Waveform view

YUC-TXT-BO-00000-23

Recording date	2015
Speaker age	45
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Le ba'aba'al ku ya'ala'ale' leeti' le ba'al ba'alo', wa leeti' le ba'al ba'alo', in woojel. in woojel xan jun p'íiiti' tumeen tene' je'ex bin in meentik le ka'ansaj ti le xoknáalo'ob ku taal tin wiknala' pues... táan in ~~wilike~~' ya'ab le... ya'ab le tsikbal tuuso'ob ku meenta'al bey tu yóok'sal le e'boobo' tumen le je'elo' juntúul bin yaanlaj bin juntúul chan nojoch máak bine', bueeno juntúul chan nojoch ko'olej bin beyo' jaan, chen ba'al bine' ka'a bin káaj u k'aj óolta'al le jboob ku ya'ala'alo' este... pues ku ya'ala'ale' chen bin máak ku jaantik, jach chen bin máak ku jaantik, chen ba'ale xiib bin ku jaantik, u pool tun bin le máako'obo'bey bin, chen bin leeti' ku jaantik pero ma' tukulta'ane' estee... wa xch'uup eeej... ku tsikbalta'ale' eeej... ku tskbalta'al beyo' es ti' bin jump'éel sajkabe' ti kajlaj tun bin le chan nuuk bino', le chen áak'ablajak bey, chen jo'op' u taal u chíinil k'iin bin beya' leeti' kenjo'op' u taal u súutul de k'aak'as ba'alil túun. le ken súutuk de k'aak'asba'alil beya' ku jóok'ol túun bin u páajtej bin máak te'ej yo' bejo'ob tun bin beyo', jeee esten le e boob túunoʔ leetiʔ pues kʔaas bin leetiʔeʔ jun chowak bin u tso'otsel u pool ke... u yíich'ak bine' chowaltak bin ke... u yookoʔob u kaʔboʔob bin beyaʔ laaj chowakyat bin u yíichʔak beey ts'okole' nojoch u tsʔaʔay le chen... la'a beetik tun bin beyo' le maayaso'ob úuchil ken... tukulto'ob táan u bino'ob ti' kaaj bin bey tiʔ le tiʔ esten le le u beetik u serviisioʔob ku yaʔalaʔal wey kanan kyuum ku yaʔalaʔaloʔ jeʔex bix teʔej ojelaʔan bin beyaʔ wa yaan u jóokʔloʔob beʔeleʔ pues leetiʔoʔobeʔ maʔach u chaʔakoʔob u yáakaʔbtal bin tiʔoʔob yóokʔsal maʔ u jaantaʔaloʔob tumeen e boob ku jóok'ol te'el yóok'ol bejo' jaan, tumeen le ba'ax bin je'elo' tak yáanal k'áaxe' de porsi deesde jóok' tu sajkab bin bey tu'ux ku kajtal bin bey tu'ux ku weenel bin beya' jach seguuro yaan bin u jaantik máak, jaan jaan, ka tun bin ka tun bin úuch bin ti' jump'éel fa... jumpʔéel fáamilia bin mpʔéel láakʔtsiloʔob beyoʔ ka bin binoʔob bin teʔej Chan Tsaj tun bino', táan bin u bino'ob te'ej chan kaajo' ba'ax túun bine' tu cha'o'ob tun bin u yáaka'btal bin ti'o'ob beyo' le uchik u yáaka'btal túun bin ti'o'b beyo', ku ya'ako'obe' es ke yaan kje'elel wele' ki bin ka bin tu beeto'ob bin u chan naayo'ob tu k'ab bin le che'o' ku ya'ala'a túun ti' le naj je'elo' áak'ab naj ku beetiko'ob tun le chan áak'ab naj tu k'ab le che' tun beyo' eee... ti' ku weenelo'ob túuni', beeta'an le naj je'elo' ti' u weenel tu láakal máak máax ku je'elel bey tu k'ab le che' bey ka'anlil beya' ti' bin ku ti' bin ku na'akalo'ob weeneli' tumeen le e' boob wa ka jóok'oko' pues seguuro yaan u jaanta'alo'ob wa kaabal wa yóok'ol bej yano'ob jaa... ba'ax túun meeta'ab túune' ka' tun beeta'ab le áak'ab naj túun bino' pues... este le chan láak'tsilo'ob bin je'el bino' tu biso'ob juntúul chan paal jaan, ka tu biso'ob túun bin le chan paal ku ya'ako'obe' pues... pues ku yaʔaik wal ku yaʔalik bin e máak binoʔ pues maʔalob waleʔ ch'up wey ko'on weenele'ki bin pues... ko'ox na'akal tu k'ab le eeej... che'a' te'ej tu'ux yaan le najo' ki bin, bey tun le áak'ab bino' ka bin na'ako'obi' chen ba'ax túun bine' le máak bino' paachachalaj bin ka bin p'áat te'ej kaabalo' ka bin u taal bin u yaawat le boobo' jaan ku yaʔalik bineʔ pajteniʔ e baʔaloʔ pajteniʔ e baʔaloʔ ki bin ju taal bin u chu'ukul tun bin le máako' jaan, chen ba'ax túune' esteee... koomo ke u cha'a'maj u tsoone' kex táan u ts'onik le