Text view

veraa_palab

Recording date2007
Speaker age40
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
dērōlēm s dērōlēm susuō rekso dērōl man suō galan ēn n n̄ērsigi vōwal 'enei dērōlk suō 'i lik sir ēn n̄ērsigi vōwal dērōlēm suō 'asēnēm suusuō dērōlēm suō gala ēn n̄ērsigi san̄wul nē 'alē dērōlk rēv kal ēn nak susuō va'anē dir'ōl m rēv kal sar ēn nak susuō 'enein 'ama ne 'ir 'ōw'ōw 'ama ne 'ir 'ōw'ōw ne tēk mē duruō va'anē so 'alē erē 'a'ag no suwēn 'uwam̄ēre so 'alē van sar ēn 'isim̄ēre so 'oōo' no no me 'ir 'irwur nik me 'ir 'ō? lēn kolo ne lumgav anē no nomē 'ir 'irwur ba dērōls van van 'anēn 'isim̄ēre mal lama'i son 'ama' ban 'uwam̄ēre di lama'i rōs 'alē dērōlk van sar vavan din̄ ma nēnēn lie ne vōwal 'anē wo 'ama' 'anē ne din̄ ēn lie 'anē wo dōrōlk kal ba'a dērōl van sar vavan van galan lie 'ane'ē van sar di ne din̄ lik ēn lie ne vōwal 'anē'ēn lie ne wak dērōl van dērōlm m kal lēn lōlō lie 'asēne san̄wul lēn dērōlēm van galan lie 'anē san̄wul san̄wul nagi ē dērōlk din̄ ēn 'ōnō mimi'ir va'anē dērōl din̄ ēn 'ōnō mimi'ir anēn 'ekē man qōn̄ kēl qe dērōlk ōn sursur va'anē dērōlk ōn sursur suw anēk mi'ir va'anē dērōlm ōn sur suwōm mi'ir anē 'uwam̄ēre dērōlm ōn sur suw anē n 'amam n̄on̄odo 'anē ban 'uwam̄ērem mi'ir rek wal ban 'isim̄ēre di mi'ir rōs dōdōmia mugi vaʔē sir san tēktēk munē maruruō a rekson m tēk ʔi mē duruō 'alē dērōl ōn sur suw anēm mi'ir anēm mi'ir mi'ir ʔisim̄ēre ne nē kēkē kal segenē di ne rōn̄ ēn deln̄o 'ama ē man 'or gōr duruō e di ne sag kal va'anē ne sag kal va'anē di ne 'an̄ ne 'an̄ gala san 'ama ē ne 'an̄ kēl wōl lēn 'uwam̄ēre ne ulul ēn 'uwam̄ēre so 'ei nike kalraka gēdōs 'ōn 'ō 'i 'anēn 'ama' nē kalrak m̄ō kalrak m̄ō gēduk ..eh.. mulō 'uwam̄ērem kalraka 'anē ne rara va'anēm raram raram raram raram 'e di ne 'ar gōr so 'ei 'aqōrōn̄ 'aqōrōn̄ denēn 'ama nē rōn̄ gēduō gis mum ēn m̄ōglege di ne gis rak murun m̄ōglegen 'en duruk virige va'anē virig ma 'a lēn lie ne vōwal 'anē di ne din̄ ēn lie 'anē ne wak duruk van di ne din̄ ēn lie ne vōwal 'anēn lie ne wak duruk van dim din̄ ēn lie 'asenēm din̄ vag wo dōrōlk duruk din̄ kel rōw ēn gabērēlo durum din̄ kel rōw ēn gabērēlo 'anēk rēv sur ēn nak susuō ban 'uwam̄ēre ga sag 'ōn 'uwō durum rēv sur ēn nak susuō 'anē'ē durum ga mōrōs sok suō sōw ēn 'uwam̄ēre ne tēk mēn ēn 'isim̄ēre ne tēk mēn 'uwam̄ēre so qe'i dim virig sar dim 'ēv ēn 'erē dudu vada 'ēv ēn dudu vada ne san̄wul alē di ne rem duruk rem rōw va'anē durum rem rōw lēn nak susuō 'anē'ē 'uwam̄ēre nē sag 'irwur won 'isim̄ēre nē sag 'irwur won 'uwam̄ēre nē sag 'ōw'ōw en duruk suō va'agēn duruk suō suō su su su su sir ēn ēn ēn n̄ērsigi vōwal lik 'anē'ē 'amē duruk mul kel duruk din̄ ēn n̄ērsigi 'anē'ē e sōw ēn durum suō gala 'anē'ē sōw ēn fesbon ne tēk mēn e ʔuwam̄ēre ne tēk mēn e ʔisim̄ēre so hei dum suō gala 'agēnē nike 'iv ēn 'uwō va'anē sōw ēn 'uwam̄ēre so 'oōo' 'ovi'i den duk 