Waveform view

ss_cs_polo

Recording date	2005-06-24
Speaker age	69
Speaker sex	f
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Kapisitu toneo. Pa daki mapa. Zu kova edo ei ko pa polo zu kova pa kakala. Tukagho, ko rughu ta bo tuka kova samu laua kegho kova kulisogha ba tuka, kova samu pala kegho kova kakala zu kova polo, tova samu palaghue; zu ko. Tuka koma polo bo kuma kegho kova koma kakala kuma tuka ze samua keze pau izialo ivaghue. Tuka zeva ghoi kova ghoi izi iva tuka ghoi kova teighue Ko ghoi bo rughua kegho samu zalalia kegho kulisogha bai ba tomiti samu pala <<wip>> kona ko samu pala tuka ko ba koma kakala zu ko koma polo kumaghue Tuka ze samua keze pau izighue. Tei bua bua bua kova ~~kum-~~ tuma tau bua bua bua bua bua; lo polo lo kama ngaisaghue lo Ngaisa kelo kama lo dudurongo lelesangilighu turighalighue lo na; lo Samu lo qolaqolalitu lo; mapa lo loutu lo; teighue lo na; lo sere sua Mm. Telo tei bua bua bua bua ko totoae lo kaunga; lo magnigha lo kaunga. Lo lova te teighue lo na: "O elakatime, poqala lo ivaghu lame, maiva ela samu zalali; qola samu; lo lo; zeme maiva ela laghaso pala keme eghata za sua mangaza kia, maiva kabu negha sua Elakati lo ailo polo na mai gnou tai." Tulola, zeva izia lo iva tulola zeva; qola samu zeva; lo zalalia keze qazu kagholia keze; ze ka manamanalighue; ze laghaso palai ghoi. Ze ka manamanalialo lova izi iva tulola zeva; molagha sakemia keze kulo zovua keze zeva ka koighue. Lo kaunga lova ~~ghai-~~ lova mola la ko loma totoa kona bo koi tei te lova "No na ghoma ba tai. Taunga no Tegho ghoi pa molala bo te zeva ghoi kaka savulighue Omave nau tai Taunga nona teighue Tegho ghoi pa negha sua mola la bo te, ze ghoi tei sua kaka savulighue; lo dulo molagha na zovei Tulola zepo ze kama boghue lo na Pa negha sua molumolu la zeva lo polo solo kabu Ko kova pa baba leghea kegho ota kova palepaleghue; pale lo baba Patu patu patu patu; kova susurughue. Susurua kegho kova edo ko pazuzu sua kughe na sara tulola, kova edo tada zubalo teghetaghue; Tegheta tegho teghe tau b- teghe sate tau bua bua bua bua bua bua to gnubalo tova kama taqua keto kama bua bua bua vanovanoa keto; to ka ngaisaghue lo Ngaisa keto kama tova madomadokeghue. Te, tova mama to kaka savulighue: "Mama; elakati no agheva edo baghegha zu agheva edo pitipiti kukuatigha, aqutuli lameghigni. Keghe bo jai sala lau keva teghe ite tei." tei. Te ko ko taka savulighue lo na: "Sikape bo raghe Ata lo lo polo na qolaqola teze ailo magnigha lo mapagha n(a) te kabua keze zuia Lo la te pe ghoma pa mapa ata leghe Maime ghajia te atatu." Ko teighue lo Tulola kova tova edo baghegha sarighighue; lo ngai lo i lo pa lo pa baghe; lo pa lo pa baghe; te tova edo pitipiti kuakuatigha. Tova laua keto to boghue lo Bua keto bo rughu keva keto; tia te lo pa ngai saba to sodoalighue. Sodoali tulola to piaghue. Tagha pia keto; tagha pa tugana ngai bela tova aqutilighue. Aqutuli laju tulola, tova; kuli zabaghue lo Kuli zaba keto; tova bo pau izia pau izighue. Kuli zaba te to mama kona samu pala ~~teze~~ p- samua keze