Text view

veraa_as1

Recording date2007
Speaker age40
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
ok gēnē kaka neln̄ovu a gēnē e ruwa mēn 'isiruō duru ga mōrōs nōru e raw ba duru ga 'ōg 'a Lēmērig durum 'ōg van 'a Lēmērig duru ga mōrōs nōru e [CONSTRUCTION RESTART] alē durum kalak anē duruk van walē 'a Vatov ē van din̄ ma 'a Vatov dutuk van din̄ ma 'ekēnē durum van ma 'ēnē e Dōl sag 'i so ba ruwa mēn 'isiruō kumruk vanvan 'a vie so kamaduk siksik nōmadu e raw alē di so nōk [CONSTRUCTION RESTART] ban nōk ēn raw 'ōg ba durus vanvan 'ō 'i anē 'ōn sōm sōm 'amigidē alē durum le sur ēn sōm anē mē diē durum wōl ēn raw anē den di va'anē le sur mē diē so ba gitōk den kumruk mul kēl ne qōn̄ gōr kumruō ba [CONSTRUCTION RESTART] 'erē 'ōg 'i gidōl alē dir'ōl mi'ir va'anē dir'ōlm mi'ir anē mi'ir anē ne vavan ne maran maran ma anē e Dōl ne tēk mē duru so gidō'ōl van lēn 'ēqē' dir'ōl van anē dirʔōl ov ēn qeʔe wok gin ēn rōrō wok ov ēn gie alē dir'ōl van qēl [CONSTRUCTION RESTART] mul kēl ma lēn lōlō nim̄ē va'anē mul qēl ma anē rekso alē dir'ōl e duruk wos ēn n̄ar wos ēn n̄ar anē dir'ōl dan wig me big 'ō san rōrō' ē alē duruk wos ēn n̄ar qēk qis ēn lōt gengen enteg qē' wē ba ma'i 'ōw'ōw rekso nik me in [CONSTRUCTION RESTART] nik me gengen qē' nik mak inin alē van e La(WA) e Dōl kumru e sē me wan mok ēn gie alēn 'uwam̄ēre ne tēk mēn 'isim̄ēre so on 'isim̄ēre me [CONSTRUCTION RESTART] ne [CONSTRUCTION RESTART] me wan di ne wan va'anē ne wan ēn mogin gie anē duruk 'ogin 'uwam̄ēre me in alē durum inin vavan anē e Dōl so o no man qēn gie man man no ban 'uwam̄ēre so o no rek ēn giem man no alē dir'ōl ōn sur mi'ir va'anē dir'ōlm mi'ir anē lēn qōn̄ e Dōl ne kalaka ne van rōw ma anē ne kalu lēn mie van rōw ma anē 'ēn ēn wōvēre mi'ig ē dine le ne gial san wōvēre mi'ig ēm gial ga tiktik wal ē di ne kal ba kēl sar ma anē ne ʔan̄ qal san 'uwam̄ēre ga mi'ir qēlēn̄ wal di e rōn̄rōn̄ wal rōs alē ne gis san wōbin mugi ne rēv ne rēv san wōbin mugi anē ne riv [CONSTRUCTION RESTART] ne rēv san wōbin mugi anē ne 'al varga san wōbin alē dir'ol mimi'ir van di ne ma'av ma anē 'uwam̄ēre so o [CONSTRUCTION RESTART] ne tēk mēn 'isim̄ēre so nok rōn̄ ē so nik ga rus sivie so wisi no e [CONSTRUCTION RESTART] no e rōn̄ rōs son 'irbēk e e no ē [CONSTRUCTION RESTART] ne tēk [CONSTRUCTION RESTART] ne e [CONSTRUCTION RESTART] ne 'aram mēn nom van lēn nim̄ tiktik so nok mērmēr ba nom mērmēr lēge nom mē(WA) alē duruk 'ōg'ōg 'i anē e Dōl so o ba dōl kukuk qē' kumru mak van alē