Text view

veraa_jjq

Recording date	2007
Speaker age	60
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Javascript seems to be turned off, or there was a communication error. Turn on Javascript for more display options.

qōn̄ ne vōwal Qo' birin̄ 'eraga 'i'isigi 'eraga 'i'isigi san̄wul wal dēmē ne vōruō dirm 'og'og 'a Rev a Rev si nik van din̄ a Rev nike ēn ēn skul luwo sogi nē bēne ʔa Rev sa nē n vono ne Qoʔ dirm 'og'ogo kēnē vavan qōn̄ ne vōwal dirk dodō̄m 'amēn ga van 'ar ēn naka dirm van mēn 'ar ēn nak susuō dirm van kal sar lēn wōm̄ōm̄ō' ba e Qo' ē van ros 'eraga 'i'isigi wuva dirm van dir san̄wul san̄wul wal dēmē ne vōwal dirm van dirk kal 'ar ēn naka ba Qo' ga 'og'og lēn lōlō vunuō ne 'og 'i dim ʔogo ʔogo vavan ba dire galal ros so Qom van rekm ~~ʔar~~ ~~mēn~~ ʔar naka 'eraga 'i'isigi lama'i ros 'eraga 'i'isigim van 'anē dirm 'ar ēn naka 'eraga 'aklēgi dir dōl dirm 'ar ēn nak susuōn nak n kore dirm 'ar ēn 'erē naka 'anēn nēn kala'a dirk rōw lu ma den lēn vunuō dirk 'ēn e Qos 'og 'i Qoʔ nike ēnēn di sivie vaga kamak van kelkel si kamak van lēn 'ar 'ēqē sik van 'a vie senē kamak van ma nike 'ēn niks 'og 'i lēn lōlō vunuō ba nik ē da sivie kamam 'a van nē mēn 'ar naka nē kamam van ēk 'ar'ar komam 'amēn kamam k susuō wuva rōw ma a Serewan anē si rōw ma lēn ēn mēʔērsa a Rev anē 'amēn ga susu kelkel 'ekē nēk suō din̄ sar 'a Narwē qē' ēk si su kel ma 'a kēnē ba nikēn 'og'og wuva mum wal sa kēnē nike vanvan kelkel ros nike ~~ʔēn~~ nike ēn i nē kamam m van m ar ēn komam niks 'og 'i 'anē ne gitag kom qiri 'anē dirk van 'aluwo 'i lik 'esēnē rise nē dir lik ē... dir da lik 'esēnē van qōn̄ ne vōwal dirm 'ogo dir gēde gēdek van ek rev lun kode dirk van k rev lu man din̄ rōw lēn mē'ērsa a Rev dirk vilvil ēn nak mure ge ʔewʔi ne rev sur ēn s nak mugi nek van rōw lēn naw won n kogi ne ʔul ge 'ew'i ne da lik 'esenē van 'ō rōw ēn kogi wo ne 'ul sow e Qo' dim 'ar sur ēn kogin nanara dim 'ar sur ēn naka anē'ē dim 'o.. le dim n qōn̄ ga mew 'og den 'amēn nak ne qē' alē masōgi dim ʔar sur ēn kogi di ne mul den wōmarawraw ne van ma ne le ne len kōlōv 'ar'ara ne bol ne van 'ō den so e Qo' ne mulō mul den wo marawraw ne van ma ne le kal kel ēn naka 'ir'ir kel lēn 'ōnōgi ne vabiʔir kel lik di ne ʔir kel wal lēn ʔōnōgi maran bēne Qo' ne van ma ne 'ēn 'ei n nak ~~muk~~... n nak kok sa ēnē nom... n woqe 'enge a nom 'ar m̄em̄es son naka muk ba da sivie van kal kel anē dim 'ir 'im 'ēn sier m 'ēn sier vavan 'o ga itok nok 'ar kel lik di ne ara ʔarʔar m̄es dim 'ar