Text view

HRR_120808_tigregente

Recording date	2008-08-12
Speaker age	54
Speaker sex	m
Text genre	traditional narrative
Extended corpus	no

Visualization: Text view Interlinear Glossed Text Utterance view

Javascript seems to be turned off, or there was a communication error. Turn on Javascript for more display options.

inła n̍ sesentaydos tinona'kwi jayna beyka jayna dochi' n̍ bijawbaycho jayna a do:koy loy ajalo:maj is eney kwil janlo:maja'is mowi:maj noj jo'mi joyajwa'is ney naj jayna alkava:ni jayna lolosay'łi di' Santa kwilka kaj eka'ła'a noso' nos joyajwa'isos bi:jaw di' mowi:maj naykachin joyajna'is nokodé naj San bata'eła'is, che nosdé naj Katena:mo naj jayna alkava:ni San Francisco, San Pancho, e noj ney jo'mi jo'yajwa'ij juyeni, iso' ka:we ij eney, bispanne di' juyeni di' eney kaw bore:na nis alle'is borewanra'is os eney volrawa'is isko popoykwa:ni is, rulrulni mimi:di, che rey ja' jo'me, javu:bukis bo os jan noj jeninaʔis bo os palomajnawaʔis os soːte diʔ juyeni di' jeywaj, onalomajna'is che onarana'is oj joyna'is, kaj kwalewa'is naykachin javu:bukis vaye:łe is jayna nos salmowa'os ney vaye:łe jayna nasko iloniwa'is rey so:te jan noj dumayena'is ay, ney alkava:ni asnan jayna noj ney jayna joyajwa'uj pa:'i di' Waltasar Espino:sa, jayna son̍ra os jeya'is, jayna eney jayawna'is oj eney joyajwanasa'uj ney pa:'i jayna nos jiwa:wa is jayna noj jayna in̍lobakaya'iskus ney alkava:ni jayna da' lo:los jayna usko kwey ajkara:na nij chora:da ban kaj rey uskoniwa kaw jiwałe:na bo jayna asu'ni is mowi:maj ney naj Santa jayna bayłimwa:nas enna'is nokoldé jayna uj ney pa:'i usko kwey ajkara:na nij chora:da ja'a ban̍kaʔełnaʔus baːra baːra jayna usko kaw je ʔe che che uj bakwanłełe'is di' velkaya'is is ney mowi:maj usko ney kasiːki ei kilayʔeł ni eːłaʔus usoʔ us kasiːkiʔis usko enona diʔ velkayaʔi diʔ jankwaʔus ney enoːna asko baːra jeyaʔis jay na ney mowiːmaj jayna noj neyniwa'is naj lo:los em jayna noj ney łan̍ eney... joychoy ełyejchocho'as, febre:ro jayson̍ choyka noj bewniwa'is kate:na jayna łan̍ joycheł uj eney ney oveniwankwa di' mowi:maj katena:ti' nosdé naj eney ney alkava:ni jayna Sampancho kawra is kate:na nosdé kawra is kate:na jayna joycheł uj ney oveniwankwa che uj tochi' a:na'us dichi:ye, tochi' di:ra, tochi', jo'mi siyetetinonaʔkwi jayna loy is iloːni jo'yajis naj San jayna wele:łe uj oveniwankwa bo jayna kaj iso'niwa ij kate:na noj łakam̍ba jayna julrakaya'us is so:te di' joycheł di' naychi jayna jon̍na'is do:koy łan̍ jankwa'us nuj ney a:na'us loy in̍ wele:łe, loy in̍ wele:łe a:na naj ari:wa eney lirijłe:na ij kate:na che jayna łakam̍ba:maj jayna, isko jon̍nan che amarikonełan joyałen nikij ma:man, pa:pan do:koy jankwa'uj dichi:ye jayna ki'lajchełus wele:łe us so:te che lirijłena'us ij kate:na tan̍ <<wip>> kabaːłe is kateːna diʔ bewni jayna jote:łe uj beyka dichi:ye ena' wadulpin̍ jayna uj da' ariwammaj a baka:di us naykachin ij bewni di' su:we di' ba'na'us isko da' chulumna'us kaj daʔ iyeniwaʔus łan̍ kaː noj dewawajwaʔus oj popoykwa diʔ bukaʔ nałcheł eney kaj rey tenapanłewa'us oj eney kamayłenawa'us bo tino:ka'us tino'pojkaya'us oj mere' rulrul nałcheł łan̍ oj rulrul noj yokełwa'as nos ena'a wadulpin̍ di' dichi:ye di' jotaːdi nij ~~kate~~ kateːna danachobakwa'as ewapopojmo'as łowamoła'as nosdé joyałe'as kojamoła'as nos duyum̍mo łan̍ daya' asko kayna'as, da' ikamba:mo duyum̍mo jomani'as łan̍ os dichi:ye, oso' ba:ra