Text view

127

Recording date1998-10-12
Speaker age20
Speaker sexm
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
**** 127-001 ... ( ( E NT ) Nagi ) kineu Ag ipi Endis kupaakor , sef Endis Kalsrap ntau , ? ... § 127-003 ( E ) Apaakor 1978 . § 127-004 ( NT ) Go naflak nafte ? § 127-005 ( E ) Api naflak kram , naflak kram nap̃rai , kram p̃og a ? § 127-006 ( NT ) Kupaakor hospital ? § 127-007 ( E ) Ore apaakor Vila Central hospital . § 127-008 Kineu api teesa kaaru . Apitlak sista ipa- , ito- , itol , go brata iskei iwelkia korek itol go p̃aluk iskei . § 127-009 ( NT ) Go ag kuskul ni skul sees ? § 127-010 ( E ) Ore , apees skul malen apitlak ntau , ntau ilates , mm ntau ilates . § 127-011 Ato kinda , ale apan pan na inom klas 6 go , amer pak Onesua . § 127-012 Pas Onesua , ato ntau ipaat . Apan pato reki ntau ipaat . Ale amer ler mai . § 127-013 Ale aweswes naur a ? Aweswes naur mal sees atlag itol m̃as . § 127-014 Aweswes atlag itol , me aleka iwi , me amer ler mai to esum̃ to . § 127-015 ( NT ) ag kutap muurin weswes mau ? **** § 127-016 ( E ) aa , tiik amuur , amuurin , amuurin weswes me § 127-017 te- , nam̃er got a , welkia nam̃er ni sa ga kipe pi sup̃ nen gar ruto pregi . if wel kin taosi kin nametrau laap rufla to weswes tenaor /. § 127-018 Wel kia rulaap , ruftae tilususik ko ruftil kik , ko , mm ? § 127-019 Go ipregi welkia , kineu go anti Daisy go mama neu , uto utol a ? utol weswes naur , go unrog te nafsan , go atrau tli na " Akam m̃as rakto me kineu kamer ler " ( ingressive ) ... ... **** go malfanen kuto weswes talm̃aat ? § 127-021 ( E ) mm , ato preg talm̃aat , mam upitlak nigmam a krup iskei /, § 127-022 uto preg talm̃aat . Go if wel kin uni nat preg talm̃aat , naliati iskei ustat , o .. § 127-023 stat sefen , pan nom twelf . Go ga ipaakot komam ki wan a , 1000 welkin uto ... preg ( mane NT sees ) 1000 , ni ... p̃ulp̃og ( iskei E ? ... ) mm , naliati haf- (( half )), kotfak naliati . § 127-025 ( NT ) Go nafte uweswes ki , olsem wanem kind work ? § 127-026 ( E ) a , upankot , u , upankot , utaata , usuur /. Go upul nkas , § 127-027 upreg nawesien p̃rakot . Tete nawesien nen kin tete natam̃ol imuurin na ko ga pregi , upregi . § 127-028 Go , Usaar a , komam nmatu go nanwei usaar , wel kia umix , usaar . § 127-029 Ga wankin welkia , tete taosi kin , nasuurwen mana , utae nomser pregi . Me reki nen upul nkas , go nanwei kin ruto pul nkas . Ale komam upo tai nrankas iseeserik , § 127-030 po psi ur nlak nkas nen kin rukfo paanus , mm § ( NT ) Me nalelewen gaag , reki nam̃olien ni mees . ... 127-031 ( 6secspause ) ... ( E ) Neu nalelewen neu ni nam̃olien ni mees , na .. § 127-033 Welkia kipe ta wi taosikin teetwei a ? Ki asees , malen api teesa nmatu sees , amrokin na .. § 127-034 Mees nafet teesa nanwei go teesa nmatu , ga , namroan gar ga kipe ta pi ... Kia ruteflan tu . § 127-035 Ruipe ta muur na ruknrog , rusertep̃al a , rusertep̃al nale raiter , tmer . § 127-036 Nam̃olien ni mees welkia inrus tufetae tli na inrus kerkrai . Me inrus kerkrai , inrus wi . **** § 127-037 Me iwi me nafet teesa nmatu me teesa nanwei m̃as if wel kin rufi lak , namroan nen rutae preg teflan kin kia rupitlak § 127-038 Kin rutae leel nawesien . Welkia ruta muurin leel , rumuurin na ruk teflan m̃as tu . § 127-039 Me tmer go