Waveform view

NG071119-01_A

Recording date	2007-11-19
Speaker age	73
Speaker sex	f
Text genre	personal narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

tya gao ke ng mos ka ng nǁangǂee, na ka ng nǁangǂee, i ǂxoa nǀuu, want i xng ǁxaaǁxaa, dya nǁaa TweeRivieren, dya ǁam xng ǁʼae ǁʼae ǁxaaǁxaa ki, a i xng kaakea ki ng gǀi xainki, a nǁangǂee kxʼuu, hng [ǃxau] kxʼuu ǃxoo nǁangǂee, nǁaka hng nǀii, knn ke kebeke, knn si nǃari lorries, a knn ǁʼaa, (nǁaa) sii (a) uwe, saa u ǂaqe nǁangǂee ngke he nǁaa nǀa u hui ng, nǀa i ǁxae, tyuin xe i si kxʼuu, nǀa knn saa, a hng kxʼuu xaoke saa, kxʼuu xaoke saa, kxʼuu xaoke saa, hng nǁaka (~~hng~~) hng kebe, a hng ǀii, siiauwe, u saa, u ǀii knn, a ng tyoa nǀa knn, a knn saa, engelske knn saa saa nǀa lorrieke he ǃʼuu, knn saa, knn ǀii knn, knn nǁaka knn ǁʼaa Kaap, a knn ǁʼaa, knn kaǃqxʼora, knn kaǃqxʼora, knn kaǃqxʼora, knn kaǃqxʼora, knn kaǃqxʼora, knn nǁaka, knn kaǃqxʼora tyoa a knn ǁʼaa Johannesburg, tya xoe ke knn ǁʼaa xa siinsnn, knn kxʼuu ǀqxʼaike, ǃqhobake nǀa kaǂqoa nǀa kabekerke nǀa klei, [a a knn tyoa, knn nǁaka knn tyoa, knn ǁʼaru saa nǁang, knn nǁang, knn ke ǁʼaa TweeRivier, a knn saa, lorrieke saa nǃao ǁhuu knn, Bain, a hng ǃʼuniǃʼun, na si gǁau u ng knn, na ǂaqe, a ng ǂaqe, a ng ǃaan, tyuin xe nǁangǂee of ǀʼhuun ka hng ǂxoa, i tya gao ke ǃui ǁam xng ǁxaaǁxaa ng, nǀa ng ǂxoa ng xainki ǂxoaki, a ng xng kxʼaan ki na xng kxʼaan ng xainki ǁhaike, tya gao ke nog vandag ke ng ka ng ǃui ǁu si ǁxaaǁxaa ng, ng ǁxae, i xng ng dyaqnna, i xng ng ǃʼuni (ǂʼao), a i saa, i ǁxoe ng Witdraai, a ng ainki ǁʼaa, ha ǁʼaa, ha ku ng ǀqxʼabaǂʼaosi, "meneer, na ǂaoʼa, a ǀqxʼae na, tyuu gunn xe xng ǁʼaa xng ǂʼhubi i nǁaen, dya amper mos ǁxaea, i si i gǀoqe see, i saa, i suin, u ǃʼaun mos ~~ǃʼuu~~, dya ǂau ook, i ǃae ke i ǁʼaa, i ǀii uu gunn, of, i ǁʼaa, i ng kxʼuu, a i soo ǃqhaa ǃqhaa ke, i soo, nǀa i kxʼaan ǁaru ǃqhaa, so tyuin xe ǃʼama xe u xng kua Mier nǁangǂee, hng saa, hng ǂʼhubi i nǁaen, tyuin ǃʼama, dya mos xng kxʼuua tya ǃxoe, a i kxʼuu i nǁaen, [a mos xng] a i kxʼuu i kanǁaen, (nʘoa) nou dyisi xe u kxʼuu, tyuin xe i kxʼuua, (he) u xng ǁʼaa, u xng ǂʼhubi i stat, ja, a ǁu si ng ǂxoa, a si ǀqxʼae na, a ǁu si ǂxoa ǁaa ǀʼhuunsi, a katyuuʼin ng a ha hui, a ha hui tya ǀqxʼabaǂʼaosi a ha hui ha nǁangǂee he ha siinsnn nǀa, knn ke si ǁʼaa, knn ǂʼhubi ǁhuu tya nǁaen i gunn i kasarake nǀa ʼi aanki nǀa ʼi ǂauǁaa nǀa ʼi ǁʼobo nǀa ʼi ǂau ke ǀii ǁʼaa tya nǁaen want dya si ǃoon ǃʼuniǃʼun ke knn ǁu si saa knn hoo ǂau nǀa ǂauǁaa

Edit utterance

Text view • Interlinear Glossed Text • Utterance view • Help