Text view

c00ANyouth4

Recording date2000-09-26
Speaker age60/65
Speaker sexm/m
Text genreconversation
Extended corpusyes
Javascript seems to be turned off, or there was a communication error. Turn on Javascript for more display options.
A poenoe kem. Goe na goebi goepe hen t'ong k'wal nd'ennoehoe / d'emde gurum goepe mûep lap sool hok. Sool =hok kûût mûep mang poe ko=goemaar goenang ba ai? Mh. Goemaar mûep t'ong na boeshik / bi goeshin goe ntyem. Mh. Kafin ni mang sool poe goe / t'ong mûen goe na / goe maar a kong / ku maar goe kong? Goe t'a bi goe kûût / goe t'a goe t'ong goe p'et / goe mûaan de mûep goe yi / gwamnati goe yi / 'a / goe zem sool / nk'aat. Gurum goepe d'yem goe pûe goe / de goe lap sool k'aat nnoe / t'ong d'a k'wat k'aat goe na yit muk. Nyegoepe a nd'ûûn sool =hok / goepe t'ong mûaan goe-goe lap / gurum d'em goe yi ha-- / hen dok kwa a mat / ni lang mmen kaza. Hen kuma / ni goe mat d'e nlu b'e. P'et d'em / goe mûaan b'ak mpe nnoe / lap mat goennoehoe. Mh. B'ep ba mûaan / goe lap mat goennoehoe. Sharap kong nlu muk? Shin / mat muk dok goeme / men goet'wot k'un. P'et / ha' / ndoe pe goemûaan muk d'e zak-yit ba. Doe goe lu mûes / sai / ke goehaar. Mh. T'ong p'et goe s'eet ke / ba doe wus. Yong moenye / mûep t'wot mûep haar. Goe na / sool =hok goeme goeme / tyoklok / de t'ong p'ûat / de ba ru d'i ba. A sool nd'ennoe zak de / ter goe ya d'em d'i kûût ma. Ba d'ong amma / sool lat. Yes / sool lat. Sool lat / mûep t'ong mmoe? T'ong goemûûr / soma goensu. T'ong su b'ak mpe nnoe / lang nAbuja. Mh. Mûep la tang ni / d'e n-- / uh / d'e nJos. B'it goepe mûep la goe ya ni / a / a mmoe d'em doe goe ni? A b'oot. A b'oot. To / goe na / bi goe-- / goedoe-- / d'emde men / moegurum men / ni dok yool / boes'wa wala ba / d'em a sool k'aat. T'ong goe lap k'aat / t'ong goe yool ntyem goe s'wa a wala. Mh. T'ong goe maar. Mh. T'ong goe shin gwen / uh / ko=mmoe / de / mûep goe na / 'mh / wa nni / ni nd'ennoehoe / a ni goe boezung p'uur. To / goe na boezung goennoe t'ong sa / ni / d'emde gurum =hok d'yam nk'ong muk / de goe mûaan kat k'aat =hok yi. Mh. To / la kat k'aat nd'ennoehoe / la man boeshin ni / goebi goepe goe kut ndoe ni / a mmoe ni t'ong ma / la goe ni tyoklok? Mh. Lang la goe ni tyoklok / man ndoe maar kat k'aat ba. Goe t'ong kat goe ko=la goenang / goe sool muk / ko=goenang goe sool muk. Mh. Bi t'eng / japt'eng goenk'a. La Mh. Gwen gweva.goe k'a t'eng =hok / goebi gwen / uh / lemu =hok / gwen mangoro nd'ennoehoe / goe k'a gwen gweva. Goe t'ek ni. Goe p'et goe poe lu nni. Mh. A bi de-goe kat a sool. Amma Goemai b'oot goennoe ba ai? Kwai. Goemai b'oot de-goe p'et / de-goe t'a t'ong / de-goe de-goe mang la ndoe bi / de-goe p'et / de-goe ns'eet ba. Mh. A'a / t'ong mmuk kûût. Bi =hok / goe t'el goe yen. Ai / t'ong t'el yen nd'ennoehoe. Hen ba de-goe mang de-goe p'iring d'e d'i ba / nde t'ong / wakaam t'ong shin ba. A A sool yong goenye toe. Mh.sool yong goenye toe. To / la goe nyang goe / sool la nyang goe yong goe / la goe nyang goe shin / de sool goe yong nye fa? Yong de t'ong lathoe. La De t'ong lat./ la goe ba / d'em t'a goe t'ong b'ak mpe nnoe k'a goe shoor. P'et d'em goe lang ma goelong / goe lang goeb'ool. Gurum goepe ni dok kat mmuk =hok / goe ba goe mûaan d'i yin 'a / hen mûaan de goe / goepe hen poe goe kaza / t'ong kut ndoe goe. Dok goe shin mmak a nd'ang / goe mmak? Goe war mmak. Bi goe-goe s'wa haam / ndoe moehaam / dok na yit noe a? Sharap na yit de-goe nwal a? Goe nlap a? To / goe lap sharap nd'ennoehoe / sool =hok lat / mûep t'ong t'wot ndoe goe a? Babu. Mûep p'ûat kam. Mûep p'ûat kam / buk nyet goe maar goe dok t'ong yok maar (???) bi goe. Ba goe lang d'emde goe se goe. To / goe na / goesek d'ong ba. D'ong ba. Mh. D'ong ba. To / a bi goesa toe / d'a moe buk / de-goe k'wal k'wal ndoe gwen / Goemai / hee / d'a moe buk de k'wal k'wal ndoe gwen Goemai / kede gu k'wal gu yi hai. Wa nni nnoe / yool mmak / goe b'ak mpe nd'ennoe ba. Wa nni nnoe / goe nd'e mmak / t'ong goe shin shit yi goe doe dama men / de-goe de moe shin maar yi / a goe ba a? Kwai. A poenoe ba. T'el k'ek suk. Gu shin bi goed'emen. Gu / d'a gu kat sool ma d'e mpe gwen nd'asoenoehoe / d'a gu paat / gu t'el sool =hok / gu poe gurum goe goeme / de gurum mang maar yi goeme / gu t'wot goede k'a. D'a gu wum / mûep s'wa / gu wum maar / gu wum sh'im. D'a / uh / nde yi wa wul / gu k'ara nde k'a. Gu shin kapa. T'ong gu na sool / t'ong / soma goenp'et ns'a gwen / t'ong soma goenyen ns'a gwen. Shin bi goed'emen / Goemai / buk gu doe t'wot / gu rang nye yi. Moe nyet mûen goe mûen t'ong yir mûen t'ong shin / uh / nye rwop / k'a goenye goe. T'ong dam goede goe t'ong poe goenye. T'ong tang sharap / moeshak yi. T'ong mûen t'ong goe shin gwen goenang / nyet / d'i sek. (???). (???) buk t'wot gu shin bi goed'emen nni. Moe rang nye yi. De gu rang goe dok poeb'it yi. Dok gu nd'e t'ong gu sh-- / gu nd'e toe ntyem. Mûep t'ong k'wal mûep yin kai / Goemai a gu-- / uh / mûep goe hankali gwen ndoe mûep. Mûep Goemaihoe a / mûep a gurum / uh / moed'emen sosai. Goemaihoe a / mûep a gurum moegoe ilmi. Goemaihoe a / mûep gurum moeshin poenoe kaza. Amma nd'asoenoe buk moe buk / moe kam nk'ong. Goemai / moe buk moe doe / doe moe t'wot / moe rang nye / de moe shin / bi goed'emen yi. A De / uh / yil men goe d'ong yi / yil men goe ba yool yi goebi goe dok poeb'it yi.poenoe. Dok de men / mûep / uh / moegurum men moet'el goet'oor men dibit. Yong T'ong toe mmaar men.d'ong la moe t'wot t'ong / amma men de mûep t'ong wul t'ong toe mmaar menhoe. Goe ees a haas. Moe yong mûep moemp'ang. Goe ees haas goe ba nni goe poe ni. Man goe nd'yem nzam goe / maar. Sool goepe goe lap nd'e / goe war goe poe ni nd'ennoehoe. Lap sool =hok k'ool / ba goe-goe shin mmuk nni. Yi wa ru / ni yool mûaan / goe maar men yi / lap sool =hok k'ool / ba goe shin goenang nni. D'emde jap mûep ma goepe mûep yûûl / mûep d'e t'ong she zak a bi she. A nd'ûûn sool goepe mûep wul doe maar maar nzam goe / jap =hok mûep lap a ni / de mûep mûen yi goe-goe yok goe-goe k'wat sool / bi she mûep nni. Mh. La goe na goe ter goe ya d'em d'i ma / ba t'ong d'em / ni kat doctor muk t'a t'ong. Mh. Ni kat / ni ba / uh / ni t'ong engineer. Mh. Ni t'ong ko=goenang. D'a ba ma yi 'a / hen dok la wul t'ong doe maar maar nzam nwa / uh / nzam goepoe noe mu-mu? A nd'ang goe ba goe t'ong a poenoe? Ba A goeb'ool toe kai.goe t'ong nd'ang? Goe ba goe t'ong goeb'ool mukhoe a? Nyegoepe / goe / goe / ba goe t'ong