Text view

veraa_palaa

Recording date2007
Speaker age40
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
qōn̄ ne vōwal e ruwa mē gunuruō durum 'og'ogo ren̄e ne wotoqtoqo ne visis ēn ni'i ren̄e 'alē duruk 'ēn gōr ēn tētē 'anēn tētē ne 'o'o'ogo ne luwo n ren̄e ne 'oqo lik e ne visis lik ēn ni'i ren̄e lik e duruk da 'ō va'anē e ruwa reren̄e 'anē durum da 'ō duruō durum 'o'ogo durum luwo durum 'irisēn legleg alen maruruō ne velē ma sirēn ge 'a 'ōw'ōw velē ma sir e ge am wo'o 'ōw'ōw n 'uwam̄ērē velē ma sirēn 'uwam̄ērēn 'uwam̄ērē ne 'awis qē di ne velē lik ma sirēn ʔisim̄ērē n 'isim̄ērē ne 'awis 'alē qē' n maruru ne kal raka ne tek mē duruō ga itok kumrum 'awin ni'ik wo kumru me 'o'ogo asenē kumru me leg 'ōn 'ama' ʔalēn qōn̄ ne vōwal ēn dirēm gis ʔēnēn lavet vōwal lavet vōwal 'anē dirēm gis dirēm van van lēn lavet 'anē 'e raga sulm van van vavan van qē' qēqē nagi duruō duruk baer duruō mēn 'amaruōn vēvēruō so kamaduk van rek lēnēnēnēn lavet lēn vunu 'agēn ē sōw ēn vēvēruō 'ogin 'amaruō so 'oōō kumruō 'ovi'i vanvan den kumruk van n marumruō am tek 'i ēn ne 'ir bēne son tektek 'a rekso dim tek 'i ē qē' duruk liseg sir so duru me mas van e duruk kal rakak van van vaaavan durum vavan mak van ma dire man kalōn 'a'ar dire man kalōn 'a'ar 'enei dirēk laklaka dirēm dan laklaka dirēk laklaka dirēm laalaka ē duruō ga 'ir ba'a lēn wōm̄ōm̄o ē duruk 'ēn man lumgav ne vōwal lumgav ne vōwal ʔanē di ne laalaka sēnē wo ne virig ma ē ne sag baʔa lēn vava viē sag lēn vava viē taem durum 'ēn 'asēnē duruō ga moros wal so 'uwam̄ēre ga moros son gunugi n 'isim̄ēre ga moros son gunugi 'alē 'enei duruk ver da bēne va'anē e ge 'ewi ga moros son gunugi e ge 'ewi moros son gunugi vaavan ēn 'uwam̄ēre so ga itok gēdu qē' ga moros ba gēdu qē' duk leg birin̄ san lumgav anē qē' ēn lumgav anē dirēk qē'ēg lik ēn laklaka dine van ne laklaka di vanēm laalaka di ne laklaka wo e ruwa ēk virig mak sag gōr ēn ʔōnōgi sagsag lēn vava viē durum sag lēn vava viē 'anēn lumgav ēm laalaka ne van ma ne sag sur suwō ne ʔēn e wo e ruwa m̄alm̄ala ēs sag ʔi e ruwa m̄alm̄ala 'anē so 'ei kamadu 'anēm van ma sir nik anē kamadu ga moros so kamadu me leg birin̄ nike qēn lumgav anēk kal raka ne tek mē duruō alē ga itok ba kumru ga lama'in vonok aqit aqit aqit ba ga itok gēdōlk e... dōl va'anēk laklaka dōl me laalaka kumrum 'ēn nom tek mē kumruō so gēdōlk mulō ba gēdōlk mulō va'anē alē dōrōl vanēk laklaka va'anē van mēn laklaka anē direk qēʔēg suwōn laklaka durum vanēk laka laalakan tōo ne tōrtōrōk vag e sōw lē duruk n lumgav ʔanē ne tek vaʔanē so van ma gēdōlk ē mulō va'anē ba e ruwas vivirig 'a'ag die 'anē durus vivirig 'a'ag di duru e lama'i ros son 'an̄saran lumgav 'anēn 'ama' 'alē dērōlk van wōl anēk le rak ēn m̄ōglege mur'ōl dērōlk van vaavan din̄ rōw 'a lo dēr'ōlk rēv sur ēn nak susuō dēr'ōlk suō va'anē ba taem dērōl rēv sur ēn nak susuō 'anēn 'uwam̄ēre ne tek so no me sag 'irwur ēn 'isim̄ēre so 'oōo' kumruō 'erē sag 'ōw'ōw no no me sag 'irwur qē' 'uwam̄ēre ne sag lēn qi'i nak susuō n 'ama' ne sag lēn venegi 'alēn 'isim̄ēre ne sag 'irwur 'alē dērōlk suō va'anē dērōl suō suk suō din̄ man n poen ne vōwal wo di ne lukun so vōwal 'alē dērōlk suō suō suusuō suō din̄ man n ge 'ew'i e
• Waveform view • Interlinear Glossed Text • Utterance view