Text view

veraa_iswm

Recording date	2007
Speaker age	60
Speaker sex	m
Text genre	traditional narrative
Extended corpus	yes

Visualization: Text view Interlinear Glossed Text Utterance view

Javascript seems to be turned off, or there was a communication error. Turn on Javascript for more display options.

**** itok nēn tēk kaka **** nok kakan neln̄o vu' agēnē **** di me no me kaka 'ar e Wowōt wo e m̄eter **** Wowōt 'ogi e m̄eter ..eh.. n vonoruō aqit **** duru ga 'og wal sag lēn vonon e Wowōt 'a Nōs **** so 'ekē ne vōwal **** dir ga ul **** 'a Nōs **** vonon e m̄eter **** dir ga ul di ga 'ōg n̄ere n̄eregi 'a sag 'a 'a **** n̄erelan̄tir ga 'ōg 'a n̄ere eh **** m̄eter ga 'ōg a n̄erelan̄tir **** Wowōt ga 'og 'a Nōs **** n qōn̄ ne vōwal e ruwa mēn gunuruō durum 'og'ogo **** durum 'og sier ni'iruō **** durum dan m̄ērm̄ēre **** dim wo'o **** durum 'ēn gōr diē vavan **** dim luwo kal ma **** durum 'ēn **** so m̄ērm̄ēre di ga itok soksok **** 'e di ga **** di ga wiē soksok **** din m̄ērm̄ēr 'am̄an **** ba di ga wē soksok **** durum 'ēn gōr di wunva vavan **** di ne luwo kal **** dim luwo kal ga ge soksok wal **** 'aluwo ge **** dim lumgav wal **** duruk 'ēn rak diē **** so din ma'i m̄ērm̄ēr soksok **** 'amagi ne vus seqeg diē **** vus seqeg diē lēn m̄ōgm̄ōglēge dōl **** reksen 'erē m̄ōgm̄ōglēge dim gis qal gōr qē' **** dim gis qal gōr ēn man̄ran 'eveg **** dim gis qal gōr ēn qō **** dim gis qal gōr ēn 'erē m̄ōgm̄ōglēge dōl **** da 'i **** di ne dirēk ul ēn **** di ne ul ēn sogi so Wowōt **** nik e Wowōt wuva rōs **** ba nik Wowōt sir ēn sava **** rekse bolom bēne **** sin bolo 'amam bēne **** ba dirēm 'aman e Wowōt won vēvēn e Wowōt m da mē di san dōdōmia anē'ē **** da 'i **** so durum **** masōgin 'amagim vus seqeg diē **** di ne van ma Wowōt **** 'ow'ow den di ne van lēn Wowōt **** masōgi durum 'ēn **** so din m̄ēr ga wēe **** di e kakalu rōs den ēn nim̄ē **** di ga 'ōg'ōg wuva lēn lōlō nim̄ē **** sir di wom kalu **** e raga ren̄ek gis ragi **** e raga m̄alm̄alak gis ragi **** 'e da 'i **** durum ma'ag 'ō diē **** so di 'ovi'i kakaluō vaga lēn lēn sara **** sirē e raga ren̄ek dada sir diē **** managi din Wowōt **** m 'o'o'ogon qōn̄ ne vōwal di mal luwo kal reksen ge **** ba vaga di ga 'og 'ekēnē masōgi lēn revrev **** dir ga 'og kēkē lēn 'uwō lēn mōnō 'uwō kēkē **** dir ga 'ēn'ēn qel sar sir ēn Laln̄e'ak **** ne van **** ne din̄ ēn n̄erelan̄tir **** vaga di ne dirēk 'ō'ōgo vavan **** dirēk 'ēn **** e raga m̄ērm̄ērek 'oror lēn sara **** dirēk kal ba'a sir e raga vēvērē won 'amarē **** dir wo **** n sav bur **** nēn bur **** sin sava **** suwenē n sava **** ba managi rekse e raga luluwo dir ga rōn̄ 'i **** so **** o ren̄e **** as 'og 'a suw kēnē'ēn bur **** as dada lēn