Text view

SocCog-YUZ108-1

Recording date2013-08-28
Speaker age41/40
Speaker sexm/f
Text genrestimulus retelling
Extended corpusno
Javascript seems to be turned off, or there was a communication error. Turn on Javascript for more display options.
ya ya okey ee beki pablo tishilëj pushishti dibujo latisha paja dyajuchap tëpshë bëjtaptila ana dibujoy lëtta lëtta pankishti a ya lëshepcha pandyërëybati tëpshë bëjtap ati anij mmj tabubybula tindyujuchap anaja kassë asamaj aja anaja tütü amesay jm anaja apalantu mamlaj anaja amuchilanñu kamla tëpshë mas bëjtap ati latish anaja kandyërërë mudyërë anaj mamuy an liwi massu anchij mjm lati awëshëwë tütü an biejito jm latisha anaja kawshi kassë ka kassë latiji asamaj mjm latisha anaja maj mapakka mudyërërëbëlaj anchij mjm tëpshë mash bëstap bëjtap ani tütütij kantëpshëj ajumëy ana kusu kantëpshëjtërij kantëpshë lash anaja ajaraja mjm latisha anaja asibëj asibë anawja apalmaw chamawtij tëpshë mas lati imejmesh kalawshüti mandyujuti buybu mjm mj tëpshë mas amashkuta anij amashku ipantalu tütü lay na biejito siripsiriba apantalusej y nish biejito tejteñuy edij kusu biejitolaj shunñe shunñelara nish bëjti naj së mas kosa latijti bëjtap latijti latijtila bëjtisëj ba tëpshë bëjtap ani jm mm mmj mjm anaja soldawtij mjm kajanwitatij chinelaw kamanwitati chinelaw kamanwitaj naa kusu nijta jere mmj chinelawla nij abëshë ij kajan ana abëshëj anaja kankayati kankayati amaja kankaya nish anaja kankaya ana tënna tëpshë bëjtap ati anaja kankayashta anaj mmj a <<bc>ya> ka ati dyaju anasej otte aropaja tan naja apoleraw apantaluj apoleraw achienelaw achi asapatuj kamandyujutij kamankatij latish anaja re resibiti amumij mj tëpshë mas bëjtap nish aa asapattu anuj të karselchi litütü choko jere tëpshë tëpshë bëjtapse lam achu ineli sibbëy litütüshise mmj nentay atchi litütüy... anuta mjm anaj karselchi litütüla kus atchi yupishtalitütüla atchiyala lam apalanta achu waycha anara waychash ipolera iropa litütüsse mjm nish jmisapatu lachaj nijtala lëmmuy ayta ajajonñuj bajsio tësëj nish iapattuj benej benemne latiji kusu chata <<bc>mmj> tish tiya ya nish nish atiya litütüy achamala uchta aa pillëtü y an an bebbaliw ana ashay muebleñu tütüw kummë ati asegura naa amumi ittati achamayla achi nish ottocha kutara mj mmj alla komo enkarselao litütüllase porke anash yupaja lijwaya jm kajammala abëshë mmj kajammala abëshëlëj polisia kajammalatij jm nish anaj nish anu mache kundye litütüjtij anaj apalanta latiwyala tëpshëj tëpshë apalanta nish kusu palanta kusu ittaw planta choko itta jmpolores polores la mjm latijtija ati ba atijti bëjtap ottej jm tëpshë bëjtap ani mmj karselchi litütü posay <<bc>> litütüya inel sibbëy inel litütütij litütüsse mjm alla ananñu bentana anchi mjm toyoj anajtibëla achatanñu mjm toyoj toyojmala otte bëjta lus latish anaj kantëpshëjtë ayoyotonñu na anaj ayoyotonñubëla aja an mallëlëj tütüti ani anaj ati bushujti latiji nummaj aa adyindyi tütü adyij ishëwi litütüsse litütüsse arepenti litütü benemnesh waycha waycha mjm waycha waychash dyitaj latijti bëjtap latijti latijtijala bëjtatuj anija anaja anayja tëpshë bëjtap ati