Waveform view

taava_meewa

Recording date	2005-02-09
Speaker age	61
Speaker sex	f
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

tsaapíváa tsɨ́ɨ́júj keemélleke pícyohjé íúmɨhénéj pɨɨnévú dille tépallíjɨ́ iácyohíjcya, tépallɨ́jɨ́ bɨ́ɨ́vaténé iácyohíjcya. aalléváa tépallíj pɨɨne íhwuúré ihjyárí cúwahíjcyá. aanéváa meííjyunúdúnéjuco pehtsócó tsááneé. pehtsócováhacáa íjcyaabe tsáábe néé díílleke: oke taalle ~~lliillilllihi~~ doodádoda. áánélliihyéváa eene dódácohíjcyalle ehdu, dódácohíjcyalle, dódácohíjcyalle tsɨ́tsɨ́ɨ́velle tsɨ́tsɨj. aanéváa cúúvénetúré ellévújuco dibye péhijcyáne. aanéváa paíyuváré ehdu ménuhíjcyaábe. aane barca díílleke ájtsicyúvaabe ílli tsáábe wajtsɨ́ cúwahíjcyálledíu. aane neébe: wáhaj, ɨ́veekí ú cuwá muuráhjáa táúmɨhéné u ájcyo uke ó pícyohjé, ɨ́veekí ú cúwahíjcyá ájcyótulle. áánélliihyéváa neélle: ɨɨnáami llíhii, muubá íhya oke cuuvéjuco, oke taalle doodádoda néénélli pápejcóré ó dódácópécóvehíjcyá. ó dódácópécóvehíjcyá, ááneri o cúwávelle ó cúwahíjcyá. muubéjuú, iiñúhejúné pehtsóco. ícyooca díhlliiñévú ɨɨne niikyémɨba u pícyóóneri dííbyeke ú dótáhjɨ́nuú. ɨhjɨ́ne ú dótáhjɨ́nuú, ú dótáhjɨ́nuú. dibye ipyéhijcyádú pééroobe tsáhájuco píívyetéityú iwáámenéne. ~~dille~~ dibye étsihyu duj, duj úújeténeri ílluréjuco u wápújuhjácóóbeke u dóóiñe. ahdújucóváa dille méénune ~~tsijcyo~~ tsípyejco. átsihdyúváa idyé dille ímí tépejco cúwárónáa, tsípyejco tsíjpiiyéjuco tsááneé. oke taalle lliiyílliyi. ahdújucóváa dille dóllíyícyohíjcyáné ih íhñíwau pápejcóré dólliyíjcyo, dólliyíjcyo. dólli aane idyé, tsɨtsɨ́ɨ́veu ellévúj dibye pééneé. ááné boone idyé cúwahíjcyalle, ehdúváa tsípyejco, papéjcováre. aanéváa idyé tsiiñe ajtsícyuvu tsáábe ílli wajtsɨ́ cúwahíjcyálledívu. wáhaj, wáhaj, idyéjuváa táúmɨhe u ájcyo uke o pícyóhjelle muhdú cóójɨ ú cúwahíjcyá ájcyóratú. ɨɨnáami llíhii, muubá íhya oke, oke taalle lliiyíllíyi. néhdújuco o dóllíyícyópécóvehíjcyáné oheni íhñíwau. ááneri ó cuwávehíjcyá. muubéjuú, iiñúhejúné mɨrúúwa. ícyooca tsáábe u dóllíyíjcyóne ih íhñíwau u tábahjyúcúne ú doóhi ahdújucóváa dille ityállíyíjcyóne idyóbahjyúcúne dóóne dííbyeke. idyé dille tépejco ímí cúwárónáa, téjcoojɨ cúúvénetúre tsaapi tsájucóó, ííwacyóváhacáa íjcyaábe. coomɨ́mukéváa tsívaabe mítyane. aanéváa neébe: taállej, óóma tácoomɨ́muke dityu o dóó. ahdújucóváa dille túúneé. ávyénécoba taalle díhlloco. ahdújucóváa dille dɨɨ pícyoone ávyénécoba. aanéváa piñáolle: áyu, llíhij, wa wa majchóvaj. váa ɨjtsúcunúllé tsamútsí imáj <<wip>> choíñe rónáacáváa eene teene tútácó pañéú iúcáávéne chiibochibo dííllé álluúné pañévú teene dɨɨ aanéváa tétsihyúréjuco dille ehdu m míhchúcunúné