jomani'as dankabana'as jayna tochi' rey din̍rada'is rey diran nu:nana'us ba:ra iso' jomani'as ka'de is tochi' do'we'us ja' isko ela:ye jayna oj łan̍ oveniwankwa da' tino:ka nosdé, dokoy jomaka'ni as mora' di' popoykwa us ban kaj' nokowa naj kilajniwa'a loy tan̍ba:łe che joycheł loy ij jiwałe:na kis pa:ko jiwałe:na kuj pa' che is kaka:ye di' juyeni dewajna'us łan̍ oj rulrul noj ba:buwa'as joychełas noj da' kokon̍kwa łan̍ osoʔ oj daʔ kokon̍kwa toːmi kon̍ne:chełas łan̍ chi:chi oj toben̍kwakwa'as limi:min̍ łan̍ oj da' toben̍kwakwa'as, jowe:ro da'a rulrulben̍ koreʔ łan̍ enaʔ kweːya tavoj ben̍ łan̍ os kweːya as rey... jayawwe os rey kwe:ya eney banne ba:ra ja' kolro' ilo:ni jo'yaj noj kokon̍kwa łan̍, do'si as nos doʔsi jayna lojbaːkwa bo noj kawra ij donʔi jemdon oj bakwakwaʔas lojba:kwa, birin̍lołna'as os risakwakwa'as noj to:mi jayna uj ney oveniwankwa naj tojeːł rey juy eni aʔkoʔ juyeni ːrul a loy chutachopanriya:seł ajrada'as rey jampa'a jomani'aj us rey a:na ji:bal łan̍ tan̍ba:łe joychełus noj da' lojbakwana'os kwe:ya di' da' banne walaychi risakwakwa'as ney tatabała'as (che kaj rey dewaja'na'as noj rey risakwakwa'as da'a joycheł us oveniwankwa, dojadojałe'us noj suwewe'us asko noj yokełwa'us, jayna yokarisa'us pilachopaneła'us risakwakwa'as nis chopa'us asko nos łow łowkawasełnawa'us kamayasna oj łan̍ kweːya ~~kam~~ kamaːmay ka' tojeł jampan juma'pojdo', nanrado'o loy in̍ doʔweːcheł jemaʔ bo' łavoyedo' kwaj rey, ka: rey łavoyena:wa, kaj rey łavoyenawan kuj rey a:na di' ka:'i tojeł juma'pojdo', nanrado' kaj oyrana:wa as jampani:wa łan̍ kwajká, rey loy joya:łe naj lo:los asko noj łowasełna'wa'us łowasełna'us buka' noj towa:neł asko karetato:wa ja'a jiwa:wa'us ka'de joyajwa'us ney lo:los, jayna noj joyajwa'us nokodé naj koridimba kama:may buka' os kwe:ya jayna chi:chi buka' is tojeł rey naj rey jampan i'nes rey kwe:ya kaj i'neniwa rey kwe:ya, łan̍ popoykwa ay łan̍ che kaj i'neniwa rey kwe:ya, i'ne ban éłjan rey toł jampáninan bo popoykwa, bo jayna jankwa, rulrul jomani'ne kus a:na, kuro' nosdé jo'yaj ij kaka:ye di' juyeni jayna sutu:ka'is jo'yaj is, eney, jayna noj neyru iso' ij jayna jeyye ney naj lo:los ita:na'a jayna is rey ita:na' łan̍ sutu:ka is toł rey di:ran chonlomaj u'ko lolban̍'eł di' loy wayesa'na kaj rey nanara kaj rey nanara:wa i: - nanrati! - bo koro' jomani'ne kuj rey a:na łan̍ tochi'i chiʔi che koro' kos do'we'ne nosdé koro' rulrulben̍ kos do'we'ne naj yeynawan jiyakweł joycheł, loy jayna jo'yaj us pa:pa'us oveniwankwa jayna usko borekaya'us di' nas joyałe'us enona'is di' kasi:ki jayna uj kasi:ki, łan̍ jankwa'us (ney), do:koy majni, (che is) kaka:ye ona jay'kweł, vayełkikweł nosdé di' chonlomaj koro' koj beben̍kwa, jiwałenankweł jiwałenankweł bo aj dewajnaway'łi ney chonlomaj (nas) koro'niwa nasko onaranawa i:ni kos jeneneła'ne koro' koj payesna'ne di' kovija'ne do:koy, jankwa'is so:te, asko noj loyena'os alkavani joychełis (nas) Sampancho pe'loba buka'a pe'koven̍ łowkoveben̍ ij juyeni che uj buka'a kaw yo'na jema'a jo'yajus nosdé jayna chusapa'us is alra'us buka', alkakaye'us (os) kayna'os rulrul dewajna'is, is don'i jayna nis dichi:ye beyka da' rałba jayna, rałkabana'as i'ko do'we'uj a:na [i:] che i'ko do:nana'u(s) ba:bu as jeyna as jankwa'us kodé a:ko do'wesne a'ko kon̍nenasne che nosdé łan̍ a'ko do'sinasne nas kokon̍kwa astoridineł nas kokon̍kwa che łan̍ di:ran dede:ye is don'i toje:ł rey jayna chonlo:maj