Text view

MB_Autobiography_part2

Recording date2006-06-17
Speaker age65
Speaker sexm
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
Unu Unu min atiduma tsekapaikin danantan. Ha hawen ain baken pixtxakax akin natiu pakawen axian. Hanua beden nuxabaina paka kedumawen tetxakax akin tenanbainxinadan. "Ah, pemaki", ixun. Ha ibuan bitanun, ha ibu bexun. Hanu dabes mai wanibuki nun hiweanudan. Hawen dabes mai watan. Nun beyunibuki, unanyamaidan, beidan. Ha haska iyuama. Ha betxitan peubidanaibun Ha Yaminawa txibanbainabu. Unu xeki buduya paxkuki maxkitan ma pekekawan xekex xeaibun kexenibukiaki. Xekex xeaibun kexexinabuaibun. Unu buxianki kexekunbainxinabuki. "Ma buxianki bukanwe", ixun, ha Yaminawa axian, dabe mai watan, nuku iwenibuki. Iwekindan. Unu manan tana, mae betsabetsapa kena ipauniki Xunya Yusini napaidan Unu Tsanuya pukeidan. Matxi keya hatia mama mapetan manan tanaidan, manan tanaidan. Unu nuku bitxinibuki Txana Xubuwenan. Ha Txana Xubuwen nuku bitxiabu nun hanu dakayuniki Hanu dakai, ha Yaminawa hatu akima hakimatankatsi, ana nun kaniki hawendidan. Ana hawendi kaimaxun, ana ha hiwekainya ikama nedi depi hiwexun. (Pi,) ea hiwetanyutanibuki en ibubunan Pikin, yawa kuin axun, pikin, mani hamen ikai, mutsa axun akin. Isan bixun, hayabi mutsa axun, akin. Watani ana ea iweyunibuki. Iwek Iwekin Kinka Ubiwen, ana nuku tewenibuki. Hanuxun yuinaka ewaska en tsakakin tae waniki, madidan. Atsa xubu waxun, madin tsakaniki. Hanuxun madin tsakaima. Haska Haska wasnuixun, hanu en bakeixta, hanua en yume haidaniki. Xeamakindan, tamankindan ixkin tsakakindan. xubu En En xubu waxun, madin Kuma tsakakindan. Betsabetsapa tsakai, hanu en namihankeduakabiniki. Diez añunan Hanu en haskanun ana ha hanu kama ha Kinka Ubi Txana Xubu pukekaun Tintibidin inikikai. Hanu hatia mama mawanu nun iken. Hanuxun en kukan nawa atxiniki. Hanu nawa atxiniki, nun nawa hayamadan. Nun nawa uindiama haidakindan. Hanuxun en kukan nawa atxitanima Tintibidin inia nun dakaken Hanu nuku aniki nawan betxikindan, Tintibidinanudan. Ha tinti Tintibidianu en hatube hiweken Hawen nawa Remihio inun Rene a Yaminawa itxapa buxun nuku nuku uintanibuki Nuku uinkin, nun hiwea, nuku uinkin. Hanuxun ea anibubin kenakindan Remihionan hanuxun ea kenakin Manuel hamaki ika Pepe hamaki Mario haki ea ha wawe en iniki Remihio ea kenaniki. Hanuxun ea kenanibuki nawan kenakindan. Hanua ana ha Tintibidianu ikama. Hanua nun nedi maikidi hunun badi. Ana manan tananbain unu Txakamae nun iniki. Manankididan txupeya manankididan. Hadi en ikima hadixun, na en yuiyai keska wakin. Mituxun pikin, Ha ika katxa nixpu En En ibudan nixpu pia unahaidai, ea Nixpu pia pakadin Txidin unahaidai, ea Hadia txidina a betsabetsapa xinabaun nuku besimakin Besi hiweabun, bakeixta daka mawanama ikaibun uin mawakin. Hawada maneibu xinankin En En waai, Hanu hati daki badi en hiweyuniki Hati daki badi en hiwea Ha nuku nabu kemubu maikidi nawa iwanai txibanbainima <<wip>> xun un Unanti akunbainimaxun, "en hanu ikai", iki. Xapuya texexakan hiwei. Hanua maikidi kexai, bai txaipa wa hiwei pisia tasuatun. Hanua ixkinya tasuatun hiweibidanaibun. Hanuxun en kukan xinaniki en kuka iwatunan Purichunan. "Hanumaki, hatu besti haskama, tua inunkawe", ikidan. Mixkia tasuatun nuku imaniki. Mixkia tasuatun nuku ima, hanu nun hiwehaidaniki. Mixkia tasuatun hanu nun ika. Hanu en akai uinkin. En En ibuan, "peki, tsuan nakemain, hau habe yumenun, hawen ainbe, hawen inunwe," iwanan. Ha pui yuitana en atxin yunuakikai. En En ain ea Na habe en hiwepakeaidan. Na habe ewapama en ainyabiani na habe en hiwepakeai. Ha yuxabunun, ea, en anibuaidan. Hanu en habe ea hawen be hawen puibei itsa wakin ea habe kueta n nabu en habe iniki Hanu habe hiwea. Hanua bake bake wama en ha kuma tsakaxun pimakin en daisdan. Ha kuma tsakaxun en pima en dais huni ea pia waxundan Hawen xubu waxun mituxun pimakin. En En wai Hanua ha nawabu habianudi nukuki nukunibuki, nawabun bin wai buibumadan. Nawabun bin waibuma nukuki nukuimabu obtabio inun crolleo inun udayadan. Habun bin wai buimabu. En En hatu Bin Bin tsa unankindan. Hanuxun ea nawan sabi waniki en bin tsadan. En En hawen tapunki axunxun, en hawen ibu