Waveform view

ap_cs_saraputu

Recording date	2003-07-09
Speaker age	56
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Kapis(i)tu toneo. Keredongau. Pa magnigha Edo tonetoe, tova mama kaka te, pale sualo. To mau na ka Pa manga la to patu lo duzi tone, na ghoghoana Lo duzi tone lo ninie, Dukiputu. Lo gnari lova ninie, Saraputu. Kelo gnari na, magnigha la patu, Telo leghea telo aghozu. Telo lova tone tova m- mola sakeli kulo soloa telo; lova tone lova; tabuali sua lova ghau bo roilia telo; melo bo lo la Kaotu kulo avua lo, atalegha na pale Telo kulotu kao avua lo atalegha Telo ba piliza telo n- ghobu latu mala; avua lo, atalegha Telo bo piliza telo ghoi tagha papale la bo avua lo Te lo ghanaghana na teizu: Ka mananae, Tegne ka ka. Tei tulola lo ka kaghue lo Ka te lova magnigha lo lo(va) mapagha lo melo nogholi lamemi telo lo mama kova nogho laua telo; bo zeva kuro sua tuvi la bo Telo gha- lova tone lo ghau laua telo; lova lavu la ghoi lovu Zu qololi zelo; bozalili zelo. Zu dada zelo, lova m- mau lova ei lova tone lova e ghau lova qololighu Telo lo ghanaghana na tei: Elakati ai(va) tone lo ba kialo ka gnakaghaze tai Telo bo n- lova lavu la, lovua telo patulo lo(va) tone Telo qele keva lo mau e lo to- lova tone na Dukiputu na lova ghau leghealo Telo tei: Saraputu; zu ai lova ghau no na te lau lo la ghavi; agni bo Ka lo no no ghau; z- zu kibo zegne tone. Qololi zegne. Melo na laua telo lau telo, Pio. Zu lo ai lo(va) naqighu lano te Lo la tegne te zovealizu sikalo pa na Leghei no kiboghue. Bua kama ailo ivaghu la. Alalia no lolomi sua lo mavutu la no bo aiko ghau kova; tugha toa no bo dukuli Telo, Saraputu na, ghanali lau Telo Dukiputu n(a) tei: Ghomano ai ghau tugha lau tai tei kia, ailo ivaghu lagne nali sone tai tei. Tulola, Saraputu lova lo mama bo kaka savuli: Mama kibo zegne. Ai tone lova ai duzi tone lova ghaugne qololizu. Bozaliza zelo. Telo kekeagnizu tegne ai lo lova a ghau lo tugha m- bo n- dukuli tei Zu gnakalo savuli; ghoma ata mai magnigha la kao lau sua te vejie; zu lo sara sua veji lo te lo na leghe matali te Teighu lalo tei gnaka savuli tegne ka bo lo tugha alalia lo m- veji lo batu otagne Lo tugha toa lau tei. Ghoma tei kia, ai tone na ekati gnali sogne tai Te lo mama kon(a) tei: Daisa ~~patulo~~ m- ai Bo nova ghanaghana manamanalia zeno ba ai lo no laghaso lau Zeno tovoalighue nova tone lova ghanaghana salaghu. Tei tulola lo gnari lo gnari koko lova ka boghue. Saraputu. Mola tuvi la bua telo mola manamanalia telo selo manamanalia telo kajia; dulo Manamanali tulolalo mama kaka savulighu(e): Mama aiva kama bo teighue lo na Tulolagho lova paraka kake; lova pizo sua tosu; lo lau lameli tulola, lo(va) ka bo ghuba l(a) Teze lo mola sakeli (tu)lola, lo koi tulola, lo(va) ka boghue. Bua telo po- pa ~~molumolu~~ la sarai. Telo molumolu lo- lova ghavili, molumolu sala lau bua, lo te pa ~~piva~~ la nap- piva napu Telo tei: Ei; kuli