jayna manara' koj jampan tami:ba ban jayna is bi:jaw di' alkava:ni jayna tanna'is oj ko'o batavoseła'is oj beben̍kwa pilałe'is pilavoseła'is nos ko'o:vos alkachina'is buka'a' jayna pe'na'is os beben̍kwa o:ye buka'a jiwałena'is jayna jo'yajis neyru jayna is juyeni jayna ayakaya'is ena' che is ita:na' jayna sutu:ka ayana'is us oveni:wankwa bo os masełwa'is ełjan jampanina'us ban jayna rey nos jo'yajwa'is jayna rey volra rey os jayna oj kwe:ya jayna dokawe'is jayna ban kaj nana:rawa'is jayna yo'na'is jamałe'is jamałepojasna'us kasi:ki kaj oso'ni:wa os rey so:te di' eno:na ka'de ja' us kasi:ki us enona'is jayna lo jo'yajis łan̍ dewajna'is jayna salmoyłi pa'a łan̍ ayru ay do'we'ne jeychonlo:maj tojeł rey łan̍ jankwa is bi wa:wasi:na us ney tami:ba di' kaw yo'na manara'kos jampan majni dokoy jayna kos jámpána'a jay wayti'kweł kis ko'o in̍batikweł nokodé tereslo:los isko jayna jo'mi ji:sanawa'is as tereslo:los nokodé jayna alkava:ni da' ja:yaw tereslo:los itaba'is łan̍ oj mere' ve'e ja' rey din̍les da:ya'a asko(?) jaran̍lesełna'is os beben̍kwa do'we'isnoj ney kwe:ya jaran̍lesełna'is in̍kabana'is os ve'e dayara'is is kaka:ra di' ko'o ta:le:lesis iyeka:ni oj beben̍kwa che os kwe:ya di' jayna kaw do'we nasko jayna łan wara:dayas wara:dayas tenpanłebaycho'as jayna ve' os jambaycho'as mere' asko eney łan rey lava:bała'as os beben̍kwa jayna asko jan nos jenina'as nos warayna'as kama:may as tempanłebaycho as jayna ło'łokas polkaba:ba as, batesna'as ka'de'os ba:chokwinwa'os beben̍kwa jayna nasko jemvuswa'as jayna ve'evusniwa'os beben̍kwa ja jayna nasko chonte'wa'oj oso' kayni jayna diran oso' wulako'is ja jayna onaranawa jayna is eney so:te di' juyeni jayna ita:na' di' jo'mi joyajkana:na' neyj jayna lolosełan jayna onarana'is jo'mi oj eney is ney mowi:maj nos oso'niwa os eney jayna nos volrawa'is isko jayna nasko jo'mi onaʔonakakaradaʔas jay jayna onaranawa'is ba:ra is juyeni che manra kaj eney osoʔniwa os son̍ra di' toje:łe bo jayna is rey bispa jayna tino:ka jeneneła'isnoj ney kwe:ya tayako'is is so:te łan jankwa'is tayako'is kisne isnos kwe:ya ban os chonlo:maj tayako'is asko beben̍kwakwasne ban jayna nos ba:chokwinwa'os beben̍kwakwasne nasko chonte'wasne jayna isne kaj isne(niwa) eney, bataleseła'is asko beben̍kwa ja'a asko tikoykayasne che asko eney jan noj tajpojna'is jayna buka' bispa di' rulrulni:pa jayna tino:ka is jayna noj rey pola jayna ji:bal jo'yaj ij eno:na di' di' kaw loy jana'pa naj dewajnawa'is ij ukwampa lawajeschaye:pa tino'pojkaya'is jayna ban jayna jema' is movi:maj ka:'i rey eney don̍tołłeʔis bo ij ney don̍tołis di' eney bo koj ney velti kwe:ya kaj rey askoniwa mowi:maj asko jeyye, jeywaj oj jeyna'as kaj onayenawa'is janne'as ban ij van̍pakaya'as isko is mowi:maj isko jan (noj) ban asko jayna rey son̍ra oj rey bisapawanasa'as kaj rey jayawnawa'as oj rey tijkarimwanasa'as bo jayna rey son̍ra, velti jayna rey ja' yokajuyeni'as bo jayna ja' kaykayas che asko kovija'as jan che daykaka ney kiro' kis bispa ban jayna ka:'i eney jayna tino:ka jayna ji:sanawa'is kos kos tijkarimwanasa'is di' rulrul jayna ja:yawkalomajchełi' ja' che jayna da'... asko jeya'as toje:łe nisnos ney rulrulni:pa isno' tayako'is che uso' uj rey so:te kwilka isko... ~~ajalomajkwan~~ [ajalomajkwan-] ajalo:majkwanwa isnoj kayni di' nos dichiyeyesne isne isnoj nono' isne tami:łe nos mil ochocientos mil ochocientos noventa y siete, asko tamiłesne isne kaw