Text view

JGD_130907_6_el_pueblo

Recording date2007-09-13
Speaker age63
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
eney kena:pa nos, eney, ajaloweswa:nas nisnos tolkosya kabo ka:'i di' eney, ya'si:łe naj łakam̍ba kaj kenapa:wai ka:'i ka:'i. do:koy. a'ko toje:łe nij eney kawra di' tino:na' di' toje:łe jayna di' nis eney, mere' di' powlo is mere' di' powlo di' dewajnankweł neyru neyruj eney łakamba:neł ninła di' da' be:ni i'ko lo:los lajan̍ kwil i'ko lo:los ban i'ko lo:los di' yan̍si:łe yan̍si:łe jayna kiro' kij juyeni ban jayna, jayna son̍lo:wes jeya' is ney ney nas eney, naj, neyruj lolosan naj eney, San naj lo:los da' alkava:ni asnankweł ney naj choyni koro' koj eney eney aswa:nas lajan̍ kwilka Santa Barwara di' pen̍na'i asko asna'is eney juyeni jayłe noj joyajwa'os jayna eney piyesta jayna piyesta'neł ma:man di' Santa iso' is eney, jankwa'is, bi:jaw os jankwa'is bi:jaw lajan̍ kwilka mere' tino'ni nis majniwawankwa wayescheł is majniwawankwa tino'bana'is oj jeya'oj eney, vam̍paniłełe'is [nis HRR] ma:ma'is jeya'is ney tojeł jayłe jankwaʔis jayna o eney pa:pa'is, jayna, do:koy majni elaː ela:-, nokwa ela:ye ulkwan̍ majni neys eney velnan is nonowanra, is jo'me, wa:ka kawa:yo, pa:ko, ba:ra is o:kakara di' neys ro:ya, velnan. ij ela:ye ulkwan̍, majni, ja' soka'te astomajan uj, eney, i'nes a:nan oso' eney, awaro awaro a:na'isnos tolkosya tolkosya, eney... diyesiseys tinonaʔkwi diyesiseys ah, dokoy pa'a jayłe lo dirałiy'łi (ti?) ba:ra ni (corrHRR) bo loy bata'ełay'łi jema' ij e che naj baːloweswaʔ naj piyesta is salmoyʔłi reyka jayna. che ij ayakayay'łi nikij po'so ah, jayna, pa'a ji:sati kij po'so dandanso chinała ij rała:pa jiwa:wa loyenan kij baːra koʔo kaː naj ilon iwan ku:ye:mes is ko'oti'i nałnan ij ko'o ka aj ilonika'asnawan nas walaylo ij ji:łe:cheł ney naj asnan ban jisati kij eney poʔso ayakayay'łi nikij po'so ah, dokoy pa'a jayna jeya'as jayna ba:ra os jeya'oj kwenenełasne(?) nuj pa:pasne (che) nisnoj ma:masne, oso' ji:sana'isnoj m astomajasne os awaro ja'a a'ko noj joywa'is janwa nos jayna ney eney taslowesnawa:wa nos piyesta joycheł isnos(?) tolkosya rała:pa rała:pasne, ji:sanasne is eney po'so jayna dannasne is chinała ij ney lajan̍ kwilka is bija-, bij-, bijajaway'łi iy'łi mowi:maj ji:sana'is is po'so dandanso dandanso kwaj che noj ba:danu'-, ba:danukełwa'ij chinała dejna'is łoko'na'is os-, ij po'so jayłe chipojna'is oj eney eney tavakwakwaʔis eney poʔso jaran̍na'is jayna jayłe lo've os ney ...janwita'is janwita'isnos tolkosya ban isne rujalni:wa jayson̍ łan̍ che tera:ni isnoj tolkosya tan̍ba:łe is eney batesnasne noj chodowisne o:be batełna'is kwe:ya pe'łełe jmmm, tera:ni, nis eney naj pen̍ʔi naj kaste naj regla tam̍ba:łe as do:koy din̍tej oj jeyasne joycheł isne waynasne oj to:mi noj eney noj siłkwa di' ja:mi-, ja:mina'is ka:, ajko, kaj rey a'koniwa rey bo asko siłkwa di' eney me'na'is, naj rey(?) tori:di nas eney nij jaya:cho ajko