Waveform view

NB041016-01_A

Recording date	2004-10-16
Speaker age	70
Speaker sex	f
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

gǁain tcuinya a nǀaa nǁang, ng ǀai ng roomsi ng ǁʼaaʼa ng stasie, a nau hooke ng ki a, ng si moo au xa ǃʼoasi nǁang, ha nǁae ǁain nǃoon, gǁain see ng ǃUbuka, ha see, ha ku nǁaa, "ǃʼaa naa ki, ng ǁʼaa ng ǀae gǁain, ha si ng tsee ng ǀai ng gǀa", gǁainya nǁae ǁʼae, gǁain nǁang ǀʼee, ha ǁʼae gǁain, ha ku ng gǁain, "gǀa ǁxae ng xa maa ǀoba, ng ǀaeki xa maa ǀoba, ng kidye a xa ǃoo nǀaa, hm, maar ha ǀeen, ha ǀeen ng tsipi hm, a ha ǃuun ng ǁʼaa, ha ku ng gǁain, "ǁhaa a tcuinya, ng si ǃxae a gǁain tsee ng ǂxain suin, ha ʘunn, a ha ǁʼaa, ha ǁʼaa ng ǀai ng ǁhaing ng, roomsi, a ha kxʼaan, a ha sumu xa kxʼaan, ha sii ng ǃhoo uu gǁain, gǁainya ʘunn, ha ku, "gǁain, khui-nǁnga, ǁxae xa kxʼaan ng ǀʼhuun ǃqxʼabesi gǁainya ku, "ng ǁu xa ǁʼae ki a", ha ku, "ke, a xa ǁʼae tyoxoe, want ng hooke ng nǀng ǀaeki, ng ǀaeki xa ǃaan ǀoba ʘoa, ha ǀeen ng tsipi ǂkharau, ng ǃxae ǁʼaa, nǀa ng si ǂinnki tsee", haʼa, ha ǃuun, ha ǁʼae, ha ǁʼng moo ha ǀaeki, ha ku ng ǀaeki, "kyoo ǀai au kxʼain", ng xa kua ng gǁain, ha xng kxʼain, a gǁain gǀoe tsee ha see ng nǀaa, ha ǃqhaike", ha ǀai ng cunn ha ʘxuu gǁain ǀuutyuu ha gǁain ki kua, ha khuuǁʼng, "dyisi xae ha ǀkxʼui gauke ng ǀuutyuu", ha ku, "nǃoʼe, ǀʼhuun tcunn ke a xa kxʼain, want e ǁʼoe a kxʼain ǀʼhuun ǃqxʼabesi", gǁain ku, "ng ǁu xa ǁʼae ǃqxʼabesi", ha ku ng ǀʼhuunsi, "ng si ng ku ng ǀʼhuunsi a xa ǁʼae ǃqxʼabesi", a ǀʼhuunsi tsaa, ǀʼhuunsi see ng ku, "ǃʼhoonguwe", ha ku, "ǃʼhoonga ǂxuu, gǁain ke xa hooka ng gǀa ǃqxʼabesi, ha xa ǁʼae kxʼaan ǁuni, ng hooke ng nǀng ǀaeki, ng ǀaeki xa ǃaan, ha gǀoe ki ǀoba, ha gǀoe ki ǀoba ʘoa, ǀoba ʘoa ng tsipi ǁoqra", gǁain ku, "nǃoʼe, ng ǁu xa ǁʼae", ha ku, "a ke, gǁain nǀaaʼa ki a ǃqhaike, a ǃqhaike ǃqxʼabesi, nǀaaa a ǀuutyuu" gǁain ku,# "maar ng ǁu xa ǁʼae", ha ku, "a ke" ha ku ng ǀʼhuunsi, "nǀaaʼa ng ǀaia ng nǃaresi, a ǁoe gǁain", a ha ǀkxʼaike gǁain, ǀʼhuunsi ǀkxʼaike gǁain, gǁain ng ǃae ng kora gǁainya kora gǁainya kora nǁaa ǀʼhuunsi ǀkxʼai, ha ku, "hey, gǀa ǁu nǀai gǁain ǃqhaike ǃqxʼabesi, ku ke xa aan ǃqxʼabesi ki", ha ǀkxʼui ǀhaa gǁain nǀa ha, gǁainya kxʼaa gǁainya ku a xuua kxʼaa ǀkxʼaike, ǀʼhuunsi moet ha ǀkxʼaike a, want a xa kxʼaan ha ǃqxʼabesi", gǁain ǁu xa kxʼaan ǃqxʼabesi, nǃoʼe, a ku ke xa kxʼaan [si] koro, koro ku ng gǁain ǀhuika [nǀa] a ǀʼhuunsi ǀʼee, nǀaaʼa ng ǂao ng ǁʼaa ng ǃʼoasi gǂaru ǀʼhuun gǁain ǁʼaa ng ǃʼoasi gǂaru a gǁain, gǁain ke hooke ng gǂaru, ha ku ng ǀʼhuunsi, "gǀa ǁxae dyisi, gǁain ke xa ǀhaa a gǂarusi, ha gǃai kyaa nǃoon, ku ke", gǁain ku, "nǃoʼe, a ke", ha ku, "ng ǁae", ha ǀkxʼui ǀhai gǁain ng ǀʼhuunsi, ha tsee ng klaar