Text view

Pur_05

Recording date2003
Speaker age75
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
O hutate na to tapogoro vaavaha vo roho a aba en Teapu. Na Na - Nabunuu vai roho na a moon koa, a moon na tiitii roho Teapu. Voen na tiitii maa teo hum to dao riori bona a a Teo Teobari to tiitii mae. Me - a moon na tiitii papahiana Evehee na tei nana a otei he na tiitii maa Namatoa. Maamihu nubunubu a otei na kikira tamuana ni maana bona moon, be gono bona hiana. Hiana taneo maana te te -- teo hum to oi teo - to tii nana a mission vai teo United ore hiana maa, ore hiana maa, ore hiana taviri maa bono o o - o ore ma - ma a teo haha koma nana a vaan Mea otei paa taratara maa bona mepaa boha voen, "Aigee a tabae bene?" A otei vai to tiitii maa Namatoa. Vakokona vai teo peho bon mepaa boha voen, "Enaa kahi nao tea tara tea taba vai to tavutavusu naen." Tea peha nubunubu mepaa pita maa, mepaa nomaa mepaa vaamasi, mea masi paa masi, mepaa taataana maa. Taataana maa mea moon paa tar- tara bona mepaa rosin. Rosin vai mepaa no hopo teo pusbie. Erau, a otei ros vat- vatete tagihu vai mepaa hinave bata nao bona, hinave bata nao bona, mepaa no hinave tavus en to tii nana o pusbie mepaa boha voen, "A moon paa kaakao - a aba paa kao kaakoou Me vavereverete ni bono pusbie ve tea a moon he tea tii pahi bata komano pusbie. Erau maamihu bon paku tamuana vo maa nae, vaabuaku mepaa nomaa haabana, me a moon paa rosin kahi haabana bona Vaakukan o bon mepaa nomaa haabana, mea moon paa rosin kahi haabana bona. Rosin nana ore paa no hopo haabana koa teo pusbie. Evehee tavus Teo peho bon mepaa vakokona, "Enaa ve toro nao." Nomaa vai teo - tea roava kopua Karepana to mato - tapae bono panasu tapae tapae bono panasu tea roava me tapa vakavara bono panasu mepaa Tei nana, mea bon paa bon. Mea bon paa bon mepaa hua maa. Hua vai maa mepaa ma vahogoro Teobana. Teobon to vahogoro ee mepaa t tei teebona vaatakaha nana teebona. Me <<wip>> paa ahe bata tea taem vai to taratara maa nae bona moon a aba, mepaa kao taviri vo papana voi. m Kao taviri vai vo teebona mepaa nao - paa vevees bata nao mepaa tara ahe eve hee tea hana bata maa Me tea hana bata maa me hana bata maa me hana bata maa eve hee tea tara bata bona Erau tavus vai ee. Mepaa kao tavus bona mepaa vababara "Ah! Ean kou to rosirosin kahi ve koa nom anaai?" Mea moon paa boha voen, "Havee to paa Tabae to paa pus mau vu an enaa na taratara maa unoman bean ean ean paa rova kahi vai koa nom he "Kao nao, kao nao!" to boha vo a moon. Ahaiki, mea otei paa nao mepaa ato bona moon. Ato vai bona moon, rerau ve paa A moon bona saka tii haa me nana bona taba vai to tii me rori amaa moon. Ahiki ta navis. a a A marapai, to dao riori bari. Rerau mepaa ato bona, mepaa ore paa tei mepaa ?ou? tiitii koa Tiitii koa ve saka - ahiki ta taba vai toro paku eori re vaatavus ta Teo peho bon mepaa sue ki bona moon, "Eara kahi nao rara Vapahana." Meori paa nao Vapahana mepaa dee bata bona maa kehaa, Dee bata bona maa kehaa mepaa tasu boboha ni bona maa kehaa mepaa tapatapa ni rom no - o A A - Evehee sue ki bona moon, ean toro peha." Mea moon peha, na tii maana gina, evehee tapatapa ni maa bona maa - rom - maa me ta kepokepo kehaa teo are. Mepaa sue ki bona, "Ean samin tara gunaha haa maa nom. Doriri gunaha koa maa." Erau a moon paa doriri gunaha koa maa, erau ta kehaa pee vai bona, vaatavus vai bona taba vai, vaatavus vai bona navis tea moon. Rerau, nomaa, tei vaha vai, vaaraka vai bona tagevo vai, vaatavus beiko vai. Ei, enam tavus vai a ta Teapu eiei. Meori paa vaatavus beiko, menam paa tavus. O O - o vahutate vai to dao riori bene suku bona a moon, na poopopo koa teo pusbie. Me be- be kahi tii vakisi nana, enaa re tamaka rakaha Be kahi tii vakisi nana eve he na teki vahaa roho a A a A - a buaku a vasu a bebeahu, evehee amaa tatabonata, a buaku - aea buaku a - amaa kakato, paku vonaen, e tamanae aea moon, e sinariori, a bua beiko. A otei a too Namatoa. A A - a moon he a Evehee a o- a moon, a otei komana, to ma paku bona - mepaa vaamoon A hena no hutate vai Too
• Waveform view • Interlinear Glossed Text • Utterance view