jaːmisne dolarasne ij amkarimwanrasne jayna din̍tej oj batesnasne ban jayna ba:lomaj isne noj po'so, jayna sum̍kwanłe, ba:ra is poʔso joloːwes jayna jayna a:mon isne noj de:nasne a:mon isne noj de:nasne jolowesnasne ba:ra os radanłesne che joy choy noj ján o:ra joy choy terés'im teres'im, pawanasne ij eney, kawayo:maj bukaʔ bukaʔ dotojna is cholembo'is sijilna is bukaʔ eney eney eney do'kwa'is kawa:yo, is pere:no, di' pen̍na'i sijilna'is buka'a alwa:ni jeya'is nis itila:kwa pawanasne isne alwa:ni, ban kaj onasinełnawasne kaj onasinełnawasne ban alwa:ni ka'de oj joyajwa'is jayna jamałe'is noj r-... pawanasne noj jamałewa'is nis ko' di' e e enkwaʔos eney lolosełasne jamałe'is noj jayna alwa:ni isko łan̍ jankwa'is dajwaːchełis aʔko jankwa di' joy juyenina:kwa ayruj ro:ya ka di' joy ka:'i juyeniná:kwá, jankwa łan̍ so:te juyenina:kwa ona ji:ya loy pete:łe ban i: voslowe:ni tojeł che jema' je' inła ona petełki bo keraʔ noj jey an bo delpoʔsowan łan̍ jankwa'is jiyaj delpo'so jayna a do:koy aj imayni kas chaywanełwa'isnos tolkosya do:koy as imayni! ka' kaj chaywanełwaʔisnoj kweːya tolkosya jayłe ka:'i chaya'wane:łe, di' joy ka:'i juyeka'ni juyenina:kwa, ban kaj chaywanełwa'i, juyenina:kwa ban ona, tolti aj ra:da tu''i aj ra:da, tu''i, jan... ban juyenina:kwa jayłe, jankwa'oj so:te jayna ona enki, tolkosya, enki! iy'łi alran jiwaway'łi dulnay'łi, jankwa'is łan̍ itila:kwa isnoj tolkosya kaj rey iwa-, iyeniwasne, beyraní- tino:ka daya', jmmjm enki tolkosya! ya:lowełedojay'łi naj po'son, bo toł vosloweniy'łi jey chi chi:na(?) jeynay'łi che kaj toka'mi chiya chi chi ban poʔso koj yeynayʔłi kaj iwaniwa'isnoj tolkosya ah, jayna osoʔos nonosne diʔ torowaːre iye:ni oj torowa:re łan̍ lirijna'as is tovaya'as oj torowa:re jayna nasko tojełwa'os eney teres teres-, teres'im jmmjm, jayna lirijye os łan̍ torowa:re, o'owanasne jayna noj pawanasne oj(?) torowa:re noj jayna bele:ka isne, jayna nokwa lewlew as torowa:re che is ney itila:kwa noj jema' pawanawa'is jayna os ney torowa:re noj eney lirijniwa'as is tovaya'as jayna noj didi' l lewwa'as jayna aaah, jayna jayna jan̍ a'ko o:ra nokowa, jayna ji:ya, jayna jaaa, ban kaj to'yajwan nulkwan̍ uyenan is po'so ban vela'kayan as jeya' tojełkayan nokowa jayłe jankwa'is jayna ajko noj joywa'is asko noj janwa noj beyra pola jayna kama:may oj torowa:re kama:may oj torowa:re jayna isne bele:ka tawake:nisne tawake:nisne łan̍ tino:ka chonsi noj je:mes chonsi noj je:mes jo'yaj isnoj, eney eney kwe:ya jo'yaj isnoj kwe:ya łan̍ ban oj is en-, do'nasne di' eney eney do'barisne ku:des łan̍ poletu'ła oj eney do'barisne, che basinełasne jema' poletu'łe łan̍ velnasne ij eney doʔbarisnaʔisnos ney kwe ya jema' dajkwa noj po'so daja daja(?), che kaj, kaj tenapanłe:wa alra naj poʔso bo kuj pa' kinoj ma'a ju:kay i:rij po'so i'ko eney ayakwanawánra is naj joyajwa'is nokwa kiro' ney jo'yaj jajaa, ban to'baychoki to'baychoki naj nokwa rey tojełkayan, jayłe ajko n-, jankwa