Text view

20131027_20150725c

Recording date2013-10-27
Speaker age69
Speaker sexf
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
aníng a Raheli Lawi aníng ta laqwaál kurukó kumó wák Aníng a Raheli Lawi aní ta laqwaál kurkó kumó wák tsireré gwaleél nee mibeerí tsiyéhh nee faanqw Bará kijijír Rirod wa ale Bará masombiʔéʔ mareʔé ni hiʔiít Yesú ugwa tsewa ilaóh Yesu ngwa ilaóh a kurkú mibeerí lehhó nee wák kurkú mibeerí lehhó nee tsár tina batiís Kurkú mibeeré lehhó nee tám, ana daáhh shulér m msingi a faák ana daáhh bará shulér Bibilia kurkó mibeerí lehhó nee tám ana ansiím Shulér Bibilia, kurkó mibeerí tám, kurkó mibeerí lehhó nee tsiyéhh hhawata gwa sláw tina duúx ndoa ana tseegaán nee hhawatoʔéʔ sleeme kwa tsawár nee Muungú gadiyér Muungú ngwa tleehhiit imír tiwa haragasaán inós i intsahhatimiis ne slemee ire tláy dirí kón bará Hoshan intsahhtisar aʔay bará Hoshan nee inós ne aniye aqo bará Shulér Bibilia i dirí ana somuusaán taqo haragaasaán kurkó mibeerí lehhó nee koʔán shule ana faakaán shule kawa faakaán ana waatlaán ayawí o Endabeg asma a nee waatlaán gadiyér Muungú kay imuʕumaán bará ayawo Endabeg gadiyé i káhh qomasí ar Muungú ʕaymú Muungú i káhh gadiyé ana nee gamú xaʔanó tina ansimaán aní inós tsár daʔangw inós buru ngwa óh aní un ilaóh Muungú tina aleʕiís a muukú ninaw kwi slawaán ana adosír hiʔimamitaán gadiye ana tlehhahhiitaán kurkó mibeerí faanqw nee faanqw gadiyér aako gadiye ngina aansín ar tawa askofu o jimbó ar Arusha ar mkoár Arusha inós tawa askofú mkoár Arusha aní sleeme Muungú a tsawár gadiyér ar yaʕabusér Muungú ngiwa tlabaʔá i qasmiis tlabaʔá o o amór tseʕa dahha tlabaʔá wachungaji naʕaʔín nee tiayʔín Muungú a aleʕiís sleeme tlabasí iga qasmiís neer neer idór hhoo wa alé na ana adosír babawaán aleiʕisesí nguna tlehhahhiít kurkó mibeeri dakát nee tsár mishnarimorén kudá o geera ina waátl ayaʔín asma a uráy umoós ku báy aa <<wip>> kó báy Bull ina waátl kurkó mibeerí dakát nee tsár mishnarimó ʕabén nina hardáh umkós ku báy Renchu nee harerós ka báy Anna tina haragasaán bará gadiyesihee Anna hhatlór ʕaben ngina húp hhatlo ar ikond ar unqwareká hhatlór ʕaben na húp aqo gidabá dinkuʔumár ameena kawa imuʕumaan kara aní nee alinós Anna Muungú tinda hhatlosí ni hariis kar ana iwitaán yaamu i alé tay qaytsitaán i harín tawa dahaan bará firo asma dinkuʔumarí ar ameena ana tsahhaán ar umó gidabá ameena i gidabár kond dír geerá Muunguhee kay araán ar umó gidabá a gadiyér komaán sleeme bará dír Muunguhee dír geerá Muunguhee asma araraán bará Bibliaro ameena gadiyér Muungú nga tlehh idór i Está Sará haré Ibrahím nee o hatláʔ nee hatleʔe in Deborá in Haaná nee o dimbabayhee aluó bará dinkuʔumasí ta dosír alqaytsitaán ar gidabá masó dinkuʔumarí a tleehhaán ar ameena nee geeraharusuʔo a slawaán moroʔo kwa al alqaytsitaán a tám o atén tindi geeraharahar o afahhamít o urén o bará dinkuʔumarén tisiye atén tindi geerahar bará dír garo an gidabár atén gadiyesí ar dinkuʔuma kas tlehhaan gár geera a gidabá aymú Muungú un slaaʔaán atén o ameena kuwa alkiʕitaan nee idodá ta aleslawaán gár tsár a gidabá aluó maso atén o ameena sleeme aymeerí Muungú intsahharirimaan as gidabá atén tawa ameenardá ar bará Bibilia slaksáy hhohhoó ngwa tlehhit tleehhit ar gidabá qomarkaro tindu wa gurbuʔun nee Bibilia asma ameenarká bará Bibiliaro moroʔó tlaákw nguna tlehhiitíʔ atén sleeme tindu wa haydaʔasik na ʕaymeerí Muungú ar tám a tí ar gidabá hootaká ya o bará daandó yaamu sleeme i aleʕisé slaaʔ au aleʕiise slaaʔiyáʔ asma a laqwalimaán ʕaʕaaymaán moroʔosíng i harimar kón atén sleeme kuwa alqaytsitaan gár ta slaaʔaán bará dinkumarén tí ar amenaro ar tám ar gidabá maasó atén o ameena hutliʔi tlehhito aleslawaan qaiʔi maso atén ar ameena naʕiʔi tam chupé naʕirén hiritoo un aleslaw laqa tam soksi hiritoo aleslawaan daqané geʕeereke