m̄es bikirm̄ō' itok nok mulō di ne mul den ba dim gis ēn menren kōlōv 'ar'ara ē ne mul 'ō lēn lōlō im̄ē dim mul qēl rōw ʔoʔoʔogo 'ogon 'ekēm qōn̄ wōmarawrawm kel ma di ga moros ne sōk kel san nak mu ne Qo' ē lēn masōgi dim sōk kel dim sōk kel ēn woqeengem van kal ~~kel~~ ʔir kel lēn ʔōnōgi vabi'ir kal kel dim sik ēn menregi vōwal m sikēm sikēm sisikēm siksik lēgē no? Qom mul 'ō' 'ekēm ma'ava dim 'o'ogom gengen qē' lēn lōlō im̄ē itok nok van kel sir ēn nak muk dim vavan van din̄ kel ma di ne ʔēn e womarawraw ēs kal dedeln̄e i san ēn qan̄ nanara ē ei nike 'anē sas dada kel ~~ēn~~ [UNCLEAR] nak muk as 'ir'ir kal kel 'ei nos lan̄ mama' nikē 'i so dim row m vidir row so ne len mugin ēn qēsēkēr di so ne vus e womarawraw womarawraw so e e nik 'ovi'i vusvus no qe'i no me birin̄ nikē no me birin̄ nike duk 'ar ēn nak mum so e duruk 'ar m̄em̄es kel qikirm̄o reksom da 'i 'ow'ow qē' duruk dur durum dur lu suwo qo' ne mul den womarawraw ne 'og 'i 'og 'i lēn qōn̄ 'anē womarawraw ne dur ne durudur san naka ē dim dur dur dur vavan ʔekē ne maʔava qoʔ ne gengen qēʔ ne mul ne van kal kel sar ne ʔēn 'o ban nak muk 'anē rōv'e ne qē' so ke' so 'o ba ga itok wal ba ~~mē~~... mē bēr 'an̄'an̄ man̄asa so o va gēr 'aluwō 'aluwō nike kel ma duk bēr 'an̄'an̄ ēn nak anē so ʔēris ʔēnēʔ wom di sivie nik mak rēv lun kom vaʔanē e Qoʔ so ʔo itok wom di sivie gēdu me vil ēn nak wal ʔi ʔekēnē lēn wōm̄ōm̄ōʔ womarawraw so o ga itok du me vil ēn nak mum lēn wōm̄ōm̄ō' ba senē di me kal lu bēn Qo' so o ke'i no me dan wede no me dan wede n wede ne wede ne 'ō' lun nak muk den 'eraga 'i'isik ē 'ēn ga lama'i so o nom da rek ēn naka ban m̄alare me row wuva den lēn masōgi dirm vavan qē' rōw lēn mē'ērsa n m̄alarē ne row den san nak susu as sag 'i sow n masōgin womarawraw n Qoʔ dim van kal kel sar durum ran̄ ēn gaga 'ar ēn 'erē wo'iw'iwēm 'ar ēn sama durum vivil vivil qēn naka Qo' ne mulō rawraw ne 'og 'i Qo' dim mulō di wo bulsal nok mul 'eqēl̄ ba qiri lēn qōn̄ no me tēk mē nike nik me van den ēn 'ekē 'anē'ē managi no me gis ēn wede qiri lēn qōn̄ 'aluwō lēn ma'avan nak 'anē man din̄ rōwē 'alo so lēn revrev 'anē dim mulō mul din̄ row misin wal ros di ne van lēn qaran̄ ʔalēn ōlōl di ne mom ēn ʔenge ʔalēn wede e n wede ne wede dim wede wede wede vavavvaan qē' wede dim luwo di ne len nak susu ē ne le ne van ne van vavavavan ne sal lu rōw 'a Rev lēn mē'ērsa 'a Rev naw n wede ne wede ne mamasa? won nak ne sag wal 'i lēn n̄ērē ōn 'anē ne sag wal 'i sa kēnē 'ekēm ma'ava 'eraga 'i'isigi kel rōw 'ei