Waveform view

20131108b_20150725j

Recording date	2013-11-08
Speaker age	69
Speaker sex	f
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

gár ni axwesinta slaaʔ a gawá daandó danú danú i tsuú danú kun tlehhiit nee baʔari danú kun tlehhiit nee baʔari danú bara hootawoo a dawa gár tas dawa a tí xaʔí slaʕa a dawa bará slaqo bará bará hoota baʔari umoqó ʕayitó ngin nuunuuʔ ~~ʕayo~~ ʕayór xaʔi ngin nunuʔuun nunuʔuún ar xaʔanoqá ngin nunuúʔ ar xaʔanoqá ngin nunuúʔ ar xaʔanoqá ngin nunuúʔ sleeme bir nga haragaas basi idosiyee bará danuhee aleʕise yarir i deer asma xaʔí yaarir a dawa dír muukudí heewoo ee gawá daandó danuhee garka in ooʔ daqayko tsár boló geera a mulqe ti slaʔiyá wa lo nee atén o gorwaawoo danú a gár tawa mulqee aluwo tawa axwees ar umó gidabá danú bura ʕayaán a idór muuku loʔo nga ʕaay ti sakiʕiyaʔaká daqeewí tsár koko doʔin a daʕalusee koko daʕari kahhiyáʔ ta danú kun alʕaʕaay ti slaʔaʔan wa ló tan albaroʕo a ay bolór idorí dasír garmasí kodáʔ o daʕalusumo dasír arta as axweés nee mulqumowós ngina gaás dasidáʔ alkwi i bará do a kat kara ya aní aang geerhhoo garmaqáʔ o dó isaʔ bere a hhawatoʔéʔ? aní in duxuut, hindí aní heeʔéʔ a ma barake? qwalang huwang i kay <<id>ah> <<id>ah> i kay ah! ah! u qitlakáng heeqáʔ a mulqumoʔéʔ lo wa alé danú nee an alʕaʕayaan danú nee u qitlakán desidáʔ i kát ah hee a ma barakí aní heeʔéʔ a ma? huwang huwang iwa slahhaá ya ina oóʔ gimisee kungáʔ bará waʕangw wa iwiwitaak pundú difaak wa idorí aníng u huw daqane ku otaak kara nangáy nguna báy gitláy qwaláng baroʕo awaan amorqáʔ amorqáʔ amorqáʔ daʕaw a baroʕo tana tláy tana hiʔimamiít tana hiʔimamiít tana hiʔimamít tana hardáh dír xaʔanoko yangarir waʕangw ku alge saawekáng ina oóʔ gitláy baroʕowí i galay ~~kara~~ gár ni axmiis? ina oóʔ ah aso dír deti detití iʔa qase iʔa qasee iʔa kana qaás gár ta axamiis a diding diding diding didi ng diding diding ningá ku diif ire oóʔ a axamisikê tana komiít hiʔitinoroo tana komiít ta hardáh afkó waʕangw manu bará waʕangw kar nangáy inós kodá o daʕalusumo ina giriín ina ʕeét neer gaanslay kwi alú wa hiʔiit hiʔiit wa álu manu ngina báy ohaak kwisí kwisí ohaak nina ʕakumitíʔ inós ina alu kiíʕ nguna gusíʔ nguna gusíʔ ~~tana~~ iwa hardáh dír detí tadáʔ ina tsaʕán gawá deti ina xasliít gawaqá i kara inós nina hardáh dír detití alé manu disí wa xumisiyáʔ ta kayíʔ koqáʔ gawaqá ina oóʔ wa gawaqá ina oóʔ gitláy danú nee an alʕaʕayaán gitláy kuúng idorí bilí amilá xayge aní nee kuúng ina oó gitláy idór ni ʕiis inós tsaʕaʕán gawá inós tsaʕaʕán gawá inós tsaʕaʕán i ka hee a dasír dó isawookê ge desirqá o aní ana gaás desirqá kuúng an ina oóʔ a loê - aníqo tsuba lehhang getláy? i ka ee tsaʕaʕán koqáʔ naʕáy deti nguna tsaát wa gawaqáʔ iwa saáp wa idorí sagwós a hara tsewí didá nguna sagá taáhh neer naʕáy deti ire huúʔ yaamu iwa huúʔ yaamu ina oóʔ ohaak ar tiʔaʔimaak bará waʕangw nguna gagariyeê ngu xuiyâ nguna ar tiʔaʔ iné tiʔaʔ iné e bará waʕangw koqáʔ ina aweér ina tiʔaʔin tiʔaʔin e amór doʔín iwa hardáh ina oóʔ mukú do mukú do do gweraak, do kuna gweér ina oóʔ aní bili ta alóh nee manú do isaʔ hindí aní nina gów nangáy ire hara afaqwár koín kodá nguwa hardahasiyáʔ bará waʕangw a gwaa kwa lo wa taáhh a gwaá tindina kiíʕ habari kana húw amór do manu kar naxés matlatleroo ya ta ʕaʕamiín muu garmilâ ta kayíʔ garmá dorén a hhayuút a gwaá bará hhayuma kwa hiyo bolo muuku danú alʕaʕaay geera ti sakakiʕiká heedá a lowa dakuús daʕalusumodáʔ a lowa dakuús hee nee inós mulqumo nguna alkiíʕ gadáʔ inós ngure sakiíʕ tlakweema bir tlehhit dír hee Looʔa yaʕandaká tlakweemadáʔ kiíng ni kiʕiyaʔ ar hatláʔ aamarka i deer nee aakowós qamuso slakar hee ngi slaʔaká muuku do ngi slaʔaká muu ngu slaʔaká bolo idorí aakowós nguna bét aáko aní dowí o dír afé uruwa anu slaaʔaka dowí gwéh a loohaán amorqá bará tlawma gwéh a loohaán amorqá bará tlawma aako ina yaʕaán tana lóh e bará tlawma tawa hardáh inós nee aamarós a aamá a aakó bira deengw awu aamá aqo kilós kara aakó a deengw awu inós ina migiroo eér migirós nguna migidadít migidadít neeʔ ʔufa ʔufa nee amosí ngwe tsék nguwa hheʔés ina qaytsít amorqá ina qaytsít amorqá hee ngi tlees a maʔâ aluwo áh i qaytsít ya yaqambó o o o tlaqati i qáy i qáy ina óʔ tlaqáti qwalang aní ʕiisang gofangwdáʔ o tlaqati xaremiwós ngina laʕaás ina amodá i hiʔiit ina hiʔiit ina oóʔ anití hhoó heé tlaáqw tlakweemawos ngu i kiʕiyáʔ iwa hardát ngina gonoʔós ina tleér ina wátl boló tsár boló tám ina tleér ina migiroo eér migirowós ngwa migíd ngwa hheʔés qaytsít amorqá qaytsít amorqá hee kaahh aqo goafangwdá o ~~tlaqa~~ tlaqati ina óʔ tlaqáti qwalang ʕiisang ina tláy goofangw antí hhoó heé tlaákw tlakweemawos ngu ikiiʕ iyá ina hiʔít iwa hardát ngina tles nguna gaʕaʕeér gaʕaʕeér ngwa ilatleerés ngwa ʕaymár wa sláʔ iwa hardát ayá dír do ina óʔ <<id>ah> ah ah yaqambó goofangw bilí una sláw tlaqwahhoó wa aya fuʔunáy konang o aso gimáy ya matlo aní in tleemami aní in tleemami bará migire motlo ya kuúng xawang neer gaʕale birna hardát nahhat qomár bartaka ya anugwa ateét u tleesar aw aní i tleesar ku lo wa tsaxát u aga andî heé tlaákw qeeru sleeme i kaahh i hhaslitká i iinslawindaká ar umó gidabá bar in tleemamiis hindí bilí motloo aluwo aní heé tlees tí i káhh i kát un ʕayaan gaasang aakowós kwisí sleeme ina yaʕaán a daktani ta tow daktani sleemeroo a daktana aako ina yaʕaán kara ina tláy neer gaʕalerós mamahhamiít neer gaʕale mamahhamiít migir ngwa hheʔés ina oóʔ goófa qwalang ʕiisang qwalang tleesang, goofa ina óʔ antí hhoó heé tlaákw tlakweemawós ngu ikiʕiyáʔ iwa hardát imak mahhát wa idorí aakó na tiʔiít neer gaʕalerós nguna muúq qomeé nguna ~~maq~~ qomeés mahangw ina oóʔ fuuu kuna taáhh nee migirmó amór guroʔó aama naʕay kuna baradé muút aama i kát oye aakowí a gaas latí gwaʔaratós inós ngi slaʔaká gwaʔarar slaʔa ar goofa goofangdáʔ inós ngi ʕiimamiis tam motlo ngi xuʔaká garí intsahhari ar umó gidabá gurtlakwee Looʔa ngi slaʔaká Looʔa gár slaʔ a gurhhooa asma Looʔa ka gurhhoo masó atén naʕá Looʔa sleeme tindin gurhhoo aga andî tlakweema inós nga ikiʕiʕikê tlakweema bir tlehhít tlakweemawók ikiʕiyáʔ ma óʔ ar umó gidabá heewí un tlaákw in tleehh wakati heesí tlakweema inós nga tleehhiká dirók tlakweemawók ngun ikiʕiyaʔ qahaang nee waktír muu ka tlaakw bara hootá heeumaroo

Edit utterance

Text view • Interlinear Glossed Text • Utterance view • Help