ǀkxʼui ǀhai gǁain ng ǀʼhuunsi, [~~gǁain~~ a] gǁain, ha ǃuuke ǀʼhuunsi ǃuuke, gǁain ǁu, ha ka, a si tyxann a si tyxann ng ǀʼhuunsi", gǁain ku, "nǃoʼe, ng ǁae ng ǁae, ng ǁae, ǂhuu", ha ku, "ku ke, ǂhuu want ng xa gǀoe moo ǀoba ha ǃxaeki ng gǁain ke, ng ǃʼoasi ng ǀaeki, gǁain ku nǁae ng ǀʼhuunsi, "ku ke", ha ku, "nǃoʼe, [ku] ng ǁae, [ha ku] ha ku, "gǀa ǁu nǀai (kua ha ku, "ng ǁu ǃqhaike ǃqxʼabesi", a hoo, a kora soo, a ng gǁain, a ǂxain soo, a kora, hey, si si moo a", (hm) ha ku, "hey, gǁain, ng ǁʼae ng ǃʼai ng ku, "nou a see ng ǃabi a", ha kxʼuu a haasi, nǃaun nǁae sii ng ǀaruke suin gǁain ǃoqe, gǁainya ng oro gǁainya oroa oroa nǀa ng nǀaa gǁainya oro, ha ǃqhaike, gǁainya oro, ha ǃkhaike, ha ku ng ǀʼhuunsi, "gǀa ǁu nǀai, ha ku ǃqhaike, want ku ǃqhaike a ǃqxʼabesi o, ǀʼhuunsi ku, "o a ǃqhaike ng ǃqxʼabesi", hm, ha ku, "a ǀkxʼaikea ǁae ǃau ǃau ǃau ǃau ǃau a ǁʼaa ha ǁʼng gǃai kiin nǃoon, a ha gǃai kiin nǃoon ha gǃai kiin nǃoon ha ng ǃʼaru soo ha ng ǃʼaru soo ha ng ǃʼaru soo ha ng ǃʼaru soo ǃʼaru soo, ha ng ǃʼaru soo, ha ng ǃʼaru soo, ha kxʼainʼin gǁain, hm, gǁainya "hey, a ǁxae ng ǀʼhuunsi, ǀʼhuunsi ku, "nǃoʼe, ng ǁala tsaaʼa ǀkxʼabaǂʼao, a ǂau a, a ha ǀai ng gǁain, ha ǀʼee, hm, a ha kxʼuu ng hm, a ha ǀai ng ~~gǁain~~, [ha] ǀʼhuunsi ǀai ng gǁain, ha ǀʼee gǁain ng ǀʼii, gǁain kora, ha ǃʼaa naa ki ng tcoo a, ǀʼhuunsi ku, "nǀaaʼa gǁain", gǁain ǁu ha gǀoe ǀai ng gǁain ha ng ǀʼee ha ng ǀʼii ǃqhaike, ǃqhaike, gǁainya ǃqhaike, gǁainya ǃqhaike, gǁainya ǃqhaike, ha ku, "gǀa ǁu nǀai, ku xa aan a ǃqxʼabesi, ha see darem klaar hm, ha ku ng gǁain, "gǀa nǀai, gǁain, ng xa kua ng gǀa xuu ǀʼhuun ǃqxʼabesi, nǀaaʼa ǀʼhuun ǀkxʼai tyxann a e, hey, gǀa ǁu nǀai, ka a ng kora soo, gǁain ku o ng ǀʼee ng ǀʼii ha ku ja ng a ǀʼhuunsi ku, "nǃoʼe, xuua ǂai ku", ha ku, "ǀʼeea ku ng ǀʼii, nǀa ku ǀʼaa ǀʼii tyiin ǀʼii", a ku meer a ku ain a ǃqxʼabesi ku ǁʼng kxʼaan a ǃqxʼabesi hm, gǁain darem ǃqhuin gǀa nǀai, ng ǂhuun ǃʼuu ng gǁain, ha ǁʼang ǃʼaa naa ki a, ha ku, "hey, gǀa ǁxae dyisi, ǂhuu, a ǀkxʼaike, a ǀkxʼaike gǁain", "gǁain ke ǁae, koro ke ain a ǃqxʼabesi, a gǀuu dya, koro ke ain a ǃqxʼabesi a", gǁain nǁae ǁʼae ng ǀai violesi ha sii ng ǀxoo nǀa violesi [ha] ha ǀxoo, ha ha ǀxooa yanu, ha ǀxooa, nǀa ha ka, "hey "gǁain ke ain a ǃqxʼabesi", "gǁain ǁae, hm, koro ke ain a ǃqxʼabesi, ǀqoqonwa, ǀqoqonwa, ǀqoqonwa, koro, ǀqoqonwa, ku ke, gǁain ke ǁae, gǁain ke ǁae" ha ku nǁaa, ha soo ha ǀxoo violesi ǀʼhuunsi ku, "o, a ǀxoo [si] violesi na gǀoe ǀqoqon, gǀa ǁu nǀai gǁain, gǁain ka gǂarusa ng nyaa ǁxaan dyaqnn ng gǁain, a gǁain xa kxʼaan ǃqxʼabesi, koro ha gǀuu, a koro xa kxʼain ǃqxʼabesi, ha gǃai, ja, so ver

Edit utterance

Text view • Interlinear Glossed Text • Utterance view • Help