Waveform view

T19

Recording date	2006
Speaker age	46
Speaker sex	f
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

juiti ju juiti nechjisʔoyre ʔeno no ʔchañonoʔ mopona no ʔjirono tyonono tkasaekono ttanuchwono to nanikgiene eno ʔjirono enjooʔi no nayenompooʔi napenopooʔi eno ʔjirono ene tyonompuiji namutu tkopakurajono ene titekpompo te to nakasaesrare etjooʔiji eto to to nayeʔe paku motomoregienejicha ene tkasaekpuiji to pakrara ongirarichiji eto naetrureriʔi ene takepuiji manjeʔepuiji eto to nakasaeeriʔi ñikepuiji ñi étona vyannejcha uchapo te to ypenono vitkowripo pjoka waka ñikepuiji ñi ʔpona woʔi wichʔo waatoʔo tajicho nuti pnokro ʔchañono te mpeno ʔchopemuriono ene pjoka vitrewriʔi ongirarichu ~~moy~~ ʔmoyorichʔo wo man wo waatoʔimʔi ñikepuiji ñi ʔpona vyana onogiyʔe muechkoresi vitkapripka ñikepuiji ñi jeꞌe jeꞌchuraꞌi ene te to tajukpuiji to nayeꞌe paku eto to sórare towjuꞌe to smeno tyonompuiji naponojokpuiji napompuiji to nayeʔe paku wiprineji to manjeʔenaaʔi nanokariʔi to naemotyoraenapriʔi te to tchowonyor epo jeꞌchuraꞌigneeꞌi takosioppuiji to naetotigne to pakrarano tatiwgieneriꞌi ene ñikepuiji ñi ʔpona wo pakraraena jmarono ʔeto jmaro smorono eto tkijare tropano jeꞌchuraꞌigne teyjuchwompuiji etono tpikokwompuiji eno ene woꞌiji nakopaka tajicho wipuiji taetujꞌonriꞌi vyananejcha nakoʔojnopuiji vyana wchapo teyjuchwompo jmani ene wipuijiro to tyutokaaʔi eto to nayeʔe nayeʔe eskopeta tajinaeji to napikosrawriꞌi wopuiji taettujꞌono ene takepo ñikepuiji ñi étona ene nutitsero nnokyore nkopakoyre tayampane to ʔétona ñikepuiji eñi ene tkuchokompopka to na... ñikopasirayooꞌi eñi ene woꞌi tyutokaaꞌiji to nayeꞌe vala woꞌiji titkapono takepo tchowonyorepuiniji te to napeno ene wipuiji eto manjeʔenaaʔi eto taemotwonriʔi ʔeno no ʔchañono ene to nayeʔe paku etonapripo etonapripo tajunjikporipuiji tyonomporipuiji tchowomporipuiji to nayeꞌono paku ene ñikepuiji ñi ʔétona yotiyoreporo pjuena ʔooyo to vkoyemyooriʔi oni wakʔe ñikoʔojniji ñi ʔpona ~~tyonojniji~~ tyononojniji en takepuiji ñikepuiji ñi ʔpona wiro enenaaʔi te pjoka oni to vyonʔaaʔi ene manjeʔepuiji ene ~~tyopi~~ temtyokonriʔiji ene ene te to ʔchopegiene smeno najnagne ʔchanena no no no tyanano tayeʔe na wo takti to smeno tyonono no ʔchañono nakasaesrare ene eto woʔiriʔijiro muemmo to smenjeku tajina ~~tem~~ temtyokompuiji tchimroko yotipuiji yotipuiji timkojrikompuiji te to smenjeku ene takepo tjaraʔipuiji vyana wchapo nakepuijiro vyannejcha wchapo tchowonyorepuini ji woʔgieneji taemotwono chimrokpuiji ñi ʔétona to vepakarajigiaponejicha