qōn̄ **** 'anē'ē 'e m̄eter ne vovo' **** lēn qōn̄ ēn bur bēne **** di ne di ne sin̄ ēn mugin bur **** di ne vovo' **** bur rōs reksen bur mude **** raksag 'ōw'ōw dir ga da **** 'ōn dō n̄ar **** reksen 'ir n̄ar anē'ē dir ga da **** den ēn 'in̄igi **** dirēk da n bur **** dim sin̄ san ge 'anē'ē **** di ne vovo' gōr lēn qōn̄ **** lēn masōgi dim dim da esenē vaga vaga vaga **** dim da vaga senē **** e raga m̄ērm̄ēr 'a Nōs dirēk vesir ēn 'amagi won vēvēgi so **** n savas sisin̄ 'a suwenē **** dirēk tēk so **** vol qōn̄ lēn qōn̄ ma lēn qōn̄ 'asegēnē 'e m̄eter e rō m̄eter ne **** sagsag ne **** di 'i lik e rō ge 'anē 'i lik n 'amagi won vēvēgi durum vus seqeg **** dim kol lēn lōlō nim̄ēn kol lēn lōl2o nim̄ē **** dim kol sir won vovo' bologi 'eveg bologin m̄ōlm̄ōlēge dōl **** rekse 'ōw'ōw dir ga dir ga es nōre ma 'ōw'ōw dirēk **** n 'amagi vus seqeg di senē won vēvēgi **** din ren̄e ga wē soksok **** 'i lik 'eraga lumlumgav dir ga moros diē **** ba dirōlk da ma sir diē **** m 'ēn **** so **** dir ga 'eraga ga **** e m̄eter ga 'awis dirē **** 'aklēgi dirēk verver 'ō kel dir **** **** dirēk vusvus kel dir sir **** **** 'e dirēk van mak 'anam̄ēg 'erō m̄eter **** ba di ga 'awis dirē **** lēn qōn̄ ne vōwal Wowōt ne vesir e 'amagi so **** man ba n bur 'agēnēn **** 'amagim kalaka **** ne 'aram mē diē so **** 'ēn gōr **** nikē e Wowōt **** nik ē 'ēn gōr ēn ren̄e **** din m̄eter rekse e nikē **** di ga wē soksok **** rekse nikē ga wēe **** di rek di ga wē soksok **** som da **** so **** lēn masōgi dim rōn̄ 'esenē **** lēn qōn̄ ne vōwal lēn revrev masō... masōgin vulō ga sin̄ enteg lēn **** e raga m̄ērm̄ērem oror lēn sara **** 'ekēm vus 'aqurun̄ **** 'erē 'an̄sar dōlm mimi'ir **** 'enei ne van ma lēn dōdōmia mun e Wowōt **** so di ga moros **** ne van **** ne 'ēno san bur ē **** 'ekē 'a suwei so e sē [UNCLEAR] sava **** di ne dada sivie **** sin sav ren̄e **** si di ga wē sivie **** di ga moros **** ne van **** ne 'ēn **** 'erē 'an̄sara dōlm mi'ir **** di ne van **** dim len mugin riar vus **** gis **** lēn binēgi **** di ne vrigē **** vrig sur **** dim vrigē vrigē vrigē **** dim gor levgan bē bē ne vōwal **** dir ga ul **** son bē mēmēe **** rōvrōv'e 'enei dir ga ul **** son Alkētreva **** ba 'ōw'ōw dir ga ul **** son bē mēmēe **** dim gor legan bē 'anē **** ne gor kal sag lēn vum vrig vrigē **** ne din̄ 'a Ban̄lav **** dim v... 