ban nak 'agēnē n nak mu ne sē gēn 'eraga 'aklēgi so on mu ne Qo' 'eraga 'aklēgi so 'ei ba gēdēk vanvan lēn 'ar naka e Qo' vanvan kelkel ros di ga ʔogʔog wuva wal lēn lōlō vunu ban nak mugi ʔanēm b da bēn sivien nak anēm ʔar asenē m kalu ma lēn mēʔērsas sag ʔi anē 'eraga 'aklēgi so n nak 'anēn ko ne Qo' 'ēkē gēdē dēm kalu 'ō man muden 'erē naka m 'ul'ul qē' 'enein ko ne Qo' ga itok dirk gege 'e wo misin wal ros e Qo' ne van ma ne rēv sur ēn nak mugi ne rem rōw rana ne va ~~sur~~ ne su ʔi rōw su rōw lēn nēn mēʔērsa anē dir'ōl 'ēn 'ō ko ne Qom sal ba gēdēn kodem 'ul qē' 'ei 'aluwō dēk da mē die dēk van 'ō di mēn sisidin̄ dēk gal die dēk van lēn sisidin̄ 'o ga itok dirk vanvan lēn ma'a dirk van lēn n̄ēn̄ērēgi nōre dir lele gengen dirk kel ma salsalman gengen 'ekēm qōn̄ suwo dirm sag serge segēn Qo' ne tēktēk mē dirē ne vōvōna dire so ē dirk tēk so Qo' n sava kamam ga moros 'a 'enei den nike 'aluwō kamam ga moros so dēk vanek sisidin̄ 'o ga itok ba dirk galgal ē sirē dir ga moros dirm bol san nak mugi dirm bol ēn nak mugi 'amēn dirk suō wo dirk bol ēn gunugik rōw 'ō so dirm van asenem van ʔasene vavavan ~~dirm~~ ~~ʔekē~~ masōgin qōn̄ ne vōwal likm van ma dirkm ~~salman~~ dir man salman tēktēk dirk tēk mēn e Qoʔ vaʔanē 'aluwō dēk van lēn sisidin̄ masōgi dirm din̄ ma dirm van mēn sisisdin̄ dirm din̄ ma di ne rem ēnēn daraga daraga ga ul lēn tēktēk 'a Vera'a ga ul son darag towla di ga luluwō so 'eraga 'anēm remrem lēn 'erē dara ga sēsēe ba e Qo' dim rem 'an darag 'anē mēn sisidin̄ dim rem rem rerem dim ~~din̄~~ din̄ sag lēn n̄ōl wōqe'enge dim mom ēn mugin ga sisidin̄ dim momom qē' so ne 'isiwē wo e raga anēk sur ēn nes so dara utowla nike luwo nike luwo nike malaw nike malaw dirk tēktēk ēn tēktēk ʔanē won qan̄ ē daraga ē ne luluwo m luwōm luwōm luwō e Qoʔ mas gavra din̄ m̄as ʔavalgi e Qo' ne sag rēn sag kēkē ē sag wo 'eraga 'i'isigi 'anē van rōw lēn vunuō bol ēn gunugi wo dir len nak susuō dirk suō dirk suō sirēn Lōkōno dirm ʔan̄ vēʔē e nei dir ~~man~~ dir man mul den ʔa Rev dirm mul ma a Sisiol ba dir ga 'ōg qēl suw 'a Sisiol n so 'ekē 'anē a Tatgan dir ga 'ōg sa kēnē n vono ne Qo' dir ga ul so Tamlin̄lin̄ 'a Sisiol ba van sur sar ma nik ga 'ēn 'in ~~vun~~... vunu ne raga lēn pablik wok ban valgi kel wōl ma nē san vono ne Qo' ē 'ōg 'i 'ōw'ōw ēn ra'a ba ~~lēn~~ ~~dim~~ ~~ōn~~ dim ōn barbara sirēn sava lēn laklak ne vōwal dirm laklaka vaʔanē dirm var ēn ekē anē dirk var die di ne ōn ʔabilin ē dim ōn barbaran valgi kel wōl sow lēn masōgi dirm 'ōg'ōg 