naʕaten sleeme tsiitimisaan kwahiyo moroʔosí tám afahhamít an moroʔó o ta qaasaán bará dinkuʔumarén ar ameenar barasiye sleeme naʕá dasu i deiyá a harimár koomaán naʕatén o dasu kiwa iinsahhatimisaan hootá hhohhoo idór Mariamudá boló geera ta tsawár Yesu ngure laqwál nee sleeme ana araán masó ameena hootár hhohhoo nginir hootiyáʔ hhawateʔín ngiwa ilaiwawaʕiyaʔ idár Sara nee Ibrahimu niwa hiʔimiti kwahiyo gawá tisiyee ana dahaán bará firoo Muungú na aansimaán firoroo kurkó miberí daká nee faanqw kurkó daká nee dakát tsawudó ana i hardahaán ar gidabá geeraharusoʔorén ar Tansania ngi sagesihhiít kawa tlawaan naxés Muunguhee na sihhitiís ana ani ala Muungú slufmiís asma aní ti axamiis sleeme basi gadiyesíng ana imuʕuúm neer daqu ameenár Ulaya ameenár Ulaya tina harís moroʔoʔín kudá ninákw ikona ngu weerimisiyáʔ amorqaee o daqahee nu narkuseero as gadiyér Muungú kawa tleehhi ar ayá Tansania gawá idosiye aní naulír neer amorqá káw nen amorqá káw awa ʕaaruriká kingi ni yaʕabiít nee ameenár tseeʕa ana hiʔimiít waló bará ayá Tansaniaro liwa aleqay dír na kawikáng i káhh aga Mbeyár káw e bará Tunduma e amorqá ta báy Chiwanda urarká tadá amorqá Sumbawangár kaw a ga wá bará Darsalamár káw ee baradá e aga hiʔimamiít baradá Kijitonyama aga dalaáhh amordá Kisarawe ar bihhí sokodá uúr aga hiʔimiít waló ay e Chalinsero aga hiʔimamiít e bará Duwanqáy Morogoro nee daáhh bará imi bará tlaʕangw Duwanqay kudó deʔemi Muungú a geerharahár tsifirʔéʔ nee muu sleeme slesleer tí a Muungú wa sluufmiís nee abar komiít ar loʔeema bará Tangaro aga hiʔimiít sleeme bará dir Amani ina káw bará tlawmarká ma yaamú tsatsaʔar yamú ku xaasl geera bar Munguweká ani yamudá a kawikán Muungú u lowa slufumiís bará Amani ay Kicheba Muhesa ay baradá gadiyér Muungú aga tleehhiít lowa ale nee Bombo baradá ana kakáw nee aga dalaáʕ sleeme amorqá ar Kigoma dirqá ta báy Nguruka ayo dirqá Mtego wa Noti áy dirqá ta báy didá a algeeqát aqo bará Kigoma Nguruka Muungú iga geeraharahár áy Itebula didá kabáy Itebula Muungú inós a lowa bar kiiʕaán sleeme gadiyér Muungú agaqo tlehhit aga dalaáʕ amorqár Kenya aga dalaáʕ ayá muukú Wanyahururu nee amorká ar hatláʔ sleeme amodá sleeme a sagaqwadiím bará Tanga ga hiʔimiít nee Iringa sleeme aga lowa hiʔimiít gadiyér Muungú aga tleehhahhiít Muungú u slufmiís asma anír ameeni anír haree qomár yaarir gár bará gadiyér Muungú káw hhawata bira ár nee muu kií ar hare an idosír hiʔimít hhawatók kwisí a daktani anága aʔa aní a daktanitoká idór hargeemáy kiing a loʔe anagá aʔa aní Muungú nee aní Muungú hhawatoʔéʔ sleeme Muungú ngu gadiyér Muungú an tlehhitaán diinkwá aní inós aní birna bara tláw in malé alefiriin nee aga dalaʕaa Shinyanga ay amorqá tlankumodá Kagerao qamár Rwanda nee Burundi amordá muukudá na goow wa a <<wip>> morqá Burundi wa muukudá o wahutu nee nee watusi tawa slaáqw muukdá sleeme na goow baradá na kawaán sleeme garí sleeme aqo Muungú ina geerahahár Muungú yaʕama ngina hariis gawá idorhee aní Muungú u lowa slufmiís asma Muungú a geeraharahár gadiyerí ar ameena ngiwa geeraharahar ar Tansania ana tlehhiít bará kureerí mibá nee tsiyéhh kurkú mibeerí tsár nee kurkú mibeerí tsár nee kurkú kumeer tsár nee mibeerí tsár nee wák ana ár ar gidabá a bar hunguʕuús a ido a gidaba heeká ʕuruʔéʔ ina faák aga uráw ana ár ar gidabá o wa bihhiʔéʔ na urare alesleemu ngwa sláy i harináʔ inʔín daxane i ʕuru ʕaben gadiye ngiwa tleehhiyáʔ nafasi ana hariís ar tsawdo o hatláʔ kin tsawaár gadiyerʔín ngiwa imuʕuniyáʔ gawá idorí aní Muungú u lowa slufmiís tam ee bilí aní aqo gadiyuús aní a uumtusoʔo aní umó diro tam hindí birti slaa Aqo i deer gadiyér Muungú i mpaka tire wa ateet nee Muungú dirí bara áw aníng Gawá daandó hootaʔéʔ nee alkiʕiito hootaʔéʔ nee aga Naʔaase Muungú nu tsuunki
• Waveform view • Interlinear Glossed Text • Utterance view