Text view

35d

Recording date2005
Speaker age75
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
**** wohei. Niine'eehek neh'eeno nii'eihii. Nii'eihii Ne'ni'ii3oo3i' niine'eehek neh'eeno ho'eii. Niiwoteihei'it. NiiP niiP ne'niibootiini'. Wootii niiP ni'iihowoto'oonoo' niiyou nuhu' huune'etiit. Wootii he'etneen hini'iitiino. Heni'nihkotiiseenoo' niiyou nuhu' huune'etiit. niiyou niiyou nuhu' nenee' huut betee, wootii heenoo niiyou beteneyooo, niiyou betee, nenee' niinouutowuuni nihkotiiseenoo'. WotP heetP heetniini nee'eesoo' niine'eehek, niine'eehek nehe' nii'eihii. Nii3i'okuuto' niiyou, niiyou nuhu' huune'etiit. HeeneesP heeneesinihiitee', heeneesinihiitee' niine'eehek niine'eehek nehe' nii'eihii. Nih'iisiini heenei3oo3itootou'u hinee beh'eihoho'. Niine'eehek nehe' nii'eihii. Honoot, honoot kooxhonoot ne'nii'P niine'eehek nehe' nii'eihii. Beebeet, beebeet nih'iisiini nouutowuuni, tohP tohuunoononoo'oot. He'bi'niiseti' nih'iisP nih'iisnoononoo'oot. Wohei he'iiP he'iico'ouu3ih'o hinee beebei'on hinee heetiiyoo3oo' hinee hoowu3oow. Hinee hehP, niine'eehek nehe' nihnee Huu3e' beebei'on hihcebe', nih'iitohP, ne'nii'noohobeihiinoo' hinee beebei'on huu3e' nenee'. Heenee3e'einoo' heeyouhuu. ToonP toonP, toonheesookut niine'eehek nehe' nii'eihii. Wohei niine'eehek nehe', niine'eehek nehe' nii'eihii, heesiini, heesiini, nih'iisneeniitouuhut, tohP tohuuwoowoteinoonit, wootii tohwoteiho'yootiini'. He'etneen boh'ooo. Niine'eehek, niine'eehek nehe' boh'ooo. He'etneen niiyou nuhu' nenee', niiyou nuhu', niiyou nuhu' biito'owu'. Heeyowuuni, heeyowuuni, Beenii'owuuni', 'oh niiP niino'useet, 'oh ne'nii'niitouuhut. Ne'nii'howoto'oonoo' nuhu' biito'owu'. Hi3oobesiihi' niine'eeno' nuh'uuno neenP neeneine'etii3i' bisiihi' biiseeno'. Wo'ei3 heeP heeneisiihi' siisiiyeino' wo'ei3, wo'ei3 neeneine'etii3i' nehe' hi3oobesiihi' ne'nii'hoonowoto'oo3i', ne'P ne'nii'bisisee3i'. Totoos hu'un, totoos niiyou hu'un noubeeno' wo'ei3 hu'un niiP niinih'ohu3i'. Ne'nih'ii'hoo3niiP noonoohobeihi3i'. Nehe' boh'ooo, ne'no'useet. Wohei nehe' ceesisoo'; ce'einiine'etiit; no'ookoo3oo'. Ne'iini ne'iwooyoo'. Wohei niiyou nuh'uuno nih'iisiini, nih'iisiini tonouneet huutiino, huutiino, NiinP Niitoonoo'ei[xo]see3i' niine'eehek nehe' hinono'ei. Nenee' ne'hoononobetouuhut niine'eehek neh'eeno nii'eihii. Wootii niinohkno'useet niitP wonooyooni' hiine'etiit. Nii3hoonooko'oyooni' hiine'etiit. Niiyou nuh'uuno howoo niiyou, niine'eehek nuh'uuno hiii. Ni'iiP nih'eenei'towootou'u niiyou nuh'uuno heenee3einoonit. Wo'ei3 ne'P nuhu' ne'niibei'i3i' niine'eehek nuhu' niiP nii3i'okuutonoo3i' nii'eihii ci'ni'ii3eihi3i'. Noh nuhu' niiboot, 'oh nuhu' niiboot, 'oh hu'un niiP niitootonouneihiinou'u. hoowno3oyoono, hoowno3oyoono. wootii wootii cenihcei3i'ooP cenihP cenihP cenihtonouneihiinou'u. XXX **** wohei ne'iini ne'i--ini P niine'eehek nehe' nenitee ne'-nei'towoot-o' toh-ne'-ni'i3ecoo-t Wohei ne'ni'owooteihi3i', 'oh ne'beteenou'u wo'ei3 