raiter m̃as kin ruk to gar preg sernale . Te rutefla , te rumuur , tete rutmer leel nawesien . § 127-040 Tete ga ipi tenen ruk teflan m̃as tu . Welkin kipepi nam̃olien nen welkia rui pe tkos , a teetwei a ? § 127-041 Rupe lan kin mai wel kia rumuurin na ruk trau tausi kefake- , kefram pa , me ruta na rukmer . § 127-042 Go te (( day ?)) iskei kin ato leka , na teesa nanwei me teesa nmatu ni mees , ga , § 127-043 namrun nen , a namrun nen ipei pregi rusertep̃al top ipi cigarette a ? Cigarette . Go nai , nai kerkrai , ruto muur na nai kerkrai , welkia rusat faat sees , kipe pi cigarette , nai . Cigarette nai . § 127-044 Cigarette nai . Welkia kipe pi nam̃olien , ni mees ne , tuipe to pregi . Tete gar rutu p̃al teflan tu . ruta muur na ruk freg namrun mau . § 127-045 if wel kin tem go rait rupestafir . Go rumaet , rumaet ko ruleel naflewen a ? mm § 127-046 Teesa nanwei rutefla ki teesa nmatu , mm ... ... ( NT ) Go nafet tiawi rutli na , tefsofus mees rutap tae nfaketanwen mau . § 127-048 ( E ) aa rutmer fol pak elag kir , a ? mm § 127-049 Rutiik ki nfaktanwen toklos tiawi a ? **** § 127-050 ( 7secs ) § 127-051 ( NT ) Ag kutap muurin weswes ni Efil mau . § 127-052 ( E ) Taon Efil kin ka fan weswes ? O atrau , amuur na , temal , me . § 127-053 Kafo pan , amuur na ka weswes , me ata to lel nawesien , atato pregnrog nafet nana nen kafo mer leel nawesien , ne kafo mer tae weswes . **** § 127-054 [ 16 sec pause ] § 127-055 ( NT ) Me tefsofus ni mees rumro kin oli think wanem log sait blong kastom ? Olsem ol natopu , munwei . § 127-056 ( E ) O . Ka fes ki nafsan , ko , kumuur ? § 127-057 Tefsofus ni mees , kin rumroki natopu go , custom a ? § 127-058 Tete rumrokin teflan na , tete welkia rusati ipi tep̃ur gar , a ? if wel kin , iwelkia rusertep̃al , wes tu pan namrun ipaakor . § 127-059 Namrun ifla to paakor ki naat go , [ ilakor ?] gar rutae na welkia itefla , me tete , tete ga ka fo tae tli na , § 127-060 tete ka fo tae tli na ,.. Ruku ,.. rui pe ta mroki natopu mau a ? **** § 127-061 Welkia rukfo tli na natopu ga teni nafet nam̃er ni teetwei , akit [ ait ] ni mees ga § 127-062 mees ga kipe pi , welkia , taosi kin runa serale ijenj ko iku . Runa mees welkia ita taos teetwei mau / § 127-063 go teni teetwei , sernale ni teetwei , teni teetwei , teni mees ipi teni mees . § 127-064 Teni malen kefo mai . Ipi teni malen kefo mai . Me namroan gar itefla . § 127-065 Panpan namrun ipakor m̃as go ruleka welkia . § 127-066 Rupregi ipi nafsan , welkia nafsan a ? Nafsan ipan go kunrogo runa e- naat nen kis ipak sas , me § 127-067 Atlak sa , ko natopu ni san itkali , ga rufaafat wes mal sees me ki mer tiik pa . Aa . § 127-068 Ag kutae wel kia , taosi kin , ka fo tli , serale ni mees taosi kin nam̃er taar runa rumai , welkia rusat serale ni nam̃er taar imai , a ? **** § 127-069 Taosi kin music me na na mana , iwelkia imai , go serale iwelkia ruipe ta muur ruk mro kin nafsan ni tiawi go § 127-070 nafsan ni tiawi mau a ? Gar rumroki na sernale ni mees kipe pi teni mees . Ga wankia . § 127-071 ( NT ) Go if wel ag kumuurin nen kusemsem , kupreg nafte ni natkon , nen ipregi kusemsem ? § 127-072 ( E ) Iwelkia kineu a muurin , ni natkon- , asemsem ni natkon preg te namrun a ? § 127-073 Kineu ga atrau muur na ka leka na , nafet tefsofus a ? § 127-074 