Text view

33_SohmyntingInterview_3

Recording date	2012-05-27
Speaker age	63
Speaker sex	m
Text genre	personal narrative
Extended corpus	yes

Visualization: Text view Interlinear Glossed Text Utterance view

Javascript seems to be turned off, or there was a communication error. Turn on Javascript for more display options.

EMPTY To pasan khana ya i nadooh wa dangkhian phi kammon karæp kariang heini, kiyi de kijait ræp sdang phi hadooh katni' Nadooh wa sdang tæ kitæ kiræp kba, yaræp salah, ræp rasun, kitæ ki wa æmkam dooh kitæ kipor. kitæ kipor tæ man ong bait man nawa sdang kitæ kijingbam se. hei ini tæ nyngkong dooh ukba, wa ar usalah, wa le ukwe, neitæ kini yn kisaru, ha kitæ nan ki wa æmkam dooh ha i heini ha chnong. heini ha chnong samyntin kam kitæ ki wa æmkam dooh i kam kinongrep, ki wa yachan yeitæ ya ukhoo yoh yakyrchan ya ukhoo. Ha kijingrep yong i tæ boon man symbe wa ræp tang khajiak ijingyoh, wa duna isboh. Ha kini kisngi yn tæ æm kani kajingyoh ki na kasorkar kini kisboh na kawi tawan kari tæ nang chæmphang chooh ki. Nawa nyngkong ong papun kani ka kapynthor dang de ka yong kijwai, tæ kini kinongseñ chnong mynchwa, kipyrtuh. Tæ katwa yoo ki kani kapynthor ya kini kiloom cheini ka wa ym æm man kba man khoo, tæ kini kipyrtuh cheite bait cha myngot yalæh ki udaiñ hali. la Tæ kahali kakhian læh man kikam kikyrdan ki wa ku rna, tæ katwa man ukba ki yaichah chitom ki cha myngot. ya kani kapynthor cheini kat da madan ko læh suk uræp læh kat ym man kba tæ ym sñiaw æmkam ki ka. Tæ kijwai læh kat wa yoo ki wa wa ym ym yoh kba re kam tæ dæp tæ nang poi ki chong chnong cheini, tæ æm kini wan ki wa kwah hali ki wa psa yn da kimasi. Manda psa yn ki da kimasi tæ man ukba, yoh kba nang yoh kba dæp tæ i wa man hali chrah læh ræp ki du salah. deptæ yaræp kba Tæ chiboon yoh jingæm myntoi ki, tæ ræp ki su saru ræp ki cheitu yoh kijingkyrchan, ræp ki su kre læh yoh kijingkyrchan na katu kathaw katwa bha kathaw manda yoh da kiait masi. Hadien neitæ yn tæ yoh yn ki kani kasboh chyen, manda yoh ki kasboh chyeñ nang yoh kba chooh chooh ki na chnong. Tæ kani kapynthor tæ da man ko kam tæ hadooh kani kawi kajingkyrkhu wayoh ki na wa dai kijwai, tæ kini yn kijait pyrtuh hadooh kini kisngi læh dang boon ki wa dooh pynthor. Ki katwa ym æm ong ki ka ka wa ym hoi kba, ha kini kipor yn tæ da yoh ki katæ kasboh thymme tæ da boon da kini yn ki nong wan chong chnong cheini wa yoh khoo hadooh kini kisngi. Tæ kini kipyrtuh nang hiar katæ kajingyoh yong ki, kat heijingyoo yong i man ko kam tæ. mut theid kini wa chong chnong cheini na kijwai waroh' Thied ki na kijwai o, ong upapun. ong thied kipapun, tæ U papun tæ kam tæ se nang thied kitæ ipor tæ dang boon kitæ kimasi kuti, kitæ kibeipun tæ man upapun man ubru samen sah khonswet, dæp tæ manna kani kabeipun yong i ka wa na mynso itre ki. Tæ kabeipun læh man ka wa sah khonswet, tæ upapun læh man u wa samen chynrang, ri ya kabei. Tæ manda yachem wa katæ kabeipun tæ kattæ tæ heiyawan yakhih mylla surok ki kamtu, yachem ki ka cha mynso. kattæ tæ kabeipun kachnong, tæ oo yn heitæ ipor tæ dang man uchnong, tæ wan yn ki cheini tæ yaæm wan kini kibalang presbyterian, manda æm kinongyalap tæ man kylla kristan u ha katæ kabalang. Dep hadien neitæ yn tæ wan yn ubah joy, dæp tæ kylla yn u cha kani kabalang trom. papun yong i Tæ tæ itæ ipor i katwa kam wa ong ukong yntu da e thaw kini kipyrtuh ya ki cheini, tæ man yoh ki ithaw wa kylluid, uri masi heini. heini wot se ithaw ri masi kut i ki dæp tæ tæ hæh ini ikper, dæp neitæ tæ wan yalap ubah joy cheini dæp tæ e thaw wan upapun ya ubah joy heite, heite wa chna ki katni kayung mane. Tæ kattæ tæ yoh ki katæ kajingyaseñ heite dæp tæ hadien itæ yn tæ mih kini kitnat balang ,na katæ kabalang trom tæ mih kani katnat yong kabalang Eclessia. Tæ ha I yn kikhon kiksu upapun tæ i da æm i cha kabalang Eclessia. kattæ. tæ nadooh mynchwa kibru heini im ki heiræp heiriang bait' Im bait ki heiræp, im bait ki heiræp heini tæ hæh im bait ki heiræp æm re utoh kam kiwi tawan ki wa mylla. kam kini kiwi kijait tuber wa jooh ong ki ki wa limylla kylleñ kylleñ, mylla chna surok, ki yoosar kam wa da tip ki wa kapor upoi kaspah cha ki sæ. Pyllait liang ki ya kaluti dæp tæ poi yn kaspah ka wa mih na ki. mo ha ikong, ha kini ka isngi Ha i heini yn tæ ha kitæ kipor ki wa im bait heiræp, ong ki yoh tang ija weiblooh ne kam tæ bait ha kini ki wa wan chong chnong cheini. Ong ki tang wa yoh ija weiblooh sñiaw da hun imynsien, sñiawkmæn ha kitæ kipor. Tæ i, katwa iræp wa khih i ha kitæ kipor man sñiaw i, sñiaw phi hawa wan ræp i waræp itæ ipor katwa ipor wa sdang uyaræp, tæ usalah læh man u. usalah læh man, tæ kini kinongtheid khai ilæh, dang kithied, kaman bait ki i uni usalah ukhian uhæh læh thap bait ha kajooh kachuria. Dep tæ wan theid kini kikhynriam, tæ dæp tæ theid ki myntu supply ki cha kiwi tawan kiri lai u kam wa lai chalang usyiñ sæ.' kam tæ ha kitæ kipor ki yong i, neini na samyntin libooh i ha jwai ar kyrwit, ha demthring chi kyrwit ha kasngi mulong. Ha kasngi musiang yn lihim libooh wan i ha jwai dæp tæ wan lichim sa utai na demthring poi ha jwai. Tæ neitæ yoh poisa kini ki wa ha yung yoh poisa ki dæp tæ ki burom ki ya katæ kapoisa tæ ong upapun ya kapoisa manda yoh phi ka theid noh da kakhyndaw, ham ang ya kakhai yi ham ang ya kitæ kiwon kiwon ki wa uyee.. toh kakhyndaw ka wa chare ukha sut ko. katæ ka wa suk dooh, ham jooh burom ya kajinghikai uphareng, ha kapateiñ yoh phi kikhon kiksu yoh phi uman ki wa dap ki wa biang, na kitu kijingmih na kasla yong kakhyndaw. kamtæ pynmih i ya upynmih hat phi kijhoor jhep neini kit deibah...' Ha jwai bait, deikjat neini cha jwai. katnu kynta lai phi' neini ong bait chi kynta chitein, chi kynta chitein, kynta chitein ulai heitai. Tæ la heipor wa slap wa joor wakit wa kachadiang wa uknup, chadiang na phrang utymmoh uknup wan tymmoh ni usalah. kattæ tæ yalai ar kynta upoi ha jwai, hawa dang wa chit hawa yoh dooh kachadiang tæ chi kynta chitein. kamtæ poi jwai ha ka chi snæm ha kini kikhatar bnai kiyi de ki kammon de ræp phi sdang phi na ubnai nyngkong hadooh poi depte wadooh waroh wasurok Nawa nyngkong ubnai, yong sdang i usalah dæp usalah dæp neitæ tæ thung i kini kisaru dæp tæ poi yn ubnai May yn tæ sdang wan ka ya uræp ya ukba. Dep wan uræp ya ukba yn katæ tæ katæ yasdang wan uyathung ya urasun, dæp wan neitæ yn, dæp wan neithung wa rasung, thung pathung ya usalah tlang na ong ki, usalah tlang chwa uah kba thung I, tæ bnai Christmas wan khloh yn i oo. kamtæ. arsein chisnem tæ ipor yaræp salah. hitæ sæ. na kini kijingrep yong phi uyi ujait jingthung wa pawnam wa mih dor bha cha yaw.' Tæ ha katæ kapor tæ mih nam bait samyntiñ ræp salah yn tæ, tæ kapor tæ man wa æm nam usalah hi se. salah æm nang bha Tæ kapor nang mynchwa tæ usalah neini tæ lai u cha dkhar, cha shillong. khih bha ri kani kashillong. Tæ man kawi tawan wa kaindia wa kaPakistan man ym pu æm uyakhlad ki dang man ki kawi don. Ha kitæ kipor yong kitæ kibei lood I, ha kitæ kipor yong kitæ kima kiwoh yong i, yaræp kitæ usalah dæp tæ yalai ki nini cheitæ cha yaw shilot yalai ki deikjat. tæ katæ tæ katæ kapor dai ki usalah thied ki deiblooh, ha katæ se man wa ong ki yoh tang ija weiblooh ne, ha katæ kapor, tæ hadooh ha ki yong i kisngi læh kyntu bait ki 'yoo mo phi kikhon hadien habood tæ ham yabeh ya kaspah pyrthai. yaman phi kibru wa tooh man da dooh, tæ la da im phi heiræp, yoh phi tang ija weiblooh læh da sdep. ong ki, da sdep. Tæ man ha katæ kapor tæ hadooh kisngi ki yong i kirta tæ man ha katæ karukom yaim. Pynchah i chitung bait, pynchah i chitung bait kiwaheh i upynræp, ya katæ kalai skur ym pu tip i ka, uliong upoi kam kini kipor sæ. yalæh bait ya katæ karæp, mi noh bait ya karæp yoh uyoh kitæ kimasi kihar, manda mih yung, kamtæ ong ki. manda yoh katæ kapoisa poilain neitæ yabooh da kimasi kihar ya uyoh ki uloor yoh ki uyoh ait thung salah. katæ kapor pynman sboh bait da kaait masi ong ki, la da yoh ki ubooh utran da kitæ kimasi kisniang ya uman bait katæ ue naam bait ya utæ usalah, ya uyoh itæ ikhorsa. na dai, Ha kitæ kipor tæ kini ki wahæh tæ ha uni jan kut ubnai april, ka tayaw wa khatdooh yong ubnai april tæ itæ da yatih salah lap, yoh udai yoh uyoh ue sboh ya uyoh ue nong upooh hali. e nong lor, kattæ. ha kini kisngi ha karæp kariang yong phi, yi kajingæh..' Ha kini kisngi wa chem wa yoo kajingeh tæ wa wa ym æm de pynæmkam ki ka ka da kani kadien kti yong ki wa rim. tæ Hawa kipor na warim tæ man, kitu kisalah yalæh man, ha kitu kipor tæ æm kitu kisymbe salah ki wa neh bha mo kong. kitu kiong ki kisalah sohryngkham, tæ katni mih yn kini kisalah yoosar kam wa ong ki tæ hadooh kini kisngi kynmoo tamdien wa ong ki ha kini kisngi tæ ukba le wa ym hoi e symbe. Ym hoi ueh symbe, manda ah hi o tæ man da chet hi itu tæ hab thooh symbe da kiwi tawan. Tæ ha kitæ kipor dang yoh utæ usalah sohryngkham ne kynthor kynthor ne, chisein wa ong usalah sohryngkham, usalah sohryngkham u wa ym pyut, wa neh bha. ym hoi alæ Kynmoo phi dang æm symbe u phi tu wa ræp salah bha katni' æm de pong' Ma yoh oo utæ usalah tæ, utæ uwan eh bha ym pyut utæ, ha booh phi oo katwa booh phi læh. Arsein chisnem thung phi o wa im bha, tæ tip ha kini kipor tæ ma yee tæ man utu tæ ya uyabooh symbe biang, ya uman kam kipor ki wa rim, ya uyoh ijingkyrchan. Kat ha kini kisalah symbe na kasorkar yoosar da ki wa da e dawai, tæ upyut læh yoosar khlan ki upyut. kitæ tæ ymboi la e da kani kaskam, aitsniang tæ wa kaait masi ukhleh phi katæ, miat læh miat rong ko katæ tæ, tæ usalah læh bang bha u, man uphrui phrui man da chet ki. sñiaw tynnat Ha kini kipor yn tæ kisalah sorkar wa da e ki neite na block, tæ kitu manda chet phi ki læh ym æm uroi ki ym æm usñiawbang bha ubam katæ kylla khroit khroit, kitu yn kisalah wa rim bam ki læh sñiaw tynnat. tæ phi kammon pyrtuit phi' Lamphrang shylla La kam katnu snæm phi katni' ynruphaw. EMPTY

• Interlinear Glossed Text • Utterance view

Text view

33_SohmyntingInterview_3

View options