ʔmoyo tpioorikpo ene pero ʔeto eto ʔpuuji naenajikpo eno ʔchañono ene tnárako to ʔmoyo takoʔe enjooʔi tvenopono to ʔmoyo ene wo naemoti nomo te to nae ʔno merikono ene wo naemoti eno nanokpo nayumtukchujcha en tanosjiiʔi to ʔmoyo tsokraʔi kuti kuti manjeʔe mocheó to manjeʔe nasoko kut to wrayʔa kuti to manjeʔe to wrayʔa wipo toona en tajicho to tsokompo to ʔmoyo tjeche ene unechkoriompo takeeʔi eto eno no timottikono nakonarako nasapriꞌokpo ene nasapriꞌokpo ene tnárako to ꞌmoyo enjooʔi navejnopo etjo to wakajiʔu kjowogiʔupka o to progi navejno te to tavenopiyo to ʔmoyo ene naechopo nakosiopo te to ꞌviꞌku en naechjikpooʔi vyana piti sonsovi wo pkúnosi te pjoka najichpo ene nomo te to ʔviʔku entse eto to ꞌmoyo tnárakopo jeʔe nkeeʔi veno Panchita eto jmani vimotgiene te pjoka ʔpogʔe nkoʔe

Edit utterance

Text view • Interlinear Glossed Text • Utterance view • Help