'ukeg den 'a **** Ban̄lav ne vivirigēm kal 'a Laln̄ē'ak lēn **** 'ukeg den ēn Laln̄ē'ak **** ne kal 'a Qugemel **** 'ukeg den ēn Qugemel **** ne kal 'a Mamles vunu 'a Mamles **** ne 'ukeg den [UNCLEAR] Mamles **** ne kal 'a Kalon **** 'ukeg den ēn Kalen **** ne kal 'a Qesōw **** masōgi dim rōvrōv'en Qesōw **** di ne 'ēn rak **** so rōvrōv'e nok din̄ē n 'ekē **** a nos vanvan ma sir **** **** rōv'e nok din̄ sa e erō m̄eter ē **** van din̄ rōw qel lēn bē ne vōwal **** dir ga ul **** so bē gōr wa'ag **** dim rōw qel lēn bē gōr wa'ag **** di ne siwsiw menteg **** ēn 'irbēgi **** ne visiw enteg **** lēn bē den ēn mesgi'en 'erē m̄ōgm̄ōglēge dōl **** managi di ga lama'i **** son ren̄es sag 'i **** ē din m̄eter **** ..m.. ..m **** 'irbēgim mēnmēn enteg den ēn mesgi'en 'erē m̄ōgm̄ōglēge dōl **** dim da mamas ēn 'irbēgi **** di e lama'i rōs **** dim men̄ mamas ēn 'irbēgi lēn sava **** ba dim da mamas qēn 'irbēgi **** di ne van **** dim vrig kal rōw lēn n̄ērēgi **** a ge 'ew'i dim dim van **** dim van lēn 'ew'i n̄ērēgi **** di ne 'ēn rak **** so n bur sar **** qē' di ne kal lēn me' **** dim van lu lēn me' **** dir ga ul **** son me' waswas **** masōgi dim van lēn me' waswas **** di ne 'ēn kal sag segēn lēn n̄ērēgi 'anē'ē sag **** dir ga ul **** so n̄ērēlan̄tir **** masōgi dim 'ēn kal sag **** di ne 'ēn ēn bur **** 'ekē dōl ēn ve' ne gitag **** ēn 'ekē mē'ēsal wuva sanē **** ba managi 'ōw'ōw nik e 'a'ag rōs ēn mē'ēsal **** si nik ē 'a'ag ēn mē'ēsala **** dir me kar nikē **** dir me vus nik lēn mē'ēsala **** managin 'erē 'an̄sar dōl ga mōrōs e m̄eter ē **** e raga lumlumgav dōl dir ga mōrōs e m̄eter ē **** e raga 'aklēgi ga sag gōr ēn mē'ēsala lēn qōn̄ **** 'aklēgi ga sag wal lēn [UNCLEAR] m̄on e m̄eter lēn qōn̄ **** som da **** so dim rem ēn qan̄ ve' 'anē'ē **** dim rem kal lēn qan̄ ve' 'anē'ē **** dim rem rem rem van vavavan **** dim rōvrōv'e sag **** di ne 'ēn **** so rōvrōv'e **** di ne momse **** dim mōnō momse gōr **** riar mugi sin vus dim mom 'i **** suwei lēn 'uvu (0.7) 'uvu ve' **** di e rem 'ō rōs **** **** ba lēn masōgi dim van kal sag **** dim momomse qē' **** dim dim rem kal lik **** dim kal sag **** dim rōw lu den ēn n̄ērēge **** dim rōw 'ir sar lēn mē'ēm̄ē **** dim 'ēn'ēn sar segēn **** m̄eters da 'i gēn **** ne vovo' **** ba lēn masōgi m̄eter ne rōn̄ **** son sava ne 'ēn'ēn no **** si dim rōn̄ rak lēn 'irbēgi **** so n sav ne vōwal rekso ne 'ēn'ēn no **** si 'a vēe si e sē din 'an̄s... n lu.. lumgav 'a vēe 'a 'e dima... dim 'ev'ē kal ēn nōgōgi **** segēn wo e Wowōt ne **** dim sus m.. mal **** m̄.. m̄eter mal 'ēn qal **** masōgi dim 'ēn qal diēn savam da lēn nōgin dōmia **** so dōdōmia nōgim len 'irm... n nōgōn e **** Wowōt **** so [UNCLEAR] n lumgav 'agēnē sa van lu ma 'a viē **** lēn masōgi di ga mōrōs ne 'ēvēr(?) **** so **** ne 'ēqēl kel so suw lēn ge **** mal qē' **** 'erō ge ne din̄ ma 'ekēgēn **** ne tēk so **** 'ei nikēm van lu ma 'a vēe **** van kal ma **** lēn masōgi dim van kal sar ma **** durus kakaka kelkel sir **** so siviēn kakaka muruō **** won ren̄e ē dim mōrōs diē **** dim 'ēn rak di **** so