Waveform view

NarrMem10

Recording date	2000
Speaker age	55
Speaker sex	m
Text genre	personal narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

yacɔl ʔap ʔap yɛʔ bjumpaʔ kdʔdeʔ wɛy dwaʔ wih lpas canʔon yɛʔ yɛʔ hamat ʔoʔ ʔap ton tros ʔoʔ lɔy batɔm wɔŋ ʔoʔ lpas cantɔm wɔŋ ʔoʔ jayɛʔ cɨp wel yɛʔ ʔɛl ʔap basɛɲ taniʔ gin tek kbrasaʔ brasaʔ lalɛw ʔap basɛɲ taniʔ bʔilʔɛl bcintil ʔap lpas ton sə̃h wel sə̃h kakawip wel sə̃h kakawip wel lpas sə̃h kakawip sə̃h kagajah baʔũn lpas wel braʔ kahɛ̃ɲ cyas lpas canʔon yapɛ̃h tros bamamɛy ʔayoʔ ba pɛ̃h ŋɔk kdʔdeʔ ʔoʔ lpas cndʔdeʔ pɛ̃h ŋɔk kton yapɛ̃h kɛc ʔawɛy kton lpas ʔawɛy aaa pɛ̃h ŋɔk kton dwaʔ miŋuh dwaʔ miŋuh lpas dwaʔ miŋuh aaa yapɛ̃h tigaʔ miŋuh stŋɛh yapɛ̃h yapɛ̃h wek bakampuŋ yapɛ̃h ŋɔkŋɔk dwaʔ miŋuh stŋɛh yapɛ̃h cɨp wel tros lɛh ʔoʔ kdɨh ka ʔoʔ pŋsɛŋ khayɛ̃ʔ ʔoʔ kdɨh pay ʔoʔ kdɨh wek sʔoʔ rihat ba ŋɔk wɨɨɨh lpas ton yapɛ̃h cɨp pɛ̃h cɨp pɛ̃h cɨp pɛ̃h cɨp pɛ̃h cɨp pɛ̃h cɨp pɛ̃h cɨp pɛ̃h cɨp pɛ̃h cɨp pɛ̃h cɨp pɛ̃h cɨp pɛ̃h cɨp pɛ̃h cɨp yapɛ̃h lpas canʔon yɛʔ bdil ʔamɛŋ dwaʔ knʔmɔʔ lpas ʔamɛŋ haʔamɛŋ haʔĩh ʔamɛŋ dwaʔ knʔmɔʔ yapɛ̃h wek yapɛ̃h jɨʔ jɨʔ jɨʔ jɨʔ jɨʔ mnraʔ kɔm hagiʔ lɛh baʔũn hagiʔ baʔũn hagiʔ baʔũn hagiʔ baʔũn dyɛʔ dyɛʔ bəlɨʔ ʔoʔ ~~kɛn~~ pɛ̃w kɛn klapəh yapɛ̃h gey lɛh kton gygeygey gy pgoh masaʔ nasiʔ yapɛ̃h geygey pagiʔ ʔnuy yapɛ̃h kɛc wel baʔawɛy brɨy ton yapɛ̃h cɨp wel cɨp cɨp cɨp cɨp wel yapɛ̃h mɛy ʔayoʔ mamɛy kpay jumpaʔ kɛy bagɛn kɛy bagɛn yapɛ̃h jumpaʔ bakɛy bagɛn jayɛʔ bədil yɛʔ bədil pəw ja <<wip>> ʔoʔ rɛs yapɛ̃h pɛ̃h jɨʔ jɨʔjɨʔ yapɛ̃h pel babuloʔ pel babuloʔ yapɛ̃h yapɛ̃h pktɔk pktɔkpktɔk yapɛ̃h gey yapɛ̃h gey jalpas ton yapɛ̃h wek pɛ̃h jok pɛ̃h jok ba <<wip>> mamɛy ʔayoʔ ʔayam ʔoʔ kasɛɲ gin blawaʔ kagin rəc tũn tros yapɛ̃h ŋɔk kton yapɛ̃h ŋɔk lɛh pɛ̃h kɛc kɛc kɛc kɛc kɛc kɛc kɛc kɛc kɛc kɛc kɛc kɛc kɛc yapɛ̃h tolɛk bagop ʔoʔ bayar dwiʔ dyɛʔ tigaʔ ratus ʔoʔ kdɨh braʔ bhutan dpay yabayar tigaʔ ratus ʔoʔ bayar tigaʔ ratus ja <<wip>> yɛʔ cɨp təros bagrik ja <<wip>> yɛʔ bəliʔbəliʔ baraŋ yapɛ̃h wek wel ba <<wip>> mamɛy canʔon yapɛ̃h ba <<wip>> bariŋ haʔĩh babariŋ yapɛ̃h ŋɔk kton pɛ̃h ŋɔk səmalam lpas smalam haʔĩh haʔĩh lɛh səmalam lpas ton yapɛ̃h jok ba mamɛy ʔayoʔ yapɛ̃h jok bamamɛy mɛy tɔm ktaniʔ wah bəh tɔm bagan ʔoʔ yapɛ̃h ŋɔk kton dwaʔ ktɔʔ pɛ̃h lawaʔ ʔawɛy kton lawaʔ lawaʔlawaʔ braʔ əə susah jaheʔ yawek pɛ̃h wek ba <<wip>> mɔh cɔs ʔoʔ tə̃h lpas mɔh cɔs ʔoʔ tə̃h yapɛ̃h ŋɔk kton kɔm ktɔʔ lɛh kɔm ktɔʔ ŋɔk ŋɔk ŋɔk ŋɔk ŋɔk ŋɔk ŋɔk ŋɔk ŋɔk ŋɔk ŋɔk ŋɔk ŋɔk ŋɔk ŋɔk bdɛl lɛh ʔay kton kɛc lɛh ʔawɛy kton lpas canʔon cɨp wel kagajah hakɛp sir hayɛ̃ʔ yapɛ̃h gajah brasaʔ gajah babariŋ ʔoʔ ton jaʔoʔ gin gɛs ʔoʔ gɛs gin gɛs gin gɛs gin gɛs gin gɛs gin gɛs gin gɛs gin gɛs gin gɛs tros gin gɛs gingin gɛs cɔm ʔɔs cɔm ʔɔs səməwɛʔ ʔɔs səməwɛʔ hamat baʔaniʔ gajah walɔy baʔaniʔ hamat lɛh bdil kasɛɲ wɛy yɛʔ bdil pəw nɛ nɛy nɛy bijiʔ ja <<wip>> gin lɔy gajah ton lpas ton ra rampɔw yɛʔ bdil dwaʔ aaa rampɔw nɛy basɔh nɛy jayɛʔ yɛʔ bʔbɔʔ bʔbɔʔ jayɛʔ yɛʔ rmpɨh kmɔh ranɔs jayɛʔ jagin jʔjɨʔ lɛh jɨʔ jɨʔ jɨʔ jɨʔ jɨʔ jɨʔ jɨʔ jɨʔ eeh pay jaheʔ yacɨp heʔ yabdyduy ʔoʔ kdɨh braʔ yɛʔ kdɨh yɛʔ ptis ya yarihat yabraduʔ yɛʔ kdɨh rnihat ton yarihat yɛʔ kdɨh ya gop wah rnihat yabraduʔ yɛʔ kdɨh ya yabraduʔ jayɛʔ yɛʔ ptis jayɛʔ braduʔ lɛh nɛy ktɔʔ klahayɛ̃ʔ lɛh jayɛʔ cɨp wel ja <<wip>> ʔoʔ gur kaluŋan yɛʔ bədɛl kɛy luŋan nɛy nɛy kbɨʔ lpas nɛy nɛy kbɨʔ jatros tros tros yapɛ̃h