isnoj ney kwe:ya a'ko noj joywasne, jmmjm ajko che noj joywasne jayna noj ney chonsi noj je:mes da' ascheł noj(?) tolkosya dan̍ noj da' de:nasne a ka:de oj dóposa'niwa'os eney, loto:ba oso' os loto:ba ney di' amnina'os po'so dopos(?) as a'ko noj mumasełwa'os is po'so noj roya:cho a che noj mumasełwa'os po'so noj roya:cho a'ko noj pajwa'oj łakam̍ba pajpaj oj łakam̍ba a ajko noj wiri'wa'a ajko noj wiri'wa'aj ko chi:chi is kawra di' bi:law kawra diʔ biʔlaw chichi jo jo ajko noj yoyo'wa'is isnoj tolkosya yoʔnais isoʔ isno jomaniʔis isnoj tolkosya che os bara ney eney e e-, bayłimwa:nas ba:ra rey is ro:ya di' is pe'łełe iso' ya:bakwa iso' pe'łełe ya:bakwa ba:lowesłe:łe os ney ro:ya is ney bayłimwa:nas che ba:lowesłe'is jayna noj ney eney yaːbakwanwaʔoj bukaʔ roːya ban̍na'os awaro noj ko:re noj ko:re noj ro:ya jayna noj ya:bakwanwa'oj ro:ya jema' ja:vubu' oj eney awaro jayna ya:ba:kwa 'nej a:kay, jayna ya:ba:kwa 'nej a:kay, jankwa'as jankwa'os łan̍ awaro asko noj joywa'oj awaro jayna isnos tolkosya jayna kaj, jayna jomani'is bi:law jayna łavorana'is jayna joykała'os awaro, jiwa:wa neys eney lo:los, kajałe'is kajałe'as is, is nononikaya'as kama may buka oj awaro łan̍ nos towa:neł buka', javu:bu' asko, ban ajato:wa buka' nos joyna'is karetato:waj buka' jayna is bijajawa'isnos ney tolkosya pa:pasne jayna jayna buka' joycheł jayna asna'is jayna jayna a'koj rey awaro kolwa!, jankwa'isnos łan̍ alwaja'us itila:kwa kwa a'ako di' rey łéła koj toje:łe reyka jayna n dewajnaʔos awaro is nononikayaʔas ajko noj samoy'wa'as(?) ajko noj penwa'as noj kamaro:te pa'a, ma'a, ełjan nokoj eney kino' ya:bakwa kinoj a:kay, jankwa kino' ya:bakwa kino' ya:bakwankayasne kis eney, juyeni di' eney don̍toł jankwa'as awaro łan̍ che kino'oj(?) jomani'kis eney bi:law, kis lala'kwa, kino' jomani'is jayna ten̍cheł ij eney is jayna pa:pa'is, ona loy ona loy inła naychi lo joycheł ajłabał. ajko noj joywa'oj ajłabał, jayna oj kare:ta ya'ko jo'yaj kodéj mere' powlo jayna mere' powlo jayna ajko noj mere' di' eney rujrawa:nas alkava:ni koro' koj powlo! dewajna inła dewajna inła kodéj powlo koj to:mi di' i:lim che kawra kij bi:law che kis bi:law kaj jayawłe'is naj kaywan, kaj jayawłe'is dejnan kij bi:law kaj lovełniwa'is, kaj lawin̍niwa'koj wa:ka din̍ra koj wa:ka jeya' toje:łe noj a'ko ajarawa:nas nij kawra di' tino:na' di' toje:łe niy'łi mowi:maj che koro' kos powlo ney di' kaj dewajna:wan nas [loy dewajnan nas] nas je:mes, ban nas i:may ja'a kabo ka:'i neyru nas chora:da nas joywan nas Santa A:na, nas lo:los kaj koro' koj powlo di' dewajnan nas i:may ja'a kaj dewaja'na, ban eney, paku'na, kempa:kay isnoj kayni di' ma'a loy, a'ko son̍lo:wes, jelewni(?) ban eney, lo' delseka:ru loy delseka:ru jayna delseka:ru delLekayan? ja:ja', koro' kos seka:ru che koro' jema' kos tri:ni koro' koj eney, ajarawa:nas di' nas ele:siya ni:de, niy'łi mowi:maj a'ko loy pen̍na jayna
• Interlinear Glossed Text • Utterance view