Text view

veraa_isam

Recording date2007
Speaker age60
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
lēn qōn̄ ne vōwal kaka din 'a kelgi lusuwēn so lēn 'a lēn mērig qōn ne vōwal 'erē 'an̄sar 'a lēmērig vaga dir ga van qel dir ga vovon̄odo lēn me' ne vōwal rōvrōv'en vonore lēn masōgi direm vovon̄odo dirēk mul kal dirēk bigbig ēn gorēn vovon̄odo sin mes dirēm da sin goto sin wōkalkal sin wōsēs senē dirēk mul 'ō kal lēn vonore dirēk big dirēm da senē vagam da vaga da vaga vavan lēn qōn̄ ne vōwal e ruwa vōruō duru mak leg 'i rekse duru mak leg 'i durum 'ēqel rek lēn me' duruk vovon̄odo lēn masōgi durum vovon̄odo qē' duruk mul kal den 'an̄sara ne vōwal wuva dim kalak den ēn m̄ogi gēr lēn 'ēnēs qōn̄ gēr senē di ne 'ēqel lēn me' rek di ne sin̄ ēn mugin nev lēn lēn m̄ogi di ne 'ēqel rek 'an me' dim 'ēqel 'an me' dim sōsōk kelkel 'an me' 'anē van van van dim m̄alrow den so n me' dim kalaka 'enei di ne qē'ēg van sir ēn 'ekē ga rōr ba di masōgi dim 'ēn sier so me' dim da 'esenē dim m̄alrow den di ne rara di ga moros rōw lēn naw ba di mas da m̄as managi si dim rōw lēn naw di me <<ʔul>> so dim 'ukeg wuva diē dim 'ir 'i 'an me' 'anē'ē ʔē n masōgi di ne n meʔ ne v vanvan rak lik row lēn ʔekē ga rōr di ne sōk sier son meʔ dim gis reksen dim van ma reksen ʔan̄sara dim rērē kal reksen 'aval n̄ēn̄ērē' me' dim rērē kal den ēn naw di ne tek mē diē so bul nik van man lēn kolok lēn basbas nagi itok gēduk van tetel so nik m 'enei gēduō va'a lēn venē lama itok so gēduk ʔēqel lēn vunuō ne vōwal dir ga ul son Tores lēn suwēn vunuō ne vōwal rak rōw ʔē nē dir ga ul Tores ba nik wom 'ēn son naw wom lōl luwo ma si wom van kal gōr gēduō nike kalraka nike 'ir kal den gōr n naw ne le nike wo nikm 'ēn n naw dim 'ēqel kel nike sag sur durum da 'eseneē van van van vavavan ne maran ne qōn̄ ne maran duruk din̄ ēn mē'ērsa durum kal lēn mē'ērsa lēn vunuō ne vōwal dir ga ul so Hiw lēn Torres 'erē vunuō 'arn̄i vunuō 'a suwēn 'a Torres dir ga ul Hiw durum kal ba' 'ekēnē durum van sar lēn mē'ērsa ne vōwal meʔ ne tek mē die so ʔamaʔ r lēn ʔan̄sara lēn meʔ ne tek mē diē so bul duk kal ba'a duk momse ke'i 'ekēgēn du me momse 'alēn 'aklē qōn̄ duk mul kel lēn 'ekē gēdum van ma den durum kal ba' sar kēne va n me' m van sar van sar van sar m van sar lēn lēn qil anē'ē m kal ba' 'enteg sar so no me sag ren̄ kēgēn bak bul nike row kal sar 'an n 'ekē ga mamasa 'anē'ē nike van kal lēn n̄ērē'iē nike dar ekēne nike siksik gom ēn gengen rekse sava nik me 'ēn sier m̄as 'alēn nik ga gen nike gen nike dar gōr si nom tek mē nikē so duk mul kel duk mulō nike sōk sier lik ēn 'ōnō mimi'ir nōm nike mi'ir nike on sur nike mi'ir 'alēn masōgi rekse nom ulul kel nikē lēn sav qōn̄ du wom mulō duk mulō itok duruk van kal di ne van kal row kal sarēn dim 'ōg kelkel 'ōg kelkel n me' ne onon rōw nē' dim 'ōg kelkel van van van vavavavan dim qōn̄ ne vōwal dim mi'ir lik di ne mi'ir suwō di ne qōrqōr n me' ne van ma ne tēk