Waveform view

20151125k

Recording date	2015-11-25
Speaker age	95
Speaker sex	m
Text genre	conversation
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

qoomaadaʔee dír kay geexeer didaʔekee ar dóʔ Qutadu mm aso disí tiwa ansiind dóʔ Qutadu disí tiwa tatahh alkwí Qutadu an disíng an dóʔ Ganayookeê an dóʔ Ganayoô dóʔ Ganayookeê Búʔu dóʔ Ganay nga faakaán dóʔ Ganay kwa faakaán amór Qutadu amór Qutadu alkwí afoo alge doogee gár ninawee Qutadu Qutadu hheʔee aluwo disí ar dóʔ Ganay iwa gár dóʔ Qutadu slami a malé milâ Qutadu aʔa dóʔ Qutaduwookáng dóʔ Saygilo har dóʔ Saygilo alé dóʔ Saygilo ge tát tat tat dóʔ Qutadu una faakaán Saygilo ya Saygilo ina guúʔ wa wa xatsoó Waʕama Imburu ina amsi ina guúʔ Saygilo wa xatsoó Waʕama Imburu axamisâng a axamiís aluwo Saygilo iwa guúʔ wa xatsoo Waʕama Imburu Saygilo matlatleeroo loʔaa wa tleer garós tisí nga ar amsiwoo Saygilo matlatleeroo loʔaa niwa tleer Saygilo ina uʔuúʔ hayada ina oóʔ ayá Iraqw umó muukú sagii-qwasleeri sleemeroo faakiisareʔ ge alé idosiyee qwaslaree sleeme ngina ateét xáy mm faakiisareʔ geeraʔéʔ hayada ngina uʔuúʔ karr aluwo muu a faakiís geerawós ina oóʔ kuúng un yahaas in ooʔ Búʔu tlahháy doʔhúng ta kahíʔ a kuungáʔ miinsláy kondáʔ gár ta and amsiwoô bir deer in deer bir káhh in kuúng tlahháy doʔhúng ta kahíʔ a amsiwoo gár ta and biri kahh in kahh ngina laaalee imir loʔaa tawa dirqáʔ ire dalaʕ ay dirí alheʔesee alheʔesee ina oóʔ Beeʕá Albanka ina oóʔ Beeʕá gár ta and kuúng Beeʕá aní gár na ar a giyeé ana ár saʔuti doogiitee giyeé ana ár Saygilo ina oóʔ kuúng ya xay kuúng loʔee Beeʕá kuú garqáʔ tas tas Masongó tsangumamis amsiwoo a milâ Masong a kohungeê a korén Saygilo ina oóʔ kuungáʔ garhúng a puuri Saygilo a muukú ʕawakw nguna ateét xay aʔa Beeʕá ngun tsangumiís amsiwoo ina oóʔ Beeʕá Beeʕá Masong kuwa tsangumiis a Masong a korén gár kus tsangumiis gár kus tsangumiis puundukár konaʔ ar Masong sleeme a torén kuúng do gár dohúng a puuri gár Masong mila kus tsangumiis Masongoqáʔ booloo birna hardáh dirí booloo birna hardáh booloo birna hardah bará muukú boóʕ garmá dohúng oo kwaloʔo ugwa qasee wa wawutumo aga axasî a axamiís Masongoqáʔ in dír garmaqáʔ kay oo wawutumo bira hardáh in ooʔíʔ garí heé nga tleehh garmaqáʔ kun yahaas garmaqáʔ in ooʔ heé nga tleehh a Gidamosá Gidamosá a garmá Saygilo aga axasî a axamiís Gidamosá ina oóʔ garmaqáʔ koqáʔ kun tarereeʔ nee Masong tam dír gwandú afa aga axasî a axamiís Gidamosá burkwa gaas nee Masong alkini atén uga hiinsló kodáʔ oo Looʔar buuʔaán Saygilo ina oóʔ garmaqàʔ aluwo burkwa gaás nee Masong aluwo in waatl gawá a dayshimò in waatl gawá doori a dayshimo idorí kwa xuʔâng Beeʕá ngun babay ee ire oóʔ dorén ire baskó xaw yiikwá dorén koonkaa ngin laqwaaliyaʔ idorí a xuʔâng kuúng gitlaqá burkwa gaás a waátl gawá doori a dayshimó tleehhiít aluwo aní bara gwaáʔ dorén in leetlakwees ʕameenaár dorén gár idoór ngin moroʔó ʕaaymar tlaxund saxumó nguna laqanî mm aga axasî a axamiís ina oóʔ booloodáʔ aní bara gwaáʔ ʕameenaár doʔrén qutúr ngun moroʔó ʕaymar tlaxund leetlakwes asma aako kaahh garma kaahh aga axasî a axamiís ire oóʔ booloo muukú boóʕ dorenee burkwa laqwaál idorí tsár muukuqáʔ gár hiʔimiit a gaaridú tikisay idoorí kwa xuʔâng Beeʕá dorén booloodáʔ i idoodiʔi kiiʕ waahhar aga axasî a axamiís karr ala aluwo ya Gidamosá kureqo gaas ire waatl gawá kure saʔuti gaas ma qwaremisaar Gidamosá kure gaas ire hháy doʔinee ta kahi waatl gawá doori ire waatlikeê hheʔee aluwo doʔín ire do doʔin ire baskó xaw yiikwa koonkaa ngire laqwaaliyíʔ yiikwà aga axasî a axamiís