Text view

MB_Autobiography_part1

Recording date2006-06-17
Speaker age65
Speaker sexm
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
Peki en ibu ea ba watan Hene debukixun ea ba watan. Ea kainmatan, ea imakunbidana, mia yuinun, ninkawe! Nenu na nun hiwea Purus inun Curanjawen nun hiwediama Uke badia paxku a ma puya debukia mapuya paxku debukia en en kainikiakidan Ha mae kenadan en xenipabun kenakindan badixa ini wapaunibudan. Badixa inianua en kainikiakidan mapuya paxku Ha ea kainmaxun hadixun ea hiwetana. Ma en haskadatanai. Nedi mae betsa, mae bena watan, txaka maeanu ea iweniki. Mae kena Mae kena xiadabuwen ea hiwetankunbidana mia yuinun kunbidana ninkaidawe Txaka maeanu ea iweni, hanu ea hiwemaxun. Hanu bakeixta daka mibi beni. Hanua katxa nawaibu uinkin, hanua buna waibu uinkin, nixpu pimaibu uinkin, ha ikawaibu uinkin, uinkin ninkakin. Waai en hiweken, ana hakatxu ea mae wanibuki. Hanu ma en ewaduakabitanai, ea mae betsan mae waimabu. Hanua betsabetsapa en tapiniki Buxkudunti ikaibu, buxkudunti ikidan. Katxa nawai yaix hina txan akaibu, ninkatan. Badanku pesketan senketan, katxa wa tadi bakemixtinbuya, nawa katsi mawakindan. Na ewabu nawamis mawakin nun uinmisxun. Yaix hina txan anikapaikin katxa biana metan. Hanua beyusi imisbu mawa xiadabui hanu en hiweyuniki Hanu bakeixta unanepadaka mibidaka hamapai hamapai xiadabuaibu en xenipabun hatun beya hamapaiaibu uinkin bikindan Hanua maei ana mae betsa <<wip>> wen ea mae wanibuki Hanu en txitxi hiwea. En En txai inun en txitxi hiwea, en hutxi hiwea, en xanu Hanu hiweken en kuka en kuka iuwatun txai haida txai haida bai wawaniki Ha mae kenadan Xudupadidin. Xudupadi bai wawaniki. Ha bai wawani, buimabun. Hanu en txitxi hanu medibi hawen punyanu tuku ni pexeima. Hanuxun nuku nukuxununiki hanua mawaniki Hanua mawaya, hadi mai wakatsi ikama. Ha Ha Xudupadianu, bai benanu beaya. Nun txibaniki. Ha [hukinuku] en txitxin beiaibun txibaina. Huidan. Ha ha kexake a mawaidan bixikania inun tunku inia xadexumanua ika bekindan Mae betsa bai hatiuma waxun henedibu napaidan. Unu xankan inia pukeidan. Hanua unu tada tadaya pukeidan Txai haida awanibudan, unu atimas bitxiabun, hatixundi nun hikiniki. Hatxundi nun hikia hanu n e nuku mai waxunibuki en txitxidan Xudupadianunan Ha xudupadianu nun huima, hanua en mentsis haidaniki. Hanua ewataskakin, en kukabun ea tanitximexun ea tsaka yusinibuki. Xankun xubu waxun, hawen maxkun hawen Belisario ea yusinkin. "Dei huai mia amanun, tsakaxanwe", ea waniki. Ma hanu kespin pia en unainan, hanua pia waxun ea iyuwabu. Dei huai txaima xubu txidawai kawen katsi Awe ea wa ninunbain en tsa tsaka peke peke ikaya "Peki", benimakain bixun mexaxun beken. En En ibu yuikin, "txipin, en daisinan ma dei axuki", "Eeee". [Ah...] En txai xuixun inanbu mawamaxun piniki. Nun mitsankin tae wadan nukun huni ewabun pikin tae wamiski dekuyatunan nuku hawena inankin ki kikaidan Nuku haska wamisbuki. Ha ea haska wamaxina haska haska