Text view

MatWo

Recording date1999-02-04
Speaker age51
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Goend'ennoe a aram k'a ndoe mat goefe ni nd'e nlu mis muk. Mûep d'e goeshak ndoe mis hok. Ni na goepe mis hok zem yit muk nt'it goebi yit moejar muk yi ba. Ni t'ong rang bi goeshin muk wan. Yool t'ong doe mûaan de-goe kat ndoe gurum goe mûalak de goe shin ûen yi ndoe de mis doe goe zem doe yi sosai goe nyit-- nyang yit sharap hok. Goepe ni goe uh mûaan goe kat goe gurum goed'ak nn-- gurum goe mûalak nnoe. Ni yin bi goeweel doe na nd'e. Doe wul de kat gwa de gwa goe k'at doe yi nni. Yin a mmoe weel pa toe a? Yin bi goeweel ji toe doe toe doe zem de mis doe goe zem doe goe ma moejar Nyegoepe mis doe poe k'a muk ndoe sosai goebi mmuk moejar doe yi mou. Gurum hok yi t'ong ji b'oot ji goe shin. Amma ji goe shit goepe t'ong ji poe pa de pa goe shin yi nkyem. De ji tang ûen hok yi ji poe pa. De pa goe wa yi goe poe mis pa de goe zem yit pa yi goe ma moejar pa nni. Pa t'ong b'oot goe shin shit nnoe a? T'ong doe b'oot goe shin. T'ong yi b'oot goe shin shit hok a? To bi goet'ong shin yi toe yi na t'eng goend'yemnang k'us ndoe loet'uk lu gwen. T'eng hok goe ndoe wo goef'yer nt'o d'i. Wo hok kuma d'e t'ong t'an moemai yi mpûe mpûe. T'ong shyen mûep. Bi goezem noe de yi shin yi nd'asoenoe mûaan yi tang falak lwa de mûaan yi. La yi kat wo hok p'et nt'o mang falak lwa nnoe yi lyak nni. Yir nk'ong goebi yi wa nlu. B'it k'un de yi ba zak-yit ba doe yi kat ni tang falak lwa mûaan nni goe lyak ni zak-yit. Yir yit bi yi wa nlu. Bi goepe la shin ndoe yoe man boeyi luut mou. Ni la boemûaan doe b'em yoe ma kede yi luut ba. La boemûaan goede k'a yoe har nlu man yi luut mou. T'ong ru har mpin yoe man yi luut mou. Moor bi yoe. La shin wa ru poenoe yi t'em yi poe hen de hen man bi goeshin noe nyoe de wa yi goe poe mis yoe. Mat hok lap yin t'ong doe b'oot goe shin. T'ong yi b'oot a? T'ong doe b'oot de-goe shin. Yool mûaan goe-goe tang falak lwa. P'et mûaan mpe goed'e wo nnoe. Wa doe kat wo hok ns'een p'et t'o. Wo goebi t'ong yool b'yaal yi de muk. Ba goe falak lwa nnoe kûût lyak wo hok nni. Yir yit muk wa bi muk. B'it b'ep shin b'it k'un p'et mûaan ya d'i goe falak lwa zak-yit doe kat wo p'et nt'o. Lyak falak lwa hok d'i p'et bi muk wa. Goe-goe ba nde. Wo man ni. Wo yool b'yaal de muk yit mou. Lyak falak lwa nnoe. Wo k'wal shin ndoe bi ndoe ni ba. Goe-goe wul nde. Wo t'ong ter doe de muk duk har wo t'ong haan sek muk. Luut ba de ni k'oerek bi goek'wal mis hok yi goepe gurum hok k'wal yi kede boeluut ba. To ba goe doe kat wo nnoe. Wo mûaan goe shyoot se-- sh'e muk. Wo mûaan goede k'a muk har goe-goe ru nlu muk. Moejar muk mûep yi hai mûep yi wo mat nd'e nshin s'oot yi. Mat hok shin s'oot. Ni moor bi muk. Wo nnoe wul t'ong doe t'o har mpin muk. To mb'itlung har p'ûûs t'ong goe sûûn yi kafin wo yool wa Mat hok t'ong shyal ni. Ba ba bi doe. Mûep ya s'oot leng nk'a mat hok. Mat hok mûaan goe kat gurum nnoe. Yin gwa na fa wo nnoe bi doe har mpin doe. Moejar d'e t'ong k'wal yi shewa doe goe s'oot. To gurum hok yin ba yi ya d'i t'ong wul de ji na. Gurum wul doe na nk'a sûûn ns'een kat wo hok ru t'o mpin mat hok. Mat hok t'ong pat sek wo yi. T'ong mang wo hok yi. Shin shel ndoe wo hok bi muk bi muk. Wo shin ndoe bi ndoe ni ba. Wo nnoe goe-goe yool de-goe wa. Mat hok shyal ni har pûanang ba ba bi doe. Sai gurum hok k'wal yin to shi ke nan yin ke pa shin d'ong. Yin pa na yadda goepe pa shin ndoe wo nnoe pa na yadda goepe pa shin ndoe wo nnoe wa yi goe shin poenoe ndoe mis yoe. Yi poe mis yi duk I mean dip bi goezem Bi goepe ni la zem ni yi poe ni. La yi man goepe mis yoe la mûaan la jik nzam wa zem la haam goed'wang tang haam goed'wang hok yi d'u d'i nni. La wa ni kat d'e d'i a yi toe toe nni Ni la goe zem la shat la "k'ur sh'e wan" tang la hawap yi d'u sek b'et nyap yi d'u d'i nd'ûûn La wa doe kat t'ong war bi mmuk s'oe t'yak muk pya. T'ong zem yoe t'ong tab'a nyet yi ba. Mat hok ns'een wa goe-goe shin poenoe. Mis muk kuma zem ni ba nyang yit sharap hok yi. Zem a ni kûût. La shin goesoe mis hok zem ni mis hok zem ni. Goepe mis hok goe zem ni lat mat hok mûaan goe-goe t'em poe gurum hok yin bi goeshin doe daidai poenoe. Yin pa shin poenoe a? Yin mh. To yin ûen Ji goe ndoe ûen goepe t'ong ji poe pa ba. A ûen hok toe goend'ennoe goepe pa goebi ladabi yi goepe pa shin ndoe mis pa. To a boelat ûen hok toe Bi goepe pa goe shin Pa poe ko-mmoe goezem wo nni wo zem pa yi. Pa t'ong shin a poenoe de mis pa goe zem pa To a boelat k'wal toe Lat
• Interlinear Glossed Text • Utterance view