ajalo:maj noj ney rulrulni:pa Buscha (is) isko ja' siyeła'us ka:i' eney kema'ełwa'is bo iso' is alkaka:ye'us majniwa'us e ya:ni:kaya'us ney daykaka joy choy kiro'kis alle'us jan nos loy kem'ełna'us jankwa ij ja' siyeła'us isko ja' Buscha kem'eła'us uj ney Buscha eney si'way us si'way'us Buscha mere' itila:kwa mere' mowi:maj isno' isnos alwaja'us che iso' is majniwa'us iso' o:ye ij majniwa'us di' kwe:ya che o:ye is itila:kwa o:kaye is majniwa'us Buscha uj ney Buscha joychełus asna'us nas ben̍'i nosdé nas alchoben̍'i a'ko asna'us iso' is tochi' nono'us tochi' wa:ka'us tochi' kawa:yo'us che (ij) nono'us di' ko:chi kawra is ko:chi jema' che nos ney asna'us ka:we is [nos...] asko aylobana'is mowi:maj mere' payłim mere' payłim che su:we oj [~~jaya-~~,] jayacho:mo daya' asko bayłimna'i che nos ney kawtinona'oj asto'majniwa'is is ney juyeni ja:yaw oj jeya'is uj ney Buscha bispa'us bo usko lawajeschaye:pa ba:ra usko kaw lawajesna[HRR] ij alra'us astomaja'us daya' nos ney asna'is di' payłim ka'de jibal jayna noj tojełwa'ij tino:na' noj jayna bijawniwa'is majniwa'us jayna tolkosni ij majniwa'us oveniwankwa:ni ij, eney... itilakwanchi:ye jayna mo:ra:ni os kana'us jayna bo jayna rey ka:we i jayna rey na:ye is majniwa'us iti'itila:kwa jayna ij tolkosya che ij itila:kwa jayna kweyakwe:ya jema' che uj Buscha jayna kaj tijkarimwa'us tijkarimwanasa'us ja' noj maw'inkwakwa'us nasko noj nawin'wa'us nos kayawa:kawa'us bo... is bon̍ye:chełus[HRR] rulrulni us asko noj joywa'us noj ben̍'i salmo'us buka' jayna jo'yajłena'us oj wa:kato:da yo'na'us ij yeyba dawjes o:kaka:ra ij popoykwa di' yo'na'us noj naychi ban jayna noj ba:rakwinwa'us[HRR] jayna ki'lajni ij popoykwa bo rey ja' rey rulrul os rey askwa' oj da' rey jayna payłim, jayna kaj jiwawa'i ij popoykwa jayna kilajni joycheł nos son̍waj jayna ja' rey volwitus rey nis [HRR]nono'ij da' alra'us, alloba'us jayna kana'us, yokako:chi us kaykayus nis ko:chi ba:ranabijna'us ij nono'is jayna jiːbal rey yokaːpoyus nis nonoʔis jayna telneroʔis bukaʔa rey kaj jayna popóya'kwa(HRR) jayna jolbaycho is ney eney astomaja'us tojeł rey koro' koj rulrul di' yoka:poy jayna ba:rana'as[HRR] kis nonon di' ko:chi che jayna rey koro' volwin̍ nikis wa:kan inła jayna koro' ka:'i koj majniwa' kos ney no:no diran chon̍ roma:lo tojeł rey loy jiyaj kenapan kuj ney, kenapan kuj buscha bo rey (~~orana-~~,) ónaranakuj buscha joycheł nosdé oso' os ney so:te usko kómpare'uj Buscha do:koy, jiya nas asna kus[HRR] kompare, loy ~~loy~~ loyełenan naj rey sasalwan koj rulrul do:koy, loy jiyakweł joykała'is łan̍ ij ney juyeni jo'yajis nos asna'us pete:łe is [HRR], kwaj lo ka:'i kompa:re janlomajankweł kompa:re bo jiwa:way'łi[HRR] kompa:re bo ulkwan̍ jeynay'łi kenapayʔłi na bo jayna toł nok baːpo yna koj popoykwa kij nonoyʔłi ba:poyna'as jayna kij rey tochi' ko:chiy'łi dankachobakwana'as jayna salnay'łikas (~~de:-~~) de:wajnay'łi, mere' rulrul koj ney, jankwa'is ban kaj toł ba:lowesnawa'ij pa:ko na jay'asłe'as kojmo:łe nos jayacho:mo, kaj ba:lowesnawa'ij jayna kiro' kij jopayey'łi salapa:ko nas lo:los kiro' jo'yaj nas tawa'ni ji:ya kompa:re, lo salełłekayay'łi kwaj kaj kompa:re nas kemaka'ra koj rey sasalwan koj rey popoykwa jibal yo'kayan jankwa'us Buscha kij rey so:te kaj onaranawa'is noj uskoniwa rey ja', - ji:nana' jaa, josi:cheł ja' us Buscha, ka' salnankweł, ka'cheła'a(s) po'łetikwel ja' ij nononkweł, jay'kikweł(?) ney naj (~~lo:-~~,) ro:ya