'a kēnē dirk tēktēk qē' mēn e Qo' 'anē dirk len nak susuō mugik suō den ʔa mēʔērsa ʔa Tatgan dirk suō sirēn Lōkōno so Qoʔ di ne sag ʔi anēn darag towla anē di e lama'i ros so di me 'isiw sivie van ~~mara~~ nēnēn ~~wōmaraw~~ ~~bul~~ vuvulugi sin bulsalagi ēn marawa ē ne row lu ma mē die row lu ma di ne vanvan ma di ne rōn̄ s rarara s s rara ʔagēnē sis sursur ēn nes ʔagēnē rekso e Qoʔ ē di ne van ne van vavavan van din̄ man daraga di ne rērē kal ʔei bulsalm da sivie 'o mē'ēsalakm gōno ba nik da bēn sivie o ~~nom~~ nom van ma kēnei kamam ē 'eraga 'i'isik nē dirm gal no ma nom rem 'an woqe'enge 'anē kamam ēm ba dir qē man vanvan so nom van ma 'an woqe'enge 'anē nom rem kal ma 'an kelegi dirm tēktēk mēn woqe'enge 'anē n woqe'enge 'anē din? 'irbēgim luwo no mas gagavra m̄as 'amēn ga 'ēqēl binikm tiktik den sim qōqō' den nom mas 'ēqēl kel m̄as nom sag ren̄ keke 'anē womarawraw so 'o itok sag qe'i nok ..eh.. le sur sōw ēn marawa ne vir ēn ga 'iligi ne van kal ne 'ēqēl ne van kal ne 'ēqēl ne van kal ne 'ēqēl ne van e Qo' ne dam 'a'aga womarawraw so itok nike ~~dam~~ nike disir qēl man gaga ē dam ʔaʔag man gaga anē ~~maraw~~ maraw... e Qo' ne dam dam 'ēqēl 'ēqēl 'ēqēl 'ēqēl din̄ suw lēn qe'an ne van din̄ rōw ma lēn lōlō vunuō ne 'ēn ēn vēvēgis sag 'i ei ba ote ba 'e raga 'anei so o dirm len ~~vēv~~... dirm bol ēn gunum dir man row 'ō' ba dirm van 'a vēe o dirm van sir ēn Lōkōno 'o itok ote sava nik me da nike nos no lēn wōwen̄ wo nike len gok ēn va'al 'agēnē nike nos birin̄ no son vēv ē qē nikie ēqēl duk ēqēl suw alo duk van rōw ~~nikm~~ nike lukun ēn naw naw dim mēlē vag'ōl 'an kelegi nike 'ev'ē no son vēvēgim da lisir vēvēgin sogi e Rōlē masōgi durum din̄ rōw din̄ ēn mē'ērsa' vēvēgi ne lukun ēn naw din̄ ēn vōʔōl ʔan kelegi di ne ʔevʔē san wōvi n̄ ~~nēn~~ wōwen̄ ē be Qo' man kal lēn lōlōgi birin̄ ēn va'al ga minē ne sal luō ne van ne sal sal sal sal wo 'e raga ~~rō~~... 'e raga 'i'isigik susuō dirk suō suō susu 'i 'irk 'ēn ēn vin va'al ne sal ma 'eraga so 'ei vin va'al gēn n gunugi ne sag 'i so vin va'al 'anē go ne Qo' so ei e Qo' e Qo' lu ma 'a vēe Qom sag ren̄ kēkē di mas 'isiw m̄as dirk suō dirk suō nei e Qo' man sal gala dire man van dirk susu 'i 'anē misin ros dirk 'ēn lik ēn vin va'al 'ei suwēn vin va'al ēs salsal lik 'i nē ʔe raga ʔiʔisigi nē so na e n vēvēgi ne n gunugi ne sag ʔi so n vin va'al 'anēn go ne Qo' nē va'al ga mēne lēn lōlō m̄omaduō n va'al a ka... gēdēs 'ēn'ēn 'anē san vin va'al 'alēn lōlō m̄omaduō dir wo e Qo' mas 'isiw m̄as