Text view

veraa_mvbw

Recording date2007
Speaker age30
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
varian Stefan no me kakan kaka ne vōwal rekso wunva vaga no ga rēv ba ʔenei no me da ʔeno nok kakan kaka ne vōwal no ga moros nok dedicatem ēn kaka 'agēnē mēn 'eraga m̄ērm̄ēre rekso dir me rōn̄ ēn kaka 'anē si dir me vasōgō man̄asa no lama'i ros rekso nom rēv wo nom kaka kaka dim van segēn qōn̄ ne vōwal e ruwa mēn gunuruō duru mak leg wal ʔi ē rekso durum magraqa durum leg legleg magraqa durum 'ōgo vavavan n ren̄e ne tek mēn 'am̄an so ege no 'ōn 'aqak ʔōg sier durum ʔōgo ʔōgo van din̄ ēn vul ne liviʔie ʔamēn vul ne liviva ʔamēn di ne len tētē di ne len niʔigi len ni'igin ni'i 'am̄an duruk 'ēn gōr 'ēn gōr 'ēn gōr 'ēn gōgōr vavan n ni'igi tētē 'anēm luwo vanvan rekso dim mōnō luwo wal 'e vōruō senē n ren̄e ne tek so ʔo no ʔō lik ēn ʔaqak e di ne ʔaram mēn gunugi m ʔōgo vavan din̄ ēn masōgi amēn di ne len niʔigi le lik ēn... n tētē n ni'i 'am̄an lik da duruō vōruō va'anē lēn masōgi dim len ni'i 'am̄an 'a 'ow'ow 'anē di mal luwo ge wal 'uwam̄ēre duruk ul ēn sogi e Wedin̄gōr 'alē lēn masōgi dim len ni'i 'am̄an 'a... 'isim̄ēre 'anē duruk ul ēn sogi e Bōar ēn sogi Boar durum 'ēn gōr duruō vavavan n 'uwam̄ēre wunva dim luwo rekso 'e nōgi wunva liviruō 'isim̄ēre wunva n 'e nōgi rekso vove si vēlime senē vēvēru ne ma' ʔowʔow den ēn vēvēru ne maʔ dim rusō di ne tek mēn duruō so kumruō wom 'ōg 'i Wēdin̄gōr nik ga luwo nik me 'ēn gōr 'enteg sa e Bōar sirē no me ma' ba si nom ma' 'amamruō dim leg kel ēn ren̄e ga itok rekso e no ba si gitag nik me mas 'ēn gōr 'enteg ēn ni'i 'isim dim tektek vovona duruō van ne ma' lēn masōgi dim ma da ʔaʔag rekson tektek mugi ʔamagi ne l ʔamalu ʔamaru ne leg kel le man ren̄e ba n ren̄e n movugi ros rekson vēvēruō 'a 'ow'ow ē n vēvēruō garaqa anē n movugi ga ga mōnō valakra lēn masōgi dire vek 'ō'ōgo 'amar'ōl ne van den dir'ōl lēn gamal si lēn 'ēqē si ne vanvan kelkel senē dir'ōl wom 'ōg 'i vēvēruō ga garaqa ne dan gorun gengen sin gor'ōl ēn gengen sin gorēve dan gorēn gengen di ne gen gen gen ēn gengen vavan di ne le san ʔerē ʔiʔin̄i gengen ē visiw duru bēne da 'i son 'amaruō ne kel ma ne 'ēn so 'o 'a ruwa ni'ik 'anēm gengen ba sire ne gitag dim da mē duruō 'a sēnē da mēduruō 'a sēnē duruk rōn̄ wal so duruō as es lik m̄as birin̄ san vēvēruō ga garaqa nē van lēn ma'ava ne vōwal 'uwam̄ēre ne tek mēn 'isim̄ēre so 'ege e Bōar nik ga rōn̄ sivie so 'ege nok rōn̄ n milin̄salm da ʔuwam̄ēre ʔisim̄ēre ne tek mēn uwam̄ēre so duk duk row duk row siksik ēn vēvēduō ʔa ʔowʔow ē 'uwam̄ēre so 'alē duk van duruk vanvan ban 'isim̄ēre di ga rōn̄ so dim milin̄sal di ne rara sir gogi di ga moros so di mas gengen duruk van van van vavavan duruk van din̄ man ʔuvu wōqeʔenge ne vōwal lēn wōm̄ōm̄ōʔ dir ga ul son ʔuvu wōqeʔenge ʔanē n wēwē ʔa bēne ga marmar nē ba 'uvu wōqe 'enge ne vōwal lēn wōm̄ōm̄ō' dir ga ul son wōn̄arn̄ar n wēwē ga 'isim̄ēre ne 'ir lēn qe'an 'uwam̄ēre ne mōnō rem kal sag ma ne bis ʔēqel suw ma bul munmunō le mē di di ne kurkur ne tek mē di so nike ʔirʔir kēgēn Bōar nok rem lēn nēnēn ʔuvu woqeenge agēnē nok sur ēn nes sin vēvēduō a vēe di ne rōn̄ e di ne van ma sir gēduō 'isim̄ēre so ga itok 'uwam̄ēre ne rem kal lēn woqe 'enge rem kal din̄ sagē ne qē'ēg ēn qē'ēg ēn nes so <<sg>> <<sg>> <<sg>> dim sur qeʔ senē di ne ēqēl kel ba lēn masōgi dis sursur anēn vēvēru ne rōn̄ n lan̄ ne 'ō' ma n vēvēru wal lēn wērēsurō e birin̄ ēn 'erē 'aklē vuvulugin 'erē 'ama' rōn̄ ēn lan̄ ne 'ō ma 'eig ne tek mēn 'erē vuvulusi so 'erē 'aqōrōn̄ 'eno nok rōn̄ 'i son neln̄on e sē ʔerē vuvulugi so <<on>oo> nike qaqa nē nēn ēn men nē n men ne awaw ʔa vēe n lan̄ ne ʔō man neln̄ogi di ne ukeg vēʔē duruk duruk van duruk van van ban ni'i m̄ērm̄ēre ne rōn̄ so o milin̄sal wal va'i duruk vanvan ʔi di ne tek so ʔe nike ʔir lē qe'i gēn ʔisim̄ēre ne tek mē di so ʔuwam̄ēre ne tek mē di so nike ʔir qeʔi nok rem lik isim̄ēre ne ʔir lēn qeʔan di ne rem lik ne sur 'enei duruk vanvan rōv'e man wērēsurō va'anē di ne rem lik di ne sur lik ēn nes <<sg>> <<sg>> <<sg>> vēvēruō so lēn wērēsurō ne sag 'i ne rōn̄ ēn lan̄ ne 'ō man neln̄on e 'isim̄ēre an ni'i... 'uwam̄ēre an ni'igi 'anē di so ragav'ōl nok rōn̄ ēn neln̄o 'an̄sara 'erē 'ama' an vulugi ne tek so o nike rōn̄rōn̄ 'enteg ēnēn men nē n lan̄ ne 'ō man neln̄ogi duruk van 'e ruwa an ni'igi anē duruk van durum vaavan duruk van rōvrōvʔe wal man n wērēsurō ʔa vēen vēvērus ʔōg ʔi u 'uwam̄ēre ne rem lik Wēdin̄gōr ne rem lik rem lik rem sag ne sur lik ēn nes <<sg>> <<sg>> <<sg>> vēvēru ne sag 'i lēn wērēsurō ne rōn̄ san neln̄on e ge ne rōn̄ ēn soru so 'e'e ragav'ōl nēn 'erē nini'ik wal vrig sur vrigē vrigē vrigē vavavan vrig siksik duruō van vrig din̄ ma duruō 'ēn durus 'ir 'ir ver 'i'ir rara malaga 'i so ru... ruwam da so ʔo ote nike maʔ den kamaduō kamadum ʔōg ʔi n ʔamadum ʔamamadum leg kel ba dim leg kel ēn ren̄e a rekso nikem 'aram 'i mē kamaduō son ren̄e ga se' dim leg kel ēn ren̄e ga se' so di 'ēn'ēn 'enteg ros