nehe' beeteet. wohei hi'P hei'beteeet. Noh ne'neyoo'uut. Noh tohneyoo'uut, 'oh niiyou nuhu' nee'eesiini, heesiini. Nohceinoonit. **** Hiiwoonhehe' totoos 'oh... Hiiwoonhehe' niiP neeP neenei3eineekoohu3i' niine'eehek nehe' woo'oteeyou'u. He'etne'nii'hoosoot, hoosoonec. Wootii ne'P ne'nii3etouuse' niiyou nuhu' ciitoowuu' niiinone'. [te]he'etneen. Wohei ne'hiitiino niiyou nuh'uuno beteeneixo'ono, neeneisiini. Neeneisiini woow, woow ne'niitP neeyou hinee niixooxoono'uu, wootii neeneisP ne'nii'hoonowuut tei'yoonoh'o', tei'yoonoh'o' wootii he'oonowuuno' heeneinikotiino'. Wootii toh'onobee' hiine'etiit, he'etne'neen. Nenee' Ne'P, ne'P nehe', nehe' nii'eihii ne'nih'iistonouneihit huutiino. Huutiino toh'etP, tohuuP tohuubeebetoootiini' wo'ei3 heeneetoh'oonoo'eixootiini'. Howoo, howoo teesiini hoonotowooyou'u, ne'nii'P ne'nih'ii3P tootonouneihit howoo. Ne'nihcih'oonowoto'oono' niiyou ni'iini'i3ecoono'. Niitootooxuwu3ecootiini'. Nee'eenee3eihit niine'eehek nehe', nehe' ho'eii, niine'eehek neh'eeno, niine'eehek nehe' niiP nii'eihii. Heenee3ookuhut, heenee3ookuhut wootii heenee3ookuhut wootii nenei'oohobeihit... He'etneeno niiinono noo'oeniihi'. Neeyou hinee teesi' wootii 3i'o-, 3i'okP 3i'oP, heniP Wootii heetceneeteeyoo', heetceneeteeyoo'. Neehii3ei', noh heetko'einiini, koo'eino3onohoe'ini' hee3P he'nihoonko'eino3onoh, hinee hiisiis neneenit. 'oh niiyou heetohceneeteeyoo' niiyou nuhu' hono' nenee'. Hiiwoonhehe' nee'eesoo'. Nee'P nee'P nee'eeneecxooyeiniine'etiino' niiyou noosouniini, noosouceneeteeyoo'. niine'eehek hinee hiisiis, hinee noosounihooneihit. Wo'ei3 3ebiicxooyeiniihi', 3ebiicxooyeiniihi' he'iitnei'i, he'iitnei'i, he'iitnei'i, heetne'iini noo'uune'etiitowuno'. noh no'uune'etiitowuno' nuhu' hoo3itootou'u. Ne'ii3eckuu3oono' niine'eehek nehe' nii'eihii. Niiyou nuh'uuno. NiiP, niiyou nuhu' wonoP wonotoyeic. Niiyou, niiyou ne'nihooyoo'. Ne'nihooyoo'. Neehii3ei' 'oh ne'P ne'P ne'bo'3onoot. Niiyou nuh'uuno hono', heetne'noh'unoo'oo'. Heetne'P heetne'P, heetne'noh'unoo'oo'. Noh neene'eehek hinee hiisiis, heetne'be'eihit. Noh heetne'iini niine'eehek nehe', niine'eehek nehe' nii'eihii, niine'eehek nehe' nii'eihii heetne'ce'no'useet. Ne'P heetniini, hinee cihcenohoe'einiihi' heetnee'ee3no'useet. Noh heetno'xohoot hinee, hinee houu heetno'xohoot. Noh heetP noh heetP heetne'bee3P bee3iine'etiitooni' niiyou nuhu' hee3e'P niiyou nuhu' huune'etiit. Ne'nih'ii3oo3itoo3oo3i' nehe' ho'eii HeetP Heetbisneenee' hiiwoonhehe'. Niiyou nuh'uuno, 'oh hooyei hoowoe'ineihiinoo. Kookon wootii beni'P beni'P beni'P beni'tooto'obeet kookon, beni'neeniibootiini'. Hiiwoonhehe' hinee, hinee, hinee nih'ii3P nee'ee3neeniihi' hoonookonoontoo3i', woowuuno, hooyei, hooyei hooweentoono'. Noh hiiwoonhehe' beenhehe', beenhehe', beenhehe' niineyeiciiteteebeihi3i', niine'eehek wonooniii'oo3i'. He'iitnei'i, he'iitnei'i ne'noyootiiniihi' 'oh heetih'ini, heetihce'eene'in[on]eihiinoo'.
• Interlinear Glossed Text • Utterance view