dim mōrōs diē **** e raga 'aklē lumlumgav 'aq 'i lēn 'erē qaqan̄gi anē segēn lēn mē'ēsal a suwei **** ne gōr ēn mē'ēsala **** dirs 'aq 'i **** dir ga 'ēn 'i **** masōgi durum kaka van vavavan **** di wo **** van ma **** duk kal ba'a lēn lōlō nim̄ē **** 'enei di ne le e Wowōt **** m̄eter ne le e Wowōt **** duruk kal ba'a lēn lōlō nim̄ē **** lēn masōgi durum kal ba'a lēn lōlō nim̄ē **** durum kaka **** kaka van van van **** enein savam da **** so e raga 'alēn miē e raga lumlumgav **** a rekso dir ga 'ir? **** lēn miē **** dirēk mom rak ēn dōdōmia ne vōwal **** vaga 'erō ge 'anē di ga 'awis gidē **** dōk da ma sir **** di ne 'awis **** dōk da ma sir **** di ne 'awis **** **** qiri 'anē san qin̄in e ge 'anē **** gidē me vus mama' di sa qiri **** son savam da **** so dirōl tēktēk van **** walēō dōl eraga lumlumgav [UNCLEAR] 'i 'anēn sava **** dirēm van **** dirēm kal ba'a **** dirēm gis varga e Wowōt **** dirēm da mama' diē **** dirēm rēv ēn momsegim da **** so Wowōt m ma' **** 'an kelegin masōgi m̄eter ne rara sir **** dirēk qērē ba'a di sar lēn m̄ogin nim̄ē **** qur ēn mē'ēm̄ē **** dirēm ot rak ēn (CORR) e **** van mam din̄ ēn n̄ērēgi 'a Lan̄tir **** kel qaqan̄ luwo segēn n qorogi luwo bēne suwei **** dirēm kalakam esn̄a vili di suw segēn **** di ne 'ir 'i lēn lōlōgi 'anē **** wo dirēk mul den **** **** lēn ma'avan masōgim.. dim ma'av **** 'amagin vēvēgi duruk sik di so **** kē ban NC man van ē? mal **** mal maran lava **** 'e di 'a viē **** duruk sik diēk van vevesir valakran 'erē nim̄ē rekse ma 'a Nōs **** siksik suwō **** so **** ke **** ne gitag kēgēn **** durum lama'i rak **** son kaka **** a dim vesir 'i kamaduō nōrnōr sir **** **** so e sēs n bur sin̄sin̄ 'a suwēnē **** kamadum 'aram **** mē diē **** 'enei di wunvam van kēnē **** masiava dim ma' **** 'amagi ne van sirēn nēnēn 'ubun e Wōwut **** ne tēk so **** nik me sik m̄as e n 'ubum **** m qēlēn̄ den kamadu lēn qōn̄ **** kamadu e lama'i rōs **** so di 'a viē 'enei **** wunva dim dim van gēr suwēn sir e eh m̄eter si siviē **** kamadu e lama'i rōs **** ba nik ē siksik 'eno **** so **** 'ōw'ōw e raga 'ōw'ōw dir ga ga asas ēn binirē esegēn **** lēn masōgi si e sēn savam qēlēn̄e **** e sēm van din̄ ma **** so e sē ga lama'in n dōdōmia agēnē **** di ne as ēn binigi **** dim van van van van **** dim qal gōr **** so 'ō n ge kēgēn **** 'an̄sara 'ekēgēn **** nikm vesir no sir **** ba di kēgēn **** 'ubun e Wōwut m da n san dōdōmia 'a sa nē'ē **** dim as ēn binigi segēn **** dim van van van **** van viaklu qēn n̄ēn̄ērēgi dōl 'a Vunu Lava **** dim qē'ēg lu ma kēgēn **** dim van vavan **** wo dim din̄ lēn Lates **** di ne kalrak suw ma **** ne van suw 'a Mē'ēsarig **** dim van rak suw ma lēn Lan̄tir **** wo nōgin vu' lēn