Text view

92b

Recording date2005
Speaker age72
Speaker sexm
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
Beebeet ne'nih'iibeetei'towuune3enee nuhu', nuh'uuno, nuhu' ho'eii, Howoo nuhu' toh'uunokotiitooni', nih'eeneinono'eitino'. Nih'eeneinokotiino': wootii nuhu' touhoono' noh nuhu' hinono'eino' tohuunee'eeseeneinokotiino': nihcoʔon <<wip>> cee nihco'onceeP kookon nih'oononinoo'oono'. Nihcoʔ Nihco'[on]eeneinokotiino'. nih'eeneinokotiino'. nih'eenetino'. Heetneeninoo, nih'iinoo. Heetneeninoo, heetno'oteihinoo. Hiiko, heetneeninoo, nih'iit. ʔoh neʔ <<wip>> nuhuʔ neinokotiihooonoʔ neheʔ Joe JoeWaterman nihʔii <<wip>> coʔoniini hiinokotiinoʔ nuhuʔ touhoonoʔ Nihco'onnoo'oenitP, cavalry, nihco'oneenit. 'oh nihco'onneeninoo, hinit hinono'einiihi', nihco'onneeninoo. Nihcoʔon nihʔii <<wip>> yeihonouʔu Nih'ee3ebcoocobo'. Nih'iinoniikoheinoo huu3e' nih'iitoo3i'. Nihnoononiikohetini'. Ne'nih'ii'ce'bii'iihetini'. Ne'nih'ii'ce'iyihooni' hito'oowuu'. Ne'nih'iitP tih'ehwonbii3ihini'. Neʔnihʔiini kookon nihʔiih <<wip>> eenetiniʔ nih'iino'oehi'. Wohei he'hiinoon nihnottoneit, wohei heeyou heetniinokotiitooninoo? nih'ii3P Neʔnihʔii <<wip>> ʔeiʔtowuunoot heetbeniiineniininoo Heetneeninoo beniiinen, nih'iit. Neʔnihʔii <<wip>> ʔeiʔtowuunouʔu howoo heetneeninoo beniiinen Noh heetniini neneeninoo nuhu' uhh, nuh'uuno ceebini, ceebini, nih'ii3ou'u. Niih'einooku3i', heetneeninoo, nih'iinoo. Nuhu' nihii, wohei, nih'iit. Heetniineenit. Ne'nih'ii'ceecebeti'. Nih'iiniinii3inowuni'. nih'iinenou'u nuhu' kokuyono. kookon nihʔii <<wip>> niiniistiiniʔ Nih'iiceecebetini', seesebeyoheini'. Wohei nuhu' woxhoox noh nuhu' bexo, nih'iiniisP nenee3i', wood, nihi'neeP ne'nihi'iini honinoo'ooni'. nih'oowucensineni'. Ne'nih'ii'ce'koheini'. ne'nih'ii'ehce'yih'oono'. Neʔnihʔiiʔceʔ <<wip>> <<wip>> koʔeiniikoheit Nihce'yih'ooneinoo. Nihʔiih <<wip>> eenesoohobeiʔee3i hiinoon hiniisoon tihP nih'eenesoohobei'ee3i'. Nii'itoonee, nih'ii3i'. Nuhu' woxhooxebii, henee3neeni'eihi3i', nih'ii3i'. 'oh heni'P nenee3i' nuhu' bexo, nihteesihcehi'. Nih'iicebkoohuutiini'. Kookon nih'iikoo'ouute', nih'iitnooxeise'. Neʔnihʔiiʔ <<wip>> censineʔ Kookon nih'iisibihcehi'. Ne'[nih]'ii'ce'koheisihcehi'. Ne'nih'ii'ce'wo'wutokohuno'. Ne'nih'ii'ce'wo'wutokohut. Neʔnihʔiiʔ <<wip>> heeneis <<wip>> iini heʔiicxooyeiniini neʔiinni Wohei ce'nouxoneti'. Nih'iiP Hiiwoonhehe' heetneeninoo, nih'iit. Heetniiniibeinoo, nih'iit. Hee, he'eenei3ootinee3i. Hee