Text view

NC090930-01_A

Recording date2009-09-30
Speaker age72
Speaker sexf
Text genrestimulus retelling
Extended corpusno
Javascript seems to be turned off, or there was a communication error. Turn on Javascript for more display options.
na nǀaa gao a, ǀʼhuunsi ǁhoen ǂoo ǁain ǁain ǂʼhii, ha au ǁhuu ǀaake, ha au ǁhuu ǀaake, [ha a ǀaake ǃai] ǂau ʘuni ni ǂʼiinke, au ǁhuu, ha ǀhuu mandjiesi, hau ǀhuu, au ǁhau, au ǁhau, ha ǀhuu mandjiesi, mandjiesi nǁaka ha ǂʼunna, nou ha ǀhuu ǁxaan, ha ǃoo, ha gǀoe ǁain, [ǀoeke] ǀoba ha sannʼa, ha [k ha] nǃari saa nǀa nǀa ng tya gao baisikelsi, ha see, ha ǁhaa ǂaqe ǃuu dya xae ha si ǀii, ha nǁae ǀii uu ǁxaan, a ha, hau nǃao kunisi, ǁʼannʼa ha, ha nǃaria, ǀʼhuunsi a hoo ng ǀxaa a, ha ǂxaia miri, ha ǂxai miri, ha saa, ha ǂxai ǃare miri ng ǂau, ha ǁʼae, ǃuu a ǁu ǁqxʼai, (a ha a ha) a ha tyuin xae [gǀi], ǂau ʘuni, ǂau ʘuni, ha ǀhuu ng ǁxaan, ǀʼhuunsi ʘuun ha see, ha see ǀii ǁxaan, ha nǃao, ǁʼannʼa, ha ke kama gareki ha nǃari nǃari nǃari ǁaa ǂxai dya ǁʼoan ǃʼoatyarasi hoo ng ki a ha ha saa, ha dyaqnn ku nǁaka ku ǁaaǁʼng ku ǂaqe ǃʼoatyarasi ku ku ǂii ku tyiin ǂqhii ǁhoea tyiin, kaǃuuke (ǀauku) ǁʼanga, ǂau ǁʼangka, hng ǂʼunna ǂann, ǂaan ng koke nǁaa ǂqhaake saa, saa ǀii uu, saa hui ku, [ku] ku ǃuri ku ku ǃuri ku katyhiin, ku ǃuri ku ǂaan ko saa hui ku, ǀaa uu kunisi tya gao baisikelsi, ǀaa uu, ǃhoe ku ng nǀng knn sommer ǀaa uu ǃao, knn gǀoe ǀhuu ǃaoke, knna ǀhuu ng ǁxaan, ǁaina, knn ǀii kaǃuuke, knn kama ǂaqbe ǁʼaa ǃaoke, ǂaqbe ǁʼaa ǃaoke, nǀa ku nǃari ǂhuu, ǁʼannʼa ku, ku nǃari, ǁʼannʼa ku, knn ǁaaǁʼng, knn ǀqubike <<id>> a ǂqhii, ǂqhaake saa, ha saa ku, ǁqann ǀʼee kua ng ǂqhii, ee dankie ng ǁaun, ǁʼann ngke, hng ǁʼaa, sannʼa kike, ǀoeke [sii ng, sii ng] knn dyaqnn ng ǁxaanǁxaan, hng (sng) ǂaqe, hng (sng) ǂaqe, hng ǃare nǃain a ǂaqe hngke, a knn ǃare ng ki a, nǃain ǂaqe, knn ǃare, maar ǁhoen ǂoo ǁu ǂxoa, ǂaqe ǀoeke, ku, "ǀoeke ngke", ǁʼann hngke, tya ǀoeke kxʼuu ǁxaanǁxaan, hng nǁaka hng ǁʼaa nǁang, nǁaa soo, (entjie seker ka ng ǃuu a ko, "nǀaaa, kua ǂaqe", maar ku gǀuu, a kaǂau ʘuni si ǂqhaake, i ǁʼaru, ǁʼaa nǁang, [ng
• Waveform view • Interlinear Glossed Text • Utterance view