pau izia lo iva tulola, tova ghoi boghue lo na; tova baghe kukuati laua keto Bua keto lo mapagha zeva solo bo sua ze karuba ota lo dulo kola uvi; ~~ku-~~ poi; ida uvi; kumara; lo lo unili lomaqa pia telo tagha lo bela na Tulola tova otatu tia lo polo lova tagha kama; tagha lo dulo kola lo; kato lo lo na taua lo lo polo lova au baghue; lo sere sua Baia kelo ba neu lo saba pozogho la lova alughue Teto to gnaghoi lo, ida solo lamelighue. Solo lau bua bua bua bua bua bua bualo lo ida na Te to ghoi lo poi; uvi; uvi solo lau bua bua bua bualo lou telo zui. Teto ghoi lo kumara solo lau bua bua bua bualo lou telo zui. Tulola to mane lo kola uvi sologhue. Solo lau bua bua bualo ka ghoma loi ghoi lo kola uvi. Tulola lo ngai lo mane hr lo kukuati la Bola te, lova seqe toa lova epilighue; ma lova ailo lova seqe toa. Epili telo lova ghoi; edo sua sologhue lo na; lo kukatie Telo ghoi, lo lova gnari tone lovana lo ghoi lakaghue. Tulola tova bola bola bola bola lo polo lo mane au tau tulola lova aveghue. Tova aua keto tova ken- poi; lomaqa keto tova kulisoghaghue. Lo tuqana mama mau polo; lo lomaqa keto; totopalalia keto bua bua bua bua bua to mama kova lo ze magnigha la ze- to bo Sara tulola to to mama kaka savulighue: "Mama; ai lole lo polo na. Lo ata qolaqolatu lo. Laveli zeghe." Te kova; malanga tulola tova: "Laulu; zepe kulo pazale la lomaqa bo; zepe, ota mane bo levo." Tulola tova lau keto kulo pazale la bo pazu virili poi; lo ghoghola agutulia keto; tagha belalia keto; pa pazu- pa kola dukulia keto laghalua keto pa pazu virilia keto; to lo kola lo pazu looovu telo tagha boghue Te mane tova lo polo levoghue lo Levo telo lo kola la lova; ruru na pia To ghoi lo polo levo lajua keze sapilia keto; ma ze na zeva loughu matali sua papale lau loi; zu ai na lou laju tai Tova lo keda kololi telo azua kelo rurua kelo lo muzi la; to to kulagha lova mane leghe lau Leghe lau ba tulola lova: "O; zu perongo na magnigha la zabai. Bo ke bo Tulola lova baghue. Pa edo kokolo tau tulola ze ghavia keze baghue lo Ba kulo ba soboa keze; zua ka ba; tulola, tova laka savulighue: "Sikano ata ghoi kao baiale. Nova ekati ata kao ba kiave nali tai. Apoi aghe mamano kau ka zovei." tei. Tulola lova teighue: "Daisa patulo. Katigne liaza zegne bo zegne mane ghoi ba tai." tei. tulola zeva liazaghue. Liaza bo te, izi iva tulola, lo mane baghue. Lova edo adaki gnubalo lova taua kelo; luja tia kelo; lo botu lo maramaneze mane ghoi liaza kuli baghue; ei ka baghue lo Tulola ze ba tulola zeva ba ka tulola lova savulighue lo na "O daisa patulo. Elakati pe aito aiva edo adaki gnubalo kama tau; zepe kama tagha kia, pe kama ailo magnigha la taungaghue lo Kia aiva dulo mapagha ze ghoi liaza ba zuighue lo Tulola tova kama lo to edo adaki zubalo lo ba tovu tameti te, tova kama to tada zubalo to ka tau tagha te, lova zomaga kabutu lo s- lova dulo mapagha lova ghoi zau zomaga liaza ba te zeva ghoi ba taunga liazaghue; lo ngai polo lova aveghue. Teighu pono. Gnero ko putoe.

Edit utterance

Text view • Interlinear Glossed Text • Utterance view • Help