jok ton ton ton ton ton ton ton ton ton ton sampɛy kə <<wip>> Maŋəh yapɛ̃h ŋɔk nɛy dwaʔ dwaʔ lpas kton yapɛ̃h ŋɔk kton yapɛ̃h jalɔʔ ʔikəʔ ʔoʔ ton yapɛ̃h wek tros yapɛ̃h wek yapɛ̃h ŋɔk k kəyɔm bariŋ ʔon tros nɛy kənʔətɔʔ kton tros yapɛ̃h ŋɔk kəlbuhrayəh yapɛ̃h ŋɔk kton lɛh yapɛ̃h cɨh lɛh slay kton cɨh lɛh rɔh rɔh rɔh rɔh rɔh rɔh rɔh rɔh rɔh rɔh rɔh rɔh rɔh rɔh rɔh rɔh sudah krjaʔ dwaʔ dwaʔ ʔekah jadiʔ jmɔr jadiʔ jmɔr jagin syɨŋ syɨŋ tanɛm lɛh hobiʔ tanɛm lɛh jaguŋ tanɛm lɛh padɛy tanɛm lɛh pisaŋ sɨh macammacam gin tanɛm smwɛʔ gin tanɛm smwɛʔ gin tanɛm mɛy mɛy mɛy mɛy ja jaheʔ yaŋɔk lɛh cɨp wel kagop canʔə͂h wel ah ʔoʔ cɔl kapuŋhuluh wek lɛh baʔadeh mɛy pay ŋɔk ktə͂h braʔ yawek yɛʔ kdɨh yaŋɔk nɛy klaʔə͂h jaslay yɛʔ yaweʔ yɛʔ kdɨh yattap ktə͂h braʔ ʔoʔ kdɨh bəraʔ ʔoʔ kədɨh wek puŋhuluh ba <<wip>> banun yɛʔ kdɨh yɛʔ yiʔ yɛʔ kədɨh gin kɛn yɛʔ bəraʔ wa <<wip>> sukaʔsukaʔ babanun ktə͂h gin ya yasuka təmpət tə͂h kədɨh jagin cɨh jagin tanɛm bokan srupaʔ papan tə͂h hapɔy chcuh pnicah gin deʔ tyaŋ gin deʔ knasɛw knasɛw jagin trolɛk sirɛt hapɔy sirɛt hapɔy chcuh lpas ton jagin tolɛk gin tolɛk ʔnaŋ gin tolɛk ʔnaŋ gin tolɛk jagin cbis karɔp gin deʔ diniŋ lpas diniŋ gin deʔ tiŋkap lpas tiŋkap jagin tɔp dapor lpas dapor gin lok hobiʔ gin lok hobiʔ jagin pʔɔl lpas pʔɔl ee ʔoʔ kdɨh ʔɔy ʔɛy aa cɨp jahɛy sam hɛy sam ʔay baʔũn yɛʔ kdɨh braʔ pasaʔ yaŋɔk gop sɛɲ gop yɛʔ kdɨh sɛɲ gop ʔoʔ sampɛy cnbanun tuyih baʔə͂h haden baruʔ yasam yɛʔ kdɨh jayɛʔ ŋɔk khayɛ̃ʔ ʔɔtʔɔt kagop pəŋsɛŋ ka bələbah kapuŋhuluh weʔ khayɛ̃ʔ haʔĩh ʔoʔ snrɛk ʔoʔ tikah macam əəə ʔoʔ pŋsɛŋ kagop ʔoʔ kdɨh əə btʔɛt hayiʔ slay pay tə͂h tə͂h lɛh yaŋɔk ktə͂h tmpət tə͂h btʔɛt aaa yɛʔ gin cɨh lɛh gin kɛn pɛ̃w slay