nas suwewe'i kaj kwajpan rey yo'nawa'as (yoyo'wa'as lo jayna kwajradan tawa'ni jayna jiwa:way'bi di:ra, son̍nemes bo a'ko imtinonakełwa kinoj majni łan̍ jankwa'us kinos ney jayna tolkosya bo as ya:lowewankweł (nis) po'so, kaywankweł tochi' is'isra isa:ráy'łi lo jayna kompa:re jankwa'us kompare'us jayna pawane:łey'bi niy'bikweł ala:kwa, lo jayna, in̍ jiwa:way'łi asko noj joywa'is jayna noj kilajniwa'is łan̍ jayna alwani:cheł(is) buka' ij jayna ney tojeł rey naj jankwa'uj kómparen, kaj jana'pa'us as rey tikoynawan koj rulrul tojeł rey łan̍ jankwa'uj so:te jayna ona, loy jiya dajawan kuj ney so:te nosdé kuro' kuj bijawwe nosdé loy dajawan bo ji:nana' rey ja' usko kus ney Buscha usko ja' ke'aranikayan tojeł rey kinoʔ kinoj bitoʔ diʔ choy rey lawajeschayeːpa alwaja'uj ney kilay'ełni uj bi:jaw [~~so:-~~] so:te di' jema' bispa lawajeschaye:pa asu'ni isnoj bito' jayna kayni us bi:jaw jayna joychełis nisnos ney bi:jaw di' onayena'is di' jema' alwaja'us ney bispanne a'kos joynankweł majni, jankwa'isnoj bi:jaw jiwa:way'łi ma' bo yeyna(y'łi) as dajawanway'łi a'kos jánkwán nokos ney rulrul di' toł ke'aranikayay'łi? la' jemes yo'na'as oj no:no tochi' waki:ya di:ran nonnon os beyka waki:ya ban oso' suynay'łi di:ran a kweyasełna'is pa:ko os rulrul joycheł ey chonlomaj mumałeyʔłikas pe'łełe joychełiy'łi alakachołnay'łi julałey'łi jayna kama:may ij pa:ko noj ney jayacho:mo betełkwammo jo'yajiy'łi, julałełey'łi ba:ra oj ney to'kamo:łey'łi noj ena'(?) kamayna'is pa:ko ja' rey toł da'a, mere' eney daya' chuya:ła oj dewajnay'łi łan̍ mere' daya' tojeł rey łan̍ didi' tatavosełay'łikas bo asko tojeł kamayna'is (ena') tojeł rey majni manara'oj ja' eney jampankweł noj (~~elanawa-~~, ~~elaye-~~,) elanawankweł disoy nos chu:nawankweł disoy oso' joychoy (os) kayni yo'kayankweł bo asko popoykwa os ney daʔ ban̍chopa:neł da' łakam̍ba:ni che kenapankweł kuj Buscha jayna kenapay'łi kuj Buscha ban jankwa'us, ka: jana'pa'us as tikoynawa'us kos rulrul tino:ka us łan̍ bo yo'kaya'us aa, łan̍ jankwa'isnos bito' jayłe usko ja' chonekałekayan, łan̍ do:koy, ban ka' iwani:way'bi, ka' rey jarałenankweł bo koro' kos jenełniwankweł kus ney, tino'ni, ewejni jayna kuro' rey popoykwa:ni łan̍ jankwaʔis tojeł rey, łan̍ jankwa'is che a'kos jámpay'łi jayłe, dokoy kwe:yasełtikweł ja'a bu'ni nas upavoswa'is jayna mannankweł (nas) tan̍vosełwa'as alkava:ni bayayenkweł nokos nokos ko' asko tikoykaya'as dokapitankweł nij jułpa, chakatunkweł do:koy, jayna janwa, noj ney jayna wispera noj jayna imtinonakełwa'isnos majniwa'us Buscha jayna łan̍ kama:may os waki:ya, tori:yo jayson̍ kamayasna as (nos) jayachobijra, nos ya:lowena'is chon̍ wa:ka'is asko noj joywa'is juyeni che ij pa:ko kamaː <<wip>> may kwe:yasełna'is, asko rulrul (os?) eney yo'na'as di' isara'as kweyasełna'is pa:ko łan̍ upavospojna'is pa:ko os rulrul jo'yaj is pa:ko jo'yajbojeł ey nos rey ena' rey kamayna'is ja' jo'me łan̍ chabo:na łan̍ oj deskatolejeł daya'a jayna jo'yaj is juyeni ja' rey jo'me [kiwa] łan̍ kowa rey chabo:na deskatolejeł chonkaka ja' nis pa:ko, kemaka'ra is mora' łan̍ jankwa'is jiyakweł salmo kaj rey onaranawa'is oj rey ney chabo:na di' deskatolej asko rulrul salmo is jayna kenapa'is isnos rey bi:jaw ma'a, łan̍ jankwa'is toł rey kwey nokoj upavosna koj rulrul koro' kaj rey dewajnaway'łi koj rulrul che łéła koj dewajnankweł chabo:na as a'ko da' deskatolej daya', chiriwła bo asko rulrul, disoy asko mannankweł, tikoynankweł kos ney, che jayna ka'de'as tojeł rey dokoy łan̍ jankwa'is ban naj tawa'ni, na'ko ya:lowewa'kus ney Buscha imtinonakełwa kinos majniwa'us che ya:lowełetikweł, layakwampojtikweł che naj layakwanwa koj ney nokwa (~~kuro',-~~) koro' koj jeya'us popoykwa:ni bo naj layakwanwa'us kaj onaranawa'us koj onaranawa'koj lavabała'us bo jema' asko jeya'as, che na'ko jayna bayayewankweł dokoy ma' łan̍ jankwa'is ban sotajcheł kij eney, loy rey ya:lowe:wa, so:te kij joycheł kij kaw ya:lowepojna nukuj Buscha kaːwe is ney itilaːkwa diʔ ney asnaʔis ney aylobana (nis) bayłíma'is[HRR] jayna lo łan̍ asko jeya'is, jo'yaj oj je:mes noj jayna imtinonakełwa isnos majniwa'us jayna joycheł ba:ra ij juyeni aylo:ba is os aylobana'is (asko) asna'us jayna ya:lo:we is nis po'so (di') dandanso da' [inaudible] jayna pono:tikis, te:lo is jayna te:lo us Buscha, bele:ka us Buscha te:lo us che is majniwa'us bele:ka is ya:lo:we is nij po'so jayna kaykayis nis is'isra isa:ra is iso' ij ko:chinra che ij wa:kato:da iso jayna lo kaykay ij juyeni do:koy, ka' rey joyway'bi tojeł bo nokowa rey naj walaylo loy rey ił kayłe:lo jayna rey kiro' kawra kij is'isra łan̍ jankwa'u di' rey mo:ra:ni kwaj rey, loy rey wa:ka:ti' eney kiro' kij tochi' no:no łan̍ do:koy, łan̍, jayna rey nen̍kalona'is łan̍ os Buscha, kayałe'is nis ya:lowewammi'is (isko) ney ja' po'so, kaj rey ala'kola'is (ba ja' isko) kila'wa kompa:re, jankwa'us kompare'us kila'wa bijawwe, jankwa'is so:te, lo jayna bele'łenan i'nes majniwan nas imtinonakełwa'ne do:koy, solopa:ye alra, łan̍ jankwa'u yaʔłe jayna layaːkwa us Buscha jayna noj layakwanwa'us, jayna nos ney walaylo łan̍ jayna mo:ra:ni jayna (is) kaj rey iso'niwa is is'isra noj tawa'ni reyka os Buscha jankwa'us, tawa'ni loy rey is (o: ił) di:ra kaykay bo in̍ bele:ka lo jayna, jankwa'is łan̍ ah, nos ney łan̍ te:lowa'us jayna, kamayasna oj rey eney, tochi' waki:ya'ij rey so:te kamaypojna'as jayna kaj rey yokełwa'as kaj rey tenapanłewa'as oj danachobakwanwa'as oj rey waki:ya bo rey laya:kwa as, laya:kwa os Buscha che jema' oj rulrul łan̍ laya:kwa jema'a jayna kaj din̍teteja'as noj yoyo'wa'as kama:may łan̍ oj rey waki:ya jayna ij ney kaw pachołna alkava:ni łan̍ kosloba:łe is jayna asko noj jayna us kompare'us łan̍ Buscha, jiya kompa:re, łan̍ kolwa yoka:poy aj rulrul jiya tikoynan kompa:re ka: kompa:re, kwaj kaj ła:kwa rey ney in̍ laya:kwa kompa:re bu'ni rey ja' in̍ ło'ło' che... danpopojmo:kay kos rey popoykwa łan̍ che kaʔ a rey joywa kompaːre kilroʔ joycheł kaʔchełaʔi di' rey yo'kaya'i koj popoykwa jayna rey ka'chiya'i (bo) jayna kena:pa'i jayna kemaka'ra aj joywan(kweł) (nas vevelwan do:koy, kaj joywa kompa:re jayna joycheł is so:te che ij pa:koloba'is janwa, łan̍ jo'yajis, kama:may ij julałełe'is oj rey rulrul jayna kaj re rey bispanłeʔoj rey rulrul noj rey jayʔasełwaʔas ja:rał as łan̍ nis pa:ko łan̍ ji:bal konloba:łe as yo'kareskaya'as, yo'kałewkaya'as is pa:ko ban jayna volye as ban łan̍ laya:kwa oj łan̍ rulrul as jayson̍ buka' tera:ni ban laya:kwa ja'a asko lavabała'os Buscha ban di:ra jo'yaj wele:łe as noj ko'o ban ja' da' ya'lo:maj łan̍, velna'as ja' ij pa:ko jayna jo'yaj is juyeni noj ney kaj rey iso'niwa is rey maniwanra'is iso'niwa ij rey eskope:ta di' rey łéła'is bo ja' jułpa ij maniwanra'is[HRR] bo asko noj łan̍ mamanwa'is oj rulrul, nij jułpa do'kapin̍na'is (nis jułpa'is), che ney nos chopiye'as jayna łan̍ tan̍vo:seł oj rulrul asko noj