Text view

veraa_gabg

Recording date	2007
Speaker age	40
Speaker sex	m
Text genre	traditional narrative
Extended corpus	yes

Visualization: Text view Interlinear Glossed Text Utterance view

Javascript seems to be turned off, or there was a communication error. Turn on Javascript for more display options.

**** lēn qōn̄ ne vōwal n buskat won gōsuwō **** duru 'a 'ow'ow lēn vunu ne vōwal lēn nim̄ē ne vōwal **** durum 'og kēlkēl **** qōn̄ ne vōwal n 'ekē ga i'in lēn lōlō m̄oruō **** buskat ne tek mēn e gōsuwō **** bulsal gōduk van tetel 'a lo **** gōsuwō ne tek mēn e buskat **** 'alē bulsal duk van **** durum van van van **** 'ēqel din̄ suw 'a lo **** me' ga kō' **** n buskat ne tek mēn e gōsuwō **** 'ō bul dum van ma 'anē' **** n me' ga rōrvō kō' **** gōsuwō ne tek kel mēn e buskat **** bul si wo gidu vanvan lēn me' lēn vovon̄odo **** ba nik me 'a'aram enteg mē no **** sin mem lōl **** nik me 'a'aram enteg **** mē no **** wōle no dowdow ros **** wo no ga se' lē... lēn **** sin nawm qal no **** si nom dow **** no me ma' **** gōsuwō ne ka... **** buskat ne **** kalraka ne tek mē di **** o ga gitok bulsal **** no me 'ēn'ēn **** nom 'ēn **** si son me'm lōl **** no me no mak 'aram enteg **** mē nikē **** durm van rōw **** vovon̄odo **** buskat di 'ōn qē gogo magarsine bus... buskat di 'ōn **** vus won n gōsuwō di 'ōn **** durum vovon̄odo vovon̄odo vovon̄odo vavan **** n bēlēl **** a rekson gōsuwō ga gis **** dim wur nēnēn **** duruk van kal **** van kal sar lēn n̄ērē'iē **** me' ne lōl kal ma **** durum din̄ sar **** gōsuwō ne tek mēn e buskat **** bulsal non milin̄sal **** gōsuwō gōsuwō nēm tek mēn e buskat **** bulsal non milin̄sal **** buskat ne kalraka **** ne tek so **** 'ēqēk 'a 'ow'ow **** nom da 'i **** sa sarmanē **** duō vekres qēn mes **** duk van sar **** duk 'ēn **** **** duk van lulu **** duk van lu bēne **** duk 'ēn **** so sin wova'al bēne **** duk gen **** **** qē' gēdu mak mulō **** gōsuwō ne tek mēn e buskat **** o ga gitok **** durum vekres qē' ēn mes **** van kal **** van kal sar lēn 'ēqē **** duruk 'ēn sagēn **** 'ēn'ēn volvol n 'erē 'uvu' 'uvu' wova'al 'anē'ē **** ne gitag qē' **** bēne **** 'uvu' 'uvu' va'al ne vōwal wuva wēwē ne wēwē ne vōwal ga mine **** buskat ne kalraka **** ne tek so **** o bul wēwē wova'al ne vōwal sarēnē ga mine **** ne'ē sa gēdu me gen **** ē **** ba 'enei e sē me rem **** gusuwō ne kalraka **** ne tek so **** o bul nik sa me rem ē **** wanag e buskat ne tek so **** o wōlēn 'ēqēk **** gudum van ma **** nik me rem **** e gōsuwō ne tek so **** bul no mas rem m̄as **** sirēn 'erē wulen busuk ga tiktik **** si **** ga qōqō soksok **** 'amēn nok kor ēn qan̄ wova'al **** gusuwō ne tek ne tek mēn buskat **** buskat si bul nik sa me rem ēn wova'al