ñikepuijiro ene tepakarajikwompopka ene ene onogi tveʔkokowojnopka ene takepo tayononojniji wiro enena te pjoka nakoʔojnijiro tyononojñi tachimrokpuiji ñi ʔpona ʔchane ʔeñi to manjeʔe ñirotopopka eto tkuñarogiene towjuʔe to smeno woʔiji naemoti tajpukaeji to taejare to sorareeʔi etotsero ñi tnaekpuegneʔriʔi etopo eto taveʔo jmuena tompo te pjo taeype ñikepuijiro eto pjuena tkíjare spugi ene ñi ʔpona ñikepuijiro wo spugina pjuena nomuire nimʔo eto tkíjare condor en asike woʔiji naemoti to tajpuka to taejareeʔi eto etotse ñi ʔpona spugi ene ñi ʔpona condor aa aa ʔchope towjuʔe to smeno tompuiji eñi ñi ñi ʔchane te to taeype taemioropuijiro ene nanospuiji no apínano ñikepuiji ʔoopo to vkoyemyooriʔi juiti taa takoyemriꞌi to enemꞌiwokowriꞌi vyana wchapo viti ñikepuijiro eñi ene te tchowonyorepuiniji woʔgieneji taemotwono manjeꞌe tachimrokpuiji ñi ꞌpona to ñirotopuiji to ꞌchope giore tamichrukpuiji ene taniikworepuiji ñomuire eñi ñi ꞌpona ꞌchane ñinospuiji ñi étonarine ʔoopo to nkoyemyooriʔi yotiyorewore ~~pjuera~~ pjuena ñikepuijiro eñi ʔene pjoka wo tajinaaʔiro to vimʔognenariʔi vimotgienenaaʔi tajnajno vsamgienena tajnawore sachena woʔwore tektigiapo to eto yponariʔini ñikepuiji eñi ñi tajina tmopkumoriʔini woʔtseriji tgiwa ʔetotse tmopkumo tmotnaʔriʔiji ene takepuiji eto ñi ñi etonagne ñinosgieneriʔi ñikepuijiro ʔeñi ʔoopo to nkoyemyooʔi juiti tniknuyrepkayo nomuire to taeñejuʔe pjoka smeno nnosyore te pjoka ʔchope ukugi enepo nowʔoyre ñikepuiji eñi ene nimsiʔyore jeʔchuraʔi ñinosworepuiji eñi ñi ʔchane te to ʔchope wkugi ene te to tjaraʔiwrepo tyonworepuiji tpuikoworepuiji tkechrapuiji ongirariʔi to sache etopuiji ñiponriʔi ene te ñipuisrarinejicheji eñi tyono te to ewiregne manjeʔe ñisampuijiro ʔeto to iwoti te to ʔtuprijechgiene smeno ene jaa takepo tyompuiji ~~ñiponok~~ ñipoʔchooʔi ʔeto to iwoti ene to ñisamoʔchirariʔi eto ñiwooʔoripuiniji to tyuchjikyooriʔiniji ene woꞌtseriji tyuchjigia tekꞌopuiji mraka ñinikpuiji eto toꞌi to smeno ñitankopuiji eto to kochi ñinikpuiji ʔeto ʔmoyoʔirichʔiji takootosʔopo to ñomi ene jeʔchuraʔigne kopereʔgirarinejicha che to ñisamoʔchirariʔi eto to manjeʔe iwoti tyompuiji jeꞌchu ñimꞌopuiji ñi ꞌchane ttupꞌerekooꞌiji ene eñi ꞌchaneꞌooꞌiji to ñogꞌe ene ñipikoriꞌiji tajicho to ñimꞌooꞌiji to tamiro to paku pakumiroriꞌiji eñi ñi ꞌchane ettse techriikogierekooꞌi woʔiji timerigiapo eñi tajicho wo ñimʔa to jeʔchinariʔi ʔchanewokina ʔeno no ʔchañono ñimʔogne ʔeñi ñi ʔjiro etotse eñi ñijukriꞌiji eñi to tektikwopriꞌi ñijukpuiji eñi ñi paku ñi ʔchane pakumiro ñijukpuiji ñijukpuiji