Text view

ArosII

Recording date2002-07-30
Speaker age56
Speaker sexf
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
nos tolkosya:ya, rimełna'nej ma' ij mon̍lo:to di' o:ro. rimałe'ne oj sota'ra di' wa:ka asko jankarimeła'ij ney mon̍lotowanra:ni. sota'ra di' wa:ka oj rimałe'ne. che rimełna'nekis. che noj jayna dochi' kwaj jayna din̍kosniwa jayna kayłe:kayi'ne nisko, nij mon̍lo:to. tochi' ij mon̍lo:to, jam̍cholo:to ney, jam̍cho ij mon̍lo:to ney. jayson̍ is sortijan, jeya'ij mon̍lo:to. jayaw-, jiranni ij mon̍lo:to. che kayłe:kayi'ne nisko. che iskoj mon̍lo:to noj jo'mi jayna tolkosya:ya. che kaj rey den̍wa is loto:to, jo:jo' kaj rey je'kaka'ij loto:to. che noj jayna karnabałewayʔłi uj kwen̍tujakuj paːpa ij majni joychełus noj jayna noj karnaba jo'yajus buka' noj asnay'łi. che chonlokwankayus noj kosi:na. noj ena' ji:sanapi:na ij des'ayuno ena'. chonlo us usko, jayikwankayus che jułpin̍kayus che joyłe:kayus noj to:mi. che jara'lołkayus. che inła kaj rey nanra:wa rey nusko. bo jema' ij juła:pitus, che usko ninła. oy'oy ya:bakwanlołiy'łi noj to:mi, noj karnaba. che is so:te di' kwe:ya joyakwa'is uj pa:pa ij majni. yóʔnaʔis jemaʔ che jóyałéʔis usko ja:yi us noj siłkwa di' chon̍ jara'napinay'łi ij pulr-, pulpulra noj che kawra ij ko:chiy'łi. che asko joyna'uj papa ij majni noj siłkwa. pénsiłus noj siłkwa, noj terescho'oj siłkwa. che daʔ is chiʔ diʔ daʔ eney ij chiʔ diʔ noj chon̍ pulaloloswayʔłi noj loːlos asko jóyna'ij chiya'ij ko:chi, jo'me, ba:ra noj siłkwa. che asko jayinaʔus kuj paːpa ij ij majni enchełus che yo'na'us ij kwe:ya di'i so:te. che ya'kachinbutełna'us noj daya' siłkwa di' noj cho'esni, di' nij chiya ij ko:chi, ij karnaba:pa di' che uj kwen̍tuja'us usko yo'kay inła. usko joyłe:kay, jara'lołkay noj to:mi, che inła n̍ waypa nusko. oy'oy ya:bakwanlołiy'łi noj to:mi. che jayłe jayna man̍cho:cho aj risakwa:kwa. jayna joychoy sulłe ij mon̍lo:to jayna naj risakwa:kwa. jayna ena' n̍ łam̍łam̍ ena'. jayna noj ena' łam̍wa n̍ to'baycho nij mon̍lo:to. jayna tolna ij loto:to, jayna kwa:le oj sota'ra jayna ja' sota'ra oj mon̍lo:to nasko m kwalewaʔij mon̍loːto manra jayna kaj rey rimełna:wa rey son̍ra di' mon̍lo:to di' o:ro, kwaj ka: rey. diʔ che rey niːri jaʔ rey fantasiyaloːto ka: rey jana'pa jayna inła ij mon̍lo:to. jo'mi ney, jo'mi i:ri rey ij la' kayłe:wa'nej majni. di' do'-, do'lototowa'ne i'ko ay aykaka da' do'na jayna. den̍loto:kay ij jana'pa ij rey loto:to is rey ja' cualqu- is rey ja' rey loy manaka'ra di' mon̍lotowanra:ni, di' ja' rey la:ta, di' loy rey kaj janapaʔi bo den̍den̍ ij lotoːto che nij oːro kaj den̍waʔij lotoːto kaʔde a senyoːra
• Interlinear Glossed Text • Utterance view