ē **** sire 'erē wōwōle qe busum di ga luluwō **** nikēm 'aq mēn qan̄ wova'al **** nik me kor marmar m̄as **** nik ē van kal m̄as **** buskat ne tēk mēn e gōsuwō so **** no mas rem no mas rem ros **** nike nik me rem **** durum tek kēlkēl mē duru senē va **** buskat ne tēk mēn e gōsuwō so **** nik ē rem **** alē gōsuwō ne rem **** gusuwōm rem rem rerem rem rerem **** rem din̄ sagē **** buskat ne sagsag lēn qe'an **** ne tek mē di **** bul wova'al ē di sa nē **** alē gōsuwō ne van 'aval wova'al 'anē **** 'ēqēl ma wal (sarēn) gakō wova'al 'anē **** buskat ne 'aram ēnteg mē diē **** dim sag sur suwō **** dim kur 'ēn san gako wova'al ē **** buskat ne al qēl suwē lēn qe'an **** gusuwō dim 'ēn esenē **** vidir kal ma sagē lēn wova'al luma **** sagē kur ēn **** qorogi ne qē'ēg kurkur ēn qorogi **** buskat dim sag dar dar dar dar dar dar van van va **** o bul rōvrōv'ē nik ē kur kirm̄ōn gako wova'al ē **** o bul rōrōv'e **** qe'i mōnōgi lik **** ba di e lama'i di e lama'i ros bēne **** so sagē gōsuwō di man tēv luluma sagē **** di man 'ēqēl van **** dan qorogin **** di man kur ēn 'erē wēwē wova'al 'alēn lōlōgi **** ēn 'aqagi man 'oq **** di ne 'av'av luō **** di nēk gen vēlē gusuwō n buskat suwēn 'a milin̄sal en milin̄sal **** bul nom dar va **** va va va **** gusuwō ne tek qēl ma mē die **** bulsal rōvrōv'e rōvrōv'e **** ne kirm̄ō **** dar kēlkēl **** dar kēlkēl va **** n buskat ne tek kal lik ma mē die **** bul nik ga misin va'i **** nok rem kal sag sa 'ēnē **** nok kur mama' nikē birin̄ san wova'al anē'ē **** gusuwō ne dim rōn̄ 'i sene **** kur kur kur lōlō wova'al **** m kur qē' **** 'av'av sug lēn lōlō wova'al 'anē **** kalu kel den ēn qoro wova'al qoro wēwē wova'al 'anē **** van lēn **** 'ēqēl lēn 'aval wō... **** 'ēqēl 'ēqēl 'ēqēl 'ēqēl **** 'ēqēl suw lēn qe'an **** buskat e 'ēn wal ros die **** 'ēqēl din̄ suwō **** van rak sar lēn m̄ō' **** a viēn wōm̄ōm̄ō' **** dim 'ōg bēne **** gil ēn qaran̄a ne vōwal kēnē' **** sag sag 'i sar lēn ma'a qaran̄a **** buskat dim dar kēlkēl **** dar kēlkēl vanvan **** ne rem **** ne rem kal sag din̄ man wova'al **** 'a rekson ga mine **** ne 'ēn suw lēn lōlōgi **** o bulsal ba sogo nikēm dōrōg gal no **** ga itok **** nik ē van **** nom sōk sier nik a viē **** qin̄im sa kēnē' **** no me kur nikē **** no me kur qēqē **** ban qi'im vuva di me 'ōg 'i **** sin gō... gōlōm vuva di me 'ōg **** so n kakaka dim din̄ kēnē' **** si nik ē 'ēn'ēn menteg qiri enei **** buskat dim sōk sier ēn gusuwō **** di me kur mama' ēn gusuwō **** sirēn sava **** sirēn wova'al **** rekso milin̄sal m qal duruō **** durum van lēn 'ēqē' **** gusuwō dim dōrōg ēn buskat **** so n kakaka dim qē' 'i sa kēnē'

• Interlinear Glossed Text • Utterance view

Text view

veraa_gabg

View options