woqe'engem rigē di me 'an̄'an̄ lēge di mas 'ēqēl m̄as dim sag ren̄ kēkē o nike os e Qoʔ ne e Qoʔ ne van lu ma ʔa vēe qē' dirk suō dirk suō suō suō vavavavan dirk 'ēn lik ēn vin va'al ʔēn lik ēn vin vaʔal ʔanē san qēqē na ~~vin~~ vin vaʔal ē dir 'ēn vag'ōl nagi n ~~vēvē~~.... n gunugi so n vin va'al 'anēn go ne Qo' 'eraga 'i'isigi so go ne Qo' ros ba misin ros direm din̄ rek din̄ ēn mēʔērsa a Lōkōno dirk susu sar ēn sir ēn mēʔērsa a Lōkōno dirk 'ēn sar ēs 'ir 'i 'ei 'ēn sar ēn 'an̄sara ne vōwal nē s van kelkel ʔi sar lēn nērē ōn ē lēn mē'ērsa nē wona ..eh.. ēn gunu ne Qo' e Qo' nē Qo' sas van kelkel 'i 'anē 'e raga 'anē so 'e e Qo' e Qo' lu ma 'a viē Qom sag ren̄ kēkē dirk susu sar ma sok 'ēn'ēn 'enteg sir so 'o n 'ir e Qo' so e dirk kal sar lēn dirk kal din̄ sar lēn n̄ērē ōn dirk 'ēn sar man sava Qos 'ir 'i dirm suō kal wal din̄ sar ma anē e Qoʔ ne lan̄ ~~wal~~ lan̄ wōr wal ēn nak ne sag avrōr wal wōr dir kēnē wo dirk 'og wal 'i 'ekēnē dirm 'og 'ekēnē lēn lōlō vunu 'a Lokon 'anē lēn mōnō ʔekē ʔanē dir ga ul o ~~qeʔi~~ n ~~sok~~ sok n qōn̄ n lōkm qōn̄ san so ʔekē anē ban so 'ekē 'anē n so mō... n so vunuō Lebot a Lebot 'an? valgi kel ma sir gēdē kel ma sir ēn gala san vono ne Q... eh... Tumeren ga 'og'og 'ekēnē ʔamaʔ ʔan̄sar luwo nē ban so din ʔama di 'an̄sar ga wē ros di ga 'og'og kēnē birin̄ ēn gunugi wo di ga van̄an ēn qō' Tumeren ē ga 'og sa kēnē Qiri ʔanē dirm suō kal sar dirm van kal sar ma Tumeren ne 'ēn dirē 'o dim malaklak wal sir dire 'o 'erē van ma 'erē van ma van ma gēdē me 'og kēgēn van mom dir lēn gamal kimi me 'og sa kēnē 'o ga itok 'o ga itok wal kimim van ma kimim van ma den 'a vēe 'o kamam van ma den 'a Vunu Lava nike 'e sē no no e Qo' 'enei? 'eraga 'i'isik gēn won gunuk gēn 'o ga itok kimi me mi'ir sa kēnē lēn lōlō ge 'anē nēnēn wōlil ne vōwal sow ēn ʔan̄sara ne vōwal ga lēn lōlōgi ga kōrkōr sogi e Wōqōn̄qōn̄ Wōqōn̄qōn̄ din n ʔagar seʔ n lōgi ga qōn̄qōn̄ di ga ʔaram lu dire so dirm 'og 'ekēnē 'og'og 'ekēnē vavan 'ekēm qōn̄ sin 'ekēm revrev 'ama' ē van ma dirk gengen qē' son bomi sa gēnē kimi me mi'ir sa kēnē so 'o gitag ga itok momom qē' suw ēn bore ʔekē di dim ʔekēm ~~milin̄~~ wē son ʔekēm qōn̄ luluwo Qoʔ ne da dire dirk van ēk miʔir lēn qan̄ris ne nos ʔe raga ʔiʔisigi dir lēn qan̄ris dir qē' wal birin̄ e Qo' dirk van lēn lōlō qan̄ris dirm mi'ir 'ama' ēm 'o'ogo... eh... o nei 'e raga man mimi'ir qēlēn̄ qē' qe'i nok van nok 'eno 'ēn dirē dis van ma di van ros ma lēn dōdōmia ga wē dim van ma sir ʔamēn di ne kur sa ʔe raga ē ba