yokełwa'is pa:ko che ij juyeni asko noj łan̍ bayayewa'is jeychonlomaj [HRR] bayabarisa'is oj ban noj ney jayna da' manwankokwa'as eney, (nos) manachołbeswa'is nis manachołbeswa'is nos ney da' jasławanra'as ten̍cheł łan̍ oj Buscha alkava:ni łan̍ yo'na'us os bebeskwakwa'us, tojeł tojeł tivijbesni łan̍ kwaj kaj toł tivijni, tivijni in̍ tera:ni jayna asko noj amwa'us nos roya'us łan̍ de:chełus noj pi'chisa'us kudé da' polkababa jayna tera:ni tivijni:wa (bo) nasko jayna jatełwa'is rey so:te noj popoykwa di' rulrul jayna a:mon łan̍ isnos majniwa'us jay' jaymołti kuj alwajan, majni jayamołasne us a:mon us ulchała'us jayna in̍ rujlo:maj majni a:mon ij majniwa'us, jayna in̍ rujlo:maj majni tojeł rey a'kos jeyan pa'a jayna kiro' mankay kij ney mora', kilmo bo (koro') tikoyna'is koj asko bał ban jay'kweł alkava:ni neyru kajłetikweł rimełtikweł koj ney rulrul, rimełtikweł koj beben̍kwakwa'as che jiwałenankweł ney che in̍ tarałni rimełtikweł jánkara kis dajaja'is, ka' rey eney... rujkabaycho:wa'iybi, rimełtikweł di' rey yeyna'is ba:ra is tochi' nonon di' wa:kan jaywatikweł, kwajtikweł, yeyna koj beben̍kwa lo jayna pa'a asko noj joywa'is noj son̍di jayna janwá łan, (nasko) joyajwa'ij buka' jo'yaj jayna ij juyeni di' che oj buka' rulrul łan̍ alkachina'is buka' oj[HRR] mere' rulrul jayna jo'yajis łan̍ jayna ~~salmo~~, - jayna salmoy'łi, a'kos kwaj rey ji:bal jayna ba'nay'łi ayj mora'a jankwa'is ba'nay'łi as kilmo di' ke'ake'a:ra jayna jomanibijkayay'łi nij nonoy'łi, łan̍ mere' rulrul chonlomaj jeya'as łan̍, mere' rulrul, lo jayna chakatu'is jayna (nis) asko noj tułełwa'is, tosna'is oj rulrul tojeł rey jiranni aj rulrul me're eney jranpojkay aj beben̍kwakwa'a łan̍, jankwa'ij majniwa'uj Buscha jayna rimełnapojkay (mejor: rimełnapojdojay'łi) tojeł naj beben̍kwan (beben̍kwawa'a), jánkara kij dajajan naj beben̍kwakwa'a, bo ti:je nosdé naj ro:ya nosdé na'ko tije:kay łan̍ ka: rey, kaj rimałe:wa, rimałeway'łi rey aj beben̍kwa bo jema' jeya'koj yeynay'łi di' tijey'łi ney naj ro:ya, yeynay'łi ban̍nay'łi nokodé naj ra:da łan̍ ban rimełnapojdo' beyka łan̍ ~~rimo~~ rimo-, ka:, kaj rimałe:wa lo jayna łan̍ din̍tełena'is oj yeyna'is os rimełnawa'is kaj rey jaywanełwa'is so:te, kaj rimałebaycho'is oj beben̍kwa bo is so:te jayna onarána'ís łan̍ oj rey askoniwa beben̍kwakwa'oj Buscha jayna salmo is reyka, ij ney oveniwankwa kaj tojeł rimałebaycho'is pa'a kos beben̍kwa ban jayi'kweł din̍tełetikweł alkavaːni jayʔ bo diʔ kaː che in̍ kayni majni asko noj rey salmowa'ij łan̍ oveniwankwa jayna joycheł jema' ij kwe:ya, tolkosya łan̍ juma'pojcho'cho ij noj rimełnawa'is oj beben̍kwa kiro' kij tochi' nonoy'łi dewajnankweł kij wa:kay'łi kayałey'łi pe'łełe nikis nonoy'łi bo aj kayłewayłi nokoj beben̍kwa tojeł rey che rey kwaj kémara'koj beben̍kwa niy'bikweł jay' ja' veltikweł kij nononkweł as beben̍kwa ka'cheła'a bo a'ko tijey'łi jayna ja' tajna'is oj beben̍kwa noj loloseła'is[HRR] noj ney imayni jayna łan̍ julałełeʔis oj beben̍ ka: noj dojałewa'is so:te jayna łan̍ i yaːloːwe is nij poʔso jaynaʔ iso' is po'so di' loyna'is di' ya:lowé'is janwa lo ya:lo:we is, julałełe'is oj beben̍kwa asko tawakenina'is jayna che ij ney majniwa'oj Buscha din̍tełena'is łan̍ rimeł... jayna lo łan̍ jeya'is, tawake:ni is daya'a noj jayna vevelwa'is os beben̍kwa julałe'is jayna noj ima:yoj toł jokwan din̍tełena'is rimełnapojdojay'łi naj beben̍kwa rimełnapojdojay'łi ka: rimałeway'łi, ka: rimałeway'łi