binigi ne 'aram mē diē so **** nēn 'ubums 'ir 'i sag suwēn **** mal ma' **** di ne 'aram kel **** ne ulul kel man ni'igi n 'aman e Wōwut **** ne 'aram mē di so **** ni'im **** managi din Wōwut **** dirm vus diēs 'ir 'i sag 'i sag 'a Lan̄tir **** qē' n sava ne da **** duruk rara wuva sir **** **** sul dōlm rōn̄ **** dirēk van mak rara mē duruō **** sir ēn 'erē ge 'anē **** sir ēn 'erē dōdōmia 'anē'ē **** reksem ge 'anē'ē **** dirēk rara mē duru sir **** **** lēn qē' lēn dōdōmia 'anē'ēm qē' **** dirēm rara qē' sir **** **** 'enei ..eh.. n 'aman e Wōwut ne tēk mē e raga sul nōgi so **** si wo kimi me birin̄ m̄as no **** no ga mōrōs **** gēdēk van kel sir ēn ni'ik **** n qō gēnē **** won man̄ra gēnē **** no me gis **** gēdēk van **** so **** itok **** gēdēk van **** dirēm gis rak ēn nēnēn 'erē m̄ōgm̄ōglēge anē'ē man̄ra won qō raw **** dirēk van **** dirēm van **** vavavan din̄ 'a a Bēgorwa'ag **** dir dōl sag 'i kēnē **** dirēk vetren̄ ēn maranag ne vōwal 'ōn wis **** dim gis ēn wis ma' **** dim vanvan wo n qō won **** dirēm vetren̄ di 'ō **** dim van van van **** dim kal lēn vunu 'a Lan̄tir **** dim kal lēn vunu Lan̄tir **** di ne tēk mēn e raga 'a kēnē so **** kamam van kēl ma sir ēn 'irbēn 'irbēn e Wōwut **** maranaga 'a kēnē ne gis gōr ēn ēn 'eveg anē **** wo **** ne gis gōr ēn qō **** ne tēk mē dir so **** n mē'ēsalam ga 'uw mē nikē **** van **** le kel ēn ni'im sin 'ubum **** dirēk van **** van rōw din̄ man 'ekē 'a Gek **** 'e dis 'ir 'i va'a lēn ge **** di mal 'og wuva reksen qōn̄ ne vōve va'a **** 'irbēgi mal mulumlum **** rekse di mal mōnō qē'ēg ge bunō **** lēn masōgi 'anē sa rek... dirēm le kal kel **** diē dirēm m̄ōn **** gōr lēn du **** 'al di lēn du vog **** 'al gōr ēn 'irbēgi dōl **** den ēn lan̄ sin sav ga sēsēe ne rōw sag rana **** 'irbēgi dirēm sas **** dirēm 'al ēn woqe'enge rana **** dirēm sas rak **** den 'a Lan̄tir **** dirēm van 'ō din̄ kel **** 'a Nōs **** dim din̄ kel ma 'a Nōs **** n 'ubugi ne tēk mē di so **** kimi wom vavan 'ō **** kimi as mom valakra diē **** kimi mom ba'a **** lēn gamal muk **** di me 'ir 'i 'ekēnē **** kimi me veriv di lēn venē gamal **** di ne 'aq 'i kēnē **** dirēm van **** da 'a'ag reksen sava **** ubugim tēk **** mē dire **** lēn masōgin 'ubugim van mam 'ēn'ēn qē' diē **** di ne tēk mēn ni'igin 'am̄an 'aman e Wōwut **** ne tēk so **** no wom 'ōg 'ō' din nēnēn qōn̄ ne vōvisē 'ekēgēn **** no ga 'awis **** e sē ne vōwal ne van ma **** ne tēktēk mē no **** si **** ne kal ma lēn muk ēn gamal **** si ne kimi me 'ēn'ēn gōr **** den ēn 'an̄sar ne van ma **** no masgēk di masgēgi kamadu me 'og lēn ge 'alēn qōn̄ ne vōve **** da 'ag 'esenē **** so lēn masōgin **** lēn qōn̄ ne vōwal durum 'ōg'ōg lēn lōlō ge anē'ē **** manmana 