aluwodáʔ aluwo Saygilo gwaʔararós niwa hamátl gwaʔararós niwa hamátl kuqo hhoóʔ iwiwiit idór hindí neer usalama matlatlee ina oóʔ daaqay boohoontoʔéʔ foolaa aná gwaáʔ bilí naʕaʔwós inós ngina nee hee iwiwiitiyáʔ bayî ee daaqaywós nguna báy aní a gwaáʔ boohoontó foolaa dirqáʔ idosí ngiwa inós nee oóʔ Burú Para naʕiʔi oo aluwo Dangay ta iwiwiit wa idorí awu gaás ay dirí boohoontó foolaa awu kure gaas ta awú daaq boohoontó fooliit ta awú daaq boohoontó fooliit ta awú daaq boohoontó fooliit boohoontó kwa hheʔees tare ooʔ baabá boohoontó a buʔuút ire ooʔ daqway daqway naʕay oo gureendi oo daqway leehhaak ʕetiisaa bará boohoongw kure ʕetiis kway tiip inoʔín i fuʔunáy ʕaayiyáʔ Saygilo nee Buraá Para aluwo ta qaytsiit na hhane a tuʔu ta qaytsiit tuʔu i kaahhiyáʔ paka basi ar Saygilo a disí fakî ee aluwo qoomaár Saygilo aluwo Saygilo ina oóʔ ti ii Beeʕá ngina báy ina kuungáʔ miinsláy doʔhúng ar faak idoór kurmó muski aga axasî a axamiís idoór miinsláy doʔhúng ar faak idoór kurmó muski axamisâng a axamiís dorén in harmaaʕ muukuqáʔ tsár boóʕ burkwa laqwaal di aga axasî nee aluwo an iwawitáʔ iwawitáʔ iwawitáʔ Masong nin tiʔiit Masong oo geerà oo kwansa ire waatl oo tsár nin tiʔiit in deʔen kun watliis nee heé boóʕ wàk aluwo heé ngwa watliis Masong sleeme iwa waatl ayaʔín a Nyererewookeê ee ee hayya xay Masong hindí i deeroô bará ayarenee kaahh hayya qoomaár qoomaár Saygilo muu ngwa yahamiis ina oóʔ aluwo booloo barta kahiyiʔ utawalaqáʔ oo Nyerere a faák booloodáʔ qaritaka i tiʔit daqoo qaritaka i tleér qaritaqáʔ hanudá booloodáʔ ayi káhh baabá kaahh qwaslarumo in kaahh wawutumo in kaahh qaritaqáʔ giyeé i tleér kureerí aree tám yaamu a daʕaraa basi aní aga hheʔeés kwasleemaroo aní teʔéʔ toka ngi yahasarwa slaaʔ qoomaár Saygilo muu ngwa yahamiisi muukú dóʔ qwaslaree sleeme tlahhaydáʔ oo muukudáʔ oo qwaslaree nga ateét nguwa yahamisi ngina bay aní gár gár aní aní kuungá nusa ʕakaáʔ Looʔa nina xeér xweerawoo ay dirʔéʔ gár ngwa bet Looʔa miinslaysí gár qwasleeri ngunar wátl miinslay oo qwasleeri ngunar tleér xáy mm xweerakaee nina xeér miinslay oo qwaslaree ngunar wátl bar idoór garoo aáng Looʔa ngunar wátl laqa inós nguna hayóh ge karra aqo inós nguna hayohikeê inós a Looʔarookeê inós Búʔu karr muukudáʔ nguna hayóh sleeme gár hindí ya nisa an ʕatsaʔ haragaas hara a miinslaysí ngun ʕaatsosí mawaak slaaʔ inós miinslay sleeme nguna hayóh oo qwasleeri Looʔa nin xeer xay kós ngwa geexeér Looʔa nin xeerâng miinslaywók kun hayohi inós ngunar oo hayóh gitlay kweʔéʔ kun hayoh oo kichwár gitlaqáʔ muukú ire inós ngina meet hayóh miinslay sleeme tláy Saygilo nguna Mageena hayóh muu tare purumpuray qwasleeri alkwí aáng idoodáʔ tataahhana ngi ayiʔakáng ngure báy Béeʕa ngure báy miinslaywók in harfaak idór kurmó muski kurmó muski burar dooslalalit i faakikeê fàak aluwo daqane gár tar kiʕ daqane aáng garqáʔ mis harfakín idoór kuúng ugwa ar kós galây harfakín galây i kaahh miinslayrén sleeme atén oo qwasleeri i harfaak mis in kahi kók i harfaak qwasleeri kwa hiyo Saygilohee ta foolika ina taw qwar nee Gidamosá ina oóʔ boohoontó foolaa dirqáʔ aga axasikeê ee boohoontó kuna foól kuwa hheʔees ina tana oo a ino oóʔ bira buʔuút ina oóʔ bira buʔuút gureendír daqway ar yaqamba kwaahhaak barasí tiipaak slaf i kana tiíp slaf i ina oóʔ basi awu kwa gaás dirí inoʔín i fuʔunáy ʕayiyáʔ nee Buraá Para aluwo ta qaytsiit inʔín na hhanéʔ basi mwezidáʔ ina qwát imepotea tu paka leo hii ka tiipiká bará hhapee ka tiipiká a muukú idoolâ

Edit utterance

Text view • Interlinear Glossed Text • Utterance view • Help