íhyálluúné ávyéj dɨɨ pééne ááné hallúriváa diibye coomɨ́muke ióróhcoíñúne ellévúj péjúcoóbe. aanéváa idyé míhchúcunúhíjcyálledívú ~~tsɨɨ~~ ílli tsiiñe ájtsicyúvaábe: wáhaj, waháa, ɨ́ɨ́neríami ú mihchúcunúhijcya muhdú táúmɨhéné ájcyóratú. ɨɨnáami llíhii muubáhjáubá oke tá <<wip>> coomɨ́muke óóma dityu néénéllii o túúrónáa ávyénécoba díhlloco dibye néhdújuco o íllóneri choocochoco imyéénúhulle táhálluúné pañéú ehdu imyéénúné hallúríjucóha dibye imyéhdoíñúne péhijcyáne. juu, muubéju, iiñúhejúné ííwacyo. ícyooca tsáábeke, dibye, u píñáóné pañéú úcáávénáa ɨ́ɨ́cúi tsíeménevu wátaahácoó téhulléú téhdure dibye ibáába. áijyu ú doó coomɨ́mumájuco dííbyeke u dóóiñe. ahdújucóváa tsíjcyoojɨ tsáábeke tsɨɨpi idyé: óóma taalle tácoomɨ́mu. ahdújuco dille túúne. áánáa tsúúca íúniúvú pícyoolle tsíeméné i iwátájcoki. aanéváa tsúúca tsájúcoobe dibye tééné pañéú úcááveíñúnáa tsúúca áálle wátaahácójucóó. tsúúca dííbyé hallúú teéne, tsúúca diibye idyé téhdure baabájucóó. tsaméhjɨkéjuco dille dóóne coomɨ́mumájuco ííwacyóké dóóneé. átsihdyúváa ícyahíjcyalle arónáa tsúúca tsájcoojɨ tsaapi tsájucóó. ehdu llééhówatu aahɨ́veébe. aanéváa, teene, bájcunéváa ~~ɨɨj-~~ ɨɨjɨ́nuhíjcyalle diitye ɨ́ɨ́tsɨɨme díílleke ájcúné bajcúné idyóóne pe pícyohíjcyalle, ɨ́ɨ́jɨ́nuhíjcyalle. pícyohíjcyalle, pícyohíjcyalle páneere ihjyá pañe, bájcune páwajɨ́jɨ. aanéváa tsaapi tsáábe néé, llééhówá úníutúré píívyeébe: múúbe bájcú taalle íbajcu. llééu bájcu. juu, lleúroúvu bájcu. átsihdyu, ácooca taalle íbajcu. níívúwa bájcu. juu, nivúwáyuúvu bájcu. ácooca taalle íbajcu. tájcu bájcu. juu, tacúroúvu bájcu. ácooca taalle íbajcu. llíhpye bájcu. juu, llipyéroúvu bájcu. ácooca taalle íbajcu. ííba bájcu. juu, ibáyoúvu bájcu. duj dílloobe pábajcújɨ́re. ácooca taalle íbajcu. muube mééni bájcu. juu, meníyoúvu bájcu. aanéváa pábajcújɨ́ré dílloobéré ipyéhíjcyáné nɨ́jcaúvú úújetéébé botsíiíkye tsábajcu nihñéebájcu. dílloobe ácooca taalle múúbe bájcú íbajcu. piicyámuutsújɨ bájcu. ok okée áátsɨɨme illóheri ityúrúúvétsóóbe <<wip>> dítyú ájtsícyuube piicyámuutsújɨke dóóbe bájcu juu, neebévápe ellévújuco dibye íjchívyeíñúné ɨɨná néétuubére. tsúúca lláhájtsɨ́ nɨ́jcáutúré kéévatéjúcoóbe. daallíváhacáa. teebe aane ~~díibye~~ dííbyé nahbe diibye ~~pii-~~ piicyámuutsújɨúvuke dóóne dííbyeke ɨ́dátsó pájtyénéllii pɨ́úvatéjúcoóbe: mííjílléhé nɨ́jcáu dáállii, ~~ɨɨneɨɨne~~ múútsúhé nɨ́jcáu dáállii, métsaá, métsa áámyéke mekíjcyótso. tdye áámyéréhacáa, táálléréhacáa ~~mé-~~ ménáhbeke piicyámuutsújɨke dóóhií, métsaá. dohpójɨ́ nɨ́jcáu dáállíí, métsaá. nécájánébá nɨ́jcáu dáállii, métsaá, métsaá mekíjcyótso. jií jií, jií, jií, jií néémeréváa