wasnun ixun Xubu heneama, ha Xudupadi anu hatidaki en xubu manibaunaki, hanua en yumenidan. Ha xubu wakindan, bestitxai bimi xubu wamadan. Niwan xubu wakindan, xebum xubu wakindan, madipaxkun xubu wakindan, senu xubu wakindan. Xebum kapan bexa xubu wakindan. Madin atsa xubu wakindan. Txaxun ati xubu wakindan. Xeki xemexun xubu wakindan, kunta datuxun xubu wakindan. Dasibi bimitibi en xubu waniki, hanuxunan. Xubu unankin tae wakindan. Tsanas tsakakin, madi tsakakin. Haskadan en iyuadan en hutxidan en habe badan Hatun ea tanitxinmexun ea tapinmahaidaniki en hutxinan Hanuxun ea tapinmahaidakin. Nukun ibuan xebun datuxun nuku xubuaxuntana. Ha mesti kama ea iyuxun. Ea xudi axunkin, dei axunkin, bixtakuma ea axunkin. Hanua hawada hudu en mawaya ea matsan aka. Ana en mawama tsauken. Hanua tsanas huai atan. Nun huaya, nukun ibuan nuku ika. Xo ikaya, nun huaya, nun midima tetsunbainaya nukun benimapauniki. En En hutxin ea Hanu ewapabu en tsakadiama, hatu dukun ea yusinkin, tae wakindan. Hanuxun ha yuinaka pexemixtin tsakakin en beyawaya Hanu en hiweken. Ana hakatxu bai wanibuki. Ana hakatxu bai waimabu hanu ea mae ea mae waima en dakanun En ibu nedi nuku nabu xuku betsa nu ku nabu xubu betsa en kinka ubikikai a xaxu paduya xadexumen Mae txai waxun. Bai Bai txai waxun yunu banaimabu ha nuku nabu pidakanunan. Tama wanun ixun ea xununbidanibuki. Ea xununbidankin en ibu en ibu huni inun en ibu betsadan Hatun haki en ika ainbu pixta besti. Eki, haki baxitan, beimabu. Na en txai anibu inun en hutxi anibu inun en xanu yuxabu. Hatibu nuku xunubidanimabu En En kuka inun Belisariodan ha en xanu hawen Hanua en atxi hawen kena Menuani. Hati nuku baxibidanimabu, nun dakaken. Nawa txipetantankin. Yaminawa txipetantankin. Nukudainbaun, un unu Kinka Kinka ubi inun Txana xubu hunuxun. Buanxun nawan nuku dainbain Yaminawa tsakatanimabu Hatu akin, "en matun tadedi mape ikai. Ea manakaibukanwe", hatu waimakenkikai. Hawa nun unanma nun Yaminawa yui nun sai nawa tatima hiwea Paxatibiaken, nawa tsakatanimabu nun bai kexea dakaken. Ha en ibuan "tama wanun", iwanan, ea xununbidan, nimaken. En En xanu inun en atxi Menuani Hadan en bakeixtadan en txaibe en ibunanan, nikenan Eusebiobedan, Eusebio ea nimadan. ha en ibu ainbu inun en kukadan ibu ainbu tadayaki baka waibuabun Hanua mexumexui haskai nawa kexeken. Mexumexui ui sasa ikaya. "Txaitan, mani binun ea manayuwe! min hamemen kati". En "En "Kayamanawe", ixun, en txaibe en nitiken, hatu mesti bua. Nawan hatu aniki. Yaminawa hatu tsakaniki, nuitapa wakindan. Betsa pixtxakax axun, betsa tsakatsaka akunbidankin. Yumen bemaki beti axun. Hawen xutxianu paspiwen tsaka tsakakin min tsekatiduma wakin Hanu ha beti awaniki. Haska waken, en kuka baka watankin. "Hania", en aniwadan, "hania?", iwanan, en txai yuka, "natian mani bika. Huamaki Ma Yaminawa aw awanaki Uintankanwe haskadamenkainan "Eki, Yaminawa kepu mexuxeni. Kepuya xeni eki pia bika benikunkaunaya, en teku ixuki. Yaminawa nuku