Waveform view

052_cut

Recording date	1998-09-20
Speaker age	80
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Amuurin na kagakit traus natrauswen sees iskei Natrauswen nen ipaakor Maarik Taap̃es Taap̃es ipi maan iskei nen kin nrak ilaap tutili na ito pregsaki nanr gakit Kulao nanr taap̃es kin kefo pan pami me nametmatuan ga kin ipi nlaken kin amuurin na ~~kagakit~~ kagakit traus Naliati iskei isos maan laap rupak naor iskei Me amuurin na kafestaf mus nlaken akit tupi maan Me itfale kin maal ito pregsa kit ito pam kit Tete naliati kefo pato em̃ae Ilemis kit tuto Imai ipregsaki kit Me akit tupi talpuk iskei Ito nrikir kin na Amuurin na tukmai pak naor keskei me tuktai raru keskei Go maan laap runri kin na Tkanwan tukfo tai Kineu kin kafo peiki mus kin tkanwan tuktai raru Go rupak naor iskei go itli na rufan tai raru Rupan tai raru Rusol nkas nkas nen kefo pi nel Rupanp anpanpanpan rupan pregi ruto naor iskei Me ruwat rup̃kasai ruwat ne na nkas nen ipi nel gar Pan tkal kaaru katol kafat Rupregi panpanpan itaos pot iskei ito sal Me itili nag Maal teflan ~~tukfo~~ tukfo paakruk Maab laap rumai mantu sokfal taap̃es Ga kin ipi naot Ser maan laap nen runomser mai tu naor iskei Go ina Amuur na kanrik mus ki na tukfo ~~kol~~ kol Mapul ~~ito~~ ito p̃anrer too ito taar ser maan runomse preg na nawesien gar teflan kin ~~rutae~~ rutae mantu ikai Malen rupan tu raru gar nen tu go kinrikir ki na Malen tuktu Ser teem̃ol nen ruknomser preg naler kefak elag Me kulek maal ipees ntaf Itao ntaf mai Kuleperkati Malen imaimai mai maimai kefo tao nrir lfeki kit panpanpan inom Kefan pato em̃ae Malnen iler maimai maimai na imuur na kekinki tefla Go akam kofrafer Me ~~kefo~~ kefo lulki na naknin rufak nmal nanr pa Go ipi mal gamus nen kin itu kop̃akro tukkrakpni nrogo kaitu ~~ruto~~ Ruto kol mapul ito kol me ito p̃anrer Ser maan nen ~~rupreg~~ rupreg na sup̃ nen ruto pregi Too ito taar go maal itao ntaf E maarik go kimai Rutu panpan mai ~~imai~~ imai tu lfekir mai Ito preg na nrag naknin teflan kin kefo Ipo to peikir kin pak etan teflan kefo nrakut tete pan pami malnen ipato em̃ae panpan po na ler na imai Go taap̃es inrikir ki na Kin kemai malfanen kemai kefo nrak ut ki Malnen kuleka iwel preg nrag naknir rupak elag tefla Malnen imaimai maimai pak etan Go tukfa fserser me kefo lulki naknin na nmal nanr Go ipi mal gakit nen tukkrakpni Ruleka go mal imai nrir Ifekir panpan nom pan pato em̃ae trau preg nafarun teflan trau nrir pe nrir me nrag naknin rupe peesi Malen imaimai maimai ipak m̃eltig na kenrakut ~~tete~~ tete kir teflan go rupaamaot Me nrag naknin ilul pato na nanr itraem nen kefreglua me kipe kano nlaken nanr imailumlum pot ga nen kin imtalua Imetmatu pregi Malnen kin ilulki ~~nrag~~ nrag naknin rupato nanr ipregnrogo nen kin inrir nen kefreglu ~~nrag~~ nrag naknin me ikano Go ipi maal nen rup̃akro rutai me mantu ikati Me ser maan nen runomser p̃akro go nam̃olien ga inom imat Go ipi esuan natrauswen sees nen ipaamau wes

Edit utterance

Text view • Interlinear Glossed Text • Utterance view • Help