na kagnika paraparai; tegne ata kaiata Telo ngai jai lova napu la bo kaia telo; pugnea telo; Lo na epiatu ghuas(a) toghoa lo, ghoi pame veji leghea lo te, lo jai latu Lo(va) leghea telo teighue: Lapoie kuli batu la na Pozogho lo vejie tei. Telo alu leghe seralia, ite sua lo vejie. Sasalili sue kama. Telo, lova laua telo; Ei zu aikoke pa dai toma melo ghaue ka na tei. Telo oma laua telo laghalughu pono palai. O elakatigne ai lo jai sala kaghu tovoali tai tei Tulola, lova ota taungatu; muzi mal(i) tulola, lo(va) kama ota izighue jai napu la. Ropo tulola, izi iva lo ropo la lo(va) te teighu(e); lova laghaso lou lajua telo teighue: O ailo jaigne tovoali tai sala zegne, lo veji lo tave batu ota alalia lo tavula telo tei kegne (kiagne) ota mane vilivili dukudukughue Tulola lova kama lo jai, tamaja sala kaghue. Bua, telo kao ngai toa sughu kao boghu la lo bualo, pa adaki gnuba te, kegheagho jai la epialei, lo ngai Te lova topaghighue. Apoi vata mapae. Apoi, baighoe magnigha na ata Zu alatu ba sua mapae moka ela mapagha na ata Bo tei kia kao ailo jai la, lo manegha Telo keghe seraghia telo tei: O; ko mapae tei. Lova kau ghajeghue. Hoi tei zelo. Te ko a- adaki gnuba kona lilighoza leghe Al(a)tuno te O agnine ~~ni-~~ agnigne tei sua magnigha la pale sue Te aiva tone lova loqo sua ghaugne lo la ~~melo~~ gh- ula telo, Telo lo la gnakaghaze, lo la gnali Telo gnaka savuli ai ko m veji kova paletu lo mavutu toalagne lo veji tugha ghoi lau Lova ghau tugha tei. Teighu lagne te Zu omagne lolomitu, alaliae. Zu ata kulo ailo jai lo napu lagne ghuasa toghoa moibi ghuas(a) toghoa lo pa veji na Sasalili sua kama. Tegne leghe tei o omalo baighoza tai lo veji na ata kao ai lo ghau lova tave kuli batu Zu ghomalo ghoi baighoza tai ataliatu te ai tone lova ghau na tave boi ghoi Te ko adaki gnuba kona tei: Agni na te, dukumi neu some soghae Moibi no loqotu lole agni ata s- dukuli solo sue om(a) pa daie lo na Zu lo no tone lo lo la vasikakatu lo ghaue, agni te dukuli neu solo sue oma pa daie lo te lo na Tei ko adaki gnuba Ko lo vere solo tulol(a), tei sua savulighu pala (tia) lo tada zuba lova Saraputu lova ngai toa ghaseghue lo tave Te ko adaki gnuba kona tei: Baboa teme tagha ai tuvi la Aiva mau na ota Zu lo maue ghoma lo mapa. Lo suae. Zu ko adaki nubae ~~lom-~~ loma vanaghoghi somae. Oghai loma kukuaghi s- s- tei te k- k- tutulaghi somae. Tegho lo sua zu lo madaki tomata te pale somae. Kova Saraputu lomaqa, pia nata tegho bo lognoghue pale didigha la; tegho savusavuali Lo tatagho savusavu lagho te savuali Kuli lo lighighu la, ~~t(o~~) su(a) lo tada mapa sua daki mapa sual(o) tona Ba teto ba magnigha kabakaba la sara to kama M minoni tei. s Apoi torongo, lo kinue ailo pade ivaghu la ailo magnigha la kunukunuazazu. Tiato kuli batu. Ko adaki gnuba kona tuvi qola la aluatu to ba sara te =to zuaghi: Aghe apoi toa samuno, ata ailo tuvi la lau lovu Lo kinu na Tegho ko gnuba