tsabainabu, Nun aidan nuku inanxanai dabanen, due xestuixta(n) besti nuku inantan. Ha mabu nuku hak haki padannan dayamaxian Hawen mabu maikidi at adutana padannanai Ma ea yumetsuanki iki. Sinatanikapai hunebaini hawen mabu bunibu. Eskatian nukuanu texunisbumaki. Txani txakabainibudan. Ha hanu en ainyaima en hiwea hanuxun. Daya xiadabu en tapiniki. Bai wa unain. Hanua mima wa en unain tepe dewedan. Pia dewe en mawaai. Hanua en atsu waxun en mawaai. bake bake [bake bake] Bakeixtatuna en [Mi(n) mawai] En kaneama bikindan. Tepe dewe kaneama bikindan. Dasibi yaix hina kaneama bikindan. Haska beseaibu anu ikaibun Bedu metsa inun dasibi hawen pabinki ninkanikadan. Haskamiski bakeixta unanuma ha mapai ninka ninkakindan Hawen bakeixta betsadan ninka bia hawa Haskaken ea dasibi ea tsuan ea tsuan yusian en Ha miskia tasuatunxun hanuxun en epa mi Milton hadukun nawa medan iwanimaxun Ea hanuxun tana ea tapinmaniki. Tanadan hawamen sumar hati tanakunbaintidan. Hanua itxa wati ea tapimaniki itxa watidan hawamen mu murtipricacion. Ha ea tapinmaniki. Hakatxu [en] paxkati ea tapinmaniki, menos [a en] sustraciundan. Ha ea tapinmaniki. Ha dabe ibubis en tanabainakai, en xinanen [tanabaidan] tanabainakai, maistru ea yusina waniki, ibubis en biniki. En En maistru bika Ibubis xinanbainkin, nawa kaai uinkin, quenta keneai uinkin, atan. En En Ha en [Ha en] En En haskawen taexun ea anibu en mia yuiai ninkaidawe. Hanua ha tana ea tapinmakin. Na nawa nukuanu dayaibuima yukakin hi yukaikin. Hi dainbainkin, "nadan hawa himen?", waa, "haki". Mani pei wakin. "Nadan hadakidimen?", "haki". Bimi xeakin nakain "nadan?", "hadiki", ea wakin. Ewapama haida ea tapimakin tae waniki nawan a Castillanu inun portukes <<wip>> wen akin ea yuikunbainidan Dasibi haska en tapin hiweken. Ana maikidi haida txaima ana ikama tua "ana inunbukanwe", ixun. Kuntaanu ea iwenibuki. Kuntaanu nun huniki. Hanu nukuki Kin nukuniki. Ha Kuntaanu hui, [aaa] pen ikimaxun. Nuku itanabu huii bexun nun bai waniki. Hanu en bai wakin tae waniki. Bai wadiamadan. Hanu bai wakin tae wakin. Tawa bai waxun en mibaniki. Atsa wakin mani banakin. Hanu en ainya, en habe menamediama. Hanuxun hanu itsaska badi kakin habia anuxun en ain <<wip>> betan en bake waniki Hanua en ainbe en bakeyaima ea kainxundan unanuma ea yume waxunama Txipax unandiama daka bake waa. Uinbain yume wamis. Dabebubukin ibubis. Hatu pexa hawaida mawaniki. Hanu hiweadan. Hanu en bakeyai taeniki. Dasibi bedunanbu eki kaxeniki ewapamatun en bake wakendan. Hawa daya unandiama inun hawa [mi en] yuinaka ewapabu tsaka unandiama. En En bakeyaken eki Eki kaxeaibun, en haskamaken, ha en hiweaki. Ikis en ainbe en hiweaki. Habundan, ain hene hene pa wamisbuki, eadan, Haska en hiwea. Hanu en hiweken. En En txaidan xanen ibudan Hatun danitximekauni ea yume waidan. Hatun ibu waxun ha mapaii nawa ea yuixunaidan. Haska en txaibe en hiwea. Ma en ak aka uinmis dua Ma ea yume wakin inun haska en dakeisma inun en mixinan uinmis dua Haskawen taexun. Kin huima. Ea dukun katukin tae wakindan. Huni ewaken ea katutibiaken. En En bakeixta En En bakeixta En En kuka dukun katukin tae Kin ma uke Pucallpa yadidan kutxa habe istudiai kanundan. "Tsua en iyuai?", ikaya, hadukun katukin tae wanikiaki. Hanu Kin nukuki nukuniki. En En mia txakaai Kin nukuki Uke Inbida nukun nabu brasil a betximaima haudi bui keyuaibun Nukudikabi nun kataniki. Hanudan en kinse anodan. Hanu en kinse ano en katanniki. En En kaima Unu yaminawaya tasuatun en baxikutaniki maikididan. En ibu idan en ibu ainbu ma huai itani en huniki Hui, ha buka pretoanu nun itxa itxai keyutan nun Ana haska nun hiweamanan nuntadi nawayaki nuntadi heneyaki. "Txintunnankanwe", ixun. En En kuka xanen ibun puricho Habiaudi hiwebiatani hui, ana kudanja hawen nun huima. Nun Nun hiweken. Ma Sisedio, merkanudan, Sisedio inun a nukun nabu madinawa ma nukun hatu benamatanima Nukun hiwe namakixun data pixun data matxin-matxin atanimabu. Mania iwanimakiaki, nawa nuku bena bawanimabukiaki, nukube hiwenun, ka, huaidan. Hui iwanimakiaki, ikai, nun mananun. Ana ma beimabuki iwadan daki yuiyabu ikidaniki. Iskal inun Kin huidan.
• Waveform view • Interlinear Glossed Text • Utterance view