Text view

2010ERGstoryYWA03

Recording date	2010-03-16
Speaker age	50
Speaker sex	f
Text genre	stimulus retelling
Extended corpus	no

Visualization: Text view Waveform view Interlinear Glossed Text Utterance view

Javascript seems to be turned off, or there was a communication error. Turn on Javascript for more display options.

nyampuju puku ngulaju kanta-kurlu papa mamiyi manu kakiyi manu kakiyi-wita an kurdu-wita yayiyi kalu karrimi nyanyi kalu kanta pulapi manu malikijarra Whitey manu Brownie manu motokayi ka karrimi ngula kalu nyanyi kanta-wati panu-jarlu-nyayirni kurdu-wita ka yula karnta yungu mamiyi warrkarni manu pajirni kanta-wati ngula kakiyi witangku manu leta watiya manu warrkarninjaku yungu pajirni kanta nyanungu-purdangkaku yayiki witaku ngula karla maliki karrimi nyanungu-wana malikirli kujurnu watiya ngula wantija kakiyi witaju ka karrimi maliki wantija lawa not-to pajurnu kanta kapu-kapu manu maliki Whitey-rli malikiki Whitey-ki yaarl-wantijarla watiyaju kuja pajurnu wirliya yalyu-kurra ngunami ka malikiji ngulajangka papalku wangkaja ngaju karna warri-yani kapirna pajirni kanta-wati panu-jarlu-nyayirni kajirna warrkarni papaju puta warrkarnu ngula luwarnu rdaka lightningi-rli wirnpa-ngu luwarnu rdaka ngula murru-murru-jarrija ja papaju lawajuku nu <<wip>> manu kantawati lawa murru-murru-jarrija wurnpa-jangka kurdu jinta-kari yulaja-lpa tarnnga-jukulpa yulaja kantaku kurdu jinta-karilpa yulaja tumaji luwarnu wurnpangu rdaka murru-murrulpa yulaja warra mantajulu rdaka karlimi karna yalyu warra kangkajulu wijipitili-kirra karna rdaka-wangu-jarrimi yulajalpa kurduju ngulajangka kakiyi wiri-jarlulku wangkaja well ngaju karna warri-yani yurna pajirni muku yalumpu kanta-wati tumaji ngurrju-nyayirni kalu warraly-karrimi karna warrkarni jalanguju pajirni muku karna kakiyi wiri-jarluju pa ngampurrpa-nyayirni karrija warrkarninjaku ngularla kurdu jinta-kari purlaja kakiyi ngula nyangka warna kapingi yalkirni wirliya yaruju warrkaka kala nyurru-juku yalkurnu kakiyi-wiri-jarluju warnanguju kakiyi-wiri-jarluju wantija walya-kurra muru-murru yulajalpa warra pajikajurlu nyiya-kurlurlujulu pajika watiya-kurlurlujulu pantika yungu-kurlu wilypi-mani yalyu nyampu-ku kaji karna wiri-jarrimi nyurnu-jarrimi kaji karna nyurnu wiri-jarrimi wara yarujuluju jurnta-manta yalyu yulajalpa kakiyi wiri-jarluju murru-murru-nyayirni o purda-nyangu maliki nyanungu-nyangurlu Brownie-rli kuja yanurnu maliki nyanunguju yanjurnulpa kakiyi wiri-jarluju wangkaja warra ngurrju-nyayirni kanpaju wanja-mani-nyayirni kanpaju yalumpu kuja kanpaju yalyu jurnta-ngarni warra kujarnaju mayangkuju yalyuju whole-loti jurnta muku-nganja yurna rarralypa-jarrimi-lki kakiyi wiri-jarluju wangkaja ngulajangka oo nganayi ngati-nyanulku mamilki wangkaja nyampu kanta ngulaju karna ngajurlu muku pajirni kapirna warrkarni watiya-kurlu kapirna muku pakarni yungu walya-kurra wantimi wangkaja mamiji junga-juku luwarnulku watiya-kurlurluju manulpa pantu-panturnu welli jinta-kari kantaju ngulajurla wantija ngalyangka jurrungkarla wantija ngula rama-rama-manulku mamiyiji manu wantija walya-kurra mamiyiji ngunajalpa murru-murru wangkajalpa warra nyiya nyiyarluju nganayi-manu jurru nyiyaju yaarl-wantija kapi nyiya yalkirri-jangkaju wantija ngunalpa mamiyiji warra mantajulu nyiyajangka mayirna wantija waja purda-nyangulpa-nyanu murru-murru ngula <<bc>> ngulajangkajulpalu nyinaja murru-murru wati papa, mamiyi, kakiyi wiri-jarlu kakiyi-wita an yayiyi-wita nyinajalpalu murlunparla kanunjumparra ngula ngapalku wantija wiri-nyayirni yalurnulpa-jana manulpalu wangkaja warra nyarrpa-jarri-rlipa nyampu-kujaku ngapa-kujaku kakyi-wita wangkaja yaruju-rlupa yani ngurra-kurra karlipa dranti-jarrimi yaruju-rlupa na maliki-kirli junga-juku parnkajalu yakarra-pardinjarla motokayi-kirra nyampurla-rlupa warrkaninjarla-yani ngurra-kurra yaruju ngapa-kujaku kajiki-ngalpa rarra-kanyi junga-jukulu yanu wardinyi-watilkili nyinanja-yanu mamiyi, papa, kakiyi-wiri-jarlu, kakiyi-wita manu yayi-wita maliki Whitey an maliki Brownie ngurra-kurra-lkulu yanu wardinyi-wati ngulajangkaju kulkurru-jana jurnta panturnu taya ngulalu ngulajana kipilypa-jarrija jurnta tayaju