kona tei: Ka pe gheza kinue; bo tei kia agniva Baighoe ai pa kosu, tei kia pa misupolo bo tei kia m- maitei sua samu lau manamanali lovughu Te E kukua. Moka ka no no kinu tei kia aghe gheza kinugha laghe te avezu ota kao; magnigha kabakaba Tei tova ba tova lau sua alea aqozagha tova ba neu sologhue. Te ko ~~gnu-~~ ko adaki gnuba kona ngai toa ghanaghanaghu palai apoi tegho ailo tada zuba lau togho kou Tegho kama ghaje latu tei: Ai Pa ghanaghanagne paka savulighu matali tei. Lapoi ghanaghana. M M- pa tada zuba na- gne lau ata mai tuvi la Tegne pe malanga kamegni kiagne lau tate tai. Zu lova rongorongoe, tei sua. Pa ghitagne agni na pa ~~ghau~~ veji veji la sua ghau dukulia tegne neu jai la solo telo tave bo telo ze magnigha ~~toa~~ la te zab- Telo l- ailo tada zuba lova duzi tone na te loqoi. Telo la lova kunala taqitaqilia telo lo la te melo ula Telo ailo gnari na, moaba ghoita lo la aqoza, melo na ~~lau~~ telo Telo qoloi. Telo lo la lali lavelighu savulia telo; tivali telo lo(va) tugha toa kadali tivali. Telo lo tugha toa l- lau tei Teighu la lo te ghavi baia ailo jai leghei telo te kulo ghuas(a) togho, ota ka izi ailo ropo la te Telo te ata neu jai la ba sodoagni te gnau Tegne tei o, daisa patulo. Kao tagha tuvi lame bo tai tei. Teighu lagne te ba lau ata logno Lau tatea kukua. Aghe kukuae ghoi lo Omaghe akeli tai tei. Tulola kova lo savu bo peleali, kova lau avu baghue lo tada koko. Tulola, lo tuvi la zeva dulo ze zeva ka Musanga la teze samua teze dulo ze kama Iziva te lo tada sua na zu- Saraputu zuali(ghue): Avasan(o) te lo ghau lau liazaghu matali Kama maitei sua m- ivaghu pono. Poqala eghata kama aiva dukuli kia ai te ka lau boghue. Daisa patulo eghatano mane bo tai. Poqalame no(va) pa laghaso pakata tai tei. Tulola, zeva lo ivaghu la ota Edo sua manga la tulola zeva lo laghaso Laghaso pala te, lova tamaji; lo ~~kor-~~ korikori tamaji lo lo ze te Ighiva sua manga la lo tada sua na lo ghau Edogha. Lova duzi tone Dukiputu lo pa, zu lova lo batu lo gnari lo pa s- Saraputu. Telo pa tiligha ko niuniu kova tiligha; laua telo; lova lomaghue. Kulo jai napu la ze ~~zua-~~ zagha- zaghoro teze Bo sara tulola ze ko mola sakeghi kulo kovua teze lujalighue. Lo Saraputu lova laghaso. Lova ghau lujalia te ko niuniu kaua teze sighi la Telo lo sua na teizu: Kukua, aiko no bo te a pa voda eneli kia sikano buring(a) ka qeleale Bo tei kiagho tei lo kajia abenili kia sikano ghoi buring(a) ka qele zeno Gnaghoa la no qele pale teno kajia buring(a) ka zaughali Tulola lova Daisa patulo kukua. Elakatigne pala sala tai, nova levolevogha. Tova lo tada sua lova erili tulola, lova kama ghavighue. Gnagnui ghobu la lo sara voda Telo ghomalo ghoi ghaje buring(a) ka Lo sua lova nanaghizalo ghanali palei. Lo na Buagho =lo =gho bual(o) lo vere na tei: Kajia zaughali lau baia Zu adakigha ze tave la sua Omalo ghoi buring(a) ka Kajia lo pa kajialo laua telo kakau pono la