takepo ñichʔowkopuiji eno ñijanemuriono makñojooʔi kristianu tejvekjicha tijyeeʔi jmakni vyana utanka ñikepuijiro ene ʔeñi taapikokwo enepopkayo te pjoka manjeʔeyooriʔiji nowʔoyreeʔi enepopka na... tniknonyooꞌi jmani pakono ene ñikepuiji ñi ñi ʔchane nyananejcha nimerígiaponejicha jmue ma nimʔogneeʔi wichu nakootokanu pnoko majanemuriono jeꞌchuraꞌi tyompuiji ñechjikpuiji eñi ñikootokpuiji ꞌnuujiiꞌi taja pemtone piti kristianu te pjoka viowsaraʔiiʔi viti pakono ñijichpuiji ene takepo nemtyorojiiʔiro ñijichpuijiro akatajigianu wo ʔoypuka ʔakuggionu tajicho nuti juiti nkejworine nchowyore te to nowsaraʔi moponawokowriʔini ñimetokoripuiji tiyoʔoprineji to ñimetosirariʔi no no no ʔchañono pakumirono ene takepo ñijicho ñikepripuiji ʔeñi nom ñi nogienuuʔooʔi eno no no pakumirono <<on>aa> <<on>oo> vjicha jmaka ñijichpuijiro ʔeñ vkootoka vnigia ñikepuijiro ʔene ñi ʔpona eñi ñijichpuijiro woʔi etotse ʔema tyoserikwooʔiro to woʔiji to ma muemtyorojiiʔiji jmakaaʔi ene vitiji to manjeʔe wkuchkuʔyooʔi te to mapeno makeeʔiro ene skepripuiji ʔesu su nogienuuʔo ʔseno to paku ʔseno su paku ene sjichpuijiro esu wo wo wo wkukpako pñigia ʔchane tajicho ʔeñi manjeʔe tajicho ʔeñi pñigia eñi ʔeñi tyomyore ʔeto to manjeʔe vechogieñono vimotgieñono vitkogñono te pjoka viowsaraʔiiʔi tajicho najina ʔeno manjeʔena tyoma to vitkogne vechogiene sjichpuiji esu wiyo wkukpako wiyo wkúniko woʔi tajicho tejworoʔiripo ñomuire sjichpuijiro esu su ʔseno su nogienuuʔooʔi ñiyenoriʔi ʔeñi ñi nayeʔeriʔiji kapitán eno no pakonriʔi ʔchañonriʔi takepo nakootokpuiji ʔeñi naemitjikpuiji te to manjeʔe ʔtupripueko woꞌiji nakosiopa te to napenoriꞌi ene ʔeñi tetarakripuiji tekʔoripuiji tvitaripuiji naemitjikpuijiro te to ttupripueko napenomíroꞌu to tnikompuiji ñomuire ñijomrachriʔiji to naniru woʔiji naengia woꞌijiro to naengia tiyoꞌogierekoripuiji eñi takepo titonisiompuiji eto naejrokpuiji to nanittagieriji to ꞌyópegie ñijich najichpuiji ʔeto ene ene takei ʔene ajichovi viti pakono to akitotignewokovi te to a akootokoopo akojrukoopuka wo itka eperaregiavi ~~anoko~~ anokovi vímoko te to ʔtupripueko anokpo to ymókoji viomuireeʔiro manjeʔe vsamriʔi to ʔñiʔu to tajpuka to to manjeʔe taeñe to yoti najichpuijiro ʔeno ene juiti piti mopona yoti pimokoyre te pjoka ñijichpuiji ene sjichpuiji ʔesu su ʔseno etotsero vijrokarichu to ñepajijrina sjichpo pyana pyana pyana pechka jmuena tapókoji tyojpokono ʔeto muemsiʔyore ñijichpuijiro ʔeñ ene eneji najichriꞌi n ene eneji ñimoko eñi pochpuiji ñijrokriꞌi to nanittagierujono ñinikchichatseriji eñi ñeverorogieʔo taepchognejcheji