ish aense choko jere aensesse amaj kandyërërë anaj kandyërërësse tëpshë dyajubë aa aaj madyoltiye al ij madyoltila ujay madyulti atanti anaj aja anaja kudyojlo anaj kusu anaja enamoray ush chika anchij alla abashtikuta abashti anaja anaja kudyojlo achee ë yokkoshela tej mmj alla achutaj alla alla ana ta dyaju naa flechanñuj mmj anaj katütü aytaj abebidaj abebida anaj lëmmuy malawshë mantütütij adyolti itanti <<bc>aja> tütüti latish ani chittu latiji lëta mapëlë ani mapëlëya ati ati ensu bëm awariente a awariente bëmë awarientej y eso katütü bëla awariente anaj katütüla aja na seta layjbël ana lachamatisha ani anaja seta adyoj adyoltil anaj atijtija jere atijtia choko jere latijti bëjtap ati mjm mjm ottej baj anija tëpshë bëjtap mmj mmj demandawla aja ani y irepunaja amashku tütawnaja irepulaj enkade irepu enkana atewi enkadenaw enkanadnaw tütüti tütün naj ajanaj amaj kandyërërë anaja an yeeja an yeej kandyërërëtij a nish ani bobo anu anu timbë bobo naa abashti muta ashmutayla otte anij a porke ani bobo abashtise tënna y achee abashti kalaboboti latishbay anaja anaja boboti ani jm latish anaja deklarati amashku idu amashku bobotilaj ë atijayjlayu aja ani ana ana ani a amumilaj atiyla pablo abbaj a abba boboti demandaniti demandaniti kandyujuti jues lash an polisiaja malawshë tütü malawshëwëti latiji tëpshë teremtë tërëmtëwla tërëmtëwla anaja ma liwiwcha ijuadernu matütüwlaj mmj arepenti tütünaj ana <<bc>aja> abba nentay an señora maj mapakkaj maltratao atantij otte kalaniritij pëlë jere latijtija otte latijti ba ani tëpshë bëjtap ana... mala abashtitina lëtta mañu kabliwti mjm kundye mabliw taliji kubliw sej may mabëshë ma maberdura kabliwbëla komparuja baliw latijira mmj lash anaja kati benemnesh katütü lay katütü lay lëtta lëtta biejito aberdura mjm mjm kandyërërëj kandyërërëj mala abashtitinaj mjm lishudye baliw kusu maballatalatiji otte maballata kosechaniwja kose amalüya majukkulëjsha majukkulëjsha achamyla kutij tomate kabliwti mmj tomatera mj lati jere tëpshë mas palmaw lati aja mmj të llëmuy tëpshëjtërij kusu anajtiy amesanñuj aaa mjm kundye baliwla kundye kundye baliwla baliwla an shüü... tëpshëjtë atiyu amesashi mjm latijtijay jere baj ottej ani tëpshë bëjtap aa kanibë tëpshë bëjtap ani aensü yossese aensew laj lëtta yee kaensübëla yosse lëshuj anaj yee anaj yeej chama kadashata atta yee anij mjm achamayla mjm liwiw shunñew liwiw shunñew anij anaja kudyojlo ush an achsej mmj atijala aja atij ani arepenti mantütü bël anaj anaj malawshëwëj lachamash anaja ijashumash lishudye tütüsej aymë tütü aymë tütüj lash anaja aensebëlaj aense tütü latish anaj mata ipillë iñuñush tütü lacha adyolti tütüj mjm ana kudyërërëtij anaja nish nish kuya tütütij mj attay tanti kalatütüti aja mira bëmëla anij bënu tübbaliw mabotiyaw mabotiyaw lati jere atij atijti bëjtap ati kusu ...bëjtatuj attabëla sietettibëla mabotiya sietetti abotiya mabanaybëshü kontando bëmëlëbëla bëmëlë a ani lëshuj ani lëshew kuatro sinko seis siete ocho nueve diesti katütulaj diesti lachamatish sietetti mapëlëtij kusu dosetti bëm ensülaye pujpuwawnajala bëm esura puwaw najala alla anaja adyoj adyoltiy