Text view

047

Recording date1998-10-03
Speaker age70
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
047-001 Tiawi nen ruto Em̃eltafra teetwei . § 047-002 Ipiatlak natam̃ol rulaapwes . § 047-003 Rulaap go , nawesien sa itop . § 047-004 Kin nlaken maarik naot ni Em̃eltefra ipreglu nam̃er nen kin ruto preg nawesien sa . **** § 047-005 Gar kin rupan pan pak Etago § 047-006 Ore , tenen nen rutu ko go rutu , rutu nrus frafer § 047-007 Rumai pak Erfat , rumai pak Em̃elsa esan kin rusoso ki Erakor . § 047-008 Orait . Rutkos , rumer nrus mai pak Ekasufat . § 047-009 Na ruto Ekasufat . Malnen ki nalotwen ipo mai . § 047-010 Malnen nalotwen imai ol natam̃ol runrus mram , go rumer nrus mai . § 047-011 Welkia maarik naot nen ni Ekasufat imat , maarik naot nen rusoso ki Nmak , Nmak . § 047-012 Ina imat go ipiatlak natam̃ool iskei ina ipo mer oof natam̃ool rumer nrus mai . § 047-013 Natam̃ool nen nagien , a , Fakalomara ga ipi natam̃ool ni Samoa . § 047-014 Iplaker runa runrus mai kin rupo mai preg natkon elau Egis . § 047-015 Me , malnen nam̃er laap rumai , go rumatmat . § 047-016 Ipiatlak namsaki iskei , namsaki nen ipi namsaki nen , ntafwen . § 047-017 Rumatmat panpan tewarik m̃as kin go rukfo nrookot pak naur sees . § 047-018 Rupato naur sees kin go rupo mer stat preg natam̃ol rulaap panpan bambae itup̃ ntag ni mees ne . § 047-019 Kin go komam ufo paakorwes ki ufo mer tm̃alu naur ki umer mai pak esa . **** § 047-020 Upo to preg esan ipi natkon § 047-021 Or , malnen kin utm̃alu natkon , naur sees kin umai , 19 , e , 1959 . § 047-022 Malnen nlag kina iwat ki ga ipo pregi komam upo mai pak Efat . § 047-023 Go upo pregi esan ipi natkon ni Erakor .
• Interlinear Glossed Text • Utterance view