dim van din̄ ma lēn lōlō im̄ē di ne kal baʔa sar di ne sik dire ʔei ba e raga anē ne gitag sa kēnē dirm miʔir kivie sisik dire ne siksik lēge ne kallu kel dim mulo mul kel lēn gamal lēn ʔewʔi gamal mugi ne mi'ir 'ekē ne ma'ava di ne kel ma di ne kel ma 'ei Qo' nom van ma lēn revrev ba ~~kimim~~ nom van ma lēn revrev so gēdēk kakaka ba kimim ʔog ʔi ʔa vie so 'o kamam mi'ir wal 'i sa kēnei nē e Qo' nēn tēktēk mun e Qo' ba ~~taga~~... Tagar lōlqōn̄ ēs sag 'i di ne tēk so <<id>ʔooo> kamam miʔir lēn qan̄ris di ne ʔaram lu dire ʔekē ba nēn mar ʔamaʔ ē ne lamaʔi so o qiri dir me miʔir lik lēn qan̄ris nom kel ma qiri dir wo gitag lēn bore ē dir lēn qan̄ris no me vus dirē nē dirm 'og 'asenē vavavavan ne revrev dirk gengen qē' Tumeren ne tēk mē dirē nok van kal kel nok van sar nok 'og'og 'i nok kel ma gēdēk kakaka lik 'o gitag ga itok nē tēktēk mun e Qo' nē dim van kel rōw van ne van 'anē ne ōn sur ne mi'ir mi'ir gal sa 'e raga 'anē wo e Qo' ne tēk mē 'eraga nōgi 'ei gēdē mas mi'ir ros lēn qan̄ris 'enei gēdē me mul kal sa?gēn dirk mul kal sar ma an ēn n woruqruqō woruqruq 'alēn nim̄ē Qo' ne din̄ wōr ēn wio dirk kal lēn lōlōgi dirk kal lēn lōlōgi dirm mi'ir 'ama' ēm 'ō'ōgo so 'enei 'e raga man mimi'ir e di ne kel ma Tumeren nē kel ma van ma van ma van din̄ man lōlō im̄ē rōn̄ so 'e raga 'anē ga n̄ōn̄ōdo o 'e raga 'anē gitag 'ekēgēn dir ne gitag lēn bore dir lēn qan̄ris nē row suwo 'an̄ siksik dir 'an̄ siksik dire sēs 'a'ag vir? ēn qan̄ris 'anē sēs 'av'avrōn qan̄ris 'anē vavavavan sēs siksik dire vavan n... siksik lēge wo ne mulō mul din̄ kel ēn gamal mugi ne mi'ir lēn ma'av wal va'i nē e Qo' dire man 'ēqēl man kal lu den ēn wio dir man 'ēqēl m̄as ver 'ōg 'i lēn lō.. misin ros e Tumeren ne kel ma kel ma lēn lōlō im̄ē ei ma'av ga wē kimi bulsal ma'av ga wēe 'ei ba nom van ma nonoro lēn revrev kimim 'ōg 'i 'a vie so kamam mi'ir wal sa kēnei 'ei ba nom van ma kimi ne gitag lēn bomi nom van lēn qan̄ris a kimim mi'ir bēne kimi gitag Tagarlōlqōn̄ ne sag 'i so kamam mi'ir sa gēnē lēn wio kamam mi'ir 'an wōruqruqō e Qo' so 'ekē kamam me mi'ir qiri kivi lik ba e Qo' di ga lama'i 'a vie rekso dir me mi'ir ba 'e raga 'i'isigi so e ge? 