kamparru-warnu kula-nganta nyiyarlu panturnu kala boturlilpa ngunaja yiri-nyayirni ngulangku panturnu ngula flat-taya-jarrija ngulajangkaju papa wilypi-pardija manu nyangu ngulalpa puta jungarni-manu putalpa wilypi-manu lawa-juku wangkaja-jana mamiyi-ki kakiyi wiri-jarluku kakiyi-witak an yayi-witak manu maliki-jarraku lawa! puta karna ngurrju-mani nyampuju taya kapu-rlupa marda nguna ngurraku jintaku junga-jukulu ngunaja warlulu yarrpurnu manulpalu wangkaja yimi wardinyi-nyayirni -lpalu wangkaja nyampuju puku ngulaju karnta-wita-kurlu manu malikijarra-kurlu karnta-wita ngulaju Napurru maliki-jarraju ngulaju wirriya manu karnta ngulaju Japangardi manu Napangardi karnta ka nyinami maliki-jarra-kurlu malunparla swingi-wana manyu-karrinja-kurlangu-wana karnta-wita Napurru karrinja-pardija manu yanu manyu-karrinja-kurlangu-kurra-palangu kangu malikijarra Japangardi manu Napangardi kujalpa wapanja-yanu ngula nyangu nyiya mayi nyangu kuuku nyangu ngula lani-jarrija wara nyiya ka nyampuju yanirni wangkaja Napurruju Napurrurlu yirrarnu Napangardi-wita mayu-karrinja-kurlangurla manu Japangardijilpa warru-karrija ngulalpa Napurrurlu nganayi yirrarnulpa manulpa puju-manu swingi-rla ngula yanurnu kuukuju manu manu Napangardi Japangardi manu maliki-wita wardinyi-jarrija kuukuju warra! ngaju karnaju rdipija malikiki ngurrju-nyayirniki yuntardijaluku ngula manu maninjarla kangu mardaninjarnu-lpa ngulalpa Japangardiji yulanja-nyanu yulanja-nyanulparla Napurruku xxx kuukurluju wuruly-kangu wurnturru ngulalpalu karrija Napurru Napurru-purdangka Japangardi well Jupurru manu Napaljarrilpalu karrija purlajalpalu warra! nganangulpa manu yalumpu maliki Japangardi pina kangkarni nganayi nyuntuju kuukuju wurruly-parnkaja maliki-kirliji Napurru manu Napaljarri-palarla purdangirli yanu kuukukuju purdangirli-wanarlu-pala puranja-yanu kujalpa kangurra maliki Japangardi wurnturrulku ngula munga-jarrijalku ngunajalpa kuukuju manu malikiji Japangardiji witangka yartingki yirrarnu ngulalpa ngunaja manulpa yulaja jarda-wangu yirrarulparla jurnta-yulaja yapa-kariki jardajukulpa ngunaja kuukuju ngula Napaljarri yanurra manu wurulyparlu-juku manu maliki Japangardiki wurulyparlu-juku wurulypa-manu ngamilji-kirra manu ngula kangu pina kangu pina yungurla Napurruku malikiji Napurruju wardinyi-jarrija Japangardikiji ngulalpa nyinaja malikiji warlu-wana purlku-jarrijalpa warlungka nyampuju puku puluku-kurlu puluku manu nantuwu kapala wapanjani kuja kalu-jana nyanyi watingki manu karntangku manu kurdu-witangku karlijana nyanyi papangujulpa mardarnu makirti mamiyi-rli-lpa mardarnu karlangu kurdu-wita-pardu parnkaja pulukuku nyanjaku kuja papangku luwarnu ngunajalpa pulukuju walyangka puluku manu nantuwu-pala ngunaja walyangkaju mamiyi papa an kurdu-wita wardinyi-jarrijalu warra ngurrju-nyayirni puluku nyampuju wiri-jarlu yungu-rlupa kuyu ngarni jalangurluju nantuwulpa ngunaja ngulaju kujurnu pinjingi nantuwuju yalyu-kurra pajurnu pinjingi papa nyangu nantuwu ngunajalpa yalyukurra nganayi kurdu-witangku ngarrurnu papa nyiyakunpa luwarnu nantuwuju nantuwuju ngurrju nyiyakunpa luwarnu nat nantuwu kuyu wangkajarla kurdu-witaju mamiyirlilpa mardarnu ngamingka nantuwuju mamiyirli majarnu nantuwu ngurrju-manu an kurduju wardinyi-jarrija kula-nganta papangku luwarnu nantuwu kala pinjingi kujurnu papangkuju yirrarnu pulukuju motokayirla ngulalu kangu ngurra-kurra kurdu-witaju ka wangkami yati! ngurrju-nyayirni kuyu pulukuju yungurna ngarni jalangurluju kutu-jarrijalu ngurra-kuju welli motokayi jinta-karilpa yanurnu ngulal <<wip>> parlanyanu puta pampu-manu kakiyijilpa nyinaja head-achei-jarrija wantinja-warnu pampi-maninja-warnu kurdu-witaju wangkaja nyampu puluku karna kanyi ngurra-kurra nganimpaku kuyu yungu-rnalu ngarni junga-jukulu yirrarnu watiya warlu panujarlu-nyayirni motokayirlaju nu-rnalu kangu ngurra-kurra yani pinalu ngurra-kurra wardinyi-nyayirni mamiyi papa manu kurdu wita an kakiyili yanu kakiyi-kurlangu motokayi ngulaju tow-maninjanu ngurra-kurra pina yanulu wardinyi-nyayirni kuyu-kungarnti ngarninjaku yuwayi ngula-juku

• Waveform view • Interlinear Glossed Text • Utterance view

Text view

2010ERGstoryYWA03

View options