Waveform view

NF071017-02_A

Recording date	2007-10-17
Speaker age	75
Speaker sex	f
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Janniejannie, "a si khuuǁʼng, a ǁʼaa ǀaa dya aanki ng ǀʼhuunsi ǁhoon ǀaa", "nee boetie, [a na ng] na "nee, [a a si] a ǁu si ku, nǀa a si neti suin nǀaa a ǁxae khaʼu hngke, nǀa hng sii ng dyaba", "ja boetie", "na dyaqnn", Janniejannie ke ǃʼuun, ǁʼannʼa, ha ǃʼuunwa, ha dyaqnn, ha dyaqann ha dyaqann ha ǁʼae ~~ǀʼhuunsi~~ ǀʼhuunsi ǁʼorake ha nǁaa ku ng ǀʼhuun ǁʼorake nebeke ǀʼhuun ǁʼorake ǀʼhuun ǁʼorake ke ǂhaun ha ng koffie, ha kxʼaan, a ha ǂhaun ha ng aanki, ha aan, a ha aan tyoa, ha aan, ha aan, ha aan, a ha kxʼain koffie, a ha ǃuun, Janniejannie, "Dom Jan, a si ǃaise ǂaqe ǀoaxu", Janniejannie ke ǁʼannʼa ha, ku ǁʼae, ku ǁxae ǀoaxu, ǁxae ǀoaxu, "hey, [ng] ng ǁaun ke kua ng gǀu, u si dyaba, u ǁu si dyaqnn tyiin, u si dyaba ki aha, ǁʼuin si [~~ǃoon~~ ǃoon], ǃoon u ke si dyaba", a ku khaʼu ku ǀai ǀoaxu, ku ǀʼee ǀoaxu, nǂaua hngke, ku ǃhaqm uu ǃʼuu ǀoaxu, ǀaa ǁhau hng ǀqoeke, ǀaa ǁhau hng ǀqoeke, hng ǃʼhaun, ǀaa ǁhau hng ǀqoeke ǀaa ǁhau hng ǀqoeke ǀaa ǁhau hng ǀqoeke hng ǃʼhaun ki a ke ng boetie ka u u si ǃʼhaun u si ʘunn, u gǂii dyaqnn tyiin, dyisi xae u ǃʼaa naa, u dyaqnn tyiin ng nǁaa, ǁʼuin haqaʼi, u dyaba, ki a ke boetie ng kua, a boetie si weer saa, ha saa, ha suin ng ǂamʼa ng", a ku ǁʼannʼa ku, ku dyaqnn, ku dyaqnn, ku nǁaa dyaqnn, ku dyaqnn, ku dyaqnn, ku nǁaa nǀaa ku kanǂoqno, ku ku ng kanǂoqno, ku nǀaa ǀoba ke he ǀhunna ku, ǀai ǁhuu koffie, "a, ǀaia, ng ǁu ǁxaea, tyuin xae a ǀʼhunna ng nǁaa", dyaqnn, gǀoe dyaqnn, dyaqnn, dyaqnn, dyaqnn, dyaqnn, ku gǀoe "gǀa ǂaoa ǂhau", ǀai ǁhuu ǂhau, aa ǀoba i, kanǂoqno i, ku nǁae gǀoqe dyaqnn, ku dyaqnn, ku dyaqnn, ku dyaqnn, ku dyaqnn, ku dyaqnn, ku dyaqnn, ku dyaqnn, ~~kua~~ kua dyaqnn nǀaa ku kanǂoqno tyaa gǀoqe reg nǁaa ku ku ku ku ku ku ku ku kaǃkxʼuu "gǀa meening ǀʼhunna ng", ǀai ǁhuu pampoensi he gǃau ǁhooa ng ku nǀaa, [ku ku] ku ǁhoo ng tyoxoe, "na si ǂʼaoke a xuu", gǃau ǁhoo pampoensi ng [~~ǀai~~ ng] ng [ng ng ku ku] gǃau ǁhoo pampoensi ng tyoxoe, a ku ǃuun, ku dyaqnn, ku dyaqnn, ku dyaqnn, ku dyaqnn, ku nǀaa, ku ǁaaǁʼng, ku nǀaa ku kanǂoqno kiin nǁaa ke hng tyaa, ku ku, "tyuin xae ǀoba ǁu [ǁu] ǂaoa, ha khaʼu nǁaa", ǀai ǁhuu meel ǁxaan, ǂaqbe ng ǁʼaa, "ǀaia, jy a huniki ǀai ng aanki", ǁʼannʼa ku dyaqnn, ku dyaqnn, ku dyaqnn, ku ǁʼae ku ǁʼaa ku boetie ng Janniejannie "boetie, ǀoba ke ǀaqra