'anē ne 'aram gēdē ba mē? da bēn sivie nē 'ekēm ~~qō~~... dirm 'ōg 'asēnē vavavan revrev Tumeren ne row lu kel ma mē dire dirk gengen dirm gengen qē' di ne tēk kel mēn e Qoʔ so o no me kel ma qiri no me kel ma qiri wo duk kakaka nein ~~maran~~ n qōn̄ vōruō man van den lēn qōn̄ vō'ōl nagi va'anē qōn̄ vō'ōl nagi 'anē rekson qēqē na qōn̄ 'amēn dirk 'ōg 'a Lōkōno dōdōmia mu ne Qoʔ di ga moros so ~~dim~~ dirm mulō le 'asēnē van n masōgi 'ekēm revrev dirm gengen qē' Tumeren so itok ba qōn̄ ga wē kimi so qōn̄ ga wēe ba nok van ba no me kel ma no me kel ma gēdēk... eh... so o gitag ga itok ~~dirk~~ Tumeren ne kallu ne mulō dir sagsag 'i 'anē sōwē e Qo' so sava nom gēdē me no me da ʔenei e di ne van ma an wōqaʔag vōwal ʔesēgēn ne din̄ wōro ne din̄ wōr ēn wōqa'ag 'agēnē di ne tēk mēn e raga nōgi so 'erē ma? 'erē kal baba'a dirm kal kal kal kal baba'a qē' sar qēʔ di ne din̄ di ne kal baʔa wo di ne din̄ ēn woqeʔenge ne bur wo dirk miʔir lēn n woqaʔag al ēnēn nim̄ē ʔanē dirm mi'ir mi'ir vavan n 'ekē ne maran Tumeren ne kel ma lēn maʔav wal va'i di ne row lu ma ma'av oi 'ei ba nom van ma lēn qōn̄ kimim 'ōg 'i kivie kamam mi'ir wal sa kēnei Qoʔ ne ʔaram mē dire ʔaram mē die so kamam ē mimi'ir ros 'a vie kamam mi'ir wal sa kēnei kamam mi'ir sa lēn 'ōnō mimi'ir nōmam 'anē eh... Tagarlōlqōn̄ ne sag 'i 'oōo kamam mimi'ir ros kēnē kamam mimi'ir sa lēn woqa'agas 'ir 'i 'anē lēn wal wōr ēn nōqō im̄ē 'anē wōqa'ag qi'iē 'anē kamam mi'ir wal sa kēnē ʔe kē e raga anē no me vus dir sivie nok van 'ekē gēn nēn dōdōmia mu nok van kēgēn dir gitag nok van ma lēn qan̄ris gitag nok gis 'an 'erē wio nok ses 'ev'ev'ē qēn nim̄ē ne gitag nok van an no soksok sier ros dire o wo kimi wom mi'ir wal lēn woqa'ag qi'iē itok rekson dōdōmia mu ʔamaʔ nē di ne dōdōdōm rōrōn̄ wuva ba diē tēktēk ros mēn e ʔaram ros ēn dōdōmia mugi mēn e raga ē di ga gis rōrōn̄ ba Qoʔ di ga galgal die Qo' di ga galgal di so e ge anēs dada mē kamam ē di ne dudurug kamam di ga moros vus kamam ba ga itok si wo nike wo niks vus kamam ba si e no nik mas vus m̄as kamam nēn qōn̄ ne vō'ōl va'agēn qēqē na qōn̄ qēqē na qōn̄ dirm mi'ir bēne 'ekēm ma'ava masōgi Tumeren dim row lu kel lik ma mē dire nei dirm kal lu den ēn wō'il wō'il varvar 'an qe dirm 'isiw ma dirk sag 'i masōgi e Tumeren dim kel ma dim 'ēn kel dire 'ei kimim mi'ir kivie lēn qōn̄ kamam mi'ir wal sa kēnei kamam mul lik 'i 'a vie kamam ne gitag ēn m̄omam so kamam mul kēkē sēsēe kamam ga mi'ir wal sa lēn nim̄ē 'anē ba nom van ma lēn qōn̄ no sok sier ros kimi nom van nom ses ēn qan̄ris nom van lēn wōruqruqō nom van 'an wōqa'ag qi'iē no 'ēn qē' ros kimi wo e Tagarlōlqōn̄ m sag 'i so 'o kamam mi'ir sag 'an qe im̄ē 'an wō'il varvar 'a sagēnē sow vaʔanē qēʔ duruk qēʔēg verisē vaʔanē durum qē'ēg verisē so itok wom dada lēg qē' sir kimi ba rōw lēn mē'ērsa a dirm ~~rō...m~~ van kal ma bēne