buring(a) ka zaughali Lo na oma lo ghoi buring(a) ka qeleatulo lova magnigha lova Omalo ghoi buring(a) ka qeleatulo karango tave la ka Teze lo mapagha na tei: Ei zu ailo na ghajia te boi zu edo mapagha na Ko pa adakilo te ghoi lujaghi kau bai tei. Ko kaungarongo qeleqele lama adaki gnuba kona te sighi Saraputu na, lo sua lova levolevo ghanalia telo kama omalo ghoi buring(a) ka qeleatulo lova mola bo liligholia telo ghoghorali Tulolagho ko na lo mola l(a) avua tegho lo mola lova ~~sighi~~ ghoi laka raghili lau Lo lo mane lo kova qeleqele Telo ngai toa ghase apoi lom(a) pa adaki gnuba ko nito l- gnoko dai toa qeleqele lamae. Kuli lova vodaghu l- la saiza soma adaki gnuba. Ze zaghoroa teze tagha lo mama mauzalo to tuvi la Telo lo ~~ghau~~ laua telo lova tone laka tei: Tone, nova ghau lo tughae la na. Telo Saraputu na lo ghau la ghoma maiteizu ko adakilo te varurughi Telo zualizu Zu alano te ai ko adaki gnuba kaui tei Telo Saraputu na tei: Ai(va) lo veji lautu ota lo magnigha la soma adaki Tulola lo, Dukiputu na tei: Tone; gnaka savuli pozogholia te poqala agni na ghoi bo zegne bo ghoi pa adaki madaki Otalia no l- ai ko no madaki kautu ota tei Telo laka savuli: Daisa patulo tei. Poqalano mane bo tei. ~~Sara-~~ Sara- Dukiputu na lova ghau laua telo ghoi bo lo Saraputu na lova pame(ve) ghau laua telo ghoi bo lovu Lo lau ba sua, lova laghaso teitu lo, lo magnigha nogholi teze koluza teze e epi koluza teze samua teze ghaseghase lo musanga Iziva tulola Dukiputu lo ghoi teighue: Tone, ai ka boghue. Ai dulo kapisigne manamanali. Kiagne elakati maitei tai tei telo lo Saraputu na tei: No bo kia, no teitu lo jai la ka Zeno mola ka raghili lau kaghue ota. Zeno sala ka. Zeno elakati lo pa keva lo(va) au baghuno kao sodoali tai ota no sala Bo pa adaki no neu jai la sodoaghi tei kia, ko na elakati nau udu tai zu n(o) dai levolevo lano paka tai apoi lo ~~sua~~ lo lom- m- magnigha la soma; sua Zu ko mapa tomae koata lo vanaghoghi tutulaghi somae tei. Te lo kukuaghi somae tei zelo. Te no aqutue, alea nanaghizagha no eneghighu. Sua lo naka savuli kiano ghoi pala sala tei. Tulola daisa patulo tei. Iziva ~~tulol-~~ e; lo ropo tulola Dukiputu lo ka boghue. Bua telo bo lo jai lova tone lo savulitu lo jai napu toalalo sarazu Telo omalo kulo n- jai napu l(a) Lo adaki matalighu lalo kama jai sala Bua telo lo musanga la ~~kon-~~ da- adaki gnuba ko s- pugneghu lalo bo Telo ghoi kau rongorongo n- dai toa kau rongorongoghu pala te ko gnuba kona tei: Daisa Ata taugniata tei. Tegne bo ai kukua zalo zuatiata tei. Ko pia nata tegho bo ko kukuazalo zuati te gho savuli pozopozogholi: Ata batu lo, tada zuba lo tone na ghoi e Lo ghau tughalo ka laui. Zu pa ghanaghana latulo te Lo m- Lo m- va tone lova kau botu ko adaki lo dai vata keghe Telo ghoi ko koghoni soma lo pa adakilo te ghoi mataghi tei. Te kukuazalo pe na ghoi lau lameli tei zelo Te Daisa patulo. Telo ala tei. Neu jai la