daallímú kiávú niityécunú. llétú tsááme tsááme tsááme tsááme tsúúca díílleke ɨ́jpɨɨnévú iújcúllema teene tépejco kij <<wip>> cyómé májtsivávájucóómé <<sg>áámyéréhacápe> <<sg>táálléréhacápe> <<sg>múúhá> <<sg>náhbeke> <<sg>piicyámuutsújɨke> <<sg>dóó> <<wip>> <<sg>hií> <<sg>eh> <<sg>jéé> <<sg>je> áámyéréhacápe táálléréhacápe múúhá náhbeke piicyámuutsújɨke dóóhií, eh jéé, je, mátsívahíjcyáme. aanéváa idyé, ehdu tsɨtsɨ́ɨ́veu idyé péjucóóme. idyé tsɨtsɨ́ɨ́veu cúwahíjcyalle. papéjcováré ehdu díílleke kícyotsóvahíjcyáme. áánéj pɨɨnéú idyé tsiiñe aj ajtsícyuvu tsáábe tsiiñe ílli wajtsɨ́ cúwahíjcyálledíu. wáhaj, wáhaj, neébe. idyéjuváa táúmɨhe u ájcyo muh uke o pícyóhjelle muhdú ú cúwahíjcyá cóójɨ́u ájcyóratú. ɨɨnáami llíhii. muutá íhya oke íñáhbekéváa piicyámuutsújɨke o dóóné hallútú oke kícyótsópécóvehíjcyalle ɨɨná ó ájcyoó, tééneri o cúwávelle ó cúwahíjcyá. juu, muuté juu. iiñúhejúné daallímu. ícyoo <<wip>> ca ~~pej~~ ípyejco kéévánécoba ú áñúj muha metsáá diityéké mellííhyánu juúju, neellévápeé. aanéváa péébe ihjyávú péébe, íñahbémuke úúbálleté: méétsɨ́ɨ́juke daallímú kícyótsohíjcyá. ícyooca ámuha méméénuú bállo pámeere, ípyejco mellííhyánuté diityéke. ahdújucóváa diitye ɨ́ɨ́cúi íñahbémú tsúúca méénújucóóné teene íballówááné téjcoójɨ. ne ehdu tsúúca cuuve tsetsehmihmihllememehdewajtsehdemihmihllevametsujca tsááme mihlléjucóó pájá hallúre, úllééwajɨ némeíñé tééne méme. eh mihllémé cóhpénécoba kiátú ditye iíjchívye. aanéváa tsúúca májtsivájucóómé imyénuhíjcyádú: áámyéréhacápe, táálléréhacápe múúhá náhbeke piicyámuutsújɨke dóóhií éh, jéé, jee. áánélliihyéváa tsúúca diille áñujcújucóó kéévánécoba diibyéne ílli néhdújuco: llííhi, llihíyómu méballóówá métsívaíñu, éh, jéé, je. du áánélliihyéváa nééme daallímu: taálle, taalléro múhduráha múúhakye ú áñújcuhíjcyáhi, eh, jéé, je. llííhi, llihíyómu cúwaháñé maváári, eh, jéé, je. duj aanéváa tsúúca lleebómé ɨ́ɨ́tsɨɨ́me: aj tsúúca waháró meke pɨ́uvájucóó, metsúju. néémere tsúúca tsájucóó tsájucó ditye ehdu majtsíyí, kijcyórí íjcyánáa wáájácúratúné tsááme. tsúúca tééjá hallu mihlléjucóó kiátú ditye iíjchívye. páneere lléhowááne, bádsɨ́wáhejúné mihllévámé tsúúca. ááne tsúúca úcaavéjucóómé tsaate áachíú coévá tsaate páñée jávú úcaavémé dííllé hallútú tsúúca wápújuh <<wip>> cóvá diille idyé kéémelle rááhótu ícanúbáhóóuri tsaatéhjɨke wápújuhcó. áachíú tsaate wáámeke, áachítyú téhmeme wápújuhcó, wápújuhcó pámeekére. wápú ~~aane~~ ~~aane~~ áánemáváa tsúúca illííhyánuíñúne díílleke tsaatédíú iájtsícyuíñúne péjucóóme. ihjyahnu aane ehdu ~~díí-~~ díílleke ehdu iámé pátsárícyohíjcyánellii, tsáápikye ~~íall~~ ~~íhah~~ íllíwúuke pícyootémé ~~díílleke~~ díílledíú dibye ináhbénu. díítyáálledi, wahároke mítyane iámé pátsárícyohíjcyá, náhbenúte, ~~neellletsa~~ neebe di ~~íllí-~~ íllíwúuke ováhtsáwuújuco íjcyáábeke. aabéváa nahbénuvá dííbyeke. aabéváa pícyutéhijcyá téhíwuúne. aanéváa ~~píjcyuté-~~ pícyutéhíjcyáábema tsúúca idyé tsaapi nahbévájucóó iáábe. kehicha aabéváa nehíjcyá: oke llih piíchu. néé ɨɨne tútsííyíú behjɨ́bááneríyé oke ú chíjchuú, oke u cácóómíñúne. oke ú pííchuú. aane mútsií díítyáállé pɨcámɨ́ɨ́hé íjcyátsihyu oke ú páárotéhíjcyaáhi. ááne uuréjuco u péhíjcyaíñe. uúhu, neebévápeé. ahdújucóváa ihdyu ehdu icácóómíñúúbeke dibye píhchúúveíñuhíjcyáne. tsatyéhíjcyaabe, tsatyéhíjcyaabe. tsatyéhíjcyaabe éhajchótáwuúréjuco teeja íjcyánáa íchii teene íítyáállé pɨcámɨ́ɨ́hé íjcyane idyé tétsihyu dibye pááróvaabe. teene ɨ́ɨ́cúi, nójcó nééne teene tútsííyíba éhné íjcyane ityáváríjcyóne ellévúj péhijcyáne. ~~aane~~ aanéváa pejco cúwaabe ávyépiityéhijcyá. <<on>mj> <<on>mj> ehdu cova ávyépiityé áánélliihyéváa neélle: ɨ́veekí llih ú ávyépiityéhijcyá mítyane pejco. he áánélliihyéváa neébe: áánélliihyéváa neébe taálle, muubáhjáubá oke, oke piíchu. tútsííyíú behjɨ́bááneríyé oke ú chíjchuú, néhdújuco o chíjchune. aabe o tsívaabe éhtsíure, díítyáállé pɨcámɨ́ɨ́heúré oke ú pícyoó néhdújuco. éhtsíu o pícyoíñuube tétsihdyu óómihíjcyá. muubéjuú, neellévápeé. dííbyekéváa ihdyu waajáculle. muubéjuú, iiñúhejúné niivúwa. ícyooca úúma nɨ́jɨ́hou ó píllíyíjcyoó, tééneri ú chíjchuú mehné lliiñájá nɨjɨ́hou úúma o méénúneri, u chíjchúne, teenéjuco tútsííyiu u nééne ú chíjchuú, ú áábeke ú tsívaá. nedu íñe m mélleehówá u pájtyéícyooc ú neéhi ~~táh-~~ táhdi cóhpénécoba míhchúúveco, kiijyéha ~~mehmehjahamuhe~~ ~~meh-~~ ~~meuh~~ mehjúúvá aamúhi ~~aa-~~ aane íchii ú neé u dóróóvéne íchihvu pɨ́ɨ́néejávú u wááóóbeke ó wápújúhcoó em ahdújucóváa dibye tééumájuco pééne. péébe ~~llli-~~ chijchújucóó tsúúca diibye tsáábeke: llíhij, ayúwa oke piíchu. aanéváa dibye pííchuubéváa eh du dííbyé hallúrí cúwahí aanéváa chíjchuube tétsihyu dibye teene nɨ́jɨ́hóuri chíjchuube chíjchuube cóhpé. ááne píhchúúveíñújúcoóbe tsáábe, tsáábe, tsáábe ɨjtsúcunúúbé imyéénuhíjcyádú imyéénuhíjcyádú tsúúca tsáábe, teene dibe neébe: táhdi mehjúúváha kiijye aamúhi, cóhpénécoba míhchúúveco. ahdújucóváa íhjyáa cóhpénécoba míhchúúveébe. aane tétsihvu ne waaóvaabe pɨ́ɨ́néejáu. a ɨjtsúcunúúbé paíjyuváré ɨɨ́vámeídyú teene tútsíyiúúneri iñééne imíllé ityávárijcyóne. árónáa nɨ́jɨ́hoúúné muh íjcyáne cóhpehɨ́vane méénúroóbe. ma ááne hajchótájuco íítyáálle dííbyeke wápújuhcóne. tsúúca doomútsi.

Edit utterance

Text view • Interlinear Glossed Text • Utterance view • Help