dir'ōl gen(WA) kuk qē' lēn ma'av anēk gengen enteg qē' 'alōgi so ban raw suwēnē 'erē van 'ō' alē duruk gis ēn raw anē 'uwam̄ēre ne tēk mēn 'isige 'isim̄ēre ne gis san qō ē ne van revrev va'anē' alē dir'ōl duruk mulō va'anē so ga itōk e Dōl kaduk mulō so gitōk ʔerē van ʔōn nōmrun raw durum van van vavavan din̄ ma duruk van kēl sir 'a Lēmērig va'anē' van ma din̄ ēn bē bē ne vōwal anēn sogin Bē'elmamgin duruk din̄ ma kēnēk sag sur sagsag momse sirē e ge ē ga rōn̄ ga se' duruk sagsag 'i anē wok 'ēn sarē e Dōl man lies nōgō 'an̄sar ga sisiē ne qēl ma di ga gis ēn vus 'amēn karkar ē ne qēl 'a'ag ma san bē so e ruwa mēn 'isiruōm da sivie o kadum vanvan 'i ban 'uwam̄ēre anē ga rōn̄ ga se' di so ba di ga rō(WA) eh di ga rōn̄ ga se' sivie so di ga rusō so ba kumru 'ōn wōvinqa son 'isim̄ēre so 'e'en wōvinqa nei lēn 'an̄a muk ʔalē di ne le sur suw mē di son ʔerē le ma le ma va'anē 'ara man bē 'aran bē mē di di ne [CONSTRUCTION RESTART] ne vogol ēn di ne vogol vogol suwōn bē anē di ne ʔēn suwō so ʔo e Dōlm ʔal ēn wōbin mune ge anē di mērmēr rōs ē so ba van ma alē dine van rōvrōv'e ma sa dis [CONSTRUCTION RESTART] 'uwam̄ēre ne van rōvrōv'e ma e Dōl va'anē alē dine 'an̄ suw sa 'an wōbin mugi anē ne ris 'ō vavavan ē ne 'uw kirm̄ō nenen wōvere mi'ig anē dim kirm̄ō nmērēgi dim ser ēn ʔekē anēm ser ser ser vavan ser qal ēn ʔuvu wōqeʔenge gil sur san 'uvu woqe'enge anēm m̄es sur kēnē so ba ruwa e... e ruwa mēn 'isiruk tēk va'anē so 'en [CONSTRUCTION RESTART] 'e Dōl [CONSTRUCTION RESTART] 'e sok [CONSTRUCTION RESTART] 'an̄sara anē tēk mēn e Dōl e Dōlm lies ēn nō(WA) nōgō 'an̄sara ga sisie va'anē tek mē di so ruwan nōk ēn bē agēnē nbē nōk anē ga mana nei ba di ga mana 'i lēn raw wuva so ba kamadu ne gitag sōm ban nōmadun raw sa suwēnē so gitōk alē so si kumru wom wōl no wōl mē non raw ga itōk alē duruk le suw san raw ē mēn e Dōl va'anē le kēl suwōn [CONSTRUCTION RESTART] duruk 'ōg 'i kēnē van duru(WA) dine so ba ga itōk kamaduk mul kēl vaʔanē so ga itōk ʔerē mulō alē duruk mulō wo e e Dōl ē ne ne kalak anē le kēl ne [CONSTRUCTION RESTART] ne mul 'ō kēl ēn qō anē ba duru e lama'i rōs e Dōl nē sirē dim lies ēn nōgō 'an̄sara sisie alē duru so [CONSTRUCTION RESTART] duruk le suwōn qō anē mēn 'an̄sar anē dine mul kēl wo duruk sag 'i kēnē alē duruk mulō mumumulō e Dōl ne van kēl lēn van sir 'a Vatov wo dine e ruwa mēn 'isiruk mul kēl ma mul kēl ma 'a Lēmērig so wunvan kaka neln̄o vu' wunva dime qē' 'i sakēnē
• Waveform view • Interlinear Glossed Text • Utterance view