goebyet. Nkwa dok goe n- / men Moek'wo / goepe t'ong goe p'et zak goe d'yem nd'ûûn zam =hok / goe maar yi ndoe ni. Bi goed'e muk t'ong shin nd'ennoehoe. Shin ni ba. Jap men / Goemai / t'ong nda / ndoe la / poenoe / t'ong p'et / t'ong de-goe de-goe mûaan goe shin ndoe bi / de t'yak goe goe pya yi ba. A bon. Mûep / d'ai. D'ai. Mûep Nd'asoenoe--./ uh / goed'ai / goenyang zam. Mh. Goe zem a mmoe? Mûûr mu? Mh. Goe nyang / uh / bi she goe man / goe zem a mmoe? A A mûûr.mûûr. A bi goe s-- / goe toe. Jap men leng t'ong mûen yi / goesampe. To / la gama / uh / moebi she =hok / goe wul d'emt'ei de-goe doe nlu goef'yer / goebi nJos / kuma goe mûaan goe wa goe ru nAbuja. Shit =hok wan. Mh. T'ong goe wa goe kat nda goe ba a? Ba Yes / ba goe ya--. Mh.goe kat nda goe / kat b'ak ya d'i nzam. Gu maar / p'as t'a t'o. Mh. Shit wan. T'wot / uh / uh / shin ndoe ni. Yo goe d'yem / gu maar ni. Bi goepe hen t'ong kat / goe luun / t'ong b'ep poe goe. (???) gu mang gu tang shit =hok nni. Ai / ko la goe nt'ong a nnang / shit la wul / moegurum goe nd'e d'i / mûep t'ong d'a yong goe. Amma nyang ba / nyet lu / doe p'et lang b'ak mpe nnoe goet'oor mbarki t'ong mûaan yi. Ru lu / wa nni / de goe kat a / s'oe. Sai shal. Nd'asoend'ennoe / sai shal kuma / nye mûes. Mh. La t'ong yool / nlu doe lang / bi goeshin muk d'e ba / sai a mûes goens'wa. Mh. To / la wul doe t'ong / t'ong s'wa a mûes. Nza-- / nda muk d'e t'ong mûaan yi nzam nlu. T'ong shin a de shin bi goed'emen. Shin bi goed'emen. La t'ong / t'ong / uh / la / shin bi goe kirki a? T'ong goe kat a nda goe. Aha. Mh. To / nyegoesek / a k'wal k'em / goepe t'ong moe kut. Doe moe nlu hok. Ni jap men goepe mûep nyet lu / t'wot b'ak mpe nnoehoe. T'ong moe kut kut ndoe mûep. Ba / goe ya de nda / goe p'as la t'a / d'yam ndoe nda goe / de goe maar yi ndoe ni. Bi goet'ong kat muk goe luun / t'ong ma- / de ma la kat / yen ma goe k'oom / eep / ndoe bi poe goe / de goepe t'ong goe shin goe k'a sak. Yes / to. Eep loet'uk poe goe. Mh. Sai yin to / goe t'ong mmak / t'ong goe mang a sh'im goe mûaan nni / uh / mPort Harecourt. Mh. Mang sh'im goe mûaan nni nKano. Mh. Mang sh'im goe mûaan nni nSokoto. La goe mûaan / mang sh'im de goe mûaan nni / ai / d'e t'ong / sool =hok ba wa nd'ûûn liju goe. Mh. To / goe na nt'at ndoe b'it lo-- / goe ma gurum goeshin shit. Mh. La goe nyang goe shin goesek / t'ong d'a goe ma gurum goeshin shit a? Kwai. T'ong goe shin shit ma goe. Mh. Hen man kem / goeshin shit d'e d'i / goepe la wa / 'a / t'ong / t'ong nyet goe ba ai. Mh. T'ong / shin / uh / la na goe / goe nd'e / goe shin bi goed'emen / la nde goepe mûep t'ong p'ûan zak t'ong poe goe. B'ep goe yir s'a goe ni. Mh. To / la goe yir s'a goend'ennoe / goe s'oe ntyem goe ma goe k'oom / goe s'oe ntyem kûût p'uur. Amma la goe nyang goe shin goesek / t'ong shin a de / goe b'oot goe / goe / goe / t'ong / nyil nt'it. Mh. To / boet'ong goe t'ong nyil t'ong ma goe. So / nyegoesek Goemai / moe yong gwen. Moe buk moe ya nlu. Moe t'el k'ek sem. Moe / k'am / sek / goe k'wal. De / moe k'oeleng k'wam sem yi. De moe k'oeleng d'ûe sem yi. De moe lap d'ûe sem yi. De moe t'wot de moe shin bi goed'emen. A A ni toe.ni toe. Moe Moe gode.gode. Mh.
• Interlinear Glossed Text • Utterance view