'alēn nes n manmana 'alēn nēnēn siviēn n 'ubugim da diē dim **** di ga gis ēn du m̄ēl valgi 'agēnē won seg valgi 'agēnē **** manmana 'a bēne nes di me ul 'ar **** siviē nēnēn manmanam van **** wo e m̄eter dim e Wōwut dim dim es kēl 'an manmana **** nes 'a bēne rekse kama.. ..eh.. rōge 'agēnē me sur **** **** kimi me rōn̄ **** lēn ge **** 'ōw'ōw den ēn 'ir kaka ne van **** ne qē' [SONG] [SONG] [SONG] [SONG] [SONG] [SONG] [SONG] [SONG] [SONG] [SONG] [SONG] [SONG] **** di sa nē'ē **** n ka... n nes reksen manmana dim man di viaklun qōn̄ ne **** dim man viaklu san nes **** di sa nē'ē **** manmana nē n nes 'alēn n sērē 'ama' siviēn sērē 'ama' sar gēn **** dim man 'ar **** **** dim ululul ēn 'erē 'an̄sar dōl 'alēn 'erē 'ama' dōl 'alēn n̄ēn̄ērē 'ekē dōl rōwēn sargēn suwēn sagēn **** dim ulul qē' dirē 'erē 'ama' 'ekēnē **** dirēm van seserge ma **** 'alēn ga da **** so **** ne le kal kel ēn es nōn e Wōwut **** s ōn 'i lēn venē gamal ē **** masōgi dim vus diē 'esenē vavan **** dim din̄ ēn qōn̄ ne vō... **** 'irbēn e Wōwut ne rōn̄rōn̄ dōl ēn 'ekē **** dim vavavan **** wo dim din̄ ēn revrev **** dim ma'av kel sag ma **** Wōwut ne baer gogin gengen lēn qōn̄ velim nagi **** dim baer gongen gogi **** dim baer ēn bē **** 'enei di ne van kel ma rekse gidē **** kel dim es kel reksen 'irbēdē gidēn 'an̄sara **** gidē ga es qiri 'anei **** Wōwut dim es kel **** dim 'og lēn din senē **** mōnō misin gōr **** rekse wunva dim van lēn qōn̄ qōn̄ sam̄wul gēr senē **** di e kalu rōs lēn mēe **** dirēm vavan̄a wuva di lēn lēnēnēn lōlō nim̄ē **** 'ubugim van̄a wuva di **** durum gengen ēn gengen ga m̄ōn gēs **** inin rōs ēn bē **** duru ga 'og lēn gamal **** 'a'ag ēn gargar mamas **** rekse siviēn es nōn e Wōwut dim kel ma **** dim van **** ne 'aram lu **** mēn vēvēgi va'anē **** n 'ubugi ne kalu den ēn gamal **** di ne van **** ne 'aram mēn 'amagi won vēvēgi so **** Wōwut 'eneim es kel **** sōw 'enei di me 'og lēn gamal 'alēn qōn̄ sam̄wul **** 'og'og 'i **** di ne kaluō **** di ne kalu **** ne van kelkel va'anē **** ba di me kalu **** di me van 'ag ēn dōdōmia **** di e van kelkel valakra rōs **** ba di me van 'a'ag rekse n sava **** dir me van **** dir me van 'ōn laklaka **** 'an kele qōn̄ sam̄wul 'amagi won vēvēgi mal lama'i **** so dim es kel **** 'an kele qōn̄ sam̄wul dirēm rōr rak lik **** 'enei dirēm vetren̄ ēn rōrōgim van so **** itok kamam me van sag **** me dan laklaka ne vōwal **** dir ga ul **** so n resres dō n̄ar **** kamam me van **** me van 'ō man laklaka **** kamam ga mōrōs lak 'ō' e Wōwut **** lu kel sag sag nē **** managi dim ma' wōl lēn 'ekēnē **** itok kamam me lak lu kel 'i? sagē **** lēn masōgi dim van lēn kele qōn̄ sam̄wul **** dirēk van **** dim vanvan sir ēn qōn̄ sam̄wul