he'eenei3ou'u niibootno, niiniiniibooto'. Kookon nih'iibeebeteeenoo. Kookon heenei'isiihi'. Kookon nihnoonoo'eicehinoo. Ceeceenihcehinoo. Ne'nih'ii'noonoo'eihcehinoo. Ne'nii'ceeceno'oonoo. You, Ne'nih'ii'niiboono'. Henee3 <<wip>> neeniinihiʔneekuutonoʔ Niixoo nikP niixoo nihceeceenihcehit. kookone'eikoohut. He'ihP nih'iiceecebiihetini'. Kookon, kookon nihii [t]ouwo, nih <<wip>> ʔoonooʔeixotiiniʔ Nihbiibiineti'. Nuhu' 'oh hooyootow, nih'iit. Nuhu' hooyootow, nih'ii3o'. Wote'eno, nih'iibiino', heenei'isiihi'. Noh nuhu' nuhu' kokiyono, nihbiibiineti'. Nuhu' hooyootow, nuhu' hooyootow, nih'ii3o'. Nih'ee3neeni'i3ecooni'. Howoo nuhuʔ nuhuʔ nii niiniihencebkoohu3iʔ nuhuʔ heetneeninoo Heeso'oot nehe' no[to]tii, nih'iit. NihnonouhtonP Nuhu' nihnonouhtini'. nihcowo'oneinoo. Ne'nii'cihce'cowo'ono'. Heeso'oonoo, nih'iit. Hiiko, neneeninoo heeso'oonoo, nih'ii3o'. Hiiko, nih'iit. Neneeninoo ceebe'eineeso'oonoo, nih'iit. Nih'iiwoo3ee3i': heihii neiteh'eihoho', nih'iiwoo3ee3i'. Hu'un nihii koh'eihini', nih'ee3neewoo3eeni'. Nih'iinokotiini'. Nih'iicenbih'iyoo'. Ne'nii'heeckoohu'. Nihniinih'oubeihi': Xonou biih'iyou'u, hiice'ce'eeckoohu'. HeihoowP hiihoowuunokotiitoon, ceenbih'iyou'u. Neih'oowuceh'e3tiibe. Kookon nih'iiP nihi'neeniinokotiini', heenei'isiihi'. Kookon nihʔii <<wip>> woniinouuhuʔ nuhuʔ hohootinoʔ Nih'iinouuhu', nihcih'oowuceno'ooni'. Heet <<wip>> cenoʔoo3oʔ neheʔ heetcebiseet Ne'nih'ii'cebiseet. Ne'nih'ii'cih'oowuceno'oonoo. Hiit ceno'oo3o'. Nih'iinci3eti'. Kookon nih'iinkuu3eti'. Kookon nihʔii <<wip>> tootoʔobetiʔ Nih'oononinoo'ooni'. Ne'nih'ii'iini ciintooni'. Wohei heetneeckoohunoo. Woow biih'iyoo'. Neʔnihʔiiʔ <<wip>> 3ebooxoo3nihʔoniinoʔ ne'nih[n]o'eeckoohut. Nihniinih'oubeihit. Hee3ebno'useenooni noto'oowuu', ne'nih'ii'niinih'oubeihinoo. Xonou huut b{en}ee3iinikotiineehek, hiino'usee'. Hiit xonou, hiit cihce'eeckoohu'. Nihneyeineeneihei'ee3i'. Biibeeno' niinsee3i'. Heetnoohowoonee hii <<wip>> heʔiiteihi3i toonheiʔiihiʔ nihʔii3iʔ 'oh hoowuuni. Neih'oowuu3owoteebe. Heihoowuu3oobeibe, nih'ii3ee3i'. Niinentooyeinee. Siihoowuuni. Hoowuuni. Kookon hoowuuni. Hoowuuni biibeeno'. Hoowuuni, nih'iinoo. Heihii he'iicxooyeiniihi', heeneisiii'ooni'. Neʔnihʔiiʔ kookon nihʔii <<wip>> heeneinseeniʔ Neʔnihʔiiʔ <<wip>> niiniisoʔoonoo Neneeninoo, nihco'oniisentP hentoonoo noto'oowuu'. Nihniihenbiibii3woohunoo.
• Waveform view • Interlinear Glossed Text • Utterance view