ha khaʼu, a ha ǁquni nǀai, ng [aa kua huni aa] huniki maar [ku] ku ǀaqra ku khaʼu", a ku ǁaun ku a kan ǂoqno ke [Janniejannie, a ka, ~~Dom~~] Dom Jan, [a ka] a kanǂoqno ku ǁaun ǀai ku, ha ǂamʼa ku, a ku ǁhao, a ku ǁʼaa ku ǀʼee ǃuu ku ǁain ǀʼee suin ku nǁaa sooa tyoxoe, ǁʼuin ǀʼee, ǁʼuin nǁaka ha ǀʼee, (ku ku) ku sii ku ǁaun, ku "gǀi si dyee kxʼuu ng ǀoaxu ngke he ng [he] he ng hng ǀaqra hng khuuǁʼng", knn ǁʼaa ku ǁaun ǀai ku knn dyaqann [ǁʼaa ku] ku ǁaun [ǁʼaa ǀʼhuunsi ǁʼorake i ha klaar ǀqxʼae ǀʼhuunsi ǀʼhuunsi ǁʼorake a ku khaʼu, hng ǃuun, [ku ku nǁaa knn] ku nǁaa ng ka kua ǁhaa ǁhau deursi, ku saam ǀai, ku ǃxau ku ǃxau ha, ku ǃxau ha, ku ǃxau ha, ku ǃxau ha, ku ǃxau ha, knn ǁʼae, ǃuun ʘunn, "Dom Jan xuua ǀʼhuunsi ǁhoon ǁʼorake se deursi", "boetie, xuua, ng gao ke, ng gao ke, boetie, alles a xuu ng gao, ng ǃxaua ǃxaua deursi", ku ǁaun ku kxʼaa nǀa ku kxʼaa nǀa ku ku ǁʼaa nǀa ǀʼhuunsi ǁhoon ǁʼorake se deursi, ǁʼae knn ʘunn, knn ǁain ǃuu, [ku] ku ǁain ǀʼee suin ǃuu ǁaʼen, knn ǀʼee suin ǃuu, nǁngǂee see, hng sii ng ǃʼhaun, a hng siinsnn ǁuruke, hng sii ng ǃʼhaun ǁuruke, hng sii ng ǃʼhaun kanǂoqno, nǁaa hng ǃʼhaunwa kanǂoqno, ku soo, a ku ǁkhuu ng tyoxoe, ku ǁaun ǀaqra ku ng kxʼuu, ku nǁae xuu daai deursi, deursi nǁae ǂxubi, ha ǁhoe ng deur die takke, [ha] ha ǂʼaba nǁngǂee [~~hng~~ hng ka] kora khuuǁʼng, hng ǁhao ǁʼae, hng nǁaa kora khuuǁʼng, hng [ka] ǁhao kua ǂkhuun ǁhuu, ku ǁhau kxʼaa uu tya mari, ku ǂhuun ǁhoe, ku sii, ku ǀai ǁhau tya mari, ǂhuun ǁhoe is ku ǂhuun ǁhoe, ku ǀai kxʼaa uu tya mari nǁngǂee si mari, hng ǃʼhaunwa ng ǃʼoa, ǀai uu tya mari ng ǂʼhuu, hng ǃuun, knn [~~knn~~] ǃuun [~~knn~~], ku ǁaun saa, ha ǀai, Slim Jan saa, ha ǀai, "a Dom Jan ke ng kxʼuua", Slim Jan saa, ha ǀai kike, ǁʼannʼa kike, knn khaʼu nǀa tya mari, knn ǁʼaa ǀʼhuuns ǁhoen ǀʼhuunsi knn ǁʼae, knn betaal [~~ǀʼhuunsi~~] ǀʼhuunsi ǁhoon ǀaa ng ǀoaxu, a knn betaal ng nǁang tyuu he ku xng ǁhaa ǁhaua he ku xng ǁhaa ǁhaua he Dom Jan xng ǁhaa ǁhaua, a ha ǁʼaa, ha kxʼuu tya planke, ha xng kxʼaa uu tya mari nǁaa ng nǁngǂee ni siinsnn ǁuruke, ke ku knn nǁae khaʼu khaʼu, knn ǃuun, knn ǁʼaa, knn surike [tya] tya ǀoaxu he ku xng ǀaa ~~ǁhaua~~ [hng ka] hng xng ǀaa ǁhaua hng kanǃuin klaar surike kike, a knn khaʼu, knn ǃuun, [nǀa ku nǀa] Slim Jan knn khaʼu nǁaa, knn ǃuun, tya gao ke ku xng, ku ǁaun si ǀqae ke nou tyhaaʼi daai en [die]

Edit utterance

Text view • Interlinear Glossed Text • Utterance view • Help