cɨh cɨh cɨh cɨh cɨh jayɛʔ pəŋsɛŋ gin cɨh ʔoʔ tə͂h səlay baʔaniʔ lbəw dheʔ mɔh heʔ yaŋɔk ttap nɛy klaʔə͂h yɛʔ pŋsɛŋ ʔoʔ salah ʔoʔ mɛymɛy tapəh weʔ yɛʔ lpas canʔon tapəh lɛh gin cɨh lɛh kagin mnraʔ yɛʔ taniʔ cɨh gin cɨh gin cɨh gin cɨh gin cɨh gin cɨh gin jagin jəmɔr ja <<wip>> ləpas jəmɔr gin syɨŋ lpas syɨŋ aa gin tanɛm padɛy lɛh slay padɛy lɛh slay yɛʔ bakrpiŋ mɔh wɛy pa dɛy dyɛʔ dwaʔ ʔekah untoʔ padɛy padɛy hobiʔ padɛy hobiʔ jaguŋ mamɛy ʔayoʔ bnhɛt pisaŋ ja ʔɔt ʔɔt ʔɔt cɨp wel kapɛ̃w gop wel mənawat bahayɛ̃ʔ yɛʔ titɨh mntriʔ lɛh blbah ʔoʔ kdɨh pay ŋɔk ah puŋhuluh haweʔ wah gin pŋsɛŋ lɛh kakneh heʔ tə̃h weʔ lɛh puŋhuluh weʔ khayɛ̃ʔ jaʔoʔ snrɛk jaʔoʔ tikah bokan pay yabsalam bnikom yɛʔ kdɨh bokan yabləh kaʔaslam yɛʔ kdɨh dpay dpay ʔaslam yɛʔ kdɨh dyɛʔ yamuc yamuc ʔay jaləpas ton yapɛ̃h ŋɔk lɛh kton ŋɔk ŋok ŋok ŋok ŋok ŋok lpas yɛʔ ŋɔk kton sɔc hobiʔ sɔc hobiʔ baruʔ lɛh pihdeh kagop tros mɔh ʔɛl ʔə̃h lɛh mɔh ʔɛl ʔə̃h tapiʔ kampuŋ yɛʔ wɛy bəʔitɨh lɛh ba <<wip>> mɔh ʔɛl kəlbuhrayəh ʔitɨh slay yɛʔ ʔitɨh btʔɛt tmpət ʔoʔ pasaʔ padaŋ balaʔ titɨh lɛh padaŋ ʔoʔ jayɛʔ pɛ̃h ŋɔk kton lɛh jlɛ̃ɲ wel kanaw kdɨh poris wel ʔoʔ kdɨh mamɛy pay cɨh kajhũʔ tə̃h bokan yɛʔ kdɨh bokan jhũʔ pay yɛʔ kdɨh jhũʔ yɛʔ yɛʔ kdɨh tə̃h jhũʔ yɛʔ bokan pay tanɛm cnkpdəh ʔasal wɛy yɛʔ kdɨh ʔoʔ jadiʔ ʔoʔ blaʔ ʔoʔ tumoʔ ʔoʔ blaʔ japoris poris ʔoʔ yiʔ jaʔoʔ wek yɛʔ kdɨh tə̃h jhũʔ tə̃h yɛʔ puɲɛʔ yacɨh yɛʔ kdɨh pay yapŋsɛŋ salah pon braʔ basalah yɛʔ kdɨh bagop lɛh yɛʔ cɔl yɛʔ cɔl yɛʔ cɔl yɛʔ cɔl yɛʔ cɔl yɛʔ cɔl ja ʔo <<wip>> ʔokeh yawek tə̃h gin kɛnkɛn yɛʔ kdɨh gin yacɨh slay pay yapŋsɛŋ wasalah yɛʔ braʔ waboleh wabsalah teʔ tə̃h yɛʔ kdɨh teʔ yapɛ̃h teʔ ʔoraŋ ʔasliʔ yɛʔ pŋsɛŋ bamataʔ kayuh