Text view

mc_nafsan_litog

Recording date1998-10-12
Speaker age80
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Ore ipiatlak natopu nigmam ni esa. Naat kipe gaag trausi? Nigmam natopu nigmam ni esa, ga kin ito, ito ito pan, ito teetwei paakor mees. Me ito mal ni tiawi ni teetwei malen natopu nigmam ito Go iptal iptal e nmatu Iptal teesa nmatu na ruktua teesa nmatu keskei Go rupo tua teesa nmatu iskei. Malnen imur na teesa nmatu ne, teesa nmatu ne nagien ipi Litog. Me imur teesa nmatu ne go ito tp̃olu na, tenen rusel nafsan ga, ki taosi kin, itp̃olu polis ga. Olsem hemi sendem polis blong hem, a? Itp̃olu polis ga, olsem, ol smol smol samting we oli stap long sol wota, a? Ipiatlak, na, pislama, kufa. Malen tiawi rulemsi rutae, na polis rupa raru teesa nmatu ne rumai ruler pa. Tete nrak tam̃ra, rumai tiawi rutae. Rupi polis ga rupa reki nmatu Ipregi panpanpanpan naliati iskei go runa Tukga kraksoksok me tukfan psi Go rupo pan ga psi im̃ool Malen kin ruga pregptaki m̃it, ruga pregptaki nkal, panpan inom rutatweki raru, rumsagi raru me rupa. Nlaken esum̃ ga, ipato elag esanpe. Ruga msag serale nen plake pa me rupan me ga kipe pi nskau p̃ur iskei a? Ipaakor to, ito elag nam̃oru. Rupa rupam̃or nskau nen ito rutae na rukfo psi esa. Go rukoi psi, ruga sat serale pan psi panpan inom, ale Puet nmatu Litog rupsi ilao skot serale tu me rukoi rukoipak em̃ae Malen rupak em̃ae itaos nao iskei, a? Imai mai mai mai mai mai mai p̃akor faat ne Inom Iplake im̃ool pa Go iplake im̃ol to, go im̃ol to tup̃̃ mees. Ito Ito paakor tup̃ mees. Litog Nlaken ipi nmatu ga go ilakor pi kefo to panpanpan emermen kefo plake puel tefla Natopu nigmam ni esa rutua nmatu me rutua kin im̃ool Go ga kin ito, ito tup̃ mees. Ale itefla. Taos ni natopu nigmam ni esa ratua malen imuur nmatu rutua kin im̃ool
• Waveform view • Interlinear Glossed Text • Utterance view