ba'alo' ma'atáan esten u kíimil bin tumeen le ba'ax bin je'elo' tats' máan bin ku meeti u yóol le ts'oon ti' ma'atáan u kíinsa'al, de por si leeti'e'e ma' ts'áab ti' kíinsbili' jaan... ka tu yilaj tun bin le ko'olej bin bey ts'o'ok u chu'ukul bey u yíicham bin beyo' ka bin ka tu yilaj bin bey ts'o'ok u chu'uul bin bey le máako' lúub u ts'oon túun bin le máako', le le chan ko'olej bino' ka bin lechaj bin le paal te'ej ichil bin ich le naj bino' tu k'alaj bin le chan najo', ka éem bin u cha' le je'elo' ku ya'alike' -pues ma'alo' teen ken ts'onikech- ki bin ti' éem túun bin le óotsil ko'olel bino' ka bin tu cha'aj bin le ts'oon lúubsa'ab tumeen le máak táan u yilik táan u jaanta'ala u yiicham ka bin estee ka bin este... tu cha'aj le ts'oono' ka bin tu ts'onaj bin, tu tsayaj bin ti' pero, jach bin tu puksi'ik'al bin xan ts'aa'y u yóol le ts'oono' je'el túun bin ku lúubul túun bin le jboob túun bina' ba'ale', koomo pues bey ts'o'ok u yáak'abtal beyo', ts'o'ok u bin le k'iin beyo', ku ya'ake' pues mix ba'ati' - ko'ox vieejo - ki bin ti' u yet najl bino', ka bin te che' bino'. ooko'ob túun bin weenel te'el ich najo', ka bin sáaschaj bine' ku yiliko'ob bine' mix ba'al yaan bin te'el tu'ux ts'o'on le xch'uupo', mina'an bini', sáam bin xi'ik. ku ya'aliko'obe' - Pues yaan kséegerkko'on yóok'sal k-iliko'on tu'ux bini'- ku ya'aliko'ob bin, ka jo'op' u bin u séegertiko'ob biniko'ob tu'ux yan bin u yook túun bin le ba'ax bin binik túun bin beya' aasta tak bin u k'áab u chi' láaj choojnaja'an táan bin u bin u bey bin uchik u séegerta'alo' tak u k'i'ik'el choojnaja'an tun bin beyo' leeti' ku séegertiko'ob táan u chen ka tu yilo'ob bin u k'uchulo'ob ti' jump'éel áaktun tun beya' ku yikliko'ob jach beya' ti' bin weekel u k'i'ik'el bin le jaan, ka jo'op' u ya'ako'ob bine', pues ba'an tun le ba'axa' kio'ob bin si le je'ela' este si le jeʔelaʔ in waʔakeʔ maʔ chen kʔaakʔas baʔali ka bin ookoʔob bin teʔel ichiloʔ ku yiko'ob túune' ti' bin pekekbal le chan xnuk tun bin beya', chilikbal bin chan xnuuk túun bino' tu yilo'ob bin leeti' túun bin le súut bin bey de wíinikil beyo', chen ba'ale' ku súutul de k'aak'as ba'alil kuaando binka'aj u jaan máako' bey túun uchik u yila'al túun bino' eee... juntúul chan este... chan xwáay tun bin jaan, chan xwáay tun beyo' pues ku ya'alike', pues estee... pues ku yaʔalik e máakoʔob tuun binoʔ aaaj jeʔelaʔ si e jeʔelaʔ chen chan xnuuk bakaʔan ku yaʔalikoʔob bin jaan jaan,entoonses te'el kaj jtúun te'ej tu'ux úuch le ba'al túun bey te'el k'áaxil beyo' pues ka a'ala'ab pool wíinikil tun bin jach u k'aaba' le kaajo' pool wiinikil, bejla'ake' jach k'aj óolanile' Polinkin pero yóok'sal u pool le máako'ob sen jaanta'ab beyo' ka ts'áab u k'aaba' le kaajo' Polinkin pool wiinikil tun bin ka'ach u k'aaba' ka'achil bey túun uchik u formaar u k'aaba' le kaaj de Polinkin ku ya'ala'al beyo' tumeen ti' bin ila'ab bin le chan xnuuko'. jaan ka jo'op' u tsikbalta'al tun bin beyo' ka bin tu ya'alo'ob bin le máako'ob beyo' wa ka wile'exe' kíin juntúul kíim le k'aak'as ba'al yaan te'ela' ku ya'ako'ob bin. ku ya'ako'obe' -Pero máaxi'- ki'o'ob bin - aan, juntúul chan es ke leeti'ee' tu kanaj u jaante máak, tu sutaj u báaj de beyilo' tumeen este bin ya'ab k'aak'as kuxtal tu meentaj bin yéetel xiibo'ob tumeen bey bin uchik u p'áatal ka bin ojéelta'ab túun bine' chen juntúul chan xnuuk bin taak bin u meentik ba'ao'ob bin ti' jaaj, ti' túun u sutik le ba'alo'ob u jach senkech kuchmilo ka túun bin káaj u jaantik maake' le ka ojéelya'an túun bey uchik u yaantal le jboob ku ya'ala'alo'

Edit utterance

Text view • Interlinear Glossed Text • Utterance view • Help