Text view

YUC-TXT-CD-00000-12

Recording date2015
Speaker age38
Speaker sexf
Text genreprocedural
Extended corpusno
Javascript seems to be turned off, or there was a communication error. Turn on Javascript for more display options.
te'ej k'iino'ob bejla'aka' jach tu láakal ts'o'ok u láaj ko'ox t'aan yok'sal le ku ya'ala'al valoores wa a níib óoltik, a chíimpooltik le nukuch máako'ob wa maas úuchbentak ti' teecho' teneʔ bejlaʔakeʔ kin wilikeʔ jach minaʔan mix yéetel le kpaalaloʔon bejla'ake' juntúul paale' ma'atáan u tukultik wa yaj uch a tséentik ma bix a a nojochkíinsik ku pakʔnúunktik a tʔaan múun meentik baʔax ka waʔalik tiʔ tumeen bejlaʔakeʔ pues ku yaʔalaleʔ maʔ es ke le paalaloʔoboʔ yaan tojbeʔenil tiʔ leetiʔoʔob ma'atáan u béeytal a beetik ti'o'ob beya'. ma'atáan u béeytal a wa'alikti'o'ob beya' le ba'al tun je'ela' tu'ux taali', tumeen úuch ka'ache' le nukuch le maayao'obo' wa le nukuch jach taaj leeti'o'obe' jach ku ts'áaik u yóol u t'ano'ob máak, leeti'o'obe' chen u ya'alobtech paalech ma'atáan a bin te'ela' ma'atáan a bin, le ba'ax ken u ya'alo'ob tech ken a beete' leeti' ken a beetej je'elo' teche' a yuum wa a na'e' jach nukuch máako'ob ti' teech, teche' jach ni siquiera je'ex kin wa'alik ka'acho' ti' ka pakto'ob wa ka kulakech a wil u jaanal, wa ka kulakech a wu'uy u tsikbalo'ob, jach mix maʔ utsiʔ bejla'ake', táan u tsikbal a maam'aa, táan u tsikbal a taata yéetel ti' yan le paal kulukbal le paal ta tséelo', táan u cha'antik a wich hasta yaan oorae' ka chan kojiko'ob beya' xen te'elo' pal kech ti' leeti'e'e ma'atáan u bin. ma'atáan u na'atik ba'ax a k'áat a wa'al ti' chen a koje ku p'áata u cha'an u yich máak, a wet tsikbal beyo'. ba'axten tumeen yéetel tu láakal le ba'alo'ob bey ts'áaba' de ke le paalo' yaan u tojbeʔenil tiʔ leetiʔeʔka pʔáatak ta wiknal u yil baʔax ken a meentej u yuʔub baʔax ken a meentej u béeytal u u takik tak u chiʔ ka t'aanak ta weetel yéetel le máax ka ka t'aan kex wa ma' k'a'abéet u p'áatal u yu'ubo'. te'ej ba'al je'el jach nojoch bey bejla'ak yaan kin wilik tene' in wiliki' ma' tu beeli', ma' tu beeli' tumeen juntúul paale' jach k'a'abéet u chíimpooltik máako'ob maas úuchbentako'ob ti' to'on maʔ jeʔex kaʔach úuchoʔ chen máanakech tuʔuxak bejil ka máanakech ken a wil juntúul nojoch máakeʔ yaan a wa'alik ti' ma'alob k'iin taat, yaana k'as chan chinik a pool ti', yaan a chíimpooltik, je'el máaxak ka wil maas nojoch techo' maas úuchbe ti' teeche', yaan a a ki'iki' t'antik. en kaambio be'ele' ma', chen máanak le paalalo'obo' hasta ol u kojiko'ob le nukuch máako'ob chen máanako'ob tu tséelo' ma'atáan u tukultiko'obe' maa - yaan in wáantik le nojoch -nojoch máak tu'ux ka bin?