sir kamaduō kamaduō gengen 'enteg ros da kamadum van siksik nik ma nē so ga itok van ma gēdēk van 'ō duru lēn wērēsurō le mē durun gengen le mē durun bē da durum 'ōg vavavan rōvrōvʔe ne revrev dada gorun gengen duruk direk ʔōg vavavan dada gorun gengen rōvʔen revrev di ne tek mē duru so kamak 'ō kel kumruō 'ō kel kumruō mom 'i kumruō birin̄ ēn gomrun gengen kumru wom 'ēn ēn 'ekēm qōn̄ 'erē gengen 'erē gen san gengen a kama me 'ō kumruō va'anē wo 'erē gen qē' 'erē kal ba'a lēn mōnō din mumruō an 'amami vem da son mumruō 'erē mi'ir si kumru wo miʔir ros kumrum rōn̄ ēn savam m vanvan lēn qōn̄ kumru 'ovi'i ga lan̄ma'a kumru ovi'i tektek 'ō 'erē ōn rōrōn wuva so ga itok lēn masōgin 'ekēm qōn̄ durum gengen qē' duruk kal ba'a lēn mōnō din muruō 'anē won vēvēruō ga garaqa ne van lēn din mugi 'ōgin 'amaruō ne kalraka ne van lēn gamal wana 'amaru ne van duruk'ōl dir'ōlk ōnōn 'i 'anē misin wal ros dir'ōlk rōn̄ n 'erē 'amak qē'ēg van ne vōwal ne van ma ne row ʔaq ne van ma ne row ʔaq durum row 'aq asēnē vavavan direm mēw vēvēruō ne wak rakan m̄ē'ēm̄ē ne kal ba'a ma van lēn din mun e vēvēruō ga garaqa ē vus die sēr tiktik die asēg ēn 'irbēgi dan daragi ne vrig valakra lēn lōlō nim̄ anē vavavan vrig din̄ wal man m̄ē'ēm̄ē asēg ēn 'erē 'irbēgi van lēn 'erē 'ama' volvol van van qi'igi wuva dir e kur rōs qi'igi dirēm mom 'i lē venē nim̄ē segēn ne 'ōg 'i sa kēnē durus ōn 'i duru ga rōn̄ 'i san 'erē m̄ōm̄ōlēge a dires dada 'anē 'amarum vanēm wanam wanam 'ōg lēn gamal van vavan m mul kel ma masōgi dim mul ma dim sēs rakan m̄ē'ēm̄ē so ne kal ba'a sar ma var tislan̄ sa lēn daran e gunugi ē masōgi dim var tislan̄ dim m̄es 'anē dim vrig din̄ wal ma sa lēn vene nim̄ēn qi'in e gunugi 'anē 'an̄ suwō o ne rōn̄ ēn vili gen qi'igen ma'... wē son di ne ēn suwōn gunugi 'ei ulul ēn 'erē nini'igi an(?) so bam da sivie segēnē so o mamam nik ga lamaʔi kamadum kamam ʔōgʔōgo kamabōʔōl birin̄ ēn vēvēmaduō ʔōgʔōgo masōgi nik vanvan den kamam kamabōʔōl kamaduō gengen enteg ros e kadum sik kel san vēvēmaduō 'a 'ow'ow a mä' den kamaduō kadum van din̄ lēn wērēsurō dim van̄an kamaduō 'ō kel kamaduō ma ʔalē di ne kur san vēvēmaduō ga garaqa anē ba dim tek so nik mas leg kel ros si nikem leg kel wo di me kur nike birin̄ ēn n gunum ga garaqa lik anē da son 'amarum ma'ag die leg kel ros dine 'ēn gōr wuva 'i duruō van gaidin̄ duruk lumlumgav lo durum lōlōwo kal no lama'i ros so durum dan sava ban kakam qē' sa
• Waveform view • Interlinear Glossed Text • Utterance view