najala alla achee adyolti kudyërërëtij nan kusu atayta tütüy buyta kusu soriay atij yita jm latijti bëjtap yita latijtija ani tëpshë bëjtap mmj aberdura ij kantëpshëj la aberdura kosechalaj otte aballata ana aballatal aballata anij kaymalaj sa kawitassej ana asapallo matata katüj mütishta ani anaja abbaj anaja abashtij chamara mmj ajukkulëyj malayej ajukkulëyj winanij ajukkulëyj winanij majukkulëy winaniw mjm kosechawti itta maballataj kokow lay atiw kokolanuj mjm latisha anaj mateshelaybëlaj anchij ma majukkulëya majukkulëy ati ilolajtiw puyni majuyatij atilaj atila mjm lati pëlë jere baj tëpshë bëjtap ati ymmj polisiawj kabliw naja jm kabliwlaj latishabash kabliw an naj abashtija abashti wëwima benemnesh wëwima awëwin tütü tishi tütü anij latij atij ëshëbëj abashti bobo aa ana tëpshë tiwjaniti anñuj kaladechej kantëpshë lay anasej aa mmj awëw tütü maj awëwëlaj mapakka mapakka awëwë adyindyilaj señora abba kabliwtij mjm ana ashëtimmala benemnesh yoshosha kabliwtij ësh kabliwbë aa kusu ataytay ushtaj kusu abashti bobo aenseja abashti puedela bobonitij lam achu anipusupa tütasej mjm tëpshë anase nish tëbbëtij tëbbë kuti së atij kusu abtoiya arapa nijta ani ani irebe naa aëtëjñunñu ujwampuj ani maltratao shitij kusu bobo abba abashtibëla abashti bobotij polisia achamalaj aja alla chitta lati ana alla alla chitay latiji abotiya lati chittaj abotiya dapasaj lati wojowo latiji awarientej mmj ati katoro atira latilaj mjm ba anaja tëpshë bëjtap ati kuymalum litütü naja benembeshsej karselchi litütüsej aja ani kuymaluma aa litütüj ati ani benemnesh benemnesh ujtati ujta abentanajsh rejajshaj polisiaj lati benemnesh bobo ibobobo lijatütü latij anij ibobobotij at ati kuymaluma mjm mmj kade enkadenao litütü ati setay setay ushta lëshpënij chiw chiw enkadenao litütüssej nish puedelaj mjm kay anu benemnesh benm benemnesh awëwëtish tütüj nish puedetij mmj mapakka arepenti litütü adyindyi lati litütüssej atij ati alla kuymalum tütü ati alla <<bc>mjm> kuymalum tütü atij arepenti latiji abashti yoboboj malaja ñumiñumish itanti kusu chibichibish itanti aa kusu awëwimaj lëmmuy puja pujay latiji atantij alla achu kuymaluma lati na maj mapakklaj mapakka adyindyi litütülylaj arepenti litütüy latish bachej werewjewja anuta lipëjtu latijiye nish jmj mmj ani mapakka adyindye lissëbëla an arejaysej ati rejash lë lëshdede lissëbëlasej otte latijtija jere ba yitala tëpshë dulap ati tëpshë bëjtap ati aensesse anij nish attimu lay anuj maatëjñunñu benemnesh ana anuja kan ofresuchi ana mabebidaj mjm nish tijusu mutaij lash ana rechajsati anaj kan kandyujuti maestej mjm lash anaja otte a ëanaja ijashumash mapakka atento ujwaj kuymalumatij kusu anajtiy apii kusu apaay anaj nentay achamaylaj aja abisiya anaja adyolti ma ujwa otte acheej nish atata kusu atayalaj abontotin malati kandyuju kaliwajawe kandyujuchi este este ati kaliwajantuchij nish kusutij nish kusutij pujpuwa matütüy layj atiwla puj puwa bëm ibotiya tütümatütülaj puwa ijashumash alegre itantiw matütüwti achamalaj maasientoy tütüw maasientoylaj maasientoylaj tësë naa lëtta ani malajokku latiji mabotiyawj mapëlë maawarientej