Text view

svv37_14

Recording date2012
Speaker age60
Speaker sexf
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
_ ǯwinel lezweb mä ǯašq̇id, ay, im xäsq̇iwd naxuncers? kalaḳodäis xwäsq̇i _ imži? kalaḳodäi čyäg ču itxi čube žibe šwäns mäy mixal _ ye!i ečxāw itxōlni ečxāw ušguls dēsa itxi, ušguls maq̇a mi ʒaxlar, eče dēsa itxēli i kalaḳodäys xwäsq̇i, ṭelēpis xwäsq̇i, manč̣ḳwaräis xwäsq̇i, kama soḳos xwäsq̇i, arq̇äys, č̣wadwäys, eǯi er li,... məde..., ǯiǯlaq̇äys, ǯiǯlaq̇äy. kartuldi ǯiǯlaq̇äy xayžxa, mabža, eǯis, tot ǯiǯlaq̇äys, tāšcaxäni šeiʒleba k'ēr axnaq̇ānxi, pxaldi šegiʒlia ži er axer... ži er axsq̇ānxi, ǯeḳwdi barq̇wenisa, ǯeḳwdi gaḳisa. ser eǯi kalaḳodäys ečka məlni li, šomäy ž'exxornexi, ečka mām xaq̇a lezobd. ž'exxornexi, eǯis ču xwa... xwatšore xoča zaḳazd, ži xwasdgwi, imžwäy alyärs lasdgwidà, patwärs, amži. ži xwasdgwi. ču xorḳīne mənčalisa. ka er ipri gun eǯi, eǯi li ṗirwel... məde... supražīn i aleà, cxeḳi niwra er äri aǯaġ. ečānġo qwedni, eǯis ži xwaǯbi, eǯi lics ic̣ows xwǟys, ču xeḳwer ǯixāldes ži lisq̇i. ži er xwaǯbi eǯis, amži lusdigwd ču xwašq̇wdi i ži xwaǯbi. ži er enǯäbis č'ōxḳidne məǯab ira ečānġo qwedni i ka xwäes imwālate tepšteysa. ču er edkwēli, xwac̣urawi gun eǯis. c̣wen xeḳwer noma laxcuri sga. eǯis ču dem xwač̣ḳwre. eǯi ǯȫdyär der lix amžià, ečānġo ales er dawšli ser amžīnen eǯis, ǯȫdyärd, eš dawšli amži i er dawšli, ečānġon eǯi ser lekwēle er iri, ečka ži gaḳs xwa... ču xwaq̇li, ču, mare gaḳ xwäy mām xaḳu, ḳoč̣ōl xaḳu. atxe ešxu ḳilo er ǯeġwēni eǯi, deré, kalaḳodäy, magalitad, ləǯab, ečxāwteysa xaḳu atxe ati-txutmeṭi cali eǯi gaḳ ser māma čwatq̇alni eǯis gun, ečānġo ale gaḳ xeḳwer ž'axsq̇a, moǯor, lušnud. sgäy mām mixa, ǯixalx esa moǯor? _ ye! eǯis xepsi twetne katkatay č̣ānṭis er xwäsq̇is, meč̣wdyeldax: imži lok, imnar lok li amḳäy twetne? moǯorsiǯ xwäsq̇i. mäy lok li moǯor? sḳa xeḳw er esš... ž' esgoša ləpīne lic gaḳs i eǯi imžwäy ṗirḳäl, amḳäy twetne xepsi. amxāwtesa sga šude ser eǯis, mäy xac̣əx lusurnele ǯims, məsq̇e muġwa, lušnu... lušnu ǯim mäy li. bebias marilis xaṭūlix. sga šude eǯis atxe, gemo... ḳoč̣ōl xaḳu eǯi, xwǟy xeḳw er nom ašəde. sga likmes ču xaq̇a ečānġo. gawxsni ečeysa, ḳoč̣ōl ṗimṗiläys oskime, erwäys ṗimṗiläy xäsyam. ḳoč̣ōl ʒmaril xaḳu, ešxu q̇ōš, ḳoč̣ōl q̇ošōl. aurew ales ušxwārisa. eǯḳä lezob li, ere erwäys ču xoma, ka ləgže li mag. deidašwilär maq̇ax mi yekmar, eǯyär katali liʒʒyēnis dem mambə̄dax, eǯis, kalaḳodäys lok, xwäsq̇id eǯži... ṭelēpiy amži li. ži xeḳwer axsdug, čwattiše, ž' axsdugwāxi, č'oxreḳne... mədāysa..., mənčalisa i lintwisa xeḳw er č'oxreḳa lapras eǯi i yerxi čwač̣ḳwre, mare mi dem xwičo eǯži, maršinayka waṭareb eǯis, gun pəris, i teld c̣q̇əzem xepsi xoča. ečxāwd ṭq̇emal e ǯeġwēni məsq̇e, eǯi barq̇wen, eǯi xaḳu er sg'ēsgošaxi, saḳmazär xaq̇rīxi. mi, lintwisa woxraxuš mām äri šwäns, mare ži xwixwri kinzs i woxraxušs, ču xwač̣ḳwre amži necind, mənčalisa ka xwapre, lintwisa ču muġwa eǯi zeki ḳarwālisa i sga xwečo i eǯi aromaṭ xuwa eǯži, imžwäy xuwa maxas.
• Waveform view • Interlinear Glossed Text • Utterance view