Text view

T22

Recording date2008
Speaker age70
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
eto pwooʔo to pechoyore veno Pransiska eto mayeʔe ema Noko Guaji ema te to sontaapo ema ʔchane makochane ema ma nochko nuti mueya ma tata eno ʔchañono te to titekpompo eno tkomeriono eno wo nawroʔriʔi eno no ʔchañono wo nawroʔriʔi to tsiopano eno tkomeriono nawooʔo to nakopaka eno jicho eto mawoniipiiʔi ma Pedro Ignacio Muiva ene no ʔchañono tkomeriono wo nawroʔo to wo naesopa no ʔchane tkomeriono to tsiopano ene tyonompo eno ʔchañono onogi te pjoka nakoparakpo eno no ʔchañono naestarakopo emma Pedro Ignacio Muiva makepo ema wo akujnopo nuti u manjeʔeyore pnoñono vkopakoyre makepo ene eno no ʔchañono sontaronriʔi mayeʔe ema ene mawonikpo asike tjunopookompo eno to tkeʔnapo naeʔopo ma Pedro Ignacio nakopakopo namuujokpo naeʔopo naechkopo ema tkotyuchworichʔini pero no ajanemuriono tjunopookompo takeeʔi naetoʔakpo ema ene nakuchokuʔpo eno ʔchañono onogi te to nowrikriʔi no ʔpomriono tyuumutompo nakuchokuʔpo te to nakopayakaripka to komisión ema taetpikpo ema José Santos Noko Guaji sontaariʔi ema nawonikpo tyonompo onogi sontarono n diesnano no sontarono tyononriʔi nakopayako te no ʔchane ene onogi no ꞌchañono teyjuchwompo te to smeno ene to titekpompo eno tsiopono tkoperojono eno no komisiononriʔi nakopayako no ʔchañono ene eno nanokpuiji to laso nae naemitjiko to te to ykugi asike te tsiopompo namutu eno tkoperojonriʔi nanaekchopo nakoyusrepo nakoparakpo ene ema ma étona tyuuna muetkopka to tkópero ema ʔchane porke te to titekpo to tyuchkonyorepuiji te to towʔo to wákapi ene naa manjeʔe nakojarupkopo to wákapi titekpopo to kwoyu enepo taechisʔo wipo taatoʔo taet tanukaaʔi to wákapi ene ema ma étona muetko tkopero mawoniru ma viya ema wo nakpakyore ema ʔchane taemʔopo to kwoyu to na nakojarupkopo to wákapi teterekpo eto kwoyu asike ema tjunopopo tyompo to tyompo ema n naponojokpo no ʔpomriono ema ewireripo majapanu ma Viya wo nakopayaka emapo mametokopo eno ʔchañono te pjoka titekpopo te to ʔwósare mametokopo ema te to ma Komandante naeʔ no militariono enopo mametokooʔi ema ma Komisionriʔi to naponojokriʔi nakoparako no ʔpomriono Bueno tyuri viopjukyore sien soldado makoʔe nopjukpo ʔpona komisión tyonompo tyonompo te to nakoparasʔo no ʔpomriono taetpikpo ema Jóse Santo Noko waji sontaariʔi ema makochane ema nochko tyonompo makochaneeʔi eno no sien siengiene sontaru Te titekpompo oni naesopo to tsioponriʔi eno nakosioproko ene ttsetsekwonripo to tagiigire to nakopa nakopasiʔyore no eno sontarono eno tyomonriʔi to eskopeta fusi tajpuka eto Ene eno trinranono tagiigirechus to nomriꞌi asike tpikompo ene eno taetpikpo tsioppo nakoyusrepo ene ema nayukyorepuini ema José Santos Noko techjikpo te to vechjiriiwo wo akukpaknu nutirichu ajañonnu ene tajpo takoyemriꞌi to pkosiojwo es que eno nuti sontaanuuʔi twoniknonriʔi pero nuti wo wo naksiojwoyre wo nakpara nakpakʔeyre eti njañonono tyuri pnokjigia pjo pkámisa najichpo ema jicho sontaariʔi em naejrokpo to camisa civil Asike emapo ma nochko ema makochaneeʔi apinano eno techjikon te to vechjiriiwo takeeʔi to wipo nakopakaaʔi Ene tyuchkuʔompo eno na manjeʔe nakochanepo eno no tkop aʔiono no tyonompo te to pjokni tkíjare San José towʔo eto to ukumari eto ukumari eto tanikojno no ʔchane eto eto tkijare San José enepo nakijʔe eno ʔchañono eto to tkestarakompo no viyanoviono jicho wo nawrokriʔi to tsiopano no tkomeriono takeeʔi juiti ema Santos Noko José Santos Noko ema ema ʔchane trinranu pero eneji makarawoʔiiriʔi te to Santa Cruz ema ꞌchane ene maꞌesturiaresꞌo kopeni ʔchiʔchoʔrichʔo tyompopka najapanuuʔi ema ʔchane wo toonanaji ema ʔchane pero to machuti tyuuna asike ema ʔchane esturiareko te tsioppo oni jeʔe muetkogiereko tkomeri Ene etjooʔi to mayeʔe libro májiko eto makoyʔe ema Jóse Santos Noko takeeʔi mkatariʔi abogadono roktorono no makutechjisraaʔi ema ʔchane takeeʔi ema nawooʔo naemotyore ema majpuka ema trinranriʔi José Santos Nokoriʔi ema muetkoris to tkajre Te to temtikporipo no ʔchañono manjeʔe wipo nau nawroʔo to nakoparaka tsioppo ma ʔpona tparaako ene enochichano terajriikowonriʔi ene onogi Ene wo akuuyoko majichpuiji ema José Santos Noko wo akuuyoko tatanoviono nimʔarine nkajreyre jmakni tparaako te to Trinra ma asike nimʔarine nuti Ene komo ema titpaajiꞌoriꞌi ema etjooꞌi to makootooriꞌi ema José Santos Noko muetko jeʔchu estudiante veinte añu te eskuela te to Santa Cruz ema ʔchane takeeʔi mkatariʔi ma ʔchane Juiti eto takomnuuʔi eto to wnoka te to eskaera eno vchichanoviono nakutirichu eno tkomeriono to naetkogne ene makeeʔi ma ʔchanetcha ema jeʔe nakosioppo te to techem muechemraʔirariʔi ema nakosioppo koregieroopo ema Jose Santos Noko muetpiriko manokpo eto to ʔwósare manokpo eno tparaakono ma manokpo ma koregieroru no kasikiono no nasimtuwono eno manoko matuparako ene ema ʔchane ʔchopetuparaʔo emajicho manjeʔe muetkognejcha techemraʔi ema ʔchane ene wo tkojchochigia wo winarajina matupiru to muechjisra muemitko eno ʔchañono jeʔe nkeeʔi meme meme Pransiska
• Waveform view • Interlinear Glossed Text • Utterance view