mmj latijtija jere baj tëpshë bëjtap ati yyy anñutin tësëtishaj puñe abashtisej lash a anij abebida tin tësëbëlaj puwa puwasej puwa abotiyatin <<bc>aja> tësëbëlaj kusu abba aensetij kaymalaychi ushta nentay anash ashëttim tësë amemej ibaston a ameme kusu atata at amemej atata ameme pëpë atij pëpëj aja shunñej otta abba puñetij itele latiji itele latiji latiji anñuj benemnesh mmj delishta naa anñu inelij maj mapakka ashëttimala naa seño mmj yita jere atijti bëjtap ottej baj anija tëpshë bëjtap ati yy mandyërërej jm amaj kandyërërë pëpëja tëpshë mandyujubë aa anajalaj tëpshë du tütü naa kululitay tëpshë mmj kusu nentay aensuj kantëpshë tëpshëjtëyuj anasej kusu achu aensi ushta mutaya ashmutaylaj nentay ashmutaylaj anaj piwayj konsono abañoj nentay abañoyaj lam anewetebeshisej karselchi litütü ush anilaj o sea karselchi litütüja litütüja ottoja mandyujuya amashku sufri litütütiia shinamaraj karselchij ottej mjm achamala ani litütü bëlsej mapakka arepentij kuymaluma litütütij an abontonñuj kalawshëj mjm abashtij kalawshëj chama latiji anij nentay otchewtij witaja mandyuju latji afamalia mjm ... alla atentu ujwaw alla alla atento kuybalima ujwusej limambuyta mandyujutij otte amuy amumij a ayta ashudyetel mandyujula ashudyetetina mandyujusej mandyujulaj kundye mandyujutij kundyete mandyujutij mmj pëlë latijtija latijtija latij jere baj tëpshë bëjtap ati tëpshë ujwa naay puynij aa puyniylaj imuchilanñu tësë nayraj ottej asibësh ottoja tësëjtë achutayuj jm atchiylaj mjm anajti naa aplnataj naa akoko isapshu ushta latiwlaj ottej pëlëy jenij nijta mas jere latijti bëjtap latijti bëjtatu atij kuymalum tësëti otte otte jmj dasha ujta ashachij latijtija latijtija latijtijalaj baj tëpshë bëjtap ati witasej aensej witassej ani kudyërërë ushtayej atta shunñeja kudyërërë ushtaj mjm latisha anij y tëpshë kankiajtë anaj aniyuj podejpuj mjm lati latishakankayatij witaja anaja lideche abbasej latisha bobo e boboshtatij a kudyojloshtasej miboboshti kutallaj alla ottej kamankachu apuñe aytaj achu mipuñishti kutasej otte iawar aense tësëbëla ana ieste tësëlaj mjm latish anaj benemnesh... tësëtchi lay atatalaj otte nish kalawshu matata mjm lash anyeeja maj mapakka dyulujta latiji dyulujta ashëttimam ashëttimam ashëttimam tësëssej tësëti abontoñutina a abontoñutiahaj aja binemnesh ashëttima daja bëlaj mmj yitalaj latijti bëjtap latijti latijtija bëjtatuj an ultimoy tëpshë bëjtap mmj lishudyej tëpshë kuymaluma tütü naama am ana mjm ani litütül ush karselchij aja ani litütüja ottoja anu kuymalumali malaja kuymalum litütüllaj wita kusu lëmmuy latij anchij karselsha kuymaluma achuta otte achamalaj otte ana witayaj anu ti tiresibishtu tifamiliaw tay ushta tibontonñuj tibi.... ijashumash al an atata lishudye kaymala an mjmkaymala an aëtëjñuj lash an abashtija kuraj kura ottolay ottolay asibëjshaj asibëjshaj mjm shopto agraday asibëjsha asibëjshaj asibëj jmj latijtija lash ani abaldenñuj tütüj anaja benemnenñu ako akokonñuj asibëj otte latijtija latijti latijtija bëjtatuj baj pëlë pajan pëlë pëlë tajantoro pëlë kuento otte tajantoro soniaj a eso fue
• Interlinear Glossed Text • Utterance view