Waveform view

mc_nafsan_kori

Recording date	1998-10-31
Speaker age	70
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Ana katraus natrauswen ni Egun. Egun nrak pei, ipitlak natam̃ol kin naur Egun, nen Peter Milne ipakes pa. Ipitlak natam̃ol, me ipitlak ntwam iskei ito. Me ito fam. Natrauswen tilm̃ori nen kineu ato trausi. Akano traus natrauswen psir. Nfaag ntwam nen ito fam Ito fam pan pan pan me ipan na kefam nmatu iskei me nmatu nen itrau fag Ipitlak nfag nam̃olin Ina, "O, me ag kufag ag p̃afo pi temlaap kafei pam tenen kin aleka na naskon imalmal wi, kin me kafo inrok mai pamik." Me nmatu nen ito Ito me kipe mtaki maarik ntwam ne Ito pan pan ntwam ito gohed fam ito fam ito fam Nmatu nen ito pan imtak me ipitlak kori sees iskei Inrik kori sees ga nen kin na Taksef Rapa raru me rasef Ramai mai rapalus mai mai mai mai mai mai mai mai mai Ramaos Rato sal namos Raimer palus pan pan pan pan ramai sak esan rusoso ki Krikai Rasak Krikai Rasak pak elag ntaf Rasak pak elag ntaf, rato ntaf to. Me rato panpan go nmatu nen ito pan pan me ipitlak teesa iskei. Ipitlak teesa me teesa nanwei Rana ratkos to panpan go teesa ga nen kito to me plakori ga nen ruto Teesa ga nen ito to pan pan panpan kaipi natam̃ol Me inrik mama ga ki na, "E, mama, me tkanwan kin ag kuto maet kuk p̃og tefla?" Go mama ga ina, "E me neu akano kuk aliat. Kakuk, akuk Nlaken teesa ga ileka kuk ni p̃og me rupami p̃ulp̃og pami dina, me rapami kotfan. Me kefo mer kuk p̃og reki matool. Ina, "Iku kin komam uto pam nafnag mlaanr?" Go mama ga ina, "Nlaken akano kuk aliat ~~nlaken~~ kin ipitlak ntwam iskei kin ito pam kit, nanre ni Kakuk aliat, kelek nuasog kefak elag kefo mai, kefo fareki Me ina "A, Me ikano mai", Teesa ga nen itli na, "Itik ga, ikano mai." Kefo mai tfale Go ina P̃afo leka kamer kuk aliat me atli na kafo tli na akano kuk Go inrik teesa ga inrikin ki na Okay if wel kukano kuk aliat upan upreg nas keskei Ina Kagaag preg nas Kafo gaag preg nas Ina P̃afregsi nas p̃aneu tua ki timen kelim Aro Timen kelim Ale ipreg nas kina inom bow inom aro ipa Imer ga preg timen ilim ina Mama malfanen Ina Malfanen kapreg p̃akuk P̃akuk aliat, me tufo nrogo. Malnen, ito, ikuk ina, "P̃afo leka p̃amer kuk aliat, p̃afo nrog ntwam kefo pes". Me malnen ikuk panpanpanpan nuasog kipe pak elag. Inrogo ina, "O ey nap̃kas inom mees kafo pamwes." Ntwam nen kin ipios. Malen mama, ni teesa ina, "P̃anrogo, p̃anrog nalen. Itli na mees kefo pam kit." Go teesa ga ina, "P̃ata mtak mau." Me inrik kori sees ga nen kin na, "Takfak sanpe me tak-. pan p̃awelu wou me uta preg tp̃er. Kafreg fanis ~~keskei~~, tp̃er keskei. Me kapreg, nana, nmetwes. Kapreg nmetwes me takfo pan kus tokos to." Ag p̃afo to etan na ket me kineu kafo tu elag, kafo tp̃a ki nas. Ina, "P̃amer kuk." Mama ga ikuk go imer pios, "O ai." Imer ler ipakelag pan, "Mees kafo pamwes, apam̃or nap̃kas iskei. Me ito pes me ito palus imai mai mai mai na isak elau Krikai Go inrogo ntwam nen imer m̃la Im̃la pak elag inag im̃la a O ai Ina P̃anrog kin imer m̃la Nalen kin ipak elag Kitli na kefo sak mai. Malnen ita pi twei mau go ipaakor ntaf. Ipaakor ntaf tefla Me ga kipe tafnau kori ina Malen kemai ag kin p̃akati P̃akati Me itli A itik p̃ata kati mau me p̃aneu tao me kafo tp̃a Kafo tp̃a". Malnen ina itp̃a ki timen pei ntwam itnoli. Itp̃a ki timen kaaru. Ntwam itnoli. Kaatol kaafat kalim itnol silua Go inrik kori kori ikati Kori ikati ikati panpan inrogsaki Natu Natu iskasok skasok panpan inrogsaki natu kori isef pak elau ipa Isef pak elau, me itoktan to raru to me ito maag, ito lek napu teflan po leka mau, kori ifit paakor. Kori ifit paakor. Imtaki kori me isaiki raru. Ipalus panpanpanpanpan ga ito namos me imaos. Inpaki ki nawes elag na nakiat Me ito marmar pan pan pan ikrokur Kori kin iwat nrookot pan pa pak natik raru ina imtaki kori me imer ser imer palus Ipan pan na isak na natkon Taalo san kin isi pakes ina isal isakwes Ito marmar Ito marmar teflan panpanpan go ileka go kori ipaakor m̃eltig Imtaki kori ifit Ifit pak sum̃ ga me kutae kros ni nmet ne kros ne ifit pak nmet ga go kros kaaru itan me ina itop po mer ito etan tefla me ito toluki esum̃, ki em̃rom. Me ito ler pak ektem. Ito leka teflan panpan me ilelkau kori me kori itap leg ki napu mau. Me kori, iur naor p̃otae Ilfek mai mai mai mai trau paakor natik nmet Ipaakor natik ne tefla me ntwam ileka me ina kesok Me isok me ifrak Isok me ikrel na na nkas ni kros Trau tau sal tefla Itrau sal itrau sal me kori iwokim kati panpan panpanpan itarp̃ek Ina itar p̃ek pak etan go ikatktof na ikatktof, nana, pol, na, p̃ura ga. Ikatktof p̃ura ga. Ipo komkomki. Ntwam itarp̃ek kaimat pe. Me ini ntwam komkomki na p̃ura ga pa. Iolwe me ipan los nrookot. Ipan panpan pak elag Krikai, pan lek kano sees ne plak mama ga Me ipak natkin teflan me ilai Ilai na p̃ura ni na ntwam ne Me ina Ga ki Kaipe katpuni Malfane tupo ler." Kin ruler, gar rupak Egun pan kin go im̃ol im̃ol ipo mer ftomki natam̃ol. Kin panpanpan kin mees nen kin natam̃ol rupo laap naur Egun. Tenen ga ipi natrauswen tilm̃ori. Anig teesa nen rutu trausi.

Edit utterance

Text view • Interlinear Glossed Text • Utterance view • Help