'iv ēn 'uwō 'anē won 'ama' ne rōn̄ gēduō so iv di ne iv 'iv ēn 'uwō 'anē'ē n 'ama ē nē rōn̄ duruō va'anē ne vrig 'a'ag man qōrō lie va'anē ne din̄ ēn lie ne wak di ne vrigē vrigē vrivrivrigē ne vrig din̄ man gabērēlo ne 'ēn e ruwa man rēv sur ēn nak susuō e di ne 'aq sur suw lēn naw anē so ga gitok kumrum van no me no me kur kumruō nē ne 'aq sur suwō ne ruruv ēn naw dim ruruv ēn naw 'asenē ruruv ēn naw 'asenēn rer 'alēn naw 'anē rekso ne rēv kēl ēn nak susuō anē wo 'isim̄ēre 'anē ne 'an̄ vē'ēn dudu vada ne vōwal ne van ma nē [UNCLEAR] es ēn 'an̄dogi n 'ama' ne vrigē sar ne da sir duruk wō? suō galan n̄ērsigi vōwal qē' duruk suō suō suō suō duruk suō sir ēn n̄ērsigi vōruō nagi 'ama' ne van rōwē ne 'aq sur ne ruv lik ēn naw ne ruv ēn naw 'anēm ruruv ēn naw 'anē'ē so nak susuō so ne kel sir ēn 'ama' 'anē'ē 'isim̄ēre ne 'an̄ vē'ē lik ēn dudu vada vōwal 'i e dudu vada 'anē'ē ne van s... ne van ma anē ne es ēn 'an̄dō 'ama' 'anēn 'an̄dōgi di ne van sar ē dada sir so ne n lerieg ēn vada ʔanēē duruk suō galan n̄ērsigi vōruō va'anē 'alē durum suō susuō di ne 'aq sur lik suw anē ruruv lik duruk 'an̄ vē'ē lik ēn dudu vada vōwal 'i lik ne van 'anē ne es lik ēn di ne van sar ne dada 'i lik ne n duru man suō galan n̄ērsigi ne vōʔōl vaʔanē 'alē duruk suō durum da 'asēnēm suō 'asēnēm susuō 'asēnēn 'amam ruruv ēn naw 'asēnē n̄ērsigi a durum suō 'anē vag san̄wul 'anē dudu vada 'anē durum 'ēv san̄wul 'alē qe'qe' nagi va'anē so duruk suō kal va'anē sōw ēn 'ama' ne van rōwē ne 'aq sur lik lēn naw ē so ne ruruv lik ēn naw ē va'anē dim ruruv lik ēn naw anē dim 'an̄ vē'ēn ēn ēn vada anē'ēn vada van mam es lik ēn 'an̄dōgi anē duruk suō kal lēn n̄ērē'iē suō kal lēn n̄ērē'iē anē duruk vrigē durum vrigē vrigē vrigē vrigē vivivivrigē vrig din̄ man vunu a dirēm laklak bēne duruk vrig galak van vrigē vrigē vivivivrige vrigē din̄ man nim̄ē m̄ō ne 'amaruō won vēvēruō n 'ekē man miligligē e duruk 'ir ma lēn mē'ēm̄ēk ululō ote ote ote wak ēn mē'ēm̄ē kamaduō gēn 'ēn 'amaruō so 'ovi wakwak wal ēn mē'ēmēs so wak ēn anē wo 'an 'ama' n 'ama man kur sa e ruwa nini'iduō ē e so 'o kamadu nei wak ēn mē'ēmē ote kamadu nei duruk ulō ulō ulōn vēvēruō gitag nei duruk ulō lēn ulul ēn ʔamaruō durum uuul ēn 'amaruō so 'ēn 'amaruō ne tēk so ei nike van ē wōl ē wak ēn mē'ēmē nok rōn̄ ē duru sas ululō anē duruk kalaka ren̄e ne kalraka ne van mul anē wak san m̄ē'ēm̄ē wak ēn mē'ēm̄ē anē duruk kal ba sar duruk kal ba sar anē duruk kaka 'ō va'anē rekson 'amam da mē duruō rekson maruruō mēn tēk 'i mē duruō sir ēn tēktēk sir son velē ma sir duruō durum 'awis n ni'igi e bam 'ir bēne sa nei 'ir bēne sa so duruō me leg 'ōn 'ama' 'a gēdō wom 'ōg'ōg a 'enei si so 'esēm vevelē ma sir ēn ni'im ba nik me mas 'ukeg di ne leg enteg si wo nik wom marmar ēn ni'im wo di me leg 'ōn 'ama' qē' sa nē neln̄o vum qē' sa nē
• Waveform view • Interlinear Glossed Text • Utterance view