- wa ka chan áante na'akal te'ej bej tu'ux ku bin wa yaan bej ka'anal k'a'abéet u na'aksik ma'atáan u béeytal u na'akalo' chen ku paktaʔal mix máak tukultikeʔ wa yaan u yáantik je'ex le je'elo' jump'éel ba'aj ts'o'ok u je'elo' bey tak kbúukintik knook'o'on bejla'ake' le xi'ipalaalo'obo' chika'an tak u bel u yiito'ob beya' ti' yaan u u pantalo'obo'ob ku ya'ala'alo' wa u jol eexo'obo'. jobon, hasta chojokbal ti' kin wa'alik tene' kin wa'alik bey ti' in, in paalila' maanal k'aasil, bix ken takil ba'al bey a wóol ti' chojokbal a ta' tu paach a... a pantaloono'o, ken bey ti' leeti'a', paktej ken ti' pues ba'ax utsil yaan ti', ken ti'. ma' utsi ts'o'olej tak u jo'olo'ob bejla'ake' láak wa'alakbal, ku láak wa'akúunsiko'ob ts'áako'ob u tuupo'o, ba'ax túun jach bejla'ak ma' in ma' in kaxtej u bix ken in tsolilej leeti'e le tuup ku ts'áaik le xi'ipalaalo'obo'. tumeen ku ya'alik ten in paalile', pero ba'axten, ilawile ma le maayaso'obo' yaan u tuupo'ob ka'ach úuchil ki ten, yaan u ba'alil u ni'o'ob ki ten, tene' tun bejla'aj túune' pues... ma'atáan in kaxtik bix ken in tsolil ti' leeti'e' ba'axten ma k'a'abéet u tsáaik u tuup leeti'i'. tumeen tene' ma' uts in wiliki'. pero ku tsáaik, ku ts'áaik jump'éel u tuup. je'elo' ma'atáan in laxtik bix ken in wa'alil ti', tin kaxtak je'el bixake', -ma'atáan in ts'áaik ti' teech taak'in, ma'atáan in beetik kex beyo' tu jolaj u xikino'. ku ya'alike' pues ma le maayaso'ob úuchilako' tu ts'áaik u tuupo'ob. je'elo' pues tak bejla'ake', ma'atáan in na'atik túun bixij, bix je'el in, in... in tsolik ma'atáan u béeytal u beetike'. je'elo' le nook' túuno' je'ex to'on bejla'aka' ma'atáan ktakik k ma'atáan ktakiko'on u piikilo', tumeen ko'oj, bejla'ake' u beeta'ale' jach máan ko'oj u beeta'al leeti' le nook' jeel maas ko'oj yaan bejla'aka' e maʔaj koʔojtakoʔ leetiʔ chen jeʔex le ktakikoʔob de boonoʔob de chen mpʔéel jump'éelili' u boonil, de... xorto'ob, wa xkul eexo'ob wa vestiidos ku ya'ala'alo'. bejla'ake' maas leeti' ktakiko'on ts'o'okole' pues tumeen úuch ka'ache' le chen ila'ak a takmaj a iipile' yaan ooraeʔ maʔ taak mix a bisʔaʔal teʔej kamioonoʔo wa máan tʔanaʔal tan koʔojol e la' chen xmaayáaj, chen beya', ka'ach úuche' bejla'ak tun tu k'inile' u k'áat máake' ka ta'aka'ak le nook'o'obo' chen ba'axe' bejla'ak túune' le ee... u obstaakulo' yaan beyo', wa ba'ax ti' bey ma' in takiko'one', u tojol. wa tumeen esten mix kanan u beeta'ali' wa ka kan a beete' xaan u beeta'al, jach máan xan ken a ts'o'oksij jump'éel a a nook' beyo', le iipil ku ya'ala'alo'. le beetik túun tene' tin wilik beyo' le beetik ma' jach ya'ab máax takiki' tumeen ko'oj ko'oj ken a manij. ku ya'aliko'obe' pues ba'axk'in ochocieentos, seisieentos, jun páak ken a manile', ts'o'okole' kux túun u piikil ku ya'ala'alo' chen jump'éel táan piik le jach kóochtako' tréesieentos, kuatrosieentos jump'éel. kux túun u nook'il ken a tak'ilo'. láaili' xan a a manike. le beetik ya'ab bey kin wu'uyik u ya'aliko'obo' pues ma'atáan u takiko'ob tumeen ko'oj. chen ba'axe' teen kin tukultik túun beyo' wa ya'ab máax ka u kan u meente' pues ma'atáan u jook'ol tech bey jach ko'ojilo', je'el u béeytal a
• Waveform view • Interlinear Glossed Text • Utterance view