es_cs_kakamora

****

Eo lo k- / ko k- / lo kapisie te tei sua.

****

Kapis(i)tu toneo.

****

Keredongau.

****

Pa mapa.

****

Te ailo m- / lo mapae / lo tabu sua taemu la / a / lo ghajia te pale sue.

****

Ok; zu ailo mapa lova / paleghu la / a / dulo taemu la rongorongo eneli sue / ailo / a Kakamoragha zeva / rongorongo; ni?

****

Lo gnagnai mapagha.

****

Makira suputulo vata gnari mapagha; ai savumitu zepo.

****

M Gnagnai mapagha; lo Kakamora la te ze ngoimi soghae.

****

Telo daivata matalighue, / "Maitei kegne kati pa / Kakamora kati zi- keghe tai."

****

Pa lo te dai mataghighu(e).

****

Tulo ka dulo manga rughu kevalo / lo suba aqutu la bualo / tei tukalo / daivata qeleqele kevaghu lavae.

****

Zu oma ghoi / pa keghe sue.

****

Pa ivaghu la tulola lo mane boghue.

****

Zu lo taemu lae lo elu lo taemue lo na.

****

Eghe lo ai sua taemu la.

****

Telo bua / kao ghoghoana la bua bua / pa zazagha mapa sodoami.

****

Te "Alano botu" tei.

****

Melu- "Eluelu sue agni na" tei.

****

"Ai baia; zeno kama ata pono laughu pono" tei.

****

"Lovua; bolu me na.

****

Agni kati ai gheza bo zalali tai" tei.

****

Te "Ma tei kia no boghue" tei.

****

Telo boghue.

****

Tulola ka rughu bua lo na; bua bua bua / lo pa da- / pa eghe mane bo sodoali.

****

Dai toa aighu lavae.

****

Memere ngai eghe.

****

Telo "Ailo toagne piali tai" tei.

****

Telo pialighue.

****

Pia kelo tagha / bo sara kelo kama e- / o / lo vungo elugha lo / pisumi sodumi tuka lo te neu someghue.

****

Telo vanea (harvest) neu sokoalo te, / lo verevereghu enelizu.

****

Hrm / verevereghu eneli, / lo te "Ai / ela mapagha na ota paba latu" tei.

****

Te lova epi todoghue.

****

Epi todoa kelo qeleqele kevaghue.

****

Qeleqele te lo lekalekaghu lo verevereghu lo na te pozogho ghoita batu; ni?

****

Ghoighoita batu; telo epi todoa kelo te qeleqele kevatu.

****

Telo qeleqelea te mane / lo gnagnai Kakamoragha zegheaze bai; aghavaghae.

****

Zu lo aghava Kakamora(ghae) lo adakigha.

(carry basket on the side, with the handle over the opposite shoulder).

Pa ko na ilaghi / pa ilaghi te savelalizu

****

Telo epi todoa kelo zeghea ze kam(a) baia baia baia / ze ba / ghoita tulola lova ghanaghanaghue.

****

"Ake tagne.

****

Daie aiva liaza au zegne / neu lo eghe pozogho la ka bo pau / ghoit- / kama ave sua mapagha zoghoni pai" tei.

****

"Keze lo lale ba gneghe sua taemu laze kati O ave zegne tei kia / pa ko ai mane la alu kia, ai kama / kateghue" tei.

****

Ma tei sua / ghanaghana na lomata bai.

****

Tulo "O; kama au tagne" tei; telo ka aughue.

****

Neu aua kelo neu eghe pozogho la kama / lo pau tada kelo kama / kama / oma ghoi kotoi.

****

Lo dulo pipisi lo ka lau kabui ghoi.

****

Paua kelo ka ave soa mapagha zoghoni pai; / oma ghoi kotoi ghoi.

****

Ze na lekaleka keze; / verevere keze te batu.

****

Ka lo eghe lomata ze te batu.