wal dēmē ne vōruō **** dirēk 'an̄ vē'ēn n̄ērēgi 'a Nōs **** dirēk van **** dirēm van van vavavan **** dirēm din̄ ēn bē **** dirēk sag momse 'ekēnē **** managi nē? mal revrev **** lōo mal van **** dirēm saasag **** won 'ekēm miliglig enteg **** wo dirēk kalu lēn vunu 'a Lan̄tir **** dirēm kalu lēn vunu 'a Lan̄tir **** laklaka ēm van **** laklaka ne van **** ba lēn masōgi dirēk laklaka lēn lōlō ge 'anē'ē **** 'erō m̄eter ne van ma **** ne kalkal rērē segēne? **** rērē volvol sa e ragam laklaka nē **** managi dir ga da nōrēn nēn **** dir ga misig dirē **** dir ga dan 'erē m̄ōgm̄ōglēge **** dir ga 'al gōr enteg dirē **** di e 'ēn'ēn enteg rōs **** [UNCLEAR] di ne van **** ma ne rērē e ruwa **** 'agēn **** ō di **** di ga lama'i enteg wal **** so e Wōwut mal es kel **** ba dim da 'ēn? **** so di ne 'ēn qal **** dim 'ēn'ēn volvol e raga NC vavavan **** di ne 'ēn ma lēn venē 'an̄sar dōl **** di ne 'ēn ma 'an̄sar wuvas 'ir 'i **** di wo masi'ava di sa nē ba dir ga da menmen dir ga **** dir ga bul ēn n 'ōsōm̄ **** dir gan... ram kōrkōr ēn 'irbēgi **** da so 'irbēgi din din Wōwut **** mananagin 'irbēgi ga qagqaga **** 'irbēgi ga qagqaga **** di kōrkōr rōs rōs segēn **** ba di ga mōnō qagqaga **** 'irbēgi ga mōnō sin̄sin̄ ē **** da so da 'i din Wōwut sir sa nē'ē **** lēn masōgi dirēm dim 'ēn'ēn van **** di wo **** di sas 'ir 'i lēn venē 'ekē agēn **** 'an kelegi dim van ma **** dim wōr ēn 'erē 'an̄sar rekse lēn lōlō laklaka **** dim van van vavavan **** dim kal ba' **** dim van 'ēnēnē ma di segēn **** dim rērē menteg **** dim 'an̄ sag 'an nōgōn e Wōwut **** dim sarav **** 'esegēn **** dim 'an̄ sarav ēn nōgōn e Wōwut 'esegēn **** di ne 'ēn ēn 'ekē gam.. ga sin̄sin̄ lēn **** nōgōgi di **** dim ul ēn sogi **** wōwut ne vol diē **** dim kalakam gis vavarga diē **** kalu 'ō den din laklaka **** van kal ba' 'ō di lēn lōlō nim̄ m̄ogi **** ne gitag e sēn lumgav 'i **** ne gitag e sē 'amarga 'i lik si e **** ne van sir duru X **** ne van **** so **** ne vus lik **** si siviē **** managin sōm mal van gōr **** n qō mal van gōr **** 'erē m̄ōgm̄ōglēge dōl mal van gōr **** ne gitag lik ēn vusvus **** 'am̄a'a **** mananagin 'aman e Wōwut ga gis ēn wis ma' lēn **** so din̄ 'ekēnē **** reksen kaaka mun e Wōwut duru wunva dim din̄ 'ekēnē **** durum din̄ lēn kal ba'a lēn lōlō ge **** wo Wōwut dim le e m̄eter reksen gunugi **** durum mul kel ma 'a Nōs **** durum 'og 'i 'ekēnē **** duru wunvam ma' 'ekēnē lēn 'e ga mew va'a **** gide lama'i rōs **** kaaka wunva dim din̄ wuva 'ekēnē **** rekse eh n sava **** a no ga lama'i son kaka mun e Wōwut **** di wunvam van din̄ wuva 'ekēnē **** wunva **** qē' kēnē **** varian

• Interlinear Glossed Text • Utterance view

Text view

veraa_iswm

View options