Qom riv ēn woqe'enge ne vōruō varvara won ner ga 'ir lēn ~~mē'ēsa'ala~~... mē'ērsa a vien nak a dirm su kal wal bēne lēn mēʔērsa anē Qo' ne tēk mēn e raga nōgi kimim kakalraka lēn kadu me veris sa enei ban masōgi kamadum qē'ēg verisē kimi birin̄ ēn gunuk kimi 'erē vrig qēl wal row 'alo kimi 'erē 'ēn ēn woqe'enge ne vōru as 'ir 'i 'anē 'arē vidir 'an ner 'arē rem duruk verisē verisē verisē 'erē m̄ōm̄ōgle mu ne Tōmeren Tumeren ne vus sese' qēn 'ibiē di ne kal lēn lōlō qō e Tumeren ne vus ne van 'an sav nēn 'ibiē luwo senē Tumeren ne w... ne lan̄ wōrwōr ēn 'ibiē dim durug kelkel e Tumeren van 'asenē vanvan wo 'e raga nōgik remrem k remrem sa ʔan ner ē dirm rem 'asenē vavan gaidin̄ qēqē na veris nōruō 'amēn e Qo' nē ne row lu den e Tumeren Tumeren so suqo' no 'an ner masōgi dim tēk ēn tēktēk 'anē vagwal wal dirm vrig din̄ man qan̄ ner 'asegēnē n 'ama' so ne da so ne lan̄ m̄as di ba e Qo' nēs va'a sagē so 'o ba itok no me rem lisir kimi dirm rem rem rem rem rem e wo Qo' ne vetren̄ so eh... e Qo' ē ne rōn̄ so mas misin (m̄as) 'ama' so di ne sor vēʔēn magala magal ne da di wo di ne sisraw ne din̄ kel wal suw ēn qeʔan wo e Qoʔ direk remrem won naw n ner ē dine Qoʔ ne tēktēk mē di so n nōk ēn ner nike malaw ē malaw nōk ēn ner nike malaw ē nike malaw n ner ne babarava n ner ne barav so e raga nōgik remrem 'a'aga birin̄ wal e Qo' qēqē na 'an̄sar nōre ʔamaʔ ē ne vrig lik ne rem ʔaʔag dire ne remrem din̄ ma so ne din̄ dire wo di Qoʔ ne vetren̄ ēn magal ʔiʔin magal ʔiʔin ne sak di wo di ne sisraw anē vavan ne din̄ kel wal ēn qeʔan sow e ~~Tume~~... Tumeren wo nik wom dada no me kur sor kimi qiri e raga ga sag 'an woqe'enge 'anē dim le dir 'asenē dirm van vavavavan dine te... e Qo' ne tēk mē di so n nōk ēn ner nike ōn e nōgin ner ne ōn barbara dim ōn barbarav 'asenē ōn barbar kel wal ma 'a vunu e raga nōgik n m̄ōa 'isigi m row qēl qē' 'ew'i qē' e ge 'ew'i dirm 'ēqēl 'ēqēl 'ēqēl 'ēqēl Qon qēqē nagi sōw 'ama' ēnē ne lisir m̄og 'i dir ma vavan ma wo Qo' dim row 'ēqēl suw lēn qe'an 'esenei wo ne gis ren̄ ēn n̄ōl ner segēn nei ne vanvan ma lēn lam̄si kakaka va'anē masōgi dim gis vagran n̄ōl ner 'esegēn 'ama' ēm rem mam rem mam '~~isiw~~... van 'a'ag ma van ma vavavan ma wo [UNCLEAR] ne da so ne vidir suw wo Qo' ne 'an̄ vē'ēn n̄ōl lēn masōgin n̄ōl ner dim van kal kel lan̄m wōr ēn 'ama' ē ʔavalgim ba ē lamaʔi ros son ʔamam m̄es kel kivie kakaka mun e Qo' dim din̄ 'ekēnē

• Waveform view • Interlinear Glossed Text • Utterance view

Text view

veraa_jjq

View options