mē diē so gōduō me mul kel qiri lēn kalraka duk 'ēqel n 'an̄saram kalraka van 'a'ag rekse dim van 'ag ēn qōrqōr ne 'ēqel din̄ rōwē ne vavan kal ma 'an me' n me' mal dar diē rekse ga di mal sal kal n me' mal kalrak den 'onogi a dim on 'i bēne dim sal 'enei di ga dar diē va'anē so duruk itok rem 'an kolok dim rem kal ʔan kologim row kal kel row ʔan meʔ ʔanē so ga itok gēduōm van nik me da lik rekse gēdum van ma nik da rekse n naw wom van ma ga lōwōo nike 'ir kal n naw wom 'ēqel nike sag dim row kal rōw 'an kologi duruk 'ēqel va'anē durum van van da ʔesēne van vavavan an kele qōn̄ wunvan qōn̄ vōruō duruk din̄ kel ma n mēʔērsa suw ʔa ga <<fs> lēn man̄ri bēne duruk kal ba'a kel sarē ban masōgi durum van ma rōwēn me' di ne mōwōrōo ne vōruō bēne rekse di ne mēlē' kirm̄o' ne vōruō bēne ge 'ew'i ga lōwōon kum̄ ga lōwōo ne sag 'i rōwē wo n menre kum̄ 'ane'ē ne van kel sar ne kal 'ō ba'a kel sar ēn 'an̄sara ē lēn lēn masōgi dim vavavan dim din̄ sar ēn mē'ērsa di ne tēk mēn me' ne tēk mēn 'an̄sara ē so nike vidir kal va'anē nike van kal 'enei e raga dirēm da gengen sir nikē 'alēn qōn̄ vēlimē sagē enei dirēk dirēk lik ēk dirēk lēn maʔava anei nik row sur ʔa ʔenei nik virig kal 'enei dirēm da ba nik 'ovi'i rowrow lukei qiri lēn revrev lēn masōgin laklaka nik mak kalu lēn laklaka itok dim van sar ne vidir sur won wom̄al ne kal lu kel masōgi dim van rōw die aqit 'ēn'ēn den ēn vunu luwo Vunu won tō ne tōrtōrōg som da 'i so dim dim sag ren̄ 'ekēnē 'enei dir ga ul ēn wōm̄al 'anē'ē kum̄ō 'anē'ē so din Maltetrag sow 'an̄sar dim sag ren̄ 'ekēnē 'an̄sara 'anē'ē dim van van kal 'as van sar aq 'i esēnēm (äh) vavan revrev dirēm lik ēn gengen lēn ma'ava dirēm gengen vavanvan rōv'e man revrev dirēk dan lēn masōgi dim sagsag 'anē ba di ne susur lik ēn aklē dudu woqe 'enge ne da so reksen nōgin ne sigil di masōgi dirēm dan laklaka lēn rōrōv'en revrev di ne kalu vaʔanē direm es rak sag ēn laklaka laklaka rekse wunvan resdōn̄ar laklak mu ʔamaʔ masōgi direm direm qē'ēg 'alēn ga laka di ne lak lu ma rek va'anē dim laka rekse dim lak lu ma lēn ʔowʔow lēn m̄oa laklaka dim lak lu ma m da so vagruō nagi dire 'ēn rak 'ēn diē da vag'ōl nagi dire 'ēn rak 'ēn diē 'enei direk dōm so direk gis vagra diē va'anē son sav nē n 'ama' sin 'an̄sara so direm dada 'eno 'alēn ga gis vavarga die lēn vag'ōl nagi a dim lak luma direk gis varga masōgi direm gis varga die direk sōk sier so 'o din 'an̄sara direm ran̄ den n nogin 'erē wōsisigile direk sōk sier so 'o din 'an̄sara 'o ba e ge 'anē'ē sa dirs dan gengen sir qiri 'anē itok e direk vesir die di ne kaka mē diren 'erē kaka rekse sivie dim van sivie dim 'ēqel suw lēn Torres dim 'og'og suwei dim es sivie wo sivie dim kel ma m din̄ dirēm dimdim kel ēn kele qōn̄ vēlimē so dirēm dan qōn̄ vēlimē mugi dim din̄ kel ma mēn eraga sōsōgōgi ʔeraga niniʔigi lēn vunuō a Lēn merig Wunvan kaka dim qē' 'ekēnē
• Waveform view • Interlinear Glossed Text • Utterance view