Text view

92c

Recording date2005
Speaker age72
Speaker sexm
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
nihʔii <<wip>> booboo3ouʔu nuhuʔ honohʔoehihʔoʔ Ne'nih'ii'ce'boobooxu3i'. Ne'nih'ii'ce'iini neyeiheeneti3ou'u. Ne'nih'ii'ce'niini'ihi3i'. ne'nih'iice'ini'ihou'u. Kookon nihʔii <<wip>> heenei <<wip>> ʔoonoo3itoohuniʔ ne'nih'ii'ceecebiiheti'. Nih'iikookoxouhti3i'. Henee'eehek heeneene'ino' nuhu' koxouhtiinootno? Nih'eenei3ihkoho'oekoohu'. Hee'inowoo. Hee'inowoo, kookon nih'ii3i'. 'oh neihoowoe'ineebe nuhu' niibootno. hoonii nehe' Joe, heenei{nii}siitenowoo. Hoo3iihi', hoonoo3iihi', ne'cih'iisiitenowoo nuhu' niibootno. Nihkou3iisiitP nih'eeneisiiteneihiinou'u. Hoowuuni... xonou hiihoowuusiiteneihiinoono. Niiceh'e3towuuneihiinou'u. Noh nuhu', nuhu', nuhu' hinono'eitiit, nuhu' nih'oo3oo tohuubeete'ino', nenee' henee3oo' nuhu', heetneeneisinP neeneisinihiino'; wo'ei3 neeneitP, nih'eeneisiini, tihceeceitoonetino'. Nih'eeneiseeP hoonoo3itoohuno'. Nee'eetotou'utoo3i' nuhu' tei'yoonoh'o'. Hookeciihihi3i', nuhu' wonooniii'oo3i' noh nuhu' hookeciihihi3i' tei'yoonoh'o', nuhu' wonooniii'oo3i', xonou nih'eeneti3eihi3i', nih'eeneisiitenou'u nuhu' hinono'eiyeitono, hinono'einiihi'. Heetbii3ihin, wo'ei3 nuhu' heenei'isiihi', nih'eenei'towuuneihi3i'. ciibeh'iibooboo'ei'. ciibeh'iiP ciibeh'iiP ceebeh'iiboobooxun heiteh'eihoho'. Wo'ei3 neeneisiinokotiinee, heetih'ini niini'iinokotiinee, nih'ii3i'. Neʔnihʔiiʔiini neʔnihʔiiʔ <<wip>> bebiiscehʔe3tonee3iʔ nuhuʔ neisonoo noh neinoo Nuhu' neeseh'e, hiniisonoon noh hiinoon, nih'iibebiisceh'e3tonee3i'. Nih'iinih'oubei'ee3i'. Hoohookeeninee, neeneistoonee, nih'ii3i'. howoo nuhu' hoseihoowu', tohuuP toh'uunokotiinee, hiihoownee'eestootiin, nih'ii3i'. 'oh nihniiniistiini'. nih'iiwonko'ohee3i', beenhehe' hohootino'. nih3i'ookuuhee3i', ne'nih'iitniistiini'. Ne'ii'ciitenowuni' [hi]touwo. Neʔiiʔ <<wip>> niibeiʔiniʔ 'oh neih'oowoe'ineebe niibootno. Nih'iibeteeeni'. Nih'iibeteeenoo. 'oh neneenit nih'iibeteeet, nehe' Joe, nih'iibeteeet. ne'nih'ii'niibeit. beebeebiiti', nihniiniibei'ini'. 'oh neih'oowoe'ineebe nuhu' niibootno. Neʔnihʔiiʔ <<wip>> niinihʔoubeihiʔ Heihii, he'iicxooyeiniihi' ne'ei'towuunee3i': wohei heetniitookooyeinoo nihʔiit nehe ʔ neesehʔe Joe Waterman Wo'ei3 neneeninoo, ne'ciiteinoo. Nihwooneihini'; 'oh ne'iini nihtotou'utoonoo. Nihno'o3oo' ciitoowuu'. Nihnih'onee'inowuni'. Wonoh wonoh tohuuhuunokotiino', nih'iit. heih'oowuunokotiin. Woow hee'inowuno', nih'iit. Woow heneene'inowuno', Tohuunoonoʔotoxuuhetiitooniʔ nihʔiit henee3nee toototouʔutoonoʔ Nih'eyeihce3ei'oot. Nihcihwonceitooneinoo. Koohoe'in toh'uunokotiino', huu3e' noto'oowuu'? Hee, nih'ii3o'. Hee, nih'iiyooyoohuno', nih'iit. Hee, nih'ii3o'. Hihbeexuuciinee'eenee'eestoono. Neniihenee'inowuno' hiiwoonhehe', nih'iit. Neneenino', neneenino', woow hee'inowuno', hee3ei'neebeteenoo', ciitoowuu', nih'iit. Nihi'iinokotiino'; neniihenee'inowuno' woow, nih'iit. Woow nee'ee3e'inowoo nuhu' hoseihoowu'. Noh neih'oowoohP neih'oowoohu'uunokotiibe. Heihii tihʔini beebee3iisiiiʔooniʔ nih heihii neʔ <<wip>> heeneʔinowuniʔ Wohei, nih'iit, noosounee'inowoo Wo'ei3 nuhu', nuhu' touhoo, noh nuhu' hinono'ei, toh'uunokotiino', tohuuceecebetino', nih'iit, Hiibeexuciinee'eeP nee'eesoo. Nihʔii <<wip>> kookohtowutoonoʔ nihʔiit Hee, nih'ii3o'. Howoo neneeninoo, hee'inowoo, nih'ii3o'. Woow tootou'utoono'. Tootou'utoonoo hiiwoonhehe'. Neih'oowoe'in heeteh3i'ookuunoo, nih'ii3o'. Noh beebeet nee'ee3e'inowoo. Nuhu' nihii nuhuʔ hinonoʔeitiit neneeʔ henee3ooʔ Nenee' heeneisiiteneihiinoo'. Xonou nihʔiih <<wip>> eeneti3eihi3iʔ nuhuʔ hookeciihihi3iʔ teiʔyoonohʔoʔ Xonou nih'eeneti3eihi3i'. Nih'oxou'ei'oo3i' toh'uusiitenou'u nuhu' nih'eeneiseeneti3eihi3i'. Nih'oonoxou'ei'oo3i', wo'ei3 nihbi'P nihbi'siisiice'ihcehi3i'. Kookon heenei'isiihi' nihkookonohoekoohu3i'. Ne'P ne'nih'iisiitenou'u. 'oh hiiwoonhehe', hoownee'eesoono' nuhu' wonooniii'oo3i'. Neeneiniisooni3i', hoowuuni. Hiihoowei'towuuneeno'. Hoowoe'inowuu nuhu' hinono'eitiit. Nuhu' hinono'eitiit, nenee' henee3oo'. Niiyou nuhu', niiyou nuhu' ceitP nuhu' hinono'eitiit; nih'ei'towuuneihi3i', hookeciihihi3i', nih'eeneisinihiitooni'. Hih'oowuuni. Hih'oowniinih'oubeihino'. Nihbi'ei'towuuneihi3i'. Nihbiʔ <<wip>> xouuweiʔtowuuneihi3iʔ Hih'oownisikowuuno' heenei'isiihi'. Nuhu' heetniisiitenow. Hih'oowP hih'oownee'eestootiin. Nih'ei'towuune3P nuhu' heetnei'towuune3en nuhu'. Nuhu' heesiseet, nuhu' nihii, hunee woniitenoo. Hetce'ceixotii.
• Waveform view • Interlinear Glossed Text • Utterance view