to manjeʔeraaʔi to nekʔira to moponagiene sache najichpuiji jeʔe tyuri psamo tyuupi ene ajichovi viti akeperuujiwokovi ʔwo ijrokavi eto to to waka viomuire ywooꞌo wniko to waka viomuire ywooꞌo wniko to tyuunisi viomuire ywooʔo wniko to cheruji tketcheji jeʔe tyuri pjo jeʔe tyuripo tyuri pimʔo ñijichpuiji juiti pjoka te to pchappo te to piowsaraʔi ʔeto pechjisʔogneyre ñijichpuijiro jeʔchuraʔigneeʔi su ʔseno manjeʔe esu sjapanuuʔiji ʔeñi sechpojrikpuiji takepo manjeʔe naejrokpuiji su su ʔseno ñiyenoyooriʔiji su pakumiro esu psuka p ʔseno pyenoyore pechpojriiyore kuti sitswoyre ʔesu pporape pyeno najichpuijiro pnosyorepo navejapukpuiji naemitkopuiji to naemtoñono ʔeñi tkemtonepuiji chimrokpuiji to manjeʔe tyereʔipuiji ʔeñ sinkooʔiji añu ñijichriʔi nayeʔe chimroko to tkochichapuiji eñjooꞌi ñi ñichichagira ꞌjiroriꞌiji ñi ñichicha ene ñi ʔmoperugra ñichichariʔi ʔeñi tyuuna eñi woʔiji pakumirina ʔeñi ñi ñichichariʔi kutriʔiji no kristianono te kwatrupuiji to ñiꞌañura eñi ñi ꞌmoyo ñijichpuiji ñi ñiya tata vyana vengia ñijichpuijiro mpuegneʔviyre woʔi nchicha ʔmoyovirichʔo ñijichpuijiro ʔeñi ene ñijichojniji ʔeñi woʔi nrotoʔoripo tata ñijichpuijiro ñisoppuiji ʔeñi ñi ñichicha tyonompuiji tenkonriʔiji ene onogi te titekpompuiji ñijichpuijiro eñi tata ene wo pawroʔo vyana se psukni meme sukrojooꞌi psukni meme nimoti nuti to piosʔine ñijichpuiji ʔeñi ñi ʔmoyo ñijichpuiji ʔeñi ñi ñi ñiyariʔi woʔi nchicha ʔmoyovirichʔo ʔchopevinachoʔo jeʔwo eto piomanupo te to mpeno ñijichpuijiro ñi ñichicha ene eñi ñi ꞌmoyo ñijichpuiji eñi nrotoʔoripo tata ñijichpuiji etotse to p to pkusoppojkonu te nakyeʔepo sinko año manjeʔepo eto vyanapo nrotoʔoripo tata psopnuyre nuti pchichanu ñijichpuijiro ʔeñ psujrichwogierekooʔi juiti ene eneji najichriʔi ñijichriʔi ñi ʔmoperu ñi ʔmoyo tyononworepuiji tenkonriʔiji movereji to jimono naeraʔisnooʔiji ʔeno no chañono pakumirono takepo tyonompuiji yotiji to ñomriʔiji ʔeñi ñi ʔmoperu ñi ñiya yotiji ñijichporipuiji ñi ñiya oni vkeyre oni vimsiʔyore ñijichpuijiro wo pawtayre tata ene nokrojooꞌi pnokro ꞌchañono taeñejuꞌono pjoka smeno tyuchuchwokovionñore ñijichpuiji ʔeñi ene piti manjeʔeyore tkomesavionyore to nawooʔo to pechjikyore ene piti wo pajikpoyre nuti njikpinoviyre ñijichriʔiji eñi ñi ʔmoyo ene jeʔchuraʔi weno wo pkuuyoko ñijichriʔiji jeʔchuraʔigneeʔi eneji ñijicho ñi ñi ʔchane titekpopuiji ʔene ñitiwriʔiji naemʔo naemʔopuiji ñi japtugmiro ñipikoriꞌiji eñi ene piʔa pkotyorokaniji <<id>trrr> tsisomirotataji tjopʔugi pjichaniji ñijichpuijiro ene woꞌiji eñi to ñijikpa ñijichgieneriꞌi