Text view

veraa_gaqg

Recording date	2007
Speaker age	40
Speaker sex	m
Text genre	traditional narrative
Extended corpus	yes

Visualization: Text view Interlinear Glossed Text Utterance view

Javascript seems to be turned off, or there was a communication error. Turn on Javascript for more display options.

**** No me kakan kaka ne vōwal **** kaka 'anē dim 'a... 'amēn qono won **** lēn qōn̄ ne vōwal n qono won gusōwō **** duruō e lama'i kēl rōs duruō **** so duru me bulsal sēvēe **** qono dim gegen valakra vavan **** di ne van ma **** di ne sag kal kēkē lēn qoro bē **** kal sag kēkēn woqen ge ne vōwal sa **** 'enei **** ne sag **** 'amēn ga mi'ir **** di ne sagsag 'i **** di ne rērē qēl suwē **** di ne 'ēn **** suwēn gusōwō ne kalu den ēn qoro nanara lēn lōlō qoro bē **** 'ei di ne tēk suwō mēn gusōwō so **** 'ei nikē dada vie... sivie kēnē **** gusōwō ne kalraka **** ne tēk sag mē die **** 'ei bulsal 'enei gudu me bulsal **** sir e nik ga mi'ir **** kēkē no ga mi'ir qēl **** ba no ga mōrōs vesir nikē so **** nik ga 'ēn **** so qiri n wede luwo **** si **** ne gitag **** qono ne kal **** raka ne vol **** die ne tēk mē die **** 'o bulsal di me wede qiri **** ba di mas wede luwo m̄as **** n 'ekē ga gitok giva **** 'o ga gitok bulsal **** sir ēn **** nom vesir **** sirē nik ga mi'ir kēkē **** no ga mi'ir suwē **** gusōwō ne kal **** raka ne kal ba'a kēl lēn lōlō qoro **** as ōn 'i lēn qoro bē kōkō' 'i **** 'ekē ne qōn̄ ma' **** duruk mi'ir **** wede dim wede **** dim mul mō'ōl **** da bē dim kalu ma **** dim 'ōn bē nanara 'a **** nē 'ō luō 'a **** lo van lēn **** ma'ava ma **** gusuwō ne ne ne lam̄a'a **** di ne 'ēn **** so n n m̄ogi **** a dis mi'ir 'i lōlōgi **** tabalbal **** ne van rōw **** ne van sar **** dim lama'i raka **** so di man sal luō l... 'a vie lēn vemimie lēn **** gōsuwō ne kal **** raka ne rōw lēn nanara luma **** sag k... kēkē' rōw? den **** ēn qorogi luma suwē ne **** rōw kal luma **** ne sag 'i **** dōdōmia mugi ne van **** ne van **** ne vavan **** lēn masōgi di me dōm 'ar ēn sava ne vōwal **** me le die **** me van kēl lēn lōlō vunuō **** dim sag sag sag vavavan **** di ne 'ēn rōw ma **** ne 'awokal **** ne 'awokal 'anēn nuō **** 'ei bulsal nik ē dada sivie lēn bē nanara anē **** 'o bulsal **** gōsuwō ne tēk mē di **** no nom 'ōg 'i **** nom mi'ir 'i lēn qoro nanara **** ba nanara 'anē di ga ōn lēn qoro bē kōkō' **** ban qono sam gal no ē **** so di mas wede luwo m̄as **** lēn qōn̄ da so nom kal ba'a lēn kēl lēn m̄ōk **** lēn qōn̄ ēn wede dim wede **** n bēm 'ō' 'ō' no van vavavan **** kalu ma lēn veminie 'anē lēn lōlō naw 'anē **** 'enei nos sag 'i 'anē **** no lama'i ros **** so no me van kal kēl sēvēe lēn n̄ērē'iē **** nuō dim rōn̄ 'esenē **** di ne tēk mē di so **** bulsal no no me birin̄ nikē **** 'amēn ga van 'ō nikē **** nik ē sag kēkē ma lēn kolok **** nok van 'ō' nikē **** son gusōwō dim rōn̄rōn̄ 'i senē **** dim kal **** raka lēn lōlōgim **** malaklaka di ne rōw kēkē lēn **** nuō nuō ne van 'ō **** nuōm n gusuwō dim rem kal rōw lēn kolo nuō **** nuō ne van van **** duruk siw **** siw vavavavavan **** van din̄ man n̄erē'iē **** 'a vie di me mom di bēne **** nuō ne rem 'ō kal di lēn n̄ērē'iē **** van [UNCLEAR] sar lēn nōn **** gusuwō ne rōw sur den **** **** ne virig sar lēn wōm̄ōm̄ō' **** ne gilgil ēn qorogi **** 'amē tēk ēn tata mēn e 'amēn ga tēk ēn varian mēn e gusuwō 'ee nuō **** 'amēn ga tēk ēn tat... 