Waveform view

124_cut

Recording date	1998-09-21
Speaker age	80
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Amuur na katil natrauswen iskei Natrausw en ipaakor Ertap Akam utae faat iskei itu Ertap teetwei rusoso ki Trawot Trawot nen itu me esan ilaotu wes tu rusoso ki Elunak Elunak ne Trawot kin ito ~~lunak~~ natam̃ool Kin amur na kanrik mus kin kutae Elunak ne ag kupan nrookot kupak naur Ertap pan kaimer ler mai Me tete nrak Trawot ilunak natam̃ool ipregsaki man natam̃ool Ipi nlaken aslen nen kin rupi na natam̃ool iskei ko rupi ntwam ko rupi tete tenmatun teflan nen Rutap mro wi kin wes mau Ipi nlaken ruto tikten panpanpan go kitm̃alu rutili na P̃afak em̃ae Go kitm̃alu Itm̃alu ipan mai pak Eum̃ nagis ni e Enarp̃ou kaipes ipak euut ina E utrok nen kaneet pak euut ko Go maarik nen ipi naot nagis ni Enarp̃ou Itili na Atap trok na p̃amai mau Ale ipan pa npanpa npanpan mer pak Erontp̃au Iur ser nagis nen ipreg na nafsan ipak euut Ruta tr ok mau Ipan pa npanpa npanpan na ipato Ewor iur nagis ne nafsan skei ne Kaneet pak euut ko umal Go rutili na rumalki Ale ipan panpanpan panpan pan ipan pato esap me Ewor Ipauski nen kefak euut Ewor Go maarik ni Ewor itili na Kutae mai pak euut Go kipak euut pa Ina ipak euut pa akam utae Ewor iwi Ipak euut pa kaitmen nrea Itmen nrea np̃aun ipaketan me natuen rateflan to Ipi namen na stori seesp̃al m̃as Ilao np̃au tu panpan tup̃ mees ne Me itu natik napu p̃ur nen kin trak ruto ur es Me kineu namroan neu amroki na kafo nrik teni e gakit ni Eton kin ruklinki Nen ser natam̃ool ruto pas ruto leka Nlaken itu itu namlas tu Komam natkon utae kineu atae nlaken kineu apakes go apan leka Teflan kin ilaotu ilaotu tup̃ mees ne Ipiatlak nai sees iskei ien faat nen nai itotur pa Ipan lao np̃au tu Natuen rapak elag pa me np̃aun ipaketan Go kin natrauswen ne ipi natrauswen ni Ertap Trawot ipi teni Ertap Me nawesien sa ga ipi nlaken aslen rumalkin go rukp̃alua esuan natrauswen nen ipaamau wes Psawi ki mus takinrogwen

Edit utterance

Text view • Interlinear Glossed Text • Utterance view • Help