ene te to pawroʔo to petavigianu juiti piimuikyore ñijichpuijiro oni pjichyore to piimuisraaʔi et etoriʔiji eto to manjeʔeriʔi to to ñiyeʔeriʔiji te ʔpuechjiriiwo castigo nakoʔe asike tiimuikpooʔiji eñi to to manjeʔeraaʔi to napisraaʔi pochpuiji eto tyononworepuiji tochmiruchworepuiji to ʔúʔariiʔi juiti te to pkiimuiko ñijichpuijiro manjeʔeyore nkopakowyore tessupuerikojniji te to nee manjeʔe te to ʔsaypeeʔi to ʔpogʔe ñiyustipgienchoyreeʔiniji pechjigia pkotyorokanu ʔchopeʔugi ʔchopemiro pjichanu ñijichojniji ene eñi twonokore ñimitkosi ñe ñi ñichicha takepo tyononworeji etopuiji to kavitukusriiʔi to tyuchkopuiji eto taestakpooʔiji te to tasiri eñi pkeyre oni to piimuisrayre ñijichpooʔiji ene manjeꞌe ñituchiji ettse woꞌiji techjigia ene te to tyuchjikonñorepopka taruchuchójniji ʔeto to etopookorichu eto to manjeʔe ʔpona taeñejuʔe to smeno to tkijareeʔiji yawa etotsero eto etopookorichu to Japtugi eto ñijichpuiji eñi ñikanaekpuiji te to manjeʔe to me ʔchope merómero eto takanaekyooʔiji te to ʔchopegiene kogiure te tyanaekyorepopka te tyanneʔpopka to titekpoyre te to ñipeno eneji ñijichriʔi ñi ñichʔoppuka eto to manjeʔe ñiyeʔeriʔi pkure mpokre mpokre ñijicho mopoʔeji to ñichʔiji napokre e takepripuiji eto tpioorikpooʔi ʔeto ñimetokopuiji eñi ñi tkoyʔe tajnatsero paggioyre jmaka ñijichpuiji jeꞌchuraꞌi tyonompuiji titekpompuiji te to napenoriꞌi esu su ñiyenoriʔi esu tituchwoyreripuiniji eñopripuiniji ñi ʔpona simayooriʔiniji tata wo pásemoyre ema jmaka ʔchane makoskuʔyore se psuka meme ene tajina paggioyre ñijichpuiji ene vimmirajkoyre vimyonyore te ʔto ʔpochkoypaʔi ñijichpuijiro ʔenjo pnoko pchichanoviono jeʔchuraʔi tyonompuiji tajinaeji manjeʔe nayeeruwina to tyonompuiji ñi ñi to napeninaripkaeniji jeʔchuraʔigneeʔi ~~titekpo~~ titekpompuiji tay eʔe ʔeto titekponripuiji to te to nowsaraʔiyreeʔi takepo eto ~~tak~~ ~~take~~ ~~ene~~ ene najichriʔiji ene ʔeñ ñimichrukripukeji eto to nayeʔeyooriʔi nayeeruwyore ~~nanik~~ ñimichrukripuiji tamutu to nayeeruwyooʔi ene takepo no ꞌchañono rikkokoꞌompuijiro eno etopo to manjeʔe naniruyore namuiiʔoyre to to napenoyore te tyuriompuiji ʔeto eto ñinokporipuiji eñi ñi ʔmoperu ~~ñisi~~ ñikosiivipripuiji nepiakporipuiji to namimrooʔi tyuchkopuiji to piesta ñikuchkopuiji eñi ñi ꞌmoperu ñi ñiya ene tiimuikomporipuiji takegnepo juiti pnoni tkomimroropuekono tiimuimuikono te jmani piestan ñi Japtugi ñi ñi torito ñi pakumiro tamutu jaa ʔeneji takeeʔiji pjoka ʔchojriikowo eto nechogiene nuti jeʔe rusrupaya

Edit utterance

Text view • Interlinear Glossed Text • Utterance view • Help