aka", wanaki, "Uintanwe", aka. Hawen baka kepinbaini. Habias damapaikatsi. "Hawai ba wama, haskakaina ikidaka", ika, hantxa txakabu Binya buabu. Ma meken buxka [baki] badi hikituxiabu. Ha buaibun siete badi kakin betxinikiaki. Hawen xiwati uke paxku debudi besuadakanun Betsa baitanaki baitana ki kepinbidana "Eee, Yaminawa hatu akaki. Na hatun xiwati mania." "Ah, pemaki, txanikananwe", itan. Uinbidanikikai kaxakunbidanaibu. "Ikunki, Yaminawa hatu akaki ua kaxakunbidankanai", nun inun. Bei hikitan. "Yaminawa hatu abainaki. En En atxidan nedidi bai tanai hawen Hanua betsadan hawen ain baken hawen ukedi kapukainaki Paxku hawen kena badakuaya, badakuaya debudi kaki. Mexukidi nun uinxanun, txanibutankanwe! En En txain hatua benibuki txani Beidan, yamenapun bin dakua nixinunbunan. Unu katxa nawai pepei. Sai sai ikaibuanus ikai, sai Hadan benimakani yuikika katxa pidan, tama wai Katxa pi sai sai Hatus sai akunbaina. Na habia en ainen ibu, en kuka, pui kaxun ninkanikiaki. "Eee, unu sai ikunbidankanai. Un [Un] unu nukun maekidia nun hui, maekidia, sai ikunbidankainai", "Hawa txakamenkain, ninkanun", ika, pen pen ibain Ha en en xanudan Awakextuwanidan hawen kenadan Ma Awakextuwani Yaminawa axukiaki hawen ain bakebedan Menuanibedan ika "Ah, pemaki, uinnun", ixun en ibu, hawen ibuwen taea aka dabanen. Hawen ibuwen taea, hawaida hatun kadabina hatun badadan bitan. Ha betsabe, hawen Manuelbe ikidanikiaki. Mexumedan ibidanabu, xanen ibubus katukutan, pubenbus Uke Kinka Kinka Ubiudia Ubiudia inun Txana Xubudia katukunbidankanidan Benunbun. "haskadamen?". "nawan hatu awanaki, nun uintanxuki. Hawen xiwati mania nun uintanxuki", ika, "uinnun", ikidani. En En ibu huni enwen taeakikai, hadukun hadukun bebuidan, mexumedan nixinunbunan. Hadan en bakeixta en ibu inun ainbun ainbun inun en txain ea hubuan Hawa unanma en uxadebuaken. En En txai hantxai penaxinaki Yaminawa "Nuku deteyamawe, nun hiwetidumaki. Nun hania takutimaki, nuku deteyamawe", ikakikai. Unu Yaminawa hantxawen ixinunanpena. Penai ma du dunku inun ituxinibuki. Hi itan, sai sai itan, hi "Ha ma bekanai", inunbun. "Hati yuxin bea kuxibaunai ninkawe", mia wabin. Unu hemaintin tidin anunbun <<wip>> bida Ha na txaimakea ituxinibuki dunu dete ikikaidan. "Unu maxu detei", ikabu, "inun yawa xea dunu detei". Sai sai iki, hi bema "Ma bekanikiki", unu ma ni mexabakeakeduakabinun hikituxinibuki. "Min uinyankain?", "Yaminawa hatu awanxinaki." "Ah uinnun, yamabu iwanxinaki". "Aidakatsikeska hamen hameinan", itan. Xabakeakeaya ibainabudan. ua txaima dunkebaintanabu, tete pei bekean dakanikiaki en xanudan. Txitxi [Txitxi) Txutxu mamaki tsakakin, min tsekatiduma Kaxun, en ibu ainbu, kaxun aniki. Bepukin exbepukin, "ea uinwe ikama". Tsubikain tin ixian. Exbepukin, dakukin pe waxun, hawen paspi tsekapayabudan. Ikamaniki. bu txupakidankidainan. Nasapaiabudan ikamadan. Hanudan, "ma en nuebe añun", yuikika, nuebe
• Waveform view • Interlinear Glossed Text • Utterance view