lɛh yɛʔ pŋsɛŋ baʔoʔ lahlahlahlahlahlah tapəh lɛh ʔoʔ kdɨh puŋhuluh jayɛʔ kjeŋ macam pnʔon ʔoʔ kdɨh taʔ payah ~~pɛ̃h~~ pɛ̃h yamnakuʔ kayapɛ̃h lɛh teʔ tə̃h ʔoʔ kdɨh jhũʔ pay yapɛ̃h cɨh lɛh cɨhcɨh yapɛ̃h ŋɔk kton lɛh deʔ hayɛ̃ʔ deʔ dɨŋ macammacam lɛh dʔoʔ tə̃h hapɔy seŋ hapɔy batuʔ kasɛɲ kaʔũn hapɔy chcuh mɔh ʔtʔet hapɔy chcuh hapɔy chcuh bahɨp tũn lɛh cah cah cah cah jasirɛt gəs ʔawɛy gəs gəs gəs gəs jasirɛt sirɛt sirɛt sirɛt sirɛt sudah sirɛt tolɛk knasɛw lpas knasɛw grlɨp lpas grlɨp chcɔh karɔp lantɛy lpas lantɛy tɔp dapor ʔɔs syap deʔ lantɛy hayɛ̃ʔ baʔə̃h hayɛ̃ʔ yatek kʔon lɛh lpas ton jamɛy waweʔ jasyap sudah syap masaʔ nasiʔ geygey brɨy ʔnuy ya yɛʔ bdil baʔay lpas baʔay jayɛʔ wek ʔəəy ʔoʔ kdɨh kagop canʔə̃h ʔalah ʔoʔ kdɨh habtʔɛt kaʔay pay pay gey ʔon hajĩŋ hacubaʔ lɛh pay cayaʔ ʔay ʔoraŋ ʔasliʔ mit hɨp yɛʔ kdɨh lagiʔ pnʔon yɛʔ yɛʔ kədɨh səlaluh taʔ boleh pay ya <<wip>> pəŋsɛŋ jayɛʔ kədɨh pasaʔ hmɨɲ yɛʔ kədɨh yɛʔ pŋsɛŋ bagop ton lɛh yɛʔ pŋsɛŋpŋsɛŋ jaʔoʔ kijɔw ʔoʔ wek ʔoʔ wek tros bahayɛ̃ʔ tə̃h lɛh hayɛ̃ʔ pos tə̃h jalpas ton ʔoʔ kdɨh puŋhuluh pay ʔoʔ kdɨh ŋɔk starəʔ ktə̃h ʔoʔ kdɨh pasaʔ hayɛ̃ʔ pay weʔ kahayɛ̃ʔ pay yapɛ̃h deʔ nɛy nɛy bijiʔ ~~ʔanaʔ~~ ʔanaʔbwah pay ʔoʔ kdɨh lamat lɛh taniʔ lɛh mɔh ʔɛl hayɛ̃ʔ yɛʔ ʔoʔ deʔ nɛy kton smwɛʔ puŋhuluh puŋhuluh titɨh bʔuyih dwaʔ bijiʔ puŋhuluh dwaʔ ʔoʔ deʔ dyɛʔ ktə̃h nɛy lpas ʔoʔ deʔ baruʔ yɛʔ smɛɲ lagiʔ smwɛʔ hayɛ̃ʔ tə̃h lɛh pay ya <<wip>> deʔ pay yaʔɛk ba <<wip>> gin kɛnkɛn yɛʔ yɛʔ kdɨh nɛy gus pasaʔ gin yaŋɔk macam pənʔə̃h pɛ̃h yabə <<wip>> jikjok pɛ̃h yabtimul ʔasal yɛʔ kdɨh pɛ̃h yabtimul ʔasal yɛʔ kdɨh jasɔc lɛh dʔoʔ tnɛʔ mɛy yacɔl

Edit utterance

Text view • Interlinear Glossed Text • Utterance view • Help