do:koy! jayna joydajay'łi asko noj joywa'is łan̍ jayna łan̍ din̍tejni oj tinno nos chonsi salmo is reyka łan̍ din̍tełena'is oj rimełnawa'is oj beben̍kwa is so:te kaj rey din̍tejchełis jema', kaj rimałeway'łi bo kilmo aj rulrul łan̍ kawra ij jomani'a di' nonoy'łi do:koy, bawchołna ba:ra ij ney jomani'a, łan̍ jankwa'uj majniwa'us Buscha jan naj jankwani:na kiro' kij tochi' no:no wa: di rey ba:poy kis no:no ban yeyna aj beben̍kwa jirampojkay tojeł łan̍, jiranni kaj rey oso'niwa oj dewajna di' rulrul di' jampoyni ney jan naj ye'yeyna:na a kwaj kaj oveniwankwa, łan̍ jankwa'uj bi:jaw ka'cheła'as beben̍kwa bu'ni naj tawa'ni jayna rima:łe, ban ney di:ran ka:'i nasko janwá lo jayna joycheł łan̍ jayna kenapa'as os pa:pa'as tojeł rey jay' dojłetikweł majni koj beben̍kwa kaː naj jayna werelniwaʔas bo naj jayna werelniwaʔas jayna kaj kema'kara'as ninła do:koy pa' jayna joykała'is jayna łan̍ noj walaylo din̍tełena'is reyka (nos) rimełna(wa)'is oj beben̍kwa, kwaj nełan̍ loy [kotachon, ~~koj-~~], kon̍chotikweł as beben̍kwa, amapoja'is łan̍ os ko' noj terescho'os beben̍kwa dekałe'is, dekałe'is, rałkarana'is, kon̍kachona'is is esta:ka buka'a werelni as jayna do:koy ona jiwałetikweł koj jułpa wayna'is oj eney jułpa torojben̍tikweł kal amapojankweł nokodé naj ro:ya torojben̍tikweł che jaynaʔ kwajtikweł diʔ ran (bo do:koy łan̍ jankwa'i ~~kaʔ~~ ri ka'-, ka' lirijnankweł ka' torojnankweł loy ja' joya:łe naj cho'esni, kawra ij da:mama'a łan̍ kotacho'is, dekałe'is, asko noj bayaben̍wa'is łan̍, torojben̍na'is che noj jayna torojben̍nawa'is noj jatełwa'is chonte' uj Buscha łan̍, kayni bi da' jayna torojna'is os beben̍kwa kuro' kayni kuj al alkava:ni jo'yaj os jayna kempakaya'is rey ena' rimabeben̍kwa joykała'is velna'is us pa:pa'is, jayna kayni, chonte'e jayna rey kemaka'ra rey oj oso' batu'ni oj beben̍kwa jayna loy rey di:ran jelara'is oj Buscha noj ney imayni jayna kajonekwana'is uso' wulako'is uj Buscha di:ra noj ney tori:di noj bayłima'is asko ya:pana'us Buscha, wulako'is jayna jayna kaj rey oso'niwa oj rey ke'aranikaya'is, oso'niwa oj eney rulrulni:pa jayna jayawlomaj ij juyeni, nono:ti'i toje:łe is kawtino:na' jayna jayna łan̍ toje:łe is tolkosya buka' iso' is tolkosya di' pola:ye di' jo'mi jo'yaj jayna is jo'yaj di' juyeni jayna [ajalomaja'is] ajalomajkwana'is (n)oj jeya'uj uso' uj eney, Buscha, kilmo, rulrulni:pa, ewejni łan̍ tojeł rey, náya' uso' ilo:ni is łan̍ buka'a joycheł nis son̍di buka' nos chonsi jo'yaj is łan̍ noj wulkonina'oj Buscha oso' oj kuru:su ena' łan̍ che łan̍ velti buka' is alwa:ni łan̍ jankwa'is ney łan̍ a'ko wulkonina'os Buscha ney rulrulni:pa, tojeł rey łan̍ jankwa'is toje:łe iso' ta:se buka' is tolkosya ya'ko tojeł, che u'ko Buscha u:ru, u'ko Buscha tojeł rey jankwa'is jo'yajis, ena' velna'is os kuru:su Buscha! łan̍ jankwa'is(nos soka'te di' tolkosya chaywakaya'is oj da' łan̍ wulkonina'us iwa:ni oj łan̍ Buscha asko noj łan̍ jaywa'ij tolkoschi:ye jaʔ ja:yi'is ja', jo'yaj nis asna'is ma:ma'is, son̍te'e os so:te velti janłeban kwaj rey pen̍nankweł, jayna rey jankway'łi kilmo uj ney Buscha kuj ney Buscha kaj rey jobewa'us kaj rey joywa'us nas ben̍ra, asu'ni nokodé jeya' is bi:jaw pekato:pa asu'ni ja', kaj rey jobewa'is, joywa'is naj ben̍ra, jankwa'ij(os) bi:jaw a'ko ka'de'as (nos) ajalomajkwánwa is nos jeya'us Buscha, el Buscha! y

• Interlinear Glossed Text • Utterance view

Text view

HRR_120808_tigregente

View options