'm varian mēn e **** wo n 'an̄sar ne vōruō ne kalu wōl lēn n̄ērsigi wōlē **** durum van ma **** van ma **** vavavavan ma **** din̄ ma **** duruk 'ēn mul ēn nuō **** ge'ew'i ne mulō **** ne tanem **** **** ne v... vil... **** wil 'a lan̄ ge'ew'i ne v..v..wil 'a **** qē' duruk vrig kal kēl lēn lōlō vunu **** 'aram mēn e maranaga **** maranaga godēn kēl bigbig rōwē **** kadu man wil 'a lan̄ **** son sava **** n nuō **** sul dirēk 'ēqēl **** 'al marmar ēn nuō 'anē **** van 'ō kal ma **** **** dirēk van 'ō' sar **** van 'ō' sar **** lēn vunuō **** lēn revrev dirēk qē'ēg 'ewen nev **** 'amēn ga ban̄ris ēn nuō 'anē **** dirēk 'ewe kal sag ēn nev **** won qono ne gav ma **** n qono ne gav ma **** di ne tēk mēn e mēn e gusuwō **** gusuwō **** 'amēn ga birin̄ nikē **** wo nik me birin̄ ēn vuvulum **** a rekso **** 'ō' nik 'ō' nik ma den ēn naw **** 'ō ba **** 'ō' ma nik lēn n̄ērē'iē **** no me dan dōdōmia 'a **** lēn masōgi dirēm van sar **** dirēm 'ewe kal ēn nev **** no no me laka wōlē **** no me sor ēn 'erē m̄ēm̄ēlege rekson n sav... n..no... dir **** me 'ēn ga gitok **** mē no **** no me van **** no me 'ir lēn serege **** no me laka **** n sul dōl dir me van ma **** dir me dir me 'ēn **** nok laklaka **** nikē nik ē van **** nik ē kur kirm̄ō san gaga **** a dirēm 'al ēn nuō bēne **** dan nuō ne 'ēqēl kēl **** ne mul kēl lēn vonogi **** gusuwō so **** 'o bulsal ga gitok **** som van din̄ man masōgi **** rekso 'amēn 'ewen nev **** dir'ōlm 'ewe kēl kal sag qē'n nev **** n rōrōgi ne van ma **** so n n qono di me lak wōl **** 'amēn sul dirēk 'ēn **** **** son qono dim van ma 'ōn nōgin qeseg **** 'ir suw lēn serege 'anē **** laklaka **** laklaka **** n sul dōl e raga dōl lēn qan̄ris **** a dirēm 'e'ewe 'ewe kal ēn nev **** dir qē' wōl lēn serege **** dirēk 'ēn **** ēn qono ne laklaka **** qono dim laka laka laka laka laka laka laka **** gōsuwō ne rōw sur **** rōw lu den ēn qorogi **** ne van **** van din̄ man 'ekē **** a dirēm 'ewen nev bēne **** ne n 'ōon nuō ga ōn salma **** 'amēn dirēk dirēk 'ēv **** dirēk qan̄ris **** **** dim v... rōw kal sag lēn n n 'aqa nuwōm **** kur kur **** kuuōkur kur kirm̄ō qēn **** n nuō dim lan̄lan̄ ēn binigi **** wēl wēl wēl 'a vir kēl diē **** di ne 'ēqēl **** van 'a'ag ēn mē'ēsala **** ne 'ēqēl **** van van vavavan **** ne van din̄ man n naw **** dim van din̄ man naw **** di ne kal **** raka di ne wōswōs ēn **** dim lan̄ ēn naw vag'ōl **** qono sar lēn sērēge di ga rōn̄ 'i **** so nuō di wom van qē' **** di me lan̄ ēn naw vag'ōl **** qono ne qē' laklaka sar lēn sērēge **** so dim van din̄ rōw ēn naw **** dim lan̄ ēn naw vag'ōl **** n qono dim rōn̄ **** so n nuō di man din̄ lēn naw **** di ne kal **** raka di ne tēk mēn 'e raga sul **** wunva e raga sul ēn sava no me no me da 'aram **** mē kimi **** sin laklaka no me lak 'aram **** mē kimi **** di di vuva sa nē **** no me qē' **** so lēn masōgi 'anē 'e raga dir'ōlm kal **** raka van kēl lēn **** 'ekē a rekso dirē me qan̄ris ēn nuō gore **** dirēk din̄ ma **** dirēk 'ēn vuva **** ēn gagas ōn 'i **** ne gitag ēn nuō bene **** nuō man van kēl **** son n kakaka **** 'e sēvēen gōsuwō dim sal 'i lēn bē **** wo dim kēl ma lēn n̄ērē'iē **** a... 'esēvēen dim 'm...'m... m **** tēktēk lēn qono sin qono dim **** wunvan kakaka di me qe'i wuva sa kēnē

• Interlinear Glossed Text • Utterance view

Text view

veraa_gaqg

View options