Text view

058

Recording date1998-09-28
Speaker age80
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
058-001 Taos me ni lakun tiawi teetwei ruto san kin Franis Roman Catholic itkos . § 058-002 Franis Roman Catholic rusoso ki Momat . Me nafsan motu ni tiawi rusoso ki Epkat . § 058-003 Kaaru nen ito rumer soso ki Epak . Epak kin po pak Ep̃uf . § 058-004 Me teetwei mal nen tiawi rutu , ag kukano pak esanie . § 058-005 Kafan kopei pemisen na kofo pa . Kanrik naot kin me if wel kin afkop namuurien neu pan rukfo wat kineu , § 058-006 rukfo pam kineu . Nlaken atap ptuki nafsan . § 058-007 Go malen kin rutu sanie , ipiatlak lak itol . § 058-008 Lak iskei rusoso ki lak Mpakur , ga kin lakun nen ipo mai pak esa . § 058-009 Lak kaaru rusoso ki Ewotas , ito saot is Efat . § 058-010 Lak katol ga ito Ep̃uf rusoso ki M̃autul me Mautfer . § 058-011 Me malen kin tenen ito esanie nam̃er nen ruto Ep̃uf rumuur kapu . § 058-012 Malnen rumuur kapu go ruto gar preg kapu . **** § 058-013 Me ser nrak nen kin rufreg kapu rupus altuk , § 058-014 rupus sernale teflan me ati iskei nen rusoso ki Katapel . Ga ipi ati nen ipiatlak faat iskei ito mai nrea . § 058-015 Malnen inrea tefla . Kimer sel kaai . Isel kaai nen ito pregi kapu . § 058-016 Go , malnen ipak nana pa . Me selwan kin rupan teflan kin lak tol ne , runomser pi ntas . § 058-017 Go malen kin iku kia , ipreg nana ipa . Go ati me apu nen rutu elag Ep̃uf rupam ni ntas ne , runrogwiki . § 058-018 Go teetwei gar ruta paakotki mane , go ruta paakot ki tete namrun p̃et mau . Gar m̃iit m̃as kin ruto ptuki , § 058-019 go nawi , nap̃rai . Go ati nen ser nrak nen kin rupa , ga ito sol nafnag itop tol siluer . § 058-020 Nlaken ga ito tanum̃ kapu . § 058-021 Kaai kapu ga ne , go runa , " Me ag kupreg kapu gaag ikaakas wi nlaken kin kusati ntas ." § 058-022 Rupan pan pan rumaetki nlaken kin sernale nen kin kefan kimer sel nawi laap . § 058-023 Isat nap̃rai laap , esum̃ ga ip̃ur mau ki nafnag . § 058-024 Ati nen rusoso ki Katapel . § 058-025 Pan go rutmer nrikir ki , " E , tufo leperkat naftekin ito slati elau ." § 058-026 Malnen kin rumai nen ruuut ntas nen rukfo pregi kefak naniu nen runroi kapu . § 058-027 Go ke ona keku kia . § 058-028 Ga kefo inrok . Inrok ser nrak . § 058-029 Malen kin ipo na imai tefla me ruipe preg naturiai iskei , kipe mai torakin to . § 058-030 Malen kin ileka inre faat tefla , ipaai kaai pan pan inom tefla , naal na ipueti go iuut ntas nen kefo pan nroi kapu ga . **** § 058-031 Me malnen kin ipo na ipreg ga , naftekia , nana , teflan inom na itao , § 058-032 go isiwer sak ki ntaf pak elag , malen ipan pan pan pak elag ntaf go inrog nai iser . § 058-033 Malnen kin inrog nai iser teflan itarp̃ek ki napor naal ga ipato me itrau fiit . **** § 058-034 Malnen kin ifiit mai mai mai mai leg ki san kia Korman me pak etan , § 058-035 ipu tefla nagis nranru nen kin kepnut nai keta ser mau . § 058-036 Ifiit mai pak san , nai iskatur wes , mer fiit mai mai pak san rusoso ki Elaknap̃kas mer pueti me nai . § 058-037 Imer fiit mai pak nagis esanie nen rusoso ki Emetp̃er go Efatp̃osfiu . § 058-038 Malnen kin ientan tefla nen ke enkor ntas , ntas iskatur natuen . § 058-039 Malen ntas iskatur natuen tefla , faat nra nen kin . § 058-040 Iskatur natuen tefla , faat nra nen kin ratu . Iskatur natuen tefla gar ipi nra tu kaaru kin imakot mal ni Uma . § 058-041 Me kaaru ita tu pan mees . Rusoso ki Efatp̃osfiu . § 058-042 Go naor Erakor teetwei ga itiik . § 058-043 Me malnen Katapel ientan teflan kin nai kin , me ntas ipo satktofi ipi naor . § 058-044 Go malen kin ifiit teflan mai mai imat . Ga kin itap̃o pato nametp̃agon nagis ne rusoso ki Katapel . Nagis ni Katapel . § 058-045 Go malen ip̃o , ser nafaswen nen gar kin runomser pi faat lfek naur to . § 058-046 Go ipi nametp̃ag natrauswen ni Katapel .
• Interlinear Glossed Text • Utterance view