Bo ngoili lau baia tei. Tulola, ko raghe au sogha tegho bo ngoilighue. Baia tei zeto ai kukuazalo Tulola Dukiputu lo pia boghue. Saka pia boghue. Tuvi la sara tulola, laghaso lau lameli tulola, lo samu kaju te(lo), rongorongoghue musanga la sua kapikapisighu Te lo sua na lau enei No gnari tone na atalo te no kekealitu lo veji ba Lole. Ropo la no ghe ka novu kiano liaza tai Apoapoi no matali teghe lameni tei te Ko adaki pono lau lamegnia tei. Pe pa adaki gnuba lamegni kia ai ka liazaghue tei. Daisa patulo tei. Ropo tulola lova ko niuniu bo pisughia telo; sua Ba te mai kama kulisoghaghue. Telo Dukiputu na tei: Zu alae ko A nanaghiza pono sala tei. Apoi ai ekati naka savuli kia, no pala salaghu pono tei. Jai napu la sara tulola lova kuighue e ~~gh-~~ m- mola lau Sakeli kulo solo te e lova ghuba la Ghobu la sua lusu Epi tulola, lova sua na lo ko niuniu buring(a) ka Telo laka savuli: No bo te pa vodaghu eneli kia sikano buring(a) ka qeleale tei. Zeno ghoi ~~sikano~~ ghoi kova kajia abenili kia, ghoi buring(a) ka qeleale. Todo pale kajia lau zeno buring(a) ka zaughali lau Zeno no na ghavi Kao no tokoghu la no mane mola raghili lau sara kia no mane lighi keghe teno; ko nitognoko leghe Telo Daisa patulo kukua tei. Katigne pala sala tai, no alea nanaghizagha. Tulola, Dukiputu lova koi te sua lova erilighue. Lo kukuaghagha zeva liaza ka ze magnigha la Gnagnui ghobu laze sara voda Buring(a) Telo Dukiputu na lo ghase la lo vudu lo madaki ~~kegheghu~~ la ghaseghu la elakati pa ~~tei~~ soma adaki kona zaba tai tei telo Telo lova boghue. Buagho kajia abenili. Tulola ghoi lilighoza keghe patu lo kajia zaughali. Dukiputu na Pa adakie ka na Aiva ailo ivaghu la aiva tone loghoni ae zegne, gheza magnigha loghoalighue. Tulola, tei tulola lova ghavighue. Bualo. Bo gnagnui karango tave la sara ~~teze~~ lo mapagha na tei: O lo pa madakilo ghoi bo kaui Tialo ghavi kao baia lo ba mola sighi ghoghorali lau ~~liaza~~ s- sogha avu te ko adaki kona sogha avu teto lo mola raghili Zu ai ko adakie apoi lo sua lo verelo gho kengeali tulolagho tughoaza zegho Ko vora tegho tubutubu sua tegho gnapagnapasa qaqoa tegho tei sua tubutubu sua mijila lama <<wip>> kona te tatezu apoi ai lo sua lova verelo kengealizu Teighu la ghoma pa dai qeleqele lama adaki kona te tatezu Lova kekea telo adoadoghue. Tone; no na ko dai adaki te kau zu agni na ko isarongo te Telo Saraputu na tei: Moka lo sua lova vereno Agni na ~~ghoi~~ n- naka ka Agni na ghoi nanaghinizu teno oma ai vere Lo la te, ailo vata kapisi na te tate kamenizu aiko no madaki komata. Te daisa patulo kama no madakie. Omano ghoi soko tai. Tulola /Dukiputu lova tei patu ko tubutubus(a) soma adaki ka kau kagha paleghue. Saraputu na, ko vilavela soma, loma adaki kau lo ghoi To tonezalo to kama aeghue lo Otaze patu, agni na liaza Gnero ko puto; tala ko javu.

Edit utterance

Text view • Interlinear Glossed Text • Utterance view • Help