****

Bo ota sara tulolaze lo mapa l(o) lau tautu lo eghe / lo / elu leghei.

****

Teze / ma / otaota raghe kevai.

****

"Ma ai (na) gnaghoi supurongo lau." tei.

****

Te mane pa ko na baia ba sodoali.

****

"Ai; pa mapa ai lo" tei.

****

Teze raghe ba leghe te pa kona tei; "E / korisalo.

****

Korisalo.

****

Hrm Siame ota buale" tei.

****

Hrm "Oma lo tau avei; lo na korisatu" tei.

****

Te pa kona ba ghodoghodoali "Oma pio; ai lo ka avei; ba leghea no,"

****

Tukagho late / pil- / tei / kotokotoli kazikazili tuka lo ka lo na oma ghoi kototu; lo na ka pau todogha malitu.

****

"O ite sua; ave zelo kama."

****

Hrm ze mane ba alu talighulighue.

****

Alu talighuli tulola, / ma ze- zeva te mane lo lova mijila leghea keze / ma ze na ze gheza mijila leghei.

****

Apoi zepo lo gnari mapagha ni?

****

Zu lole apoi mai gnoghoni sua mapa; telo ngai mijila lavae.

****

Teze "Mama.

****

Zu ailol(e) ka tada ngai mapae la na."

****

Ma zepo ze teighue.

****

"Zu maime mai te gneghea no; maime gnagnai toaghae mai na.

****

Qelea lova batu; ka lo tada ngai batu lavae.

****

Qelea mai batugha lo gnagnai."

****

Tei lo taqalu savuliaze; lo nito; lo alea kapisighaze savulizu.

****

"Mai gneghea no maime gnagnai" tei; / tei.

****

Lole zu / lo na manamanalitu kati ota lova / ma lo kate teituko / pa adaki; / telo ko ilaghi lama te kati kate tai.

****

Ko na lau labua / ko na lo lo mane / mane toala te alu; lo lova / pozogho / lova sogha / kia katetu lo mavutue lo- ko na te alui. Sogha tulolalo kama ko pa kaka lupi.

****

"Loe lo na;" tei.

****

"Ai savuli lo korisalo" tei.

****

Lo pa ighiva ze alu kabughue.

****

To to lupighue lo na.

****

M / lupia apoi lo dai laqagha lav(a) vata mapaghae.

****

Lo Kakamora; apoi lo asi mapagha.

****

Lupi / laqa laqa laqa lo kaka lupi pozoghoghi tulola / ma ko ghoi kama / baighoe ghoi keva na ko ko ghoi boghu.

****

Kateghue kama.

****

Kate tulola / lova / molo lau ko sivugha sodulizu.

****

Molo lau ko sivugha soduli lau kula tulola / lo ka kau boghue magnigha la.

****

Oma lo ghoi pa elu laui.

****

Ka ko pono kau tulo ka boghue magnigha la.

****

Magnigha la bo tulola lo bo pale tuvi la kovu tulola, / lova avu tei tuka lo kama lokeghi tuka palepaleghu na; apoi ko kati kabule.

****

Tulo patu / kumalo; / tei to to ka paleghue lo na.

****

Patu patu / kama ngai toa gneqaghu kama.

****

Ko Kakamora kona pozogho kama / a / akei / pozogho kama / daisa kameghi zelo ko- lo ka k- kova laka paleghu.

****

Tulola lo pa taemu la lova / pa manga la te lova kaka savulighue; "No na ekati palei" tei.

****

"Kegne bo mai pa suba eghali" tei.

****

Tulola lova / boghue.

****

Bua kelo bo suba eghali lajui.

****

Telo dukuli neu solo tulola / lova baghue.

****

"Ai mai subagne kama eghali dukuli lajui" tei.

****

"Mai taulighue ku- lova kuli l(o) lozigha lova ave kia, / mai tungili kia mai mane mai samu subalighue" tei.

****

Teto patu.