Tefsofus , a muur na rufak naor kaskei al rukweswes , ruweswes naor keskei . § 127-075 Taosi kin ntau nen pa upe pregi , me ipan pan naor nakon isa . § 127-076 Ale kin ntau ne kipe tiik . Ntau nen itiik to , ipitlaken me imai pak nmal ntau go , itiik . § 127-077 Ale kin itiik tup̃ mees ne , me atrau muur na ntau foum , welkia tefsofus ruk mer pak naor keskei . § 127-078 Ale rukmer saisei , ale rukweswes naor keskei . Reki nen kin malnen kefo mai , go ruk fo mer tae nrik nafet teesa seserik tefsofus , ne rufsofus top ki komam a ? **** § 127-079 [ 12 sec pause ] ... ( E ) Kineu ? ( NT ) ag kufo lak ... ( NT ) Ore § 127-081 Ag kutae mtalu nanwei ? Ko § 127-082 ( E ) nanwei kin kefo mtalu kineu . § 127-083 Nanwei kin kefo mtalu kineu , ko if wel kin , a kin kuna temal ka to pan , amuur ka lak a . **** § 127-084 Te naliati if wel kin tete nanwei nen imuur na , ketaulu ... ( wou NT ) , Me if tewan wel tete kia nanwei iptal ... ag , ( me ag E kumal , ) ... Kineu amal . § 127-086 [ laughs ], a .. **** § 127-087 ( E ) ka fo tae , ka fo preg nafsan sees if wel kin kafmuurin / ko ka fo traem preg , na , nrogo , ifwelkin , kafo pe nrikin ki na , § 127-088 takfei tefla tefla , if wel kin ka lek ga iwi / ga iwi . § 127-089 Me if wel itiik go ka fo tae nrikin kin na ,“ Itiik . Kineu akano taulu ag ." § 127-090 ( NT ) Me itapi tmen go raiten ? § 127-091 ( E ) Reki nen rak fo neu ..? a ? teetwei , a ? teetwei kin sup̃ go itrau top ki tiawi a ? **** § 127-092 Tiawi rutrau preg , ruius ki sup̃ nen itop kin [ ia ], teesa (( tsa )) nmatu ifla to ko , teesa nanwei ifla to , ale § 127-093 gar kin rumtalu mtulep ga go maarik ga . § 127-094 Mekin- , tete ni mees ruta to pregi , ruto me isikskei , ia ? § 127-095 Me kin mees ga teesa nanwei me teesa nmatu , ga ruk [ xxx ] mer lel , maarik go mtulep . § 127-096 Ale tenen kin namroan ga iwi ki nmatu ne ko , namroan ga iwi ki teesa nanwei ne ko teesa nmatu ne . § 127-097 Go kefo nrik raiten go tmen kina ,“ Kineu amuur teesa nmatu ne , ko teesa nanwei ne . § 127-098 Amuur na komam rak lak ." Itefla . **** § 127-099 [[ 9secs pause ]] § 127-100 Me , tete laap ni mees a ? Telaap ni mees ga , teesa nmatu me teesa nanwei telaap rutmer skotir to ... me ( rulak NT mau ) , me iku ... kin ( , E nlaken ) iku kin ... rutalak mau ? § 127-102 Ito ki tmer me raiter a ? Mama gar go papa gar , tete ga tete mama , go tete papa ga rumalki , § 127-103 Rumalki nanwei ko rumalki nmatu . Ga wan kin itefla . Rutalak mau me ruto . If wel kin ruftrok go rak fo gar preg nlakwen . § 127-104 ( NT ) Me nlakwen , ipitlak nlakwen ni province , nlakwen ni sum̃tap , nlakwen ni custom , go osem wanem difference . § 127-105 ( E ) Difference ? Nlakwen ni custom a ? [ cough ] Nlakwen ni custom ga atrau ta tae itfale mau , a , § 127-106 nlakwen ni mees nlakwen ni sum̃tap . Kin kupan , kupan na kuto sum̃tap nakpei natam̃ool laap , § 127-107 wel kia kupreg promis pak atua . Go nam̃er laap rugaag pi witness § 127-108 Me ifwel kin kupan pan , kupan skot mtulep gaag ko maarik gaag pato pan me namrun , kufla tao maarik gaag ko mtulep gaag , § 127-109 natam̃ol ruk fo nomser tili na “ e ga ipreg- , ip̃rai promis ga , nlaken kin itao mtulep ga ko maarik . Go ruk fo leka na ipi taap̃aar , a ?. § 127-110 Me nlakwen ni province go ,.. [ tep̃au ?] province ga .. welkia ag kufla to , ipi nafte , ipi . § 127-111 Ag kutmom chose kin ko itu welkia kumer p̃alak , kupan na kusain , go . Ale if wel kumuur na p̃amer tao , me ipi tegaag . § 127-112 Kupan sain ale me kupan , kupan na kulak . Me if wel kumuur na p̃atao , me kumer pan p̃rai natus gaag . Natam̃ool ruk fo kano tili . § 127-113 Nlaken kin teni province go kupan , me [] p̃afo esa plak witness iskei ko inru m̃as a ? § 127-114 if wel kin kumuur p̃ap̃rai natus gaag me ipi tegamus . § 127-115 Tegamus , akam uwarik , me reki natam̃ol laap , me itrau pi , [ laughs ] welki kusursur atua go kusursur nam̃er laap , a ? § ... 127-116 ( ( NT E ) Go ) tefsofus Ore ruur naflak tete ? ... rutaos naflak , a ? § 127-117 Me tete naflak gar rutrau tmer muurir . § 127-118 Taosi kin wel kia kineu , welkia afla pi naflak kram , kram nap̃rai kram ip̃on . Me atrau muur naflak neu iskei . § 127-119 Rakfo tli na ga ipi m̃eltig top , ki nametrau . § 127-120 Me ifwel inrus pi em̃ae , go iwi , me ipi m̃eltig top rakfo kano trok . § 127-121 ( NT ) Me ifwel nanwei nen ipi naflak em̃ae ipi naflak m̃eltig me naat nen ipi teni Egun ... , ... ( E ) itapi [ namroan ] mau . § 127-122 Itae taulu ag , ko kutae muurin taulu . Rugamus preg na naftourwen gamus . § 127-123 ( NT ) Go ipitlak ni natkon , ipiatlak tete olsem entertainment ? plog ol youngfala man . § 127-124 E ) A ore ipitlaken , ito pitlaken , a ? Welkia , taosi kin , taos natkon ipitlak krup seeserik rupan a , rutrau laap . § 127-125 Tupitlak krup rutrau laap . Tuta tae ipi mau , rulakor pi twenty namrun , mana tefla , rutrau laap . § 127-126 Ale ifwel kin , utli kin taosi kin komam uto preg krup . Krup iskei ruto pan pan trau tli na , ruk muur rupreg- [ correction ] ruk freg nameswen elau , ko , rufreg nlawen . **** § 127-127 Ale ruto puet klab na ipato etan elau , kutae , kia ipato Egis , ko tenen ito elag sa , teni ... § 127-128 Ale rupreg nlawen , natam̃ool rupa rupaakot , kupaakot , kupaakot sil go kupo lau . Go rupreg nafnag . § 127-129 Kupaakot nafnag , tenen kupul mane . § 127-130 Ale kin nameswen , ga , taosi kin tournament mana , preg tournament . § 127-131 Kupaakot fi sees , ser tornament itefla , if wel kumuur p̃ames , natam̃ool iskei ipus 100 vatu . Ale ipo mees . § 127-132 Welkia nat nen kin , tim nen iwin ga kin isati . Ale ga kin isat trofi me , krup ipul ... ( mane NT ) Go isil ipi atlak nlaguen ... ser wik ? § 127-134 ( E ) Nlagwen ore , E ) Teni tefsofus , ga ito to ser aliat fetaumlap . § 127-135 Kin tefsofus ruto pan lag , a , ruto pan , taosi ipi worship . Worship sum̃tap a ? § 127-136 Ale teni tefsofus kin ito aliat fetaumlap teni MCA taosi kin awo Wil mana , ito aliat Monday . § 127-137 Teni nmatu kin ito aliat fnau /. Ale teni seeson dikon mana , dikon mana ito , aliat Tuesday , aliat kaaru . § 127-138 Ipiatlak krup ilaap a ? Welkia nafet tenen atae naliati gar kin ato nrik ag ki . § 127-139 Me welkia MCA ga imaag ki nam̃er p̃rakot , nanwei p̃rakot , rumai pan na rupak MCA ale malen rupa , go kumer tae pak krup gaag pa . § 127-140 Wel kia kupitlak gaag krup p̃tae iskei me , me MCA , ga kumer tae mai , ipi teni natam̃ool ni natkon , runomser , nam̃er kerkrai . § 127-141 Taosi kin teni nafet apap me apu mana . § 127-142 Inom
• Interlinear Glossed Text • Utterance view