Text view

JMH_120901_perro2

Recording date2001-09-12
Speaker age68
Speaker sexf
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
jema' loy aja:ra senyora Yaquelina oj eney oł no:no nos nos ki'laj nuj pa:toronay'łi eney nos joʔmi aj joyajwayʔłi nus nus ney kayni diʔi Alejandro diʔi Rodriges usko pa:toronay'łi che ja' nos ney beyye:mes wa:ka:tikus wa:ka:tikus charkina'us os wa:ka charkina'us os wa:ka jayna noj walaylo jayna ilna'us os is charki di' ilpojasna'us is charki jayna noj nos paral che jayłe ja' noj walaylo jayna jankwa'us ney nuj kayni di' alwaj Dioni:syo as nonon di' pa:ko kas tolkaranapápa'a jankwa'us nuj kayni di'ił alwaj Dioni:syo che jankwa'uj kayni jankwa us ney ka:'i as pa:ko ał no:no toł rey kas a'koniwa tolkarana:pa bo si'way si'waypoy as pa:ko kas rey ja' ba:ra ja' tolnawa'a kos ney kas rey kaywa'a kas rey waynawa'a jankwa'us kayni aah bo onáranan jan bu'ni di' e:ney tolkarana:pa'a kabo di' joy ka:'i che jayłe jan(?) bo ney koro' koj pa:ko di' tolkarana:pa di'ił no:no a'ko kore'e eney katiyaro a'ko tolkarana:pa jaya'na naj wa:kaway'łi tatabała'a oyra di' charki che is mere' charki i'ko tatabała'a ah dojka kure'ej rey no:no kaj kas rey a'koniwa tolkarana:pa ah jayłe jayłe nokowa loy neys a'ko loy nokowa kwey velna nij charki jankwa'us lo jayna naj di' kenapawan kempati a jayłe de:nan ney nas jayłe jankwa'us nuj kayni joyti, jankwan na'ko nes nokw- nes nokwa nés i:may a'ko de:nan as naj paral chodowi'is is charki. nas jiwawa'kis pa:ko di'i di' eney son̍poy jan̍nan ka' rey ka'pojnan nas rey tatabałwa'is is charki bo jan̍nan che naj pawana:wa naj eney jan̍nawanis jayna jayna in̍ pon̍mo bo aj vayełwa jankwan jankwa us kayni di' ił alwaj jayłe asko jankwa'us ney karaya:na di' Alejandro kenapawa'us os pa:ko. che janwá os pa:ko palo:to palo:to os pa:ko enkatoba:kwa jampa'as ney che rey naj alcho jayna paku'na'as os paraparana'as oj jankwa'us kayni di' Alejandro che jayłe oj pa:ko jankwa'as ney mm jankwa'as joy choy dojka loy di' joy jankwa'as do:koy bo jan noj jankwanina'as ney mm che ja' chonlomaj jayna nos ney i:may jayna jiwa:wa oj pa:ko ka'pojnawa'as kama:may kama:may ju:na'as jan̍na'as os pa:ko ban noj joy choy jayna rey jorowa'as oj pako, joy choy jayna mo:joro'as, mo:jo:ro po:ra joro:kwa'as paku'nawa'as os pa:ko nos joyajwa'as desakwa'as os charki ban noj jayna ya'łe alkava:ni pawana'oj ney pa:ko os- os son̍ko:ko nos eney tatavosełwa'as os charki alkava:ni pon̍mo'as di'i che jan̍na'as os pa:ko lirijna'as os pa:ko nánara'oj son̍poy di' pa:ko os charki di' rałałe'as jayłe jayna pon̍mo uj eney pa:toronay'łi di' Alejandro a'kos jeyan Kwal joy kwey eney koro' eney dojacharki kos son̍ra di' pa:ko jayłe oj pa:ko kajłekaya'us os pa:ko chaywakaya'us mm jankwa'os pa:ko jayłe chuspakaya'us nos charki Jeje bo aʔko joy diʔ jampa kos moraʔa ban jayna Kwal jayna wayna jayna loy ił ban̍na naj ari:wa jankwa us kayni, bo jankwa'us noj kempaway'łi noj ima:yoj ak ak-, ajara'us os jankwa'us ajara'us os jampa'os, os wa:wasinapojna'us wa:wasinapojna'us che jayna jayłe jumara'us os pa:ko noj ima:yoj jayna kayałe'uskas nos ney charki di'i eney jayna jemłabał di' tatavoseła'os ney son̍ko:ko asko jayna kana'os pa:ko ban isna'us os charki bo os kaywa'os pa:ko jankwa'us jalá isti ay Ju:liya as charki bo as kaywa'us Kwal bo a'ko bawra'u jankwa'us kayni jayłe jayna isna oj charki bo os kaywa'os pa:ko jayna janapa'us oj kayałe:wa os pa:ko nos ja' rey molra bo lovełni oj yeyna'us noj kaywa os pa:ko jumara'uskas che yeyapoya'us jankwa'us nos ney che jayna ka'de'as senyo:ra ajalo:maj
• Interlinear Glossed Text • Utterance view