Text view

35_Kwai_Pathi

Recording date2013-07-15
Speaker age16
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
EMPTY æm heiwi ipor iwi chnong i wa pyrtuit u, i pyrtuit iRangjyrtæh. æm ar ngut chi lok ki uNik wa uSingh. uSingh æm u kalok yong oo ka wa upyrtuit toh kaLak. heitæ toh uNik toh u wa malik u wa yoh u wa æm tæ uSingh toh u wa dooh, u wa ym æm u wa yoh... æm kalok ka wa dooh wa ym æm iyi iyi ibam ikhih. tæ neitæ tæ uNik jooh khut u oo u wan bam uSingh cha yong oo neibhah toh u wa yoh uæm. uSingh wa yn neidaw i wa usñiaw ræm u wa toh dooh oo wa libam cheitæ cha yong uNik. tæ heitæ sñiaw ræm u da khut u oo uNik ya u wan bam u cha yong oo chisein kasngi. ha chisein kasngi lai bam uNik cha yong uSingh. heitæ kasngi manda libam u, ong uSingh ya kalok yong oo kaLak, wa uchæt ko deija ya uNik. man da wan uNik ha kawi sngi da poi da chong u manda chong uNik ha yong uSingh, heitæ ipor, ong kaLak uchæt ja, ym æm ja ym æm khoo de ki. tæ heitæ mut ko ulipanram panchah na kibru ki wa sah marjan marpa wa ka. heitæ manda pan ko læh ym e ki ya ka, tæ ym æm yoh ko tæ poi ko ha yung tæ ong ko ya utæ ulok yong ka uSingh, wa "ym æm khoo wa tang chi symboh læh, ya ue ki ya ute ulok u yong ki". tæ, heitæ uSingh dap u dooh ijingsñiawsih neibhah toh ulok yong oo. katwa pan u na oo dooh wa yoh beit u, oo wa yn tang ija wa ym yoh u e ya oo. heitæ sñiaw yamræm u him u kawait neitæ wa booh kalok yong oo tæ dung u ya oo samæn. kalok yong oo heitæ manda yoo ko oo, tæ pyrkhat ko, ong ko "kammon uim o, dooh samæn heini ha pyrthai jynjar, bha wa uyap lang o wa uni ulok u yong nga, kam wa da kular o uim o wa oo waroh chi reta". tæ heitæ ka læh da katæ kajooh katari pynyap ko ya ka. heitæ uNik wa yn, kat wa yang u heitæ ym æm wa poi. tæ kitæ kibru ym poi de uwon uwon læh, uSingh læh ym poi de, kaLak læh ympoi de, tæ lyngngam ha iyung isæm, kamwa ym æm bru, heitæ ipor, sñiaw wa kam wa æm ijingphær ha isñiaw yong oo tæ psiah oo. manda psiah oo heitæ i kamra yung chæt ja, yoo u wa isnam da kai ki cha khyndaw kibru pynar da yap ki. tæ heitæ ong u "dee wa ym yoh ja mi, neilok, wa ue ya nga, tæ hun beit mi, uyap mi kamni. Nga læh ya ukrum o uim won uyoobeiñ kibru pyrthai, læh wa yap lang o wa me." heitæ oo læh katæ kajooh katari him u tæ dung u. heitæ, æm uwi won unongtooh u wa tooh heitæ i chnong, kattæ yut u, wa kdong ki pulit ki oo. manda yut oo, tæ tne reih u heitæ iyung, i wa yap kite kile ngut, kattæ psiah oo, da yoo u wa ym æm bru, tæ reih u heitæ ha kyndong. manda reih u heitæ ha kyndong, tæ sñiaw u kam wa ym æm bru wa æm heitæ. tæ, psiah u chapoh yung, chæm wan u, ya kite kile ngut wa da yap. tæ heitæ, tæ yoo u itæ isnam wa da kai ki, wa kitæ kibru wa da katæ katari, ong u "a ipap yong nga, wa ym plæh de heini sæ, tæ kattu nang nang pynbad kibru wa nga, unongpynyap bru. tæ ya ukrum ong nga læh uim bha wa yap o" tæ chim u ya kajooh katari, na kini kile ngut. tæ dung lang u heitæ heitæ da yi khlæh isnam yong ki, man noh ukwai, upathi, wa uduma sla. kam wa bam i, toh ukwai wa bam i, dooh oo u watoh ute uNik, upathi toh ute uSingh, tæ kaLak toh uchuni, wa bam